Dalawang bagay na kapwa mahalaga sa buhay

ito ay ang Pagkakaibigan at pag-ibig na tunay

Ang kaibigan na saya at tiwala ang hatid

At pag-ibig na ikaw lang ang nakakabatid

Paano pag ang dalawa ay biglang nagsama

Lampas sa kaibigan ang turing mo sa kanya

Iyong nararamdaman ay ipahahayag mo ba?

O ikukubli sa puso at hahayaan mo na?

Ganitong pangyayari ay madalas ng maganap

kaya payo ng kaibigan ang kanilang hanap

Dalawang daan ang kanilang tatahakin

alin sa landas na ito ang dapat suungin

Ito ngayon aking nararanasan

pagibig sa aking matalik na kaibigan

Malaking pagkakamali ang aking naging pasya

Parehas nawala, wala ng natira

bakit ganito ang sa akin ay nangyari?

naubos ang lahat, naging parang pulubi

Limos ng konting tiwala ay hindi na maibigay

Hindi ko alam ang magiging takbo ng buhay

Pagkakaibigan na aking iningatan

Ginawa ang lahat para siya ay matulungan

Pag-ibig na sa kanya ko naramdaman

Ipinahayag ko ng walang pag-aalinlangan

tinanggihan mo ito at pilit inilayo

Pagkakaibigan natin ang hindi ko isinuko

Walang katugon kaya kapalit ay hinanap ko

Sinunod lahat ang mga naging payo mo

nag-antay ka sa akin gaya ng iyong sabi

ngunit ngayon nawalan na ito ng silbi

Una pa lamang, pag-asa sa iyo hindi mo naiparamdam

Kaya lumayo ako ng hindi na masaktan

Pagkakaibigan na lamang sa atin ang natira

Subalit sa isang iglap ito ay nawala pa

Atin bang samahan nawalan na ng silbi?

Hindi na ba maiibalik ang lahat sa dati?

Tagal ba ng panahon ang dapat maging batayan para mapili ang tamang daan?

Ito ba talaga ang sagot sa aking mga katanungan?

nawa'y tama ang naging pasya na siya ay layuan

pag-ibig at pagkakaibigan akin ng kalilimutan.