Narito na ang mga writing tip ngayong buwan!

Alam mo ba ang tamang gamit ng gitling sa mga salita? Kung hindi ka sigurado o kung ikaw ay nalilito sa paggamit nito, ipagpatuloy mo lamang ang pagbabasa.

Para sa mga salitang magkasunod ang patinig, may gitling ang mga ito.

Halimbawa:

Agaw

Mali - mangagaw, nangagaw

Tama - mang-agaw, nang-agaw

Isip

Mali - nagisip, magisip

Tama - nag-isip, mag-isip

Utos

Mali - nagutos, magutos

Tama - nag-utos, mag-utos

Iwan

Mali - nangiwan, mangiwan, pagiwan

Tama - nang-iwan, mang-iwan, pag-iwan

Para sa mga salitang magkasunod ang katinig, walang gitling ang mga ito.

Halimbawa:

Laba

Mali - mag-laba, mag laba

Tama - maglaba

Trabaho

Mali - mag-trabaho, mag trabaho

Tama - magtrabaho

Mahal

Mali - nag-mahal, nag mahal, pag-mamahal, pagma-mahal

Tama - pagmamahal

Gupit

Mali - pang-gupit, mag-gupit

Tama - panggupit, maggupit

Ang mga pinagsamang salita ay kailangan pa ring gamitan ng gitling kung hindi ito lumilikha ng bagong kahulugan, o kung literal ang ibig sabihin nito.

Halimbawa:

Punong-guro hindi punongguro

Agaw-buhay hindi agawbuhay

Isip-bata hindi isipbata

Lipat-bahay hindi lipatbahay

Taong-grasa hindi taonggrasa

Para naman sa mga pinagsamang salita na lumilikha ng bagong kahulugan, o kung naging talinghaga ito, kailangang gamitan ito ng gitling.

Halimbawa:

Kapitbahay hindi kapit-bahay

Hampaslupa hindi hampaslupa

Bahaghari hindi bahag-hari