8. Tula Para sa Kanya

Bakit hanggang ngayon
Ay mahal pa rin kita
Kahit alam ko sa sarili ko
Na hindi mo na ako mahal?

Bakit hanggang ngayon
Ay ikaw pa rin, sinta
Kahit iniwan mo na ako
Lumuluhang mag-isa?

Sinabi ko sa puso't isipan ko
Na mamahalin pa rin kita
Hanggang sa dumating ang panahon
Ang mahal mo ay iba na.

Ngunit ngayo'y napagtanto ko
Kailangan na kitang pakawalan
Dahil pinagtagpo lang naman tayo
At hindi itinadhana.