Chapter 31

Nang makababa na kami sa coffee house ng hotel ay agad na kaming umorder ni Sapphire.

"Kapag araw araw ganoon ang makikita mo sa umaga. Taon taon ako manganganak" halos mapabuga ako ng kape sa sinabi ng kapatid ko. Hindi uso condom?

"Nagbibiro ka lang naman hindi ba?" natatawang tanong ko sa kanya.

"Sus! Pavirgin, if I know.." malisyosa niyang sabi sa akin.

"Uminom ka na lang diyan ng kape Sapphire, padating na sila" pasimple kaming magkapatid na uminom ng kape na parang hindi namin napapansin na may mga Ferell lang naman na padating. Playing safe.

"Hi girls" bati sa amin ni Aldus. Hindi bumati si Nero, mabilis lang naman siyang nakayuko sa akin at nakahalik sa labi ko. Damn.

"Lasang kape" ngising sabi niya sa akin saka siya tumabi sa akin. Nasa harapan naman namin si Aldus at Sapphire na may kanila din na kalandian. 

"Natural, kape ang iniinom ko. Magtataka talaga ako kung rambutan, lansones, singkamas at ubas ang nalasahan mo" mabilis umikot ang mga mata ko sa kanya. Hinding hindi ko makakalimutan ang unang halik ko sa Nero Ferell na ito. Lasa daw akong rambutan. Damn.

Halos sabay sabay silang tumawa sa sinabi ko. Akala siguro ni Aldus at Sapphire ay nagbibiro ako, kung alam lang nila. Lahat na ng prutas ay nalasahan na ng hari ng mga Shokoy sa labi ko.

"So what are your plans?" tanong sa amin ni Aldus.

"Sa totoo lang magbobonding kaming magkapatid, bakit nakisali pa kayong dalawa dito?" mabilis na tumango si Sapphire sa sinabi ko.

"Pwede naman kayong magbonding..basta walang maghuhubad" gusto kong buhusan ng tubig itong si Aldus.

Bakit kailangan niya pang ipaalala ang mga nangyari? Kami na nga ang talo hindi ba? Bakit gustong gusto nilang pinapahiya kaming magkapatid? Hindi tuloy kami makapagsalita ng kapatid ko.

Narinig kong sumipol si Nero at marahan siyang umakbay sa akin.

"Just give us distance..dapat ay sa malayo kayo. Paano kami magkakaroon ng bonding ni Sapphire kung lagi kayong nakaaligid dalawa?" katwiran ko sa kanila.

"Okay, just in one condition" agad na sabi ni Nero. Masama na naman ang kutob ko dito.

"What's that?" tanong ko sa kanya.

"Hindi na kami magkasama ni Aldus sa suite, bumalik ka na sa kwarto natin..." kailan pa naging 'natin' ang kwarto ko? Nakita kong ngumisi din si Aldus sa sinabi ng magaling niyang pinsan.

"NO!" sabay naming sagot ni Sapphire.

"Okay, madali kaming kausap" kibit balikat na sabi ni Aldus. Maghapong mamemeste ang magpinsang Shokoy na ito.

"Come on, just one night" pamimilit ni Nero na mahigpit ang ikinailing ko. Hindi ko pa nakakalimutan ang wet punishment niya. Baka gamitan niya ako ng dry punishment, saan kaya naman ako pahahawakin ni Nero? Damn. Ano ba itong naiisip ko?

"Hindi!" sabay na naman kami ng kapatid ko. Hindi na namilit pa ang magpinsang Shokoy hanggang sa dumating na rin ang inorder nilang kape.

"Alam mo Saph, malaki talaga ang problema ko sa bagong presidente" nakuha ang atensyon ko sa sinabi ni Aldus. Ano naman kaya ang problema niya, bukod sa mana niya?

"Huwag mong sabihin na may utang ka sa bagong presidente? Patay ka talaga kay LG" sagot ni Nero sa pinsan niya. Umismid lang si Aldus kay Nero.

"Sapphire, paano na tayo?" nangungunot na ang noo ko dito kay Aldus kahit ang kapatid ko ay hindi na maipinta ang mukha sa pinagsasabi ng Shokoy na 'yan, samantalang ang katabi ko naman ay nakakailang mura na.

"Aldus, ako ang puyat sa ating dalawa. Umayos ka" saway sa kanya ni Nero na hindi na naman siya pinansin.

"Ano ba ang problema mo Aldus? Oh my gosh! Baka naman nabaliw ka sa kaiisip sa mamanahin mo?" natatawa na lang ako. Shit!

