Pagkalito at pagpapatuloy

•••

Malakas akong kumatok sa pinto nila niccolo gamit ang paa ko.

"Tangina lance, sisirain mo pinto ng bahay namin!" bungad niya pagkabukas.

Tinignan niya lang ako at 'yong bitbit kong dalawang empi lights long neck.

"Tangina naman..." mahina niyang sabi kaya nginitian ko lang siya.

Pumasok ako sa bahay niya at dumiretso sa sala kung saan nakaupo sina lucas at jaq na mukhang busy sa pagcocode.

"Okay, break time muna!" bulyaw ko at inilapag sa mesita ang dalawang empi.

Lumapit si niccolo sa puwesto ni jaq at sumandal sa may sopa. Nagkatinginan ang tatlo at maya-maya ay hindi na rin nakapagpigil dahil bigla na silang tumawa ng malakas.

Napabuntong hininga na lamang ako at tinungo ang kusina nila niccolo para kuhanin ang shot glass pati na rin magtimpla ng juice para gawing chaser. Pagbalik ko sa sala, bigla ulit silang tumawa ng malakas.

Parang mga tanga 'tong tatlo, pota.

Umupo ako sa sopa at umupo naman sa tabi ko si niccolo. Inakbayan niya ako at tinapik-tapik ang braso ko.

"Alam mo lance, okay lang 'yan...sabi mo nga sa akin, madami pa r'yang iba! There's so many fish in the ocean park!"

"Hindi ka ba magkukuwento kung paano ka niya binasted?" tanong ni lucas.

"Gagu hindi naman ako binasted..."

"Hindi? Eh, ano 'tong dinadrama mo, ha?" angal ni niccolo sabay alis ng pagkaka-akbay niya sa akin.

"May padalawang empi ka pang nalalaman hindi ka naman pala broken hearted!" saad ni jaq.

Ako ang unang tumagay na sinundan naman ni jaq, ni lucas, at huli si niccolo.

"Ikuwento mo na pambihira ka naman oh...anong nangyari?" sambit ni lucas habang nagcocode pa rin.

Kinuwento ko sakanila ang nangyari ngayong araw simula no'ng pagmulat ng mga makikinang kong mata at syempre iyong date namin ni daniel sa isang first class resto sa pasay.

"Oh, ano naman dinadrama mo r'yan? okay naman 'yong nangyari sa'yo sa araw na 'to, ha?" saad ni niccolo.

"Sana! Kaso pambihira hindi ko kinaya iyong lasa ng mga pagkaing pangmayaman! Parang mas gusto ko pa 'yong GG at pritong tilapia!"

"Alam mo ang babaw mo talaga magdrama!"

"Hindi lang kasi ayon 'yon! Tagay! tagay! tagay!" yaya ko sa tatlo.

Halos maubos na namin ang isang bote ng empi tapos itong si niccolo lakas na rin ng tama...nakahiga na kasi siya sa sopa tapos nananahimik na rin, baka nga knock-down na.

"Nakausap ko si sining..." sambit ni jaq.

"Ano 'yan? kabit mo? HAHAHAHA! Masama mag third party, jaq!" sabi ko sakaniya.

"Gagu, tropa lang 'yon!"

"Tsss! Ganiyan din sinabi mo kay xowie no'n pero pinatos mo pa rin!"

"Hahahaha wala eh, 'di mo talaga masasabi kung kailan at kung kanino ka maiinlove."

Sabagay tama naman si jaq doon...si daniel nga biglaan lang, eh! Pinagkamalan pa nga yatang burker ako?

"Balak ni sining magtayo ng negosyo...ewan ko basta gano'n pinag-iipunan niya raw..." saad ni jaq.

"Ayos 'yon, restaurant ba balak niya?" tanong ni lucas.

Kainis! Nakarinig na naman ako ng restaurant...naaalala ko 'yong kanina at iyong pakiramdam na mahirap akong nilalang! Hays!

"Kung magreresto siya sabihin mo ipangalan niya cooking ng ina mo..." seryoso kong suggestion.

