I wish I had a lower IQ so that I could think of an insult you'd understand.

--

Dama made sure that she set the alarm of her new cheap phone before going to bed. Ayaw na nyang magigising sa buhos ng tubig mula sa atribidang pinsan-pinsanan.

Pero kinabukasan...

*splash*

Napasigaw ng mura ang dalaga.

"Ano ba!" Nangggagalaiti sya sa pinsan-pinsanan na nakatayo lang sa tabi ng higaan nya, may naka-drape itong towel sa balikat at tooth brush sa bibig. Yung ipangmumumog sana nito ang ipinambuhos nito sa kanya.

"Tanghali na." He said blandly.

"So?! May alarm ako!"

"Sho?" Pang-gagaya nito sa kanya. Zelo removed his tooth brush from his mouth. "Bumangong ka nga ak magwalish ng bakurang. Bilish!" Tumatalsik-talsik pa yung bula mula sa bibig nito na lalong nagpa-irita sa dalaga. 

"Kadiri! Lumabas ka na nga! Natatalbugan ako ng virus mo!" Itinulak nya palabas si Zelo at saka hinanap sa higaan ang cellphone nya.

Mabuti na lang at nasa ilalim ito ng unan--sayang din naman kapag nabasa. Wala syang pamalit.

Padabog syang lumabas ng kwarto. Nakita nyang nagbibihis ng uniform na pampasok ang batang si Meera.

"Good morning ate!" Nakangiting bati nito sa kanya.

"Walang maganda sa morning kaya 'wag kang ngumiti dyan."

"Ate bat basa ka?" Kunot-noong tanong ng bata.

"Tanong mo sa kuya mo!" Pairap nyang sagot. She stormed to the bathroom para maligo. Sinadya nyang unahan si Zelo na kakaigib pa mandin ng tatlong timbang tubig. Bilang ganti--inubos ni Dama ang tatlong timbang iyon.

Galit na galit si Zelo paglabas ni Dama ng cr. Napa-igib pa tuloy ito bago nakaligo ng maayos.

--

School...

Uso pala sa kanila ang mag-antayan sa ilalim ng punong mangga. Hindi na nagulat si Dama ng makita niyang nakaupo dun sa paikot na semento si Eula at nagpapaganda na naman. Parang ganung order din sila laging dumarating. Kaunahan sa school si Eula, tapos dadating silang tatlo nina Zelo at Eli. Saka darating bigla si Lei at pinakang-huli naman si Keeme.

Hindi rin uso ang politeness sa magbabarkada.

Naranasan na ni Dama ang mahablotan ng kinakain... courtesy of Keeme. Ang halos minu-minutong pambabara ni Lei. Ang nakakairitang pangaral ni Eula. Ang pagiging shunga ni Eli na nakakaapekto rin sa utak nila.

At syempre pa, ang pang-aalaska ng pinsan nya.

First time nya ring makaranas ng hayagang pangongopya sa katabi. Hindi kase sya nag-aral kagabi kaya eto sya... umaasa sa papel ni Eli. Magkakatabi silang anim during the quiz. Si Zelo ang pinakang-mina ng sagot. Pasimple naman iyong kokopyahin ni Eli. Tapos sinisilip naman ni Dama. Si Lei naman sa kabila ni Zelo tapos si Keeme... na nanghahablot ng papel kapag hindi maintindihan yung sinusulat ng katabi.

But oddly enough, si Lei at Zelo lang ang tumataas ang scores. Si Lei kase, mayaman sa stock knowledge. Si Zelo.. matalino talaga saka masipag mag-aral. Pagdating kay Eli, naiiba yung sagot ni Zelo.

Namamali kase ng spelling.

"Kokopya ka lang mali pa?!" Reklamo sa kanya ni Dama during lunch break.

"Eh sorry naman! Tintakpan kase ni Zelo yung papel nya." Depensa ni Eli.

"Tinatakpan ko pa yun? Eh halos ilagay ko na nga sa armchair mo yung papel ko."

"Ang liit mo kase magsulat!" Nakapout na sabi ni Eli.

"Madamot ka lang talaga!" Naiiritang sabi naman ni Dama sa pinsan.

Lei defended Zelo. "Kayo na nga ang nangongopya, kayo pa ang nagrereklamo?" Inisa-isa nyang tiningnan ang apat. "Next time kase--mag-aaral kayo!"

"Kuu! Nagsalita! Porket naka-20 over 30 ka lang, nagmamayabang ka na?" 

