Simula na naman ng bagong buwan! Ibig sabihin nito, may bago na namang isyu ang ating newsletter!

Para sa isyung ito, aming kinapanayam ang mga sumusunod:

Wattpad Stars: CreepyPervy, UndeniablyGorgeous

Undiscovered Writers: archivesniayeng, ladywhirlwind

Wattpad Ambassadors: Adjaxxent, wordsandlenses

Halina't kilalanin natin sila!

---

Wattpad Stars

CreepyPervy used her blood to weave her soul and create a new world. Nagsimula siyang magsulat ng mga kwento gamit ang papel at lapis sa murang edad hanggang sa matuklasan niya ang Wattpad na naging sandalan niya sa mga panahon na kailangan niya ng pahinga at karamay. Mananatiling mga salita at letra ang magiging kaibigan niya hanggang sa huling sandali. 

>>I-click ito upang mabasa ang interview ni CreepyPervy.<<

Ang binibini na mahilig sa mga makalumang bagay. Ang kaniyang mga kuwento ay tumatalakay sa unang panahon. Bukod sa pagbabasa at pagsusulat, nakahiligan din ni UndeniablyGorgeous ang pagguhit, pagsulat ng mga liriko, at pamamasyal sa mga makasaysayang lugar. Isa rin siyang Watty Winner noong 2020 mula sa kanyang akdang "A Kidnapper's Mistake" para sa young adult category. Noong nakaraang taon, TheWattys2021 Winner para sa Historical Fiction category, ang "Bride of Alfonso" at "Lo Siento, Te Amo". At kamakailan lang, ang kaniyang akdang "Socorro" ay nagwagi bilang Grand Prize Winner sa Wattys 2022. 

>>I-click ito upang mabasa ang interview ni UndeniablyGorgeous.<<

---

Undiscovered Writers

Mula sa kanyang unang salang sa Wattpad noong 2015, si archivesniayeng ay nakapaglathala na ng mga nobelang patungkol sa pag-ibig, buhay at para sa sarili. Isa siyang teen fic, epistolary at fanfiction author na may layuning makapagbigay ng boses sa mga taong gustong makapagpahayag ng mga salitang hindi nila nasasabi ninoman sa kanila at makapagbigay ng aral para sa lahat.

>>I-click ito upang mabasa ang interview ni archivesniayeng.<<

ladywhirlwind is the name and fan/historical fiction is her game! Isang Philippine history enthusiast at supporter ng isang mayor, pwede kaya 'yon? Sa loob ng anim na taon niyang pagsusulat, iisa pa lang ang natapos niyang kwento at napasama sa Watty's 2022 Shortlist nitong nakaraang Oktubre. Hindi niya hilig ang magsulat ng mga kwento na may conflicts dahil naniniwala siyang sakit lang ito sa ulo.

>>I-click ito upang mabasa ang interview ni ladywhirlwind.<<

---

Wattpad Ambassadors

Si Jaja Cuevas ay may pseudonym na Adjaxxent sa Wattpad. Siya ay 21 taong gulang at naninirahan sa Batangas City. Siya rin ay nag-aaral sa Batangas State University-The National Engineering University sa Pilipinas. Ang kursong kinukuha niya ay Business Administration sa nasabing unibersidad.

>>I-click ito upang mabasa ang interview ni Adjaxxent.<<

Si J.B. Bondoc o wordsandlenses ay isang college undergraduate na nakahiligan na ang pagbabasa at pagsusulat ng mga istorya. Puno ng determinasyon sa puso at pag-asa sa buhay, handa siyang gamitin ang kaniyang pluma para isigaw ang mga mensahe na nais niyang iparating sa mundo.

>>I-click ito upang mabasa ang interview ni wordsandlenses.<<