1. Ilang taon ka nang Wattpad Ambassador at saang team ka kabilang? 

Mahigit tatlong taon na akong kabilang sa Wattpad Ambassadors Program. Sumali ako noong August 2017. Mula pa noon, bahagi na ako ng Content Team. 

2. Ano ang iyong mga ginagawa bilang Ambassador? 

Bukod sa pagiging isang manunulat, isa rin akong mambabasa at nakatulong ito sa role ko bilang isang Content Ambassador. We make sure that the discovery of stories on Wattpad is at its best for the community, at tumutulong din kaming maghanap ng plagiarized content na siya namang ipinapaalam sa Wattpad Trust & Safety Team. 

3. Bakit mo napagdesisyunang maging Wattpad Ambassador? 

Nag-apply ako noon dahil sa admirasyon ko sa ibang Wattpad Ambassadors na nagagawang makatulong sa komunidad sa sariling oras nila. Naisip ko that time, "bakit hindi ko subukan? Baka may iba pa akong magawa sa Wattpad bukod sa pagsusulat at pagbabasa." Naisip ko na may mga natulungan na rin akong ibang users, bakit hindi ko ipagpatuloy pa lalo't alam kong may matututunan din ako? At mula doon, masasabi kong tama ang desisyon kong maging isang Wattpad Ambassador. 

4. Paano mo napagsasabay ang pagiging ambassador at mga pinagkakaabalahan mo sa labas ng Wattpad? 

Magmula pa noon, sinisigurado kong nabibigyan ko ng sapat na oras ang mga bagay na gusto at kailangan kong gawin. Kagaya na lamang noong 16 ako, working student na ako noon pero gumagawa ako ng paraan na makapagsulat pa rin kahit gaano ka-hectic ng schedule ko. May mga bagay na ayaw kong ipagpabukas dahil maaari kong gamitin ang oras na 'yon sa iba pang bagay. Ganoon rin sa pagiging ambassador. I make sure na I allot sufficient time to do what needs to be done. 'Di ba nga, 'kapag gusto, maraming paraan'? 

5. Ano ang pinakamagandang aral na natutunan mo sa pagiging ambassador? 

Magmula noong naging ambassador ako, tumatak sa akin ang kataga mula sa Ambassador Manager na, "If you have a question, ask it. There's no such thing as a stupid question." Sa totoo kasi ay mahiyain akong tao at minsan ay natatakot akong mag-step up at magtanong. Pero hindi pala dapat ganoon. Hearing that statement slowly boosted my confidence that questions by someone like me could be entertained din pala and I shouldn't feel bad for reaching out. Mas mainam na mabigyang linaw ang mga bagay sa simula pa lang sa halip na ma-stress kung tama o mali ang ginagawa. Ito rin ang bagay na hindi ko nalilimutang sabihin sa Team ko o 'di kaya sa mga newbees na nakasasalamuha ko. We shouldn't be too hard on ourselves. May mga taong handang tumulong at sagutin ang ating mga katanungan.