"Gagu hahahaha!" natatawang bigkas ni jaq.

"Tama 'yon! Tapos magpapatayo rin ako para kalabanin siya at ang pangalan naman no'ng sa akin ay cooking ng ina mo rin! Hahahaha!" sabi ni lucas.

Dahil mahina talaga ang alcohol tolerance ni niccolo, naiwan kaming tatlo sa isang bote ng empi at nangangalahating nestea. Hanggang sa maubos na namin ito pati na rin ang chaser.

"Osya, osya, mag aalas diyes na...kailangan ko ng umuwi." pagpapaalam ni jaq at tumayo na sakaniyang pagkakaupo.

"But it's still early, bro!" pagpipigil ko sakaniya.

"Gagu seb, lasing ka na!"

"Don't leave me here! Please? Huhuhu jaq! Come back!"

"Taragis na 'yan lasing ka na talaga, nag-iingles ka na! Atsaka Ano 'yan titanic reference? Bitawan mo ko, uuwi na ako!"

"You're going to leave us like this? Don't you love us, bro?"

"Hindi ko kayo mahal, tanga!"

"Don't you love me?"

"Ha! Mas lalong hindi kita mahal!"

"Ouch! It really hurts!" pagdadrama ko sakaniya at pagbitaw na rin sa pagkakakapit ko sa binti niya.

Si lucas knock down na rin sa may airbag chair tapos ako naka upo sa sahig at nakasandal sa sopa. Narinig ko pa nga ang pagbuntong hininga ni jaq at umupo siya sa tabi ko.

"Sabihin mo nga seb, ano ba talagang problema mo?" seryoso niyang tanong.

Napabuntong hininga ako ng mabigat. Kinuha ko iyong isang malambot na unan sa sopa at inilapag ito sa sahig atsaka ako humiga.

"Mayaman si daniel, jaq." seryoso kong sambit, tila nawala ang amats sa utak kundi amats sa puso na lamang.

"Tapos?"

"Mahirap ako."

"Tapos?"

"Ibigsabihin lang no'n hindi kami nababagay sa isa't isa."

"Bakit naman hindi kayo nababagay? Hindi ka naman pangit, ha? Tanga, oo, pero pangit, hindi." saad niya.

"Alam kong gwapo ako since birth..."

"Uh-uh!" hindi ko alam kung tutol ba si jaq sa sinabi ko o hindi kaya hindi ko na lamang pinansin.

"Pero kasi kanina habang tinitignan siya magbayad gamit 'yong black card niya parang hindi kami bagay. Iyong tipong hindi ko kayang ibigay 'yong luho niya, parang gano'n! Kasi sino lang ako sa tingin niya? Wala akong gano'n kalaking pera atsaka black card 'yon, pre! Anong laban ko roon? Wala akong kotse, miski motor nga wala pa, eh! Hindi ako nakatira sa condo, tignan mo nga t-shirt ko mumurahin pa 'to!"

Malakas na hinampas ni jaq ang tuhod ko habang natatawa. Malakas ang alcohol tolerance ni jaq hindi siya 'yong agad-agad na nalalasing. Siguro mga pito o walong bote pa ang kaya niya.

"Para kang tanga, seb." natatawa niyang sambit.

"Pota, kaya nga eh...hay nako!"

"Alam mo, kung titignan mo palagi kung anong mayro'n ka sa buhay, you'll always have more. Pero kung titignan mo palagi kung anong wala ka sa buhay, you'll never have enough."

Nakatingin lang ako sa kisame nila niccolo habang 'yong kaliwa kong kamay ay nakapatong sa aking noo at 'yong kanan naman ay nakapatong sa aking tiyan.

"Pero kasi pare...ang laki talaga ng agwat namin! Hindi mo naman naramdaman kay xowie 'yong ganito kasi sanay ka na sakaniya at palagi natin siyang kasama dati kaya sanay siya sa mga kadugyutan natin. Feeling ko nga hindi naman kayo nagkakalayo ng lifestyle, eh, 'di tulad namin ni daniel."

"Alam mo seb, para kang gago."

