TYRALIQUE HUAVEN

"SHIT. FUCK. DAMN. It's Harmony at naliligo siya sa sariling dugo!" sigaw ni Nikkadin habang pinupunasan ang dugo sa kanyang puting blouse.

"S-Sino ang may gawa nito? Like, really? Sa lahat ng tao-bakit si Harmony?" tanong ni Daelan habang nakatingin sa bangkay.

Tatakbo na sana ako nang maunahan ako ni Cole. Agad niyang niyakap ang katawan ni Harmony at kung hindi ako nagkakamali ay umiiyak siya, naghihinagpis. Totoong mga luha ang dumaloy sa kanyang pisngi. Hindi ko alam kung ano ang maramdaman sa mga oras na ito. Naging kaibigan ko si Harmony at ngayong may pumatay sa kanya, hindi ko alam kung ano ang dapat kong gawin.

Sino ang pumatay sa kanya?

O baka nama'y nagpakamatay siya?

Malabo. Kahit sandali lang kami nagkakilala ay alam kong hindi kayang patayin ni Harmony ang sarili. Sino naman ang papatay sa isang taong walang ibang ginawa kundi ang gumawa ng kabutihan? Bakit ito nangyayari sa buhay ko? Bakit sinusundan ako ng kamalasan? Nakakainis. Kung kailan gusto kong bumangon at lumakad paabante ay naulit na naman kung ano ang tinatakasan ko.

Tama pa ba itong desisyon na ginawa ko? Parang mali yata. Kahit saang anggulo ko tingnan, hindi tama itong nangyayari sa buhay ko.

"Sino ang may ganang pumatay kay Harmony? Tandaan niyong lahat ito," saad ni Cole habang niyayakap pa rin ang walang buhay na katawan ni Harmony. "Hahanapin ko kung sino ang pumatay sa girlfriend ko at walang awa ko ring papatayin"

Girlfriend niya si Harmony? Hindi ko alam iyon, a.

Nagkumpulan kaming lahat sa likod hanggang sa bumukas ang pintuan at bumungad sa amin ang nagtatawanan na sina Sir Chin at Jade. Nang makita nila kaming nagkagulo sa likurang bahagi ng silid ay agad silang tumakbo sa aming puwesto.

"Shit. Anong nangyari? Bakit duguan si Harmony? Ano na naman ang ginawa mo sa kaibigan ko, Cole?" sunod-sunod na tanong ni Jade at sinugod si Cole na siyang galit pa rin habang niyayakap ang katawan ng kanyang kaaintahan.

Nagmamadaling umalis si Sir Chin habang naiwan kaming lahat na nagkagulo pa rin sa silid. Pinigilan ng mga kaibigan ni Cole si Jade na sumisigaw na rin sa galit. Sinisisi ni Jade ang walang kamuwang-muwang na si Cole sa pagkamatay ni Harmony.

Wait, ano ba ang nangyayari? Naguguluhan ako na ako, e.

"Buhay ang kinuha, kaya buhay rin ang magiging kapalit. Tandaan niyong lahat ang sinabi ko dahil hahanapin ko kung sino ang pumatay kay Harmony!" sigaw ni Cole.

Bago lumala ang gulo ay dumating si Sir Chin kasama ang iba pang mga guro at isang police officer. Pinalabas kaming lahat na siyang sinunod na walang pagdadalawang isip ng aking mga kaklase. Aalis na sana ako nang may mapansin ako sa loob ng kahon-isang red envelope.

Bago ako mahuli at mapagbintangan ay kinuha ko ito kaagad at itinago sa bulsa. Nakatingin pa rin ako kay Harmony habang palabas ng silid.

Hindi ako makapaniwalang wala na siya.

Masaya pa kaming nagkukulitan kaninang umaga. Tapos madadatnan namin siyang walang buhay? Totoo ngang bagong salta lang ako sa paaralan na ito. Wala akong alam sa kanilang lahat. Bukod sa kanilang mga pangalan ay wala na akong alam tungkol sa kanila.

Nakaupo kaming lahat sa field. Naghihintay sa kung ano ang gagawin ng aming mga guro. Nang maalala ko ang red envelope ay agad ko itong kinuha at walang pagdududang binuksan. Bumungad sa akin ang isang tiniklop na papel, katulad na lamang sa ipinakita ni Vanessa. Paulit-ulit kong binasa ang nakasulat sa papel, pero wala akong maintindihan.

