∆∆∆∆∆∆∆∆∆∆∆∆∆∆∆∆∆∆∆∆∆∆∆∆

Shayad ye kahani prh kr apko aesa lage, ke ap kisi ki haqeeqi daastaan prh rhe hain! Shayad apki. Shayad hum sbki...

Kyuke hum sb ne kaheen na kaheen, kisi na kisi lamhe mai apne dil ko be'lagaam chora hoga.Shayad apke nafs ne apko gumrah kya hoga.

Shayad ap bhi ek toote huay insan haun, jo khud ko jorne ke liye kbhi aah tw kbhi dua ka sahara lete hain.

Shayad ke hum sab ne wo phal khaya ho jisse hamein roka gya tha.
Shayad hamein bhi jannat se utha kr zameen pr pathak dya gya ho...

∆∆∆∆∆∆∆∆∆∆∆∆∆∆∆∆∆∆∆∆∆∆∆∆

" کئی حادثوں کی زد میں آ گیا ،
بہت مشکل زندگی کا یہ سال رہا "

Raaniya ko ye ehsas horha tha ke uski mohabbat kitni be wuqqat thi jise yun paun talay roondh kr bari kamzarfi se thukra dya gya tha. Jisse usse mohabbat hui wo tw bht kamzarf nikla. Apni mohabbat ko bachane ke liye ek qadam tk nahi utha saka.Kya aesi buzdil hua krti hay mohabbat bhala?

Raaniya ki ek aadat thi jo bazahir tw shayad achi thi magar uske liye achi nahi thi. Ye woh ke wo jisse bhi ulfat rkhti, ksi hudood ki bina pr nahi rkhti thi, beyhadh rkhti thi apne dil ko be'lagam chor deti thi.

Inhi sochon mai gumsum, usse smjh nahi araha tha ke apne bikhre tukro ko kese sametay, jab sbke samne musurate huay chehre ke ansuon ko sabse chupana pre tw kese chupaye.

" Beta der horhi hay tm tyar nahi horhi, hmain 10 bjay tk hr haal mai niklna hoga. "

Raaniya ki mama apne chehre pr makeup ke akhri touches kr rhi thi. Aj unke ek purane family friend k bete ki shadi thi. Woh janti theen ke Raaniya kch arse se khamosh aur alg alg rehne lagi thi, isiliye wo chah rhi theen ke unki beti thora bahar ki dunya mai aaye tazi hawa mai ghule. Isi koshish mai unho ne apni beti ko shadi mai shirkat ke liye bulana chaha.

' Mama, meri tbyt kuch theek nahi horhi. Aur wese bhi do teen baad mere exams start horhe hain. Ap unse keh dijyega ke mai prhai mai masroof thi. '

Raaniya ne ek bar phir apne apko apni dunya mai band rkhne ke liye koi bahana bnaya.

" Lekin beta unhe bura lagega... Tm agar... "

Raaniya ki maa ne ek bar phir apni beti ko manane ki koshish ki.

' Nahi mama. Ap jayen. Mai yahin theek hu. '

Kmre ke andhere mai khudko band rkhe, usne apne bed pr karwat lete huay ek thandi aah bhari.

Kch bezubaan ansoo uski ankhon se chhalak pre. Hatho ki pusht se unhe ponch kr wo prhai ki niyat se uth khri hui. Kmre mai roshni krne ki mjburi se light jalai, aur apne apko ghutan wali socho se bachane ke liye prhai mai masroof hogyi.

College ka zamana ashiqui ke liye mozoo nahi hota!! Ye alfaz uske chemistry sir ke thay jo class ko hmesha naseehat krte thay, aur aj usse in alfaz ki haqeeqat smjh arahi thi.

***

" Meena mjhe samjh nahi araha main kese ye sab brdasht kru... Tm janti ho mera dil rota hay, ansoo nahi atay ab. Maine uske baad se ksi insan ke liye rone se Allah ki panah mangi hay. Isse bri apke nafs ki zalalat kya hogi ke ap ksi insan se thukraye jane pr uske liye ansoo baha rhe haun... "

College ke akhri saal ka Raaniya ka aj akhri paper tha. Wo apni bestfriend sameena se apne dil ka haal bayan kr rhi thi. Usse lagta tha ek wahi hay jo uski mukhlis hay. Shayad ajnabiat ki yehi khaasiat hoti hay ke wo apnon se zyada khaas hone ka imkaan rkhte hain.

' Raaniya , woh past tha yar. Bhool jao usse. Agay brhne ki koshish kro. Mai janti hu asaan nahi hay... '

Sameena ne uske dard ko smjhne ki koshish ki.

" Main uski baat nahi kr rhi yaar... "

' Phir? Kis ne thukraya tmhe? '

" Mera career tw abhi start bhi nai hua yar. Aur mai... Main abhi kisi relationship mai nahi aana chahti. Mjhe waqt lagega purane zakhm se ubharne mai... "

Sameena ne ab ki baar bhanwe uchka kr Raaniya ko inhimak se dekha. Usse smjh nai araha tha ke akhir kis baat se uski dost itni preshan thi.

" Baba mere rishte ki baat kr rhe thay. Woh nahi smjh rhe ke istarh mjhpe pressure daalne se mera mind aur disturb horha hay. "

Isse pehle ke Sameena apne tafteeshi nazar se kuch aur sawal krti us ne khud apna mud'daa bayan kya.

' Tw tum mana krdetin ? '

Qadre chonke huay andaz se Sameena ne jawab dya.

" Masla yahi hay ke unho ne mjhse nahi bola kch. Wo ye baat mama se kehrhe thay. Sun sun kr pak gyi hu ke *iska rishta kyun nahi ho rha!* *Kya sochenge log kuch kami hay shayad lrki mai.* "

Gate pr horn ki awaz se unki giftagu munqata hui, Raaniya ke baba usse college se pick krne ke liye agaye thay.