Binatukan ni Lei si Keeme. "Lul! 21 ako, di lang pinagbigyan yung isa kase namali ng spelling!"

"Kelan pa naging right ang wrong spelling? Duh? Shunga lang?" Si Dama ang nagsalita.

"Wow... nahiya naman ako sa TWO mo teh!" Lei retorted.

"Oy kumakain tayo. Respeto naman." Saway ni Eula sa kanila.

"Nagsalita ang zero." Pambubuko ni Keeme.

"Luh--zero ka?" Tanong ni Eli sa kanya sabay tawa. Nagsisunudan na rin sila. Mga adik lang eh. Palagi silang ganun. Kaya palaging agaw atensiyon sa mga kumakain sa kubo.

Kaingayan kase sila.

--

Sabado.

Isinuot ulit ni Dama ng damit ni Telma dahil wala pa rin syang ibang damit. Napipilitan na nga lang syang magsuot ng daster sa bahay eh. 

Kagaya ng napag-usapan, ngayon sila mamimili ng mga bagong damit nya. Excited na syang makapasok ulit sa mall at bumili sa mga paborito nyang stores. She wished na sana nandun pa yung black and gold dress sa Nine West na nakita nya last week.

Excited na syang bumili ng bagong damit. Never pa kase syang nag-ulit ng damit sa buong buhay nya--let alone damit ng katulong.

"Sang mall ba tayo mamimili?"

"Mall?" Takang tanong ni Zelo sa kanya. 

She nodded. "Glorietta na lang ha? Mas maraming boutiques dun eh."

"Mall?" He sneered. "Asa ka? Sa palengke tayo mamimili."

"Ano? Ayoko!"

Ni hindi alam ni Dama ang itsura ng palengke. She has this crazy idea in her head na sobrang dami lang ng tao at basura tapos nagkalat sa kalsada ang mga tinitinda ng palengke sa Pilipinas. Isa pa lang kase ang napupuntahan nyang palengke--ang flea market sa Greece.

"Ayaw mo? Ayaw mo talaga?"

She huffed. "Eh kase naman--"

"Wag ka ng mag-inarte dyan. Lilimang libo lang ang pera mo."

"What?! My gosh! That's not even enough for a pair of earrings!" Dama's earrings are usually worth 15K or so. The cheapest was seven. 

Zelo rolled his eyes at her. "Maraming hikaw dun... tig-lilimang piso."

"For sure naman magkakasugat-sugat ang tenga ko dun."

"Eh di 'wag kang maghikaw."

She sighed. "Wala na ngang pabango, wala pang earrings? Mygosh--I'm so poor!"

"Indeed you are." Nakangising sagot ng binata.

inirapan nya ito. "Whatever. Pagka-graduate ko naman, balik na 'ko sa dati kong buhay."

"That is--kung makaka-graduate ka."

"Naman!"

"Quiz pa nga lang, bokya ka na eh. Pano pa kaya sa finals?" Naiiling na tanong ni Zelo. Lumabas na sila ng bahay para daanan si Eli.

"Syempre quiz lang yun. Di yun importante. Babawi na lang ako sa finals."

"Wag ka ng umasang papatularin kita ng sagot."

"Eh di 'wag! FYI lang--I have four other friends that I can count on!"

Tumawa ng malakas si Zelo.

"Ayos yan! Kita-kita kayo next year!"

Hindi na lang pinansin ni Dama ang sarcastic remarks ng pinsan. Mabuti na lang nga at lumabas na ng bahay si Eli. Ayun... naglakad na sila papuntang palengke.

--

Sa palengke...

"Grabe, ang init!" Reklamo ni Dama.

"Magkutsara ka."

"HAHAHA. Nakakatawa sya promise!"

"Ang adik nyong magpinsan no?" Puna ni Eli.

"Oo nga, buti hindi kayo nagpapatayan sa bahay no?" Lei inquired.

"Hayaan nyo--malapit na." Nakangising sagot ni Dama.

"Kapag pinatay mo 'ko, hindi mo malalaman kung san ko itinatago yung allowance mo kaya mag-ingat-ingat ka."

"Tsk. Wala ka na bang ibang pang-blackmail?"

"Wala na eh. Gawa ka ng katangahan para merong bago." Sagot nito sa kanya.

"Teka nga, san ba kase tayo bibili?"

"Ayan o!" Tumuro silang lima sa iba't ibang dereksyon. "Ang dami-dami ng tindahan eh."

