Halina't subaybayan ang bangayan ng magkatipan

Paghuhugas ng pinagkainan kanilang pinag-aawayan

Ating pakinggan ang kanilang mga dahilan

Sino ang dapat maghugas ng pinagkainan?

Unahin na natin ang ilaw ng tahanan

"Lady's first" na ang naging batayan

Iyo ng ipahahayag ang iyong mga dahilan

At ng ito ay amin ng mahusgahan

*ilaw ng tahanan

mga anak natin ako ang nag-aaruga at nag-aalaga

Sa mga pangaral ko boses ko ay ubos na nga

Sa pagbadyet ng ating pera ako pa ang bahala

Kanilang mga pangangailangan ako ang nagawa

*haligi ng tahanan

Diba't iyan talaga ang sa iyo nakatalaga?

Asikasuhin ang mga anak hanggang paglaki nila

Kita mo akong pagod maghapon sa trabaho

Konting pahinga na lang tila pa mabuburo

*ilaw ng tahanan

Diba ilang ulit na tayong nag-usap ng masinsinan

Pagtatrabaho ko ayaw mo naman pakinggan

lagi mo lang sinasabi iyong pag-iisipan

Para tuloy wala akong boses dito sa tahanan

*haligi ng tahanan

Gusto ko lang naman na huwag kang mahirapan

Kaya sana dito ka na lang sa ating munting tahanan

Saka sana akuin mo paghuhugas ng pinggan

Kamay koy magiging pasmado na naman

*ilaw ng tahanan

Hindi naman iyon mahirap na gawain

Ngunit ang pagpapahinga ay kailangan ko din

Ang kailangan ko konting unawa

Kaya paghugas ng pinggan ikaw ang gumawa

*haligi ng tahanan

Kita mong katawan koy hupyak na sa pagod

Tila nangangailangan na ako ng tungkod

Kaya sa akin ikaw naman ay sumunod

dahil bukas ay mayroon na akong sahod.

*anak

Nanay, tatay wag na kayong mag-away

Paghuhugas ng pinggan, tinapos na namin ni buninay

Mahase ba inyong kailangan ng mawala ang ngalay?

Kung kayo magkakabati, kay saya ng ating buhay.