"Hays kaya nga eh, gago yata talaga ako."

Pinikit ko na ang aking mga mata, baka pagod lang ako kakaisip sa mga bagay na hindi ko naman dapat pinoproblema.

"Hindi mo naman kasalanan na mahirap ka, eh, hindi din niya kasalanan na mayaman siya. Alam mo, love has no limits. So ano, hindi ka susuka pero susuko ka? Pfft! Dapat binabaligtad mo rin ang mga sinaunang kasabihan ng magulang mo...hindi mo kasalanan na nabuhay kang mahirap dahil mamamatay kang mayaman...gano'n dapat. Mindset ba?"

Nanatiling nakapikit 'yong mga mata ko kahit ang totoo ay hindi ako makatulog. Maya-maya narinig kong may tinatawagan si jaq sa cellphone niya dahil sa messenger ring tone.

"Tapos na klase niyo?" tanong nito sa kausap niya.

Si xowie yata ka-video call niya...hays ayoko pa naman makarinig ng loveydovey talk! Bitter ako ngayon!

Tumagilid ako ng puwesto pero kunwari tulog na ako, baka isipin nito ni jaq chismoso ko, eh.

"Nandito pa ako kina niccolo...mamaya pa ako uuwi...nagkaayaan ng inuman, eh...ha? Hindi brokenhearted si niccolo hahahaha baliw..."

Kapag ito kinuwento 'yong pagdadrama ko kay xowie, babangon ako tapos babatukan ko siya ng malakas!

"May problema lang si seb...hindi puwede sabihin masyadong private...tungkol kasi sa buhay niya...miss na nga kita eh, aral ka mabuti r'yan...luh, baka ikaw nga makahanap ng iba r'yan, eh, mabilis ka pa naman mainlove...selos? Hindi ako seloso baliw...siguraduhin mo lang na kaibigan 'yon, ah..."

Matapos ang ilang usapan nila at ngayon ko lang narinig na maging loveydovey si jaq sa tanan buhay ko, tangina nakakatawa potek! Nahihirapan na ako magpigil ng tawa rito! Kunwari pa naman tumba na ako! Kaasar! Si jaq seloso, pota! Hahahaha new pang-asar 'yon!

Ilang minuto na rin ang lumipas ng hindi ko na naririnig si jaq na may kausap pero may naririnig akong kalulos at yapak paakyat sa hagdan. Hindi rin nagtagal ay parang may dumampi sa akin na malambot at mabangong kumot. Nang marinig ko na ang paglabas niya sa pinto ay bumalikwas ako ng upo. Si lucas nakahiga na sa may sopa at nakakumot na rin at siguro si niccolo ay inakyat niya na sa kuwarto nito. Tinignan ko rin ang kumot na inilatag niya sa akin...

"Pfft! Hindi raw love, eh, noh?"mahina kong sambit.

Dahil hindi ako makatulog, kinuha ko ang cellphone ko at dahil naka-connect naman ako sa wifi nila niccolo, binuksan ko ito at naglaro ng COD.

Arctic .50 ang gamit kong baril at naka rank mode ako. Tamang sugod lang sa mga kalaban kahit sniper ako, buti na lang talaga deathmatch 'to at sa crossfire ang lugar kasi palagi akong binibigyan ng bobong kakampi kapag domination, eh!

VICTORY

Sa ilang minutong paglalaro ko ng seryoso ay nagrank up ako, from Master V to Legendary I!

"Hahaha boss sebastian lang malakas!" sambit ko at tinakpan ko kaagad ang aking bibig no'ng narealize ko na malakas pala ang pagkakasabi ko, tulog pa naman si lucas sa tabi ko.

Dahil nagrank up na ako bigla na akong nawalan ng gana maglaro kaya binuksan ko ang fb ko at tamang scroll up lang at HA-HA react lang sa mga high intellectual memes. Syempre, hindi ko na rin napigilan hindi mag post.

Lance Sebastian Jimenez

Doon tayo sa abnormal pero sweet, in short dito ka sakin!

