Hindi na lingid sa kaalaman ng lahat ang pagbabago

Mapabagay, hayop, panahon lalong lalo na sa tao

Maging sa hitsura, pustura ugali saka pakikisama

Maganda ba o masama ang hatid nitong pag-iiba?

Tila normal naman na ang magbago tayo

Ito ay isang patunay na isa tayong tao

Ito ay nababase sa karanasan at iba pang aspeto

Minsan sa pasama pero pero sana sa pabuti ang pagbabago

Tulad na lang ng nangyari at naganap

Lahat ay nagbago sa isang iglap

Napapikit lang ng mata, iba na ang iyong makikita

Nakakapanibago ang ganoon, minsan nakakasura pa.

Walang magawa kundi tanggapin ang lahat

Ang nakaraan ay sa isip nalang tatatak

Subalit may maganda naman itong hatid

Linawagan mo pag-iisip para maunawaan mong batid

Tila naglalakbay ka sa isang kalsadang walang katapusan

Itong kasama mo nagkita pa ng kantong lilikuan

Nag-iba siya nag ruta, ngayon nag-iisa ka na

Walang ng balikan, wala na talaga.