Simula na naman ng bagong buwan! Ibig sabihin nito, may bago na namang isyu ang ating newsletter!

Para sa isyung ito, aming kinapanayam sina Veilofthedark, estudyantexxx at TianaVianne.

---

Si Veilofthedark ay isang manunulat ng maikling kuwento at ngayo'y sinusubukan naman ang pagsulat ng nobela. Nagsimula siyang mag-publish ng mga likha niya online sa Facebook bago tuluyang sumubok sa Wattpad. Noon ay hinahangaan niya lamang ang mga manunulat na may star badge, at nagpursige sa pagsusulat sa paghahangad na balang araw ay magkakaroon din siya niyon. Kaya masayang-masaya siya nang siya'y mapabilang sa Wattpad Stars. Para sa kaniya, isa iyong identidad at palatandaan na kung paano siya nagsumikap bilang manunulat. Sa kasalukuyan ay may tatlo na siyang libro na na-publish sa ilalim ng Precious Pages Corporation at Life Is Beautiful (LIB).

>>I-click ito upang mabasa ang interview ni Veilofthedark.<<

---

Si estudyantexxx ay labing-siyam (19) na taong gulang at kumukuha ng kursong Psychology sa kolehiyo. Taong 2018 ng inilathala niya sa Wattpad ang kauna-unahang kuwentong kanyang natapos. Sa kasalukuyan, mayroon na siyang limang (5) nobela at apat (4) na maikling kuwentong natatapos. Kung hindi nagsusulat, malamang ay nasa comment section siya ng Facebook at tinatawanan ang mga komentong nababasa.

>>I-click ito upang mabasa ang interview ni estudyantexxx.<<

---

Siya si Christiana Vianne Isidoro, kilala rin bilang TianaVianne sa Wattpad. Nagsimula siyang magsulat sa Wattpad noong 2013. Mayroon na siyang naisulat na mga libro sa LIB at PSICOM. Siya ay Wattpad Ambassador, Wattpad Star, Wattpad Paid Writer, at dating editor-in-chief ng Eagles Newspaper. Bago siya naging fiction author ay dati siyang naging feature writer.

>>I-click ito upang mabasa ang interview ni TianaVianne.<<