' Call pr baat krege in sha Allah. '

Raaniya jaate huay ye sochrhi thi ke uska dil is nayi museebat se kese chutkara paye?

Uss din shayad Sameena ke zehn se nikl gya ke usse Raaniya se baat krni thi.

***

" Ya Allah! Main thak gyi hun is dard ko sehte sehte. Tu mjhe iss gham se rihaai de. Mjhe hosla ata kr. Sabr de.

Ksi la'hasil ki tamanna main mjhe gharq na hone de. Ay mere Allah... Agar wo meri qismat se juda hay tw mere dil ko bhi uski yaadon se juda krde.

Tu ne jisse mere naseeb main lkh dya hay uski chahat mere dil mai daal.

Meri hifazat frma. Mjhe mere nafs ki anjam'krda ruswaiyyon se bacha. "

Dopeher ki namaaz ke waqt achanak uska dil muztarib hogya tha. Usse apni halat pr rona araha tha. Allah ke samne rone ke ilawa ukse paas aur koi dar nahi tha.

' Beta Tmhari chachi ka phone tha. Wo shaam ko baat pakki krne ke liye ghar aane ka kehrhi theen. Tm tyyar hojana. '

Musalle se uthte huay, usne jldi se apne ansuon ko khushk kya aur jawaban mama ko "theek hay" kehte huay washroom ki janib brh gyi.

Aj use apne dil ko kisi aur ke hwale krte huay, usi ke bandhan mai bandhna tha. Wo dil se tyar nahi thi, magar uske zehn ne ek chaal chali thi. Aur us ne Aadil Ahmed k liye han kehdi thi.

***

" Yaar tm ne kyun kya aesa. Agar tm is rishte se raazi nahi thi, tw tm ne haan kyun ki? "

Sameena ne ek bar phir us se aesa sawal kya tha jo bht krwa tha, jiska jawab uske liye dena nihayat mushkil tha.

' Wo... Main... Kuch nhi! Tm mjhse aese terhe sawal kyun krti ho yaar!!! '

" Main janna chahti hun ke tm apne apko dhoka de rhi ho ya phir use? "

' ... Main kisi ko dhoka nahi de rhi. '

" Tw phr ye ansoo kiske marne pr baha rhi ho? "

' Apni Mohabbat ke. '

" Agar tmhe kaha jaye ke apne liye kisi ek ko chuno. Ansoo ya mohabbat. Tm kisko chunogi? "

' Tm aese sawal kyun puchti ho jiska jawab mere paas na ho? '

" Nahi aesa sawal nahi hay ye. Tmhe maloom hay iska jawab. Btao mjhe? "

' Zahir si baat hay agar ye insan k ikhtiyar mai ho tw wo apne liye mohabbat hi chunega. '

Sameena uska jawab sun kr qadre mutmaieen hui aur muskurane lagi.

" Acha, ab apni baat pr qaim rehna "

****

" I want to confess something... Tum mjhe jesa smjhte ho, main wesi nahi hun. "

Armeen se baat krke uss ne Adil se mulaqat ka ek waqt aur jagah fix krlya tha. Wo chahti thi ke uska rishta hone se pehle, uski zindagi mai aane wala insan uske bare main sb jaan le. Shayad wo aesa islye kr rhi thi kyunke usse umeed thi usse koi nahi apnayega, aur wo kisi ache insan ko andhere mai nahi rkhna chahti thi. Haan pr ye aur baat thi ke wo jis insan se apne dil ki batein kehne wali thi wo uske dil ke bht qareeb thi.

' Tum jesi bhi ho. Mjhe dil se pasnd ho. '

" Lekin tm mere baare mai shayd ghalat gumaan rkhte ho... Mai .. "

' Raaniya! Chup blkl chup! Tm ek masoom bche ki trah ho, tmhari ankhen tmhari masoomiat aur pakeezgi ki gawahi deti hain. Mjhe meri mohabbat pe rashk hay. Tm kuch bhi kahogi apne baare mai mjhe usse koi frq nahi prega. '

" Ek dafa sun tw lo... Mai .. "

' I love you. Aur aj se theek ek hfte baad mai tmhe apni mohabbat ki angoothi pehna kr ye sabit krduga ke mere liye tum kya ho. '

Jaane anjaane mai hi sahi, chahe ya qismat ka fesla ho ya uski koi chaal, Raaniya ne apne liye mohabbat ko hi chun lya tha.

Koi bewaqoof hi hoga jo mohabbat ko chor ke apne liye khasare ke ansoo ka sauda kre.

****

Adil: Diary Entry

Humne chaha hay bri shiddat se tumhe,
Ab ye hmara naseeb ke hmain wafa milay na milay

Raaniya: Diary Entry

Tmhari arzoo Tmhari chahat kaash hmara muqaddar hoti,
Yun na tarapna prta phir gher ki baahon mai hmain

Adil is baat se anjaan tha ke uski shiddatat mai wafa nahi thi magar tb bhi use chahat thi, aur Raaniya ye nahi janti thi ke uski arzoo mai tarapna hi uska muqaddar tha.

Assalam-o-Alaikum my dear readers!

Ek bar phir ek naye novel ke sath main hazir hu. Umeed krti hu hr baar ki trah is baar bhi ap is novel ko zroor pasand krege.

Har baar ki trah is baar bhi main yehi kahungi ke mera novel bht mukhtalif hoga, lekin phr bhi apke dil mai zroor utrega. :)

Apne comments se zaroor btayen k apko ye novel kesa lgrha hy?  ;)

~NN.