"Isusulong na daw ang 3 child policy Sapphire..hindi tayo makakapito" dismayadong sabi ni Aldus. Napanganga na lang kaming magkapatid, natulog ba ng maayos ang Shokoy na ito? Ang laki ng problema niya sa buhay.

"Tang ina" pakinig kong mura ni Nero.

"Nero anong ginawa nyo kagabi? Bakit parang lasing pa 'yang si Aldus?" natatawang sabi ko sa kanya.

"Hindi ko alam" maiksing sagot niya sa akin. Natapos kaming mag almusal ng punong puno ng kaweirdohan ni Aldus at kamumura ni Nero.

Hindi ko maiwasang hindi maalala si Owen at Troy, masaya siguro kung kasama pa namin silang dalawa dito. Oh well, mas masaya syempre kung nandito din ang may pinakamagandang mata. Hindi ko pa pala siya nadadalaw simula ng makabalik ako. Maybe one of these days.

Nasa likuran namin si Aldus at Nero habang naglalakad kami, medyo malayo ang distansya namin sa kanila kaya nakakapag usap pa kami ni Sapphire ng maayos.

"Bakit ka nga pala napadpad sa hotel na ito?" nagtatakang tanong sa akin ni Sapphire.

"Nakipag date ako kay Owen at Troy, diyan sa Extreme Park" maiksing sagot ko sa kanya.

"Seriously?" natatawang sabi niya.

"Yes, may ilan din akong sinabi sa kanila"

"Okay. May itatanong pala ako sayo, hindi ba sila nagparamdam sayo ng mga panahong nakatira ka sa kanila?"

"What do you mean?" natatawang tanong ko sa kanya. Kahit nahuhulaan ko na ang ibig sabihin niya.

"You know what I mean, hindi ba nagkagusto sayo ang iba pang mga Ferell? Si Aldus, alam ko nagkagusto siya sayo Florence.." mahinang sabi niya sa akin na ikinatahimik ko.

"Nagparamdam nga ba? Hindi ko alam. Siguro nga nagkagusto sila sa akin, pero hindi kasing lalim sa kung paano kayo tingnan at alagaan ng mga Ferell ngayon. Sa akin lang umiikot ang mga buhay nila noon kaya aakalain nilang 'mahal' ang tingin nila sa akin nang umalis ako sigurado ako mas narealize nila kung sino talaga ang totoong 'mahal' nila" success naman kaya ang ginawa ni Owen at Troy sa extreme park? Gusto kong makibalita.

"Pero alam mo Florence..ang tagal ko rin bago napaniwala ang sarili ko na mahal talaga ako ni Aldus. Akala ko noon nilalapitan niya lang ako dahil nakikita ka niya sa akin"

"Sapphire! Don't think like that! We're totally opposite..siguradong minahal ka ni Aldus dahil ikaw si Sapphire, tandaan mo 'yan"

"Oo, pinatunayan na niya 'yon" narinig ko pa ang bahagyang paghagikgik niya. Okay, alam ko na ang ibig sabihin niya.

Papunta kami ngayon sa kabilang building para maglaro ng billiards. Nang may nakasalubong kaming dalawang foreigner na masama ang titig sa amin. Nilingon ko si Nero at Aldus sa hindi kalayuan na may kausap na matanda na sa tingin ko ay isang businessman.

"Hey girls, are you free?" slang na slang na sabi ng lalaking nasa kanan. Alam kong hindi nalalayo sa edad namin ang dalawang ito.

"We're busy. Excuse us.." mabilis kong hinila si Sapphire pero hindi pa naman kami nakakailang hakbang ay may bigla na lang humagip sa mga kamay ko.

"Please.." nanlaki ang mata ko nang halikan ng isang foreigner ang kamay ko. Fuck! Nakatingin na si Nero!

Halos takbuhin na ni Nero ang distansya namin. Patay kang foreigner ka, hindi ka na mauulitan sa Pilipinas.

"Don't touch her!" sigaw ni Nero habang papalapit na siya sa foreigner. Si Sapphire na ang humila sa akin papalayo.

"Oh boy" pakinig kong bulong ni Sapphire. Akmang susuntukin na ni Nero ang gulat na gulat na foreigner sa beastmode na si Nero nang pigilan siya ni Aldus.

"Wag Nero.." awat awat siya ng pinsan niya.

"Pagbibigyan ko ang foreigner na 'yan! He can't touch my girl! Fuck" hirap na hirap si Aldus sa pagpipigil sa pinsan niya.

"Baka mapatay mo pa, ako na ang susuntok" halos manlaki ang mata namin ni Sapphire sa sinabi ni Aldus. Damn!