At dahil bagot na bagot pa rin ako, tinignan ko ang twitter account ko baka sakaling may post doon si daniel. Dahil sakaniya napadownload din tuloy ako ng twitter. Feeling ko nga rin napaghahalataan ako masyado kasi siya lang ang pina-follow ko. Sabagay, loyal akong nilalang ng Diyos. One is enough for me!

D.E Valdez @ danelizabetth

Looking forward for weekdays to come :)

Hindi ko namalayan na pinindot ko na pala 'yong munting puso at nagkulay pula ito.

"Tama 'yan sebastian, give color to her heart!"

Boss Jimenez @ lansebaskun

Langit ka lupa ako pero tandaan mo, kapag binuksan mo itong puso ko pangalan mo ang nakalagay dito! BOOOM!

D.E Valdez liked your tweet

Daniel Elizabeth Valdez accepted your friend request

•••

Tanghali na ako nakauwi sa bahay namin at syempre sinermunan ako ng maingay kong nanay.

"Ano? uminom ka na naman porket wala kang pasok ngayon, gano'n ba?!"

"Puwede ba nay pakihinaan? Nalalaman ng kapitbahay na uminom ako kagabi, eh."

"Nako sebastian, Bente-tres ka na! Hindi na dapat kita sinasabihan, eh! Hinahigh blood ako parati sa'yo!"

"Oh!" pag-abot ko sakaniya ng pera na mahigit sampung libo para naman kumalma siya.

"Oh, bakit ito lang?"

Kakaibang nanay talaga 'to, demanding pa, ah!

"Oh bakit? Limang libo nga lang akin tapos iyong limang libo itatabi ko sa ipon ko para pampaayos ng bahay." mahinahon kong sambit. "Ipapangtong-its mo lang naman 'yan, eh!" pagbibiro ko.

"Anong tong-its? Hoy sebastian, sa tingin mo saan ko kinukuha ang pambili ng mga ulam natin, ha? tapos 'yong bigas, gas, mga kaartehan niyo sa katawan, kuryente at tubig! Hindi nga ako nagtotong-its! Kayo itong may bisyo!"

"Ahh oo na! Oo na! Pambihira!"

Lumabas ako ng bahay namin dahil naiirita ako sa bungangera kong nanay. Nakajersey shorts lang ako at iyong t-shirt ko ay nakasabit sa aking balikat dahil gusto kong magpahangin kaya wala akong suot na pang-itaas na normal lang naman dahil lalaki ako, naka tsinelas rin ako na tatak nike pero sa bangketa lang nabili. Habang nagkakamot ng kanan kong tainga gamit ang kanang hinliliit ko, nasulyapan ko ang isang pamilyar na babae na nakatira sa tapat ng bahay namin...nagsasampay siya ng kaniyang labahin sa kanilang balkonahe.

"Ligaya!" sigaw ko pero hindi niya yata ako narinig.

"Maria!"

"Maria Ligaya!"

"Maria Ligaya Babon!"

"Ex bebe ko!"

Aba pambihira hindi ako pinapansin ng isang 'to. Snobber na, pota, hindi naman famous!

"Neneng!" sigaw ko sa palayaw niyang mabantot.

"Tangina mo sebastian! Hindi ka mananahimik d'yan? Ano ba 'yon?! Wala kong pera!"

"Ang tagal mo kasi ako pansinin! Ano gusto mo itawag ko sa'yo? Iyong CS natin dati? Bebe Loves!"

"Pakyu ka sagad tanga! Kadiri ka!"

Natawa na lang ako bigla. Nakakatawa talaga pagtripan ang isang 'to.

Siya si Ligaya, kababata ko at kaklase ko no'ng highschool. Siya ang una kong naging girlfriend pero syempre hindi rin nagtagal dahil pagkagraduate namin ay naghiwalay na kami and the rest is history ika nga.

"Wow! Parang dati hindi mo ako ginawan ng mga love letter at nag le-lettering ka pa nga ng Happy monthsary my loves sa isang kartolina...nako ligaya, kwento ka!"