Anong game?

Konektado ba ito sa gagawin naming school activity? Hindi rin. May namatay at hindi isang laro ang nangyari.

"What game does it mean?"

Walang pasabi kong itinapon ang hawak kong papel nang marinig ang boses ng aking mga kaklase. Hindi ko namalayang lumapit na pala sila sa akin.

Agad kong itinuro ang papel bago kinalma ang sarili. Wala akong ideya sa larong tinutukoy ng sulat. Shit. Nasa kahon ang pulang envelope-hindi kaya si Harmony ang tinutukoy sa sulat? Larong patayan ba ito?

"Saan mo nakuha ito, Tyra?" tanong ni May at saka pinulot ang itinapon kong papel.

"Nakita ko lang 'yan sa kahon na paglalagyan ng mga walis. Baka importante, kaya kinuha ko bago lumapit ang mga police officer sa bangkay ni Harmony. Promise, wala akong kinalaman diyan." Depensa ko sa aking sarili.

"Chill ka lang, Tyra. Nagtatanong lang naman ako." Ibinigay ni May ang sulat kay Daemon, ang taong iiwasan ko panghabang buhay.

"Miss Choi? Sa kanya galing ang red envelope kanina, baka sa kanya rin galing ito." Saad ni Phoeb bago kinuha ang papel sa kamay ni Daemon.

"Sino naman si Loreley? Wala akong kilala na nagngangalang Loreley, kahit sa kabilang seksyon," sambit ni Brint bago kinuha ang papel kay Phoeb at saka ito inamoy. "Ang sabi niyo kanina ay walang amoy ang envelope, right?"

"Tama, amoy ordinaryong papel lang ang envelope kanina." Sagot ni Sperry sa mala-detective naming kaklase.

"Pati na ang papel," puna ni Vanessa.

"But this one is different. It smells like blood, or I don't fucking know."

Ibinigay ni Brint ang papel kay Chaevon. Inamoy niya rin ito upang kumpirmahin ang sinabi ng kanyang kaibigan.

"Baka kay Harmony, 'di ba?" tanong ni Chaevon bago ipinasa kay Yukiro ang papel.

"May ideya ba kayo kung sino ang pumatay kay Harmony?" tanong ni Arius.

"Kung sinuman ang kahina-hinala sa ating klase, baka siya ang pumatay. Malalaman ko rin iyan sa mga sumusunod na araw. Magkakamatayan tayong lahat kapag hindi mahanap ang taong pumatay kay Harmony." Sambit ni Cole bago tumayo at naunang umalis ng field.

Ilang oras kaming naghihintay hanggang sa sumapit ang gabi. Ang iba kong mga kaklase ay nakatulog sa kanilang kinauupuan habang ang grupo ni Arius ay desisdong naghihintay sa kung ano ang kasunod na mangyayari.

Ilang minuto lang ay inilabas ng mga pulisya ang bangkay ni Harmony. Isinakay nila ito sa kararaging lang na ambulansya. Kinalaunan ay pinabalik kami sa aming mga dorm na para bang walang nangyari.

And then it hit me.

Sa pagkakataon na ito ay wala akong nakikitang awa sa kanilang mga mata, pati na ang mga mata ni Jade. Para bang walang namatay sa aming klase ngayong araw. Nagsimulang magbangayan ang grupo ni Sty habang nag-uusap tungkol sa mga beauty products ang grupo ni May.

Sa isang sulok ay payapang nakaupo si Cessqua. Nilalaruan niya ang mga bato sa kanyang kamay at may ngiti sa kanyang labi.

"Dumiretso kayo sa dorm ni Daemon, okay? The party will start at eight." Anunsyo ni Phoeb bago sinundan ang kanyang mga kaibigan.

"Tuloy pa rin ang party?" tanong ko kay Jade na siyang kasabay ko sa paglalakad.

Tumango siya at tinapik ang aking balikat. "It's a tradition for a very long time that new students will never understand. Isa itong party bago tayo mawalan ng oras para sa mga ganitong bagay. Hindi biro ang mga gagawin nating activities ngayong summer, Tyra."

"Pero. . ."

Tiningnan ko si Jade sa huling pagkakataon bago tumango. New student-I should probably know my place.

Tweet your thoughts and use #DGSLies on Instagram, Facebook, or TikTok.