Si Sapphire naman ngayon ang pigil pigil si Aldus. Lumapit na rin ako kay Nero na pinapakalma ko.

"Ako na ang susuntok diyan! Let me Sapph.." nakatulala pa rin ang foreigner sa mga pangyayari. Kung ako sa kanya ay tatakbo na ako.

"Tama na Aldus! Ano ba?" binitawan siya ni Sapphire. Akala ko ay mag wawalk out siya pero mabilis pa sa alas kwatro ay sinampal niya ng tatlong beses ang foreigner.

What the fvck? Hindi lang ako ang nakakanganga ngayon, maging si Nero at Aldus ay ganun din.

"Don't you ever touch my sister again! Go back to your country!" halos hilahin na ng kasamang foreigner ang kasama niya sa pagkagulat. Mali ang babaeng nahawakan niya, napapalibutan lang naman ako ng mga aggresibong mga tao.

"Tahimik na kayong dalawa, tapos na. Let's go" agad akong hinila ni Sapphire mula kay Nero at naglakad na muli kaming dalawa.

"What the hell is that?" hindi pa rin ako nakakarecover.

"Hindi titigil ang mga 'yon kung hindi nila nasusuntok ang kawawang foreigner na 'yon. Inunahan ko pa bago pa tayo makapagdala ng tao sa hospital"

Nakarating kami sa kabilang building na wala na namang nasasampal at kung anuman. Pinanuod na lang namin si Aldus at si Nero na seryosong seryoso sa paglalaro ng billiards. Nakadalawang laro na sila at pareho silang may isang talo at isang panalo. Sa huling larong ito malalaman kung sino ang panalo sa kanilang dalawa.

Nawala ang konsentrasyon ko sa paglalaro nang maramdaman ko ang pagvivibrate ng phone ko. Hindi pa rin ako nakakapagcheck nito. Inilabas ko ito at halos magtatambol na naman ang dibdib ko nang makitang si Ashong ang tumatawag.

Kagat labing sinagot ko ito. Tumayo muna ako at lumayo sa kanila.

"Florence, where are you?" bungad niya sa akin.

"A..nasa..e rm..Nasa condo ni Sapphire, right! Oo" shit! Sana hindi niya ako mahalata.

"Nagkita na kayo?"

"Uhmm, yes. Ikukuwento ko sayo ang lahat pagdating mo"

"Nandito na ako sa Pilipinas, which place? Ipasusundo na kita.." hindi ko alam ang isasagot ko. Nandito na sa Pinas si Ashong!

"No, uuwi na rin ako. Hintayin mo na lang ako diyan.."

"Sa St. Lukes Hospital ka na dumiretso..nandito ako. I'll wait for you...please don't disappoint me Florence..not this time" seryosong sabi niya.

Dapat ay sasagot pa ako sa kanya nang ibaba na niya ang telepono. Kahit kailan ay hindi niya pa ako ginamitan ng ganitong tono. Damn. Lalo akong kinabahan. Bakit siya nasa hospital? May nangyari ba na hindi ko alam? 

Nagmamadali akong bumalik sa posisyon namin ni Sapphire.

"I need to go..."

"Ha? Bakit?" tanong sa akin ni Sapphire. Ramdam kong tumigil na rin si Nero at Aldus sa paglalaro.

"Nandito na si Ashong.." maiksing sagot ko sa kanila. Ilang segundo rin ang lumipas bago may nakabawi sa kanila.

"Ihahatid ka na lang namin Warden.." anyaya sa akin ni Aldus Hindi nagsasalita si Nero, kahit ako ay hindi makatingin sa mga mata niya.

"No, sa akin na lang siya sasabay" naglingunan kami sa pinanggalingan ng boses.

"Antonia?" anong ginagawa niya dito?

"Who else?" ngising sabi niya. Hindi na ako nag isip pa, mabilis akong lumingon sa kanila at nagpaalam.

"I need to go, nasa hospital si Ashong.." nagbeso ako kay Sapphire at yumakap. Tumango naman ako kay Aldus.

Lalapit na rin sana ako kay Nero para humalik sa kanyang pisngi ng umiwas siya. Bahagyang kumirot ang dibdib ko sa ginawa niya.

"Just go Florence..take care. Drive safely Antonia.." hindi man lang niya ako tingnan at pinagpatuloy na lang niya ang pagbibiliard. Hindi ko siya masisisi.

"Sorry.." 'yon na lang ang sinabi ko bago ako tuluyang humakbang palayo sa kanya.

--

VentreCanard