" Ye ap mjhe kahan le ja rhe hain "

Ayesha ki ankhon pr maine makhmali patti bandhi hui thi, uski saalgirah ka tohfa main usse dena chahta tha.

' Sssh.. Thori der sabar rkho bas, khud hi pata chal jayega. '

Main usse shehar se bahar, apne farmhouse pr laya tha.

" Meri ankhen tw kholen pls?? "

' Tmhe ab mjhpr bharosa nahi raha na?? '

Main uska haath thaame, pool side pr le aya tha. Pool main maine khoobsurat pattiyon se Happy Birthday Aish likhwaya tha, aur saath hi nanhe munhe candles pool ko aur dilkash bana rhe thay.

Pool se kuch faasle pr ek table arrange kya tha, jahan pr maine khud se banaya hua pineapple cake rakha tha aur uske saath hi uske psndeeda peelay gulab ke phool.

Ahistagi se maine uski ankhon ki patti ko khola, aur uske reaction ko dekhne ke liye intezar krne laga. Mera dil seene mai reh kr bohat beqaboo ho rha tha, ye uski pehli saalgirah thi aur main usse bohat yaadgaar banana chahta tha.

" Farooq!!!! Ya Allah!! I am so happy, I am so happy! Apko meri birthday yad thi? Wese tw exams ki dates aur dusri har important date bhool jane ke maahir thay aap phir ye kese?? "

Aurat ki fitrat ka keera usse bahar nikla tha, pata nahi ye aurten kb shukarguzaar bnegi.

' Tum apni khushi ka izhar kr rhi ho ya mjhe taana de rhi ho? Aish yr, haan main manta hun main dates main itna acha nahi hun lekin tm meri biwi ho... Tmse munsalik koi bhi cheez main kese bhool skta hun? '

Muskurate huay maine uski ankhon main dekha aur wahan apne liye pyaar pa kar khush hua.

Itne main call ki ghnti bji aur mahol main bila zrurat dhakal aa warid hua, ye kon hay main...

' Aish, excuse me yar. Aik zroori call hay bus do mint main attend krke ata hun. '

Maine apne chehre ko gherzruri taish se saaf rkhte huay, ek normal expression ke saath kaha.

Kuch door ja kr maine call recieve ki aur apna ghussa nikalna shuru kya,

' Tumhe kitni baar smjhaya hay mjhe out of office hours main disturb mat kya kro. '

" Nahi.. Nahi.. Woh.. Woh... Hooriya, seerhyon se gir gyi hay uske sar se kafi khoon beh rha hay. Ap pls.. Agar ajayen tw... "

' Hooriya??? Tmhe smjh nahi ata seema ke baby ka khyal theek se rkha kro?? Bohat hogya ab. Main tumhe talaq deta hun. Araha hun main apni bachi ko lene. '

Aur jab maine jaldi jaldi mai phone jaib main dalte huay palta, tw samne Ayesha ankhen herat se phelaye mjhe aur phir phone ko dekh rhi thi.

Kaash, uss ne kuch na suna ho...