Ahad:

Wo itni khubsurat thi, mjhe yaqeen hogya tha ke wo Khuda ke behtareen shahkaron main se ek karishma thi.

Uska purkashish sehar'angez chehra ab meri janib murra hua tha. Maine uske galon ko sehlate huay ahistagi se uske mathay ko chooma.

' Subah Bakhair masterpiece. '

Iss nam se usse pukarte huay mere hont khud bakhud muskurane lage thay, mjhe bus uske jaagne ka intezar tha taake wo iss naam ko sun kr kuch react kre. Lekin wo shayad abhi tak neend ki waadiyo mai shehzadi bni ghoom rhi thi.

Maine socha thori masti krli jaye, isse behtar faida uthane ka moqa aur kb milega, wese bhi wo kuch hi der mai apne maike jane wali thi mjhse door...

Apni unglian uske baazuon pr pherne laga, aur phir uske chehre pr atay huay baalon ko uske kaan ke piche krte huay maine usse wahan pr pyar kya. Jispr uski neend ka khumaar toota aur wo ekdum se satpata kr uth bethi.

" Tum. "

' Yes masterpiece it's, your beloved husband. '

" Masterpiece? Wo kyun? "

Maine usse apni banho ke hisaar main gherte huay apne seene se lagaya,

' Masterpiece kyuke Tmhe sab se behtareen aur khubsurat bnane wale ne bnaya hay, Islye kyuke Tmhare haseen aur munfarid rang tmhari zaat mai istrah se shamil hain ke jese asmaan pr bikhre qos'oqazah ke saat rang. Tm waqae ek Hoor ho. Mere liye tw Allah ne meri Hoor dunya mai hi mjhe de di, ab jannat mai jauga tw bhala kisi aur hoor mai mjhe kese dilchaspi hogi... Kyuke meri deewangi ka aalam ye hay ke tum mere room room mai gardish krti ho, meri soch tmhare hisaar ke tabsare krti hay aur meri rooh har wo raasta dhundti hay jo tmhari rooh tk jata hay. Hooriya, I love you. '

Sharm ke maare uski ankhen chamak rhi thin aur chehre pr shadabi saaf numayan thi.

J:

6 saal hochuke hain mjhe tarapte huay, uski mohabbat ko umeed ke sehra mai jhulaste jhulaste, dhundte huay. Lekin wo mjhe nahi mili. Hmesha se yahi hua hay mere sath ke meri mohabbat kisi aur ke hisse mai daal di jati hay, mai nahi janta Allah mere sath aesa kyun kr rha hay.

Usse mohabbat hojana kisi bhi ghaur krne wale insan ke liye mushkil nahi tha, wo hay hi aesi. Jo bhi usse janne lage, wo uske mohabbat ke sehr mai giraftar huay bgher,azaad nahi reh skta.

Ayesha ke kehne pr maine uske sath bohat bura kya tha, lekin ab mjhe apni ghalti ka ehsas hay. Main apni ghalti ko sudharna chahta hun, jis shakhs ko wo maseeha smjhti thi wo uska maseeha hi hay.

Asmaan ki taraf sar ko utha kr maine dil se Allah ko pukara:

Na hi mjhe meri pehli mohabbat mili aur na mjhe meri dusri mohabbat mil payi, wo bhi mjhse kisi aur ne cheen li.
Ab mjhse sabar nahi ho skega Khudaya!!

Main apni mohabbat ke sath zulm nhi hone duga, nainsaafi ka phanda nahi charhne duga, is baar meri mohabbat ko koi aur mjhse nahi cheen skega.Main apni mohabbat ko paa kr rahuga, iss baar zaroor. Ye Junaid ka waada hay.