Zoyan:

Maine akhir usse uske anjam tk pohcha dya. Alhamdulillah. Pata nahi sahi kya ya ghalat. Lekin jo feelings maine itne arse daba kr rkhi , uski khatir liya gya ye qadam yaqeenan theek tha. Aur... Aur Farooq mjhe maarne wala tha, maine palat kr uski gun ussi par taan li, ye self defense tha... Khoon nahi.

Jab uss ne meri biwi ko marte huay ye nahi socha ke wo ek khooni bnrha hay tw main kiun sochu? Albatta hmare zawye alag thay Farooq ne jan bujh kr apne raste ke kaante ko hatane ke liye meri biwi ka khoon kya aur maine ... Maine srf self defense mai kya... Meri biwi ke khoon ke badle. Wese bhi Quran ka yahi hukum hay ke khoon ke badle khoon, ankh ke badle ankh , nak ke badle nak.

Uski body ko ek plastic ke barre se sheet main lapet kr ghaseet'ta hua main apni gaari tk laya aur phir uss gaari main apni seema ko aur farooq ko sath laita dya, farooq ke hatho main gun thama di take aesa lage ke wo khooni hay aur apni jaan bhi uss ne khud di hay.

Kuch ghante pehle,

Jese hi mera sar gaari ke steering se tkraya aik lmhe ke liye mera sar chkrane laga, chaut shayad itni zyada na thi jiski wjah se mjhe kch ghnte main hosh agaya tha. Ankhen kholi tw main hospital main tha aur mere samne Farooq kharra tha.

' Tum yahan? T.. Tum ne meri jaan kyun bachai? '

Main ne mushkil se kaha , mera gala khushk horha tha.

" Islye ke main chahta tha tmhari jaan main apne hath se khud lu "

Aik shaitani muskurahat ke sath uss ne mere mathay pr hath phera aur phir dusre hi lmhe gun blkl sar ke beech main rkhi.

" Tmhe kya laga tha sirf seema ko maar kr mera maqsad poora hojayega? Nahi. ye tw blkl sahi smjha ke seema ko maine maara... "

Lekin ab bohat hochuka tha, wo meri zindagi se istrah nahi khel skta tha. Uske baaton main hone ka faida utha kr maine uski tang pr apni tang de maari jispr uska tawazun bigra aur uske hath se gun seedha mere bed pr parri, maine gun foran apne hath main pakar kr uspr taan li. Ab uski ankhon main herat aur khauf saaf dikh rha tha. Usko mere aese qadam ki harghiz tawaqa nahi thi.

" Mjhe ek mauqa de do. Main.. Main.. Waada krta hun.. Tm jesa chahoge wesa hi hoga... Bus wesa hi hogaa... Plzs... Meri... "

' Khbrdar jo tmne apni gndi zaban se meri biwi ka naam bhi liya tw. Tmhara khel khatam. Mohabbat ko junoon smjhte thay na tm, ab dekhlo apne junoon ka tamasha. Tmhare junoon ka gala khud apne hathon se ghotuga main. '

"  Nahi.. nahi.. Pls.. Nahi. "

Aur phir maine goli chala di.

Choonke raat ka waqt tha duty pr hone wali nurse aur guards maze se apni neend ki jhonkian le rhe thay maine farooq ko kisitrah bhi utha kr yahan se le gya aur apni gaari main usse daal dya. Seema ke khoon ki bu ab gaari main phel chuki thi. Aur mjhe bs iss baat ka afsos tha ke main usse bacha nahi paya, lekin ab main mutmaieen tha maine badla le lya tha.

Ab,

Number plate ke nut bolts ko khol kr gaari ko bina number plate ka chor dya ta'ake police ki tafteesh main diqat ho aur isko aik murder ke bajaye accident hi smjha jaye. Lekin mjhe shak tha is baat ka islye main zehn main tyyari krchuka tha ke ab mjhe kya krna hay.

Main Ayesha ke ghar pohcha aur usse sb kch bata dya . Lekin wahi btaya jo main usse batana chahhta tha.

Ayesha, tum nahi janti main tum se kitni mohabbat krta hun . Mjhe afsos ke sath tmhe ye btana prr rha hay ke tm jiski bodies dekhne ja rhi thi wo aik farooq aur dusri seema ki thi.

Seema ka khoon krne ke baad yaqeenan usko pachtawa ho rha tha. Wo mjhse mila tha, main jb seema ko hospital le ja rha tha mera raste main accident hogya jiske baad main kch ghnte baad hospital main paya gya. Aur mere samne Farooq khra tha. Us ne mjhpe gun taani hui thi aur kehrha tha ke uss ne meri jaan tw bachai hay magar sirf iss wjah se kiunke wo khud meri jaan lena chahta tha.

Maine usko bohat smjhaya ye tak kaha ke main usse seema ke khoon ke liye maaf krne ko tyyar hu magar wo nahi maana, mera sar chakra rha tha magar phir bhi maine uthne ki koshish ki aur usse gun cheen'ni chahi. Gun jhapatne ke chkkar main uss se trigger dab gya aur gun ki nok uske sar ki traf thi tw uski gun se uska khud ka khoon hogya. Main nahi hun zimedar. Plz tm mjhe zimedar mat smjhna.

Ayesha jab se hum sath prh rhe thay tab se hi mere dil main tmhare liye junoon tha , main apne ehsasaat ko chupate huay aya tha . Aj tak maine har lamha sirf aur sirf saha hay brdasht kya hay, wo aik aik lamha jb Farooq tmhare qareeb hota tha mjhpe kisi jahanam ke azaab ki trah lagta tha, jb wo tmhari tareef krta tha mera dil bohat jalta tha, khoon badan main goya jalta hua angara mehsus hota tha,maine hmesha se sirf tum se air sirf tum se mohabbat ki hay... Magar tm kabhi smjh nahi payi...
Maine tmhe ktni baar btane ki koshish ki thi, magar... Phir jb college khatam hua tw job aur studies ke liye Farooq beroone mulk chala gya, jiske baad hmari mulaqat uss din party main hi hui thi. Uss din main tmhe sbke samne propose krne wala tha, mjhe kya pata tha ke jashn ka ye sama mere liye matam ki gharri bnjayga. Farooq ne apni shadi ka card mere hath main thama kr aag ka gola mere hath main rkhdya tha, tmhara naam uske naam ke sath jorre dekh mera dil khoon ke ansoo ro rha tha. Jo insan tmhe itne arse se sabr ke sth jeetna chah rha tha wo haar chuka tha, aur ek aese insan ne tmhe jeeta tha jiski mohabbat meri mohabbat ke agay blkl bekaar thi... Bewuqqat thi.

Ye story ke akhri chand chapters rehte hain bus.
Ap sb ka bohat shukrya iss story main sath dene ke liye, psnd ayi ho story tw zrur share kijye apne doston se.
Aur vote krna na bhoolen, specially silent readers. Plz :)