10:31 am

Narrator: Human nila ug pangambak sa sea wall kay gibaklay sa duha ang grabe ka batuon nga baybayon. Nanglipot sila ug nangadto sa pinakaduol nga karenderya arun mukaon kay nakabatyag gayod sila'g kagutom.

Ellithia: /nisulod sa karenderya/ Unsay imuha?

Neriel: Uhm, kana /gitudlo ang humba/ isa ka order ana. Kato pang dinuguan, apili ug lumpia tulo kabook, isa ka order ka pancit, isa ka fried chicken, isa ka bulalo, ug upat ka rice /gipanudlo tanang naka-display/.

Ellithia: Kadako ba'g kaon nimu, Neriel.

Neriel: Wala ko'y pamahaw dzae, dala na ni paniudto.

Ellithia: Kwartahan diay ni.

Neriel: Aba siyempre. Bag-o rako narelease-san sa 4ps.

Narrator: Naay niduol nga babaeng edaran sa ilaha; naka-apron ug naa'y hapin ang ulo, ug nagdala kini'g isa ka tray nga blangko. Sa gisuot pa lang niini kay dayung nakaila sa duha kung kinsa kini.

Babae: Unsay inyo ma'am?

Ellithia: 'Te, isa ka rice ako ug isa ka fried chicken.

Babae: Sige ma'am. /nitan-aw kay Neriel/ Imuha sir?

Neriel: Uhm, isa lang ka rice 'te tapos naa mo'y sabaw? Mangayo ko. Kana lang.

Ellithia: Yaks, bagaa'g nawung nimu naka-order uy. Tapos mangayo ra diay ug sabaw. Wa ka gabae?

Neriel: Magtipid ta uy, para naa ta'y iwalwal niya.

Narrator: Nanglingkod silang duha sa bango sa bakanteng palingin nga lamesa, ug nag-atubangay sila samtang ginahulat ang ilang gi-order nga pagkaon.

Ellithia: /misinyas/ Yotsz, naa'y gwapo sa likod nimu.

Neriel: /nisiga ang mata/ Kasayo napud gud sa grasya.

Ellithia: Naa napud sa wala nga bahin yotsz, duha sila kabook sa isa ka lamisa.

Neriel: /milingi sa wala/ Woy jusko! /mura na ug malanay/ Unsa naman ni? Multiple choice? Kabulahan aning atong eskwelahan uy.

Narrator: Ug wala nagdugay, naabot ra jud ilang order. Naundang sila sa ilang kabuang ug mas labaw'ng nakabatyag ug kagutom nang nasimhutan nila ang kahumot sa sud-an ug alisngaw sa init pa nga kan-on.

Babae: /ginaog ang tray/ Ma'am diraa imung rice ug fried chicken, ug sir ania imung rice ug sabaw.

Ellithia: Salamat 'te.

Neriel: Salamat ante.

/ ▪ ▪ ▪ /