' Ap kis se  batain kr rhe thay? Aur apki bachi matlab? '

Wahi hua tha jiska darr tha, shayad Ayesha ne sun liya tha wo sb jo usse kbhi nahi sunna tha. Main koi jurm tw nahi kr rha tha kiuke Islam hmain chaar shadyon ki ijazat deta hay, aur wese bhi Seema se shadi krna meri zindagi ki sbse barri ghlti thi. Ab mjhpr uski zimedari bojh lgti thi, main Ayesha se mohabbat krta tha islye usse is bat ki bhanak tk nahi lgne dena chahta tha. Magar , hmesha wahi hota hay jo apko manzoor nahi hota.

" Bachi? Kya hua Ayesha tmhari tbyat ko, phir se panic attacks arahe hain kya? Dekho main tw apna client se bat kr rha tha, wo apni bachi ke bare main bata rha tha ke uska accident hogya hay. Bus. Wo mera bohat purana client hay islye mere munh se meri bachi nikal gya hoga. Tum preshan mat ho, Aish. Tm yahan pr blkl safe ho. Filhal andr jao aur araam kro, jb tk main nahi ata apne kmre ka drwaza bnd hi rkhna. Okay? "

Uske mathay ko choomte huay, maine usse apne seene se lgaya aur tassali dene ke liye aur apni baton pr bharosa dilwane ke liyw uski peeth ko sehlane laga.

' Allah uss bachi ko sehat o afiyat de. Jaldi wapas ayega. '

Uss ne meri baat ko sach man lya tha, Khuda tera shukr ke Tu ne mera parda rakh lya tha. Main ye raz kbhi bhi Ayesha ke samne aane nahi duga, wrna wo mjhe chor kr chli jayegi. Jistrah main chahta tha ke meri mohabbat pr sirf uska haq ho, ussi trah wo bhi chahti thi ke uski mohabbat pr sirf mera haq ho. Lekin badqismati se aesa nahi tha, Seema bhi meri hi zindagi ka hissa thi. Main usse lakh nazron se door rkhe huay thay, magar phir bhi uski nishani thi jo mjhe kbhi bhi chain ki sans lene nahi deti thi. Hooriya.

Car ko main road ki traf brhate huay meri girift steering pr sakht thi, aur unglyan sfed horhi thin. Mjhe smjh nahi araha tha ke Seema se aesi la parwahi kese hogyi thi, mjhe apni beti ke bare main us pr andha aitemad nahi krna chahye tha.
Jab main hi aesa baap tha jisse apni zimedari se koi taluq na tha, tw usse kiun hoga phir! Mjhe ghussa bhi araha tha aur herat bhi horhi thi, shayad ek lakh rupay ki tnkhwah uske liye kam thi.

Mjhe iss masle ka hal jald se jald nikalna tha aur main soch chuka tha ke mjhe iske liye kya krna chahye, wo tw shukr hay Ayesha ne aj meri bat pr yaqeen krlya. Wrna...