9:12 am

Narrator: Pagsulod ni Ellithia sa Mrs. Softie nga tindahan ay nakit-an niya dayun ang lalakeng katagbo. Naglingkod kini sa ilang naandan nga pwesto ug nagngisi samtang gatan-aw niya.

Narrator: Gamay'ng ngisi lang ang gibalos ni Ellithia ug midiretso na sa paglingkod, gi-okupa niya ang bakanteng lingkuranan sa parehong lamesa nga giokupa pud ni Neriel.

Neriel: Hi, besuwap. Dara oh, imung paborito /gibutang sa atubangan ni Ellithia ang isa ka bowl nga fries/. Peace offering ko na.

Ellithia: Salamat, /nagkuha dayun ug fries ug gihungit kini./

Neriel: Kadali lang, mag-order ko ug ice cream /mitindog ug niadto sa counter/.

Narrator: Nahimuot si Ellithia nagtan-aw sa amigo nga nanglibre sa iyaha. Kahibaw jud kaayo kini kung unsahun pagpawala sa iyahang kalagot kay gipalitan man dayun siya ug fries ug ice cream. Niining taknaa kay nakita niya ang gikamingawan niyang "dzong" nga murag nahilayo kaniya sa pipila na ka-tuig.

Neriel: Ara na oh, Vanilla nga imu jung paborito /gitunol ang ice cream/.

Narrator: Hastang lipaya ni Ellithia nga nagtan-aw sa ice cream nga gipaliguan ug chocolate syrup. Dili niya mapugngan ang kaugalingon ug makangisi jud siya sa kalipay.

Ellithia: Salamat dzong. Ka-espesyal gud ani, birthday nako?

Neriel: Dili uy, friendly date nato ni /milingkod ug balik/.

Ellithia: Aww maayo-maayo.

Narrator: Nahilom sila kadiyot ug napukos sa pagkaon sa ice cream na nag-anam-anam na ug katunaw. Gihinay-hinayan na pud nila ug kaon ang fries sa bowl na gikaliguan ug grabe kadaghan nga cheese.

Narrator: Midagan ang pipila ka minuto ug nahurot na nila ang ice cream ug fries. Nagtinan-awanay na lang sila ug makita sa nawung ni Neriel nga naulaw kini.

Ellithia: Niya unsa man? /giatubang ug gititigan si Neriel/

Neriel: Sorry wang, sorry jud kaayo kay napasagdaan na tika, /gigunitan ang kamot ni Ellithia/. Nakonsensya jud ko nga mao diay to imung nabati tong gibyaan na taka.

Ellithia: Unsa pa? /mitaas ang kilay/

Neriel: Dili na nako to usbon,  wang. Promise, kuyugan na taka pirme /gitaas ang tuo nga kamot/. Tanga kaayo ko kay gibuhat ko to para lang sa lalake, bugo kaayo ko kay mura na tikag gikalimtan tungod ni Core.

Ellithia: Okay!

Narrator: Wala nay angay pang idugay para kay Ellithia, ang makita nga seryoso si Neriel sa iyang panaad kay timaan kini nga andam siya nga ayuhon ang ilang relasyon. Wala silay labot sa mga taong naa pud sa sulod sa tindahan, nagginaksanay silang duha miskan naay lamesa sa tunga. Hugot ang ilang gaksanay ug lami ilang gibati na sila kay nagkaayo na. Human sa pipila ka segundo, nagbuwag sila ug nibalik sa paglingkod.

Neriel: Kuya, duha daw ka burger, katong tag 39!

Narrator: Mitando dayun ang tig-luto ug giluto ang iyang gi-order.

Ellithia: Daghan lagi'g kwarta? Naka-release napud ka sa 4ps?

Neriel: Dili uy, gihatag ni Core ning kwartaha. Animal dzae, gitanggal nako sa 4ps. Naghuot akong dughan.

Ellithia: HAHAHA. Chikahi daw ko anang Core nimu bi. Chismis kaayo na dzae ay.

Neriel: /gikilig/ Sige, basta chikahi pud ko anang imung Nico?

Ellithia: Sige ba! Game! Hahaha.

/ ▪ ▪ ▪ /