Dehleez pe, mere dil ki... Jo rakhe hain tu ne qadam,
Tere naam pe... Meri zindagi likh di mere humdum,
Haan seekha maine jeena jeena,
Kese jeena,
Haan seekha maine jeena mere humdum,
Na seekha kabhi jeena jeena,
Kese jeena jeena,
Tere bina humdum

Speaker se loud music bjne ki wajah se mjhe Farooq aur uske doston ki awaaz blkl nahi arahai thi. Mariya aur Jaweria, mjhe iss changed avatar main dekh ke hairan thin.Main itne deeni khyalat ki nahi thi pehle ke prda krti, magar hijab zroor krti thi.

Kuch hi der main Farooq ghusse se meri traf brhne laga, aur phir maine dono ko excuse krte huay uske sath terrace ki traf chal parri. Terrace se poore shehar ka bohat khubsurat manzr nazar araha tha, jagmagati lights ki aur chalti hui gaariyo ki ronaq upar se bohat acha view de rhi thee.

" Tumhe pata hay ke Zoyan tm main interested tha? "

Farooq , railing se apni kamar lagaye seene pe hath bandhe huay meri traf dekh rha tha. Uski ankhon main ghussa tha, yun lgrha tha jese mere jawab pr uska mood munhasir ho. Ye tw main janti thi je wo mjhe le kr bohat junooni tha, usse shaadi krna meri mohabbat ki wajah thi . Lekin ab najane kiun uska yun baar baar mjhpr shak krna, mjhe khal rha tha.

' Ap ye kiun discuss kr rhe hain? Ap jante hain na main sirf ap se mohabbat krti thi, tabhi jab ap ne mjhe rishta bheja tw mainr bina kuch soche smjhe foran apna jawab bhej dya. Aur mjhe iss se faraq nahi parta ke kon mjhmai dilchaspi rkhta hay. '

" Kbhi hona bhi nahi chahye, wrna tum janti ho acha nahi hoga. Main tum se bohat mohabbat krta hun, tum pr kisi aur ka haq nahi dekh skta. Tum par sirf mera haq hay, tum meri mankuha ho. Mjhe zoyan pr bharosa ab bhi hay, wo tw main Junaid ki baat pr thora sehem gya tha. "

Farooq ne mera hath pkar kr uspe bosa dya aur phir mjhe apne side se galay lagate huay sar pr bosa lya aur ab hum main hall ki traf chal rhe thay.

Music abhi bhi chal rha tha, lekin ab awaz thori dheemi thi. Farooq deeni khyalat ke malik thay, lekin kbhi kbhar dunyawi rango main bhi dhal jate thay. Najane kiun mjhe unse mohabbat thi, unka mere liye fikr krna, jazbat rkhna, acha lagta tha. Lekin kbhi kbhi mera dum ghutne lagta tha, unki zara si lagzish mjhe khauf dilati thi, darr lgta tha ke kaheen kuch ghalat hojaye mjhse tw pata nahi uska kya radde amal hoga.

Mohabbat main ye usool bohat purana tha, ke mohabbat kro tw bharosa bhi kro wrna mohabbat krna fazool hay.