Dama rolled her eyes at the options presented to her. Bukod sa cheap na nga at low-quality, pare-pareho pa ang mga style.

She could she a whole line of shirts na iisa lang ang design--malaking heart sa gitna. Kulay lang ang naiba.

Tinulungan naman syang mamili ng mga kasama. Syempre pa, lahat inayawan nya--pero given na nakay Zelo ang pera nya, si Zelo na ang bumibili kahit ayaw nya.

All in all, nakabili sila ng 50 shirts and tank tops (3 for 100 pa yung iba), shorts, foot socks, belts, a pair of shoes saka earrings--na tig-lilimang piso ang isang pares.

Inabot sila ng tanghalian kaya nag-decide sila na dun na rin kumain sa palengke.

First time ni Dama na makatikim ng pancit canton na nasa isang malaking platter tapos kikiam ang lahok. At syempre pa, pera nya yung ipinambayad nila. Saklap.

Pagkatapos nilang kumain, nagkaayaan ang magbabarkada na bumili ng identical wristbands para sa kanila. At dahil si Dama ang magbabayad--sya ang namili ng kulay.

Purple.

"Ang cute!" Eula exclaimed.

"Kaso purple... tss." Reklamo ni Keeme.

"O? May angal? Eh di hubadin mo!" Naiiritang sabi ni Dama.

"Biro lang! Palagi ka namang high blood!"

"Don't say bad things about purple!"

"Don't say bad things about purple! Bleehck!" Nasusuyang pang-gagaya ni Keeme sa sinabi nya. "Dami mong arte."

"Ano? Mag-aaway na naman? Pahi-pahinga din." Eli said.

"Oo nga. Saka yung nomo natin. Ano na? May pera ka ba?" Tanong ni Lei kay Dama.

"Anla! Bat ako lang? Hindi kayo aambag? Aba aba--pakapalan ng mukha?"

"Sus. Dami pang reklamo. Zelo ano na?" Sumahod si Lei kay Zelo.

Binigyan sya nito ng 500. "O... pass muna ako."

"Bakit?" Sabay-sabay nilang tanong.

"Di ako pinayagan eh." Napakamot si Zelo.

"Ba yang nililigawan mo? Makapagbawal naman--girlfriend?"

Nagulat si Dama. Di kase nya sukat akalain na nagkakagusto pala sa babae itong si Zelo. Lalong di nya lubos maisip na may nagpapaligaw dito.

"May niliigawan ka?" Tanong nya dito.

"Di mo alam? Ano'ng klase kang pinsan?" Tanong naman sa kanya ni Eula.

"Eh hindi naman kami close. Saka haller... makapambulyaw naman kase yan..." Sagot nya sabay irap kay Zelo.

"Deserving ka naman sa pambubulyaw ko pinsan." Nakangiting sabi ni Zelo sa kanya sabay akbay. Inis na pinalis yun ni Dama.

"Iniisip ko pa lang na pinsan kita, nasusuka na 'ko."

"Ako nga nasuka na eh." Ganting sagot naman ni Zelo.

Nagtawanan sina Lei.

"Ang arte nyo! Magpinsan nga kayo!"

With that remark, nag-irapan ang dalawa. Ni civilized citizens nga, hindi nila ma-portray tapos bumebenta pala sa mga kabarkada ang acting nilang magpinsan sila?

"Ano Zelo? Di ka talaga sasama?"

Umiling si Zelo. "Baka magalit eh."

"Sus! Taob!"

"Ganyan talaga... hayaan nyo na."

"Sabihin mo naman kay Tassie sagutin ka na. Aba eh last year ka pa nanliligaw dun ah?"

"Hayaan nyo... darating din sya dyan."

"Sana di ka sagutin. Karma mo na sa pag-aaway sa 'kin." Remarks naman ni Dama sabay belat.

Itinaas ni Zelo ang dalawang kamay at inilapit sa mukha ni Dama. Tapos ayun--SPLAT. Parang papatay lang ng lamok si Zelo pero imbis na lamok ang pisutin--eh yung pisngi ng pinsan ang napagdiskitahan.

Nginitian nya ng pagkatamis-tamis si Dama.

"Kapag ikaw nagdilang-anghel... humanda ka sa 'kin."

xxxxx

AN: Sorry sa sabaw na UD. Dinaldal kase ako ng mga kasama ko sa bahay kaya hindi ako nakapag-isip ng matino. Haha... bukas ulit! May picture ng wristbands nila kaso nasa group ko sa FB.

Yun lang... good night! ^^