' Farooq... Ap meri baat tw sunen pls... Pls, aesa mat kren. Hooriya mere bghair nahi reh payegi. '

Maine apne hath jorte huay, inke qadmon main girr kr faryad ki thi. Meri halat aesi thi go ke kaato , tw lahu nahi. Kbhi apne bure khwab main bhi maine ye tasawur nahi kya tha ke mere naseeb main aesa kuch lkha hua hoga.

Hooriya ke sar par chot lgne ki wjah se wo 4 ghnto se behosh thi, treatment ke bawjood usse ab tak hosh nahi aya tha. Doctors keh rhe thay ke ap bus dua kren ke ye theek hojaye, koi andruni chaut na ayi ho wrna recovery mushkil hojayegi.

Abhi main namaz ki jagah pr bethi Allah se iltija kr hi rhi thi ke ek toofan bina kisi dastak ke kmre main dakhil hua, tahajud ka waqt tha islye yahan mere ilawa koi bhi nahi tha.

Farooq ne mjhe Talaq de di thi, aur ek baar nahi... Teen baar... Mere andar se jese kisi ne sara khoon nikal dya ho, aese waqt pr tw aik humsfar ka sath chahye hota hay taake tassali ke do bol se umeed ki kiran nazar aye, wo akhir hmari beti thi.

" Main ab kch bhi nahi sunna chahta tmhare munh se. Hooriya wahan zyada mehfooz aur theek rhegi. Tum se tw uska khyal theek se rkha nahi jata, aur dusri baat mjhe ab tum pr pese khrch krne mai koi faida nahi nazar araha. Tw maine socha is museebat se chutkara hi paa lya jaye! "

' Nahi plss, Nahi '

Farooq chahte thay ke Hooriya ab orphanage mai rahe, jese uske maa baap... Jese.. Jese wo ek lawaris ho.

' Main ne aj tak apni zaban pr koi shikwa nahi aane dya, lekin aj kahugi. Ap ne apni zindagi main hmesha se wahi kya jo apke dimagh ne kaha, dil ki ap ne kbhi suni hi nahi. Ye nam, ye izzat, ye rutba jo apka hay wo mere naseeb se hi apki zindagi main aya. Wrna kahan ap aur kahan kamyabi.
Ye mat bhoolen ke jin peson pr ap ayyashi krte hen, apna raub jamate hain wo sab mere mrhoom baap ki dui hui kheraat hay '

Farooq ye sun kr ghusse se aag ugalne lage thay, unka hath mere chehre ki traf brh hi raha tha ke hawa main akaar sakat hogya.

' Kya hua, haath nahi utha pa rhe? Ek mard ki gherat jaag gyi kya? Ye baat kaan khol kr sunlo, tmhare talaq dene se main tw azaad hogyi, magar main apni beti ko khud se door kbhi nahi hone dugi. '