Hai en galego moitas expresións que son tan propias da nosa zona e tan usadas pola xente que vive en Galicia que ás veces non nos damos conta que o resto do mundo non as coñece, pero iso vai cambiar.

Aquí vai unha mostra desas nosas manifestacións cunha pequena explicación.

Marcho que teño que marchar: un adeus totalmente inevitable.

A modiño: despacio e con coidado.

Ser un miñaxoia: ser unha persoa floxa, sen astucia ...

Facer as beiras: intentar ligar con alguén.

Éche o que hai: frase de resignación.

Vas dormir quente: ameaza típica dunha nai galega.

Quedar coma un Pepe: quedar cheo despois dunha comida.

Poñerse rabudo: sacar a pasear o mal xenio.

Está feito un toxo: ser igual de agradable que un arbusto con espiñas.

O que ten cu ten medo: todo o mundo ten medo.

Caer chuzos de punta: expresión usada cando chove con moita intensidade.

E ti de quen vés sendo?: pregunta típica dunha avoa ou unha señora para averiguar de que familia es.

Malo será: expresión optimista.

A unha carreiriña dun can: a pouca distancia.

Traballar de balde: traballar gratis, sen cobrar nada.

Morra o conto: dar por rematada unha polémica, non falar máis dese tema.