Isang araw na naman ang palilipasin 

Nakakabagot na kung tutuusin 

Sa dami ng aking dapat gawin 

Hindi na alam ang uunahin

Ako ay tamad na kung tawagin 

Wala ganang ang obligasyon ay gawin 

Ngunit ng ang lapis ay aking napansin 

Paggawa ng tula ang naisip unahin

Bakit utak ko ay biglang nalugaw? 

Mga kamay ko ay ayaw man lang gumalaw 

Sikmura ko bigla na lang kumulo 

Takte, gutom na pala kaya isip ay di buo.

Pagkain akin pang kinatamaran 

Lumingon na lang ako sa kaparangan 

Nililimi nag mga bagay-bagay 

Pati ang isip bigla na lang natangay

Tila narating ko ay napakalayo na 

Sumubra sa imahinasyon nais ko talaga 

Pati ibang bagay ay aking naisip na 

Ngiti sa aking labi gumuguhit na pala

Ako ay biglang natauhan sa aking narinig 

Lumapit ang aking inay na may dalang pandilig 

"wag kang tumunganga diyan at ako ay tulungan" 

"para kang baliw, nangiti ng walang dahilan"

Ako ay ngumiti saglit at tumingin sa papel 

Ilang oras ko na ba itong tangan ngunit malinis pa din 

"Anak, ikaw ba ay susulat sa iyong liligawan?" 

Dapat lumapit ka sa akin ng ikaw ay aking matulungan.

Ito naman ay kinontra ko at tinatanggi kong pilit 

Nanunukso si inay, kulang na lang kurutin ako sa singit 

Mga ideya at suhestyon niya ay pilit iginigiit 

Pati istilo ng aking ama, nais niyang ipagamit.

Ito naman nanay koy parang bata sa kulit 

Inagaw ang papel at dito tila may iniukit 

Tinapon ang papel at tumingin sakin saglit 

Kumuha ng bago at pagsulat ay inulit

Inabot sa akin ang papel at pinabasa 

Ito naman ay pilit kong inunawa at inalisa 

Pag ba matanda na, nagiging korni na sila? 

Talo pa kasi yung mga linya ni Kristine Hermosa.

Itong aking ina ay lahi rin palang makata 

Di na ako nagtataka dito ako nagmana 

Pero yung kakornihan akin ding dala-dala 

Tunay ngang kung ano ang puno yun din ang bunga.

------------------------------------- 

A/N: isang larawan "lalaking may hawak na papel at lapis tapos yung nanay niya nagdidilig" ang aking naisip 

So nilapatan ko lng ng interpretasyon at ginawan ng tula.. :)

you are free to create your own poem base sa naisip kong larawan.. :) yun ay kung gusto nyo lang. :) then tell me para mabasa ko.. :) yohoho

**april 2, 2015**