Ayesha:

Shayad qismat aur Khuda dono mera sath de rhe thay. Ye khush khbri isse ache moqe pr nahi hoskti thi. Jese hi Zoyaan ne mere munh se ye alfaz sune, pehle tw wo beyaqeeni ke aalam mai mjhse qare khafa huay ke mai kis trah ka mazaq kr rhi hu lekin phr jab maine apni baat ki sachai ko waazeh kya tw tb jaa kr unhe yaqeen hua aur wo khushi se pagal ho rhe thay.

Isi bat ka tw mjhe faida uthana tha. Unki shiddat bhari mohabbat ka. Mai aj bhi Farooq ko nahi bhooli thi. Agar Farooq zinda hote tw mere jism mai palne wali aulaad...

Aah... Kher... Maine fesla krlya tha ke kese bhi krke Zoyaan ko Islamabad jaane se rokugi kyuke agar aesa nahi hota tw mera poora plan fail hojata. Aur main ye ksi soorat brdasht nahi krskti thi. Inn chaar saalon ka ek ek din maine inethai karb o aziat mai guzara tha, har din mjhe Farooq ki yaad satati ... Aur har din uss manhoos ka chehra dekh kr uski maa yaad ati, jiski wjah se Farooq mjhe chor kr hmesha ke liye chale gye.

Har din maine uss manhoos ko apne hatho se khilaya, sirf ayr sirf Zoyaan ke samne acha banne ke liye, aur Zoyaan mjhse kaafi khush rehne lage thay... Apni maa ki trah hi ye bhi bohat ziddi thi, aj tk us ne mjhe 'maa' nahi kaha tha. Mai konsa mari ja rhi thi, acha hua jo us ne itna muqaddas lafz apni gndi zaban se mere liye istemal nahi kya.

Kher ab wo manhoos yahan se ja rhi thi isse brh kr mere liye khushi ki inteha aur kya ho skti thi?!

Yahi sochte sochte raat ka kuch pehar bhi guzar chuka tha aur ab subah ka ujala ahista ahista phelne laga tha. Meri zindagi ki subah tw aj hui thi.

' Zoyaan uthen! Hooriya ko chorne jana hay na station pe. Jaldi uthen der hojayegi. '

" S.. station? "

' Haan hooriya aj ja rhi hay na Islamabad ! Uthye bhi! '

" Oh. Hooriya. Wo Station se nahi jayegi maine uski air tickets book ki hain. Wo aaraam aur sukun ke sath jayegi. Mai nahi chahta meri beti dhakke khati phire. "

' Ek tw ap bhi na. Kya zroorat.. '

" Zroorat hay. Meri beti hay wo. Tmhari baat maan kr nahi ja rha mai uske sath aur apni meeting bhi videocall pr schedule krdi hay, itna tw farz bnta hay mera uski hifazat aur uske aram ka intezam kru. "

Ab wo uth kr fresh hone chle gye thay aur iss dauran mere paas moqa tha ke mai Hooriya ke saath mohabbat se baat kru. Ksi bhi trah ke shaq ki gunjaish nahi chorna chahti thi mai.

••••

" Haan theek hay. Flight dopeher ke 3 bjay tk land hogi. Tmhe yaad hay na kya krna hay? "

' Lekin ... Lekin ...main...main kese... Main aesa nahi... '

" Sab baat tay ho chuki hay. Ab tm piche nahi hatt sakte. Jesa kaha hay wesa hi krna hoga. Wrna mai Zoyaan ko sb bta ke Seema ki maut Farooq ki wjah se nahi blke tmhari wjah se hui hay. Aur tm soch skte ho agar ye baat Zoyaan ko pata chal gyi tw agay kya hoga. Farooq unka dost tha. Shayad wo usse phr b maaf krdege magar tm apna anjaam soch skte ho, jab Farooq ko srf ... "

'... tmhe kese pata chla ke.. Seema ko maine maara h? '

" Kyuke tm Farooq se nafrat krte thay. Aur jb tmhe pata chla tha ki shadi mjhse ho chuki hay, tab tmne ye pentra aazmaya. Tmne Farooq ki har harkat pr nazar rkhi hui thi. Aur jb Seema , Farooq se khula le chuki thi tb tmne socha kyun na ab Seema ko maar dya jaye take qanoonan aur har trah se ilzam Farooq pr lagaya jaye. Lekin phr jab tmne dekha ke Zoyaan ne Seema se nikkah krlya hay tb tm piche hatt gye. Lekin phr b tmne unki hrkato pr nazar rkhni nahi chori thi. Tbhi tmne moqa dekh kr Seema ko jaan se maar dala aur phr jese tmne chaha wese hi hua, ilzam Farooq pr laga. Aur Zoyaan ne isi wjah se Uski jaan le li. Aah. Tmhare paas koi dusra option nahi hay, tmhe aesa hi krna hoga. "

' Theek hay. Jesa tmne kaha hay blkl wesa hoga. '

A/N

Hello and Salam beuatiful readers!
Next chapter se Hooriya ka POV bhi show krugi kiunke ab agay uska role ehem hone wala hay.
Keep the love coming, prhye lekin vote krna na bhoolye. Pls!