My Contest Entry on Catharsis II: Fourth Battle

"Akin siya, akin lang siya!" paulit-ulit na palahaw ng pagnanasa sa kawaling paunti-unting pumupukaw. Parating na ang panahong ito'y paliliyaban at pamumunuan. Kampon ko kayong tunay. Kinakalaban ko ang Diyos at kayo'y sumusuway. Sungay ko'y inyong sinasalamin—sobra-sobrang paghahangad na ang sapat ay naging salat. Kaya heto ako, uubusin kayo. Tumataginting na ang mga kampana. Kumakaway na sa kalangitan ang karagatan. Umiinit na rin ang kawaling kahihinantungan—kanlungan ng putahe sa papalapit na katapusan. Handa ka na bang maging panghabambuhay na kasangkapan?