"Utut mo! Matagal na 'yon! Nakakapang-sisi nga, eh, akalain mo 'yon nagsayang ako ng pera para lang sa isang tulad mo? Magkano rin 'yong kartolina, pentel, at mga color bond paper no'n! Mygosh! Napakatanga ko nga naman noon!"

"Bitter ka pa rin ba?"

"Asa ka tanga! Better na 'ko ngayon!"

"Feeling ko may gusto ka pa rin sa akin, eh, aysus!"

"Pakyu ka sebastian, ang pangit mo na kaya sa paningin ko!"

"Bakit ba ang suplada mo sa akin? Alam mo nakakapangit sa isang babae ang pagiging suplada!"

"Oh talaga? Ang pangit mo rin!"

Hay nako, isa 'to sa mga dahilan kung bakit inis na inis ako sakaniya...para siyang nanay ko, kairita! Ingay-ingay parang palengkera!

"Wala kang pasok ngayon?" tanong ko sakaniya.

"Kung meron e di sana hindi mo ako nakikitang nagsasampay ng uniform ko ngayon dito."

Isang promodiser si ligaya sa MOA, sa isang stall ng mga appliances doon...ewan ko kung anong store 'yon hindi naman ako mahilig mag mall. Ikinuwento lang ng nanay niya sa nanay ko 'yong buhay ni ligaya, mag kumare kasi sila, akala nga nila kami rin magkakatuluyan hanggang sa huli pero mali sila ng akala.

"Bakit hindi ka mag-aral ng college tapos kunin mo na ngayon ay four years program?" sambit ko.

Umupo ako sa may unang baitang ng tapakan ng aming mayaman na kapitbahay at nagsindi ng isang stick ng yosi.

"Wow! Bakit? Graduate naman ako ng college...two years nga lang."

"Ayon na nga, eh, try mo four years baka sakaling ikaw pa maging manager sa trabaho mo ngayon!"

"Alam mo, desisyon kang hayop ka, eh, noh?"

"Gago gusto ka na ngang tulungan..."

"Salamat sa concern sebastian pero ako ang panganay sa amin, may binubuhay ako hindi katulad mo...pasarap sa buhay."

"Hoy! Anong pasarap sa buhay? Baliw! Ang hirap ng trabaho ko, noh! Mag-aral ka na, ako pa magpapaaral sa'yo!"

"Utut mo! Tapos ano, utang na loob ko pa sa'yo lahat? 'wag na uy!" nagbehlat siya sa akin at natawa ako ro'n.

Pota, tama nga yata si heneral luna no'ng sinabi niyang mas madali pang pagkasunduin ang langit at lupa kay sa dalawang pilipino tungkol sa alin mang bagay.

"Tangina bahala ka nga r'yan sa buhay mo." sambit ko.

"Talaga!"

Mas gumanda si ligaya ngayon kaysa no'ng highschool kami, pero maganda na rin naman siya noon pa man pero syempre puberty hits tapos akalain mo 'yon sinapol din siya no'n? Malaki balakang niya at oo average size boobs...problema lang talaga sa isang 'yon 'yong ugali. Bossy potek! Palengkera ang ugali, kaasar!

Kinuha ko ang aking cellphone sa aking tagiliran na nakaipit sa garter ng aking suot na jersey short. Pagkakuha ko nito, agad kong binuksan at kinonek sa wifi ng kapitbahay namin na aking tinatambayan ngayon.

"Aba...friends na kami hahaha!" sambit ko habang binubuga ang yosi na nakaipit sa aking dalawang daliri.

Bakit hindi pa ginawang accepted you as her boyfriend, eh, doon din naman 'tong landian na ito pupunta hay nako!

Inistalk ko ulit iyong facebook profile niya at konti lang talaga ang mga pictures na mayroon siya kahit nga mga tagged photos wala siya, eh, pambihira! Mga pictures lang na meron siya sa albums ay mga views ng mga bituin tuwing gabi, sa beach, sa bundok pa yata 'yong isa, tapos sa parang hotel...meron pang mga pictures sa ibang lugar 'gaya ng japan, south korea, tapos norway.

"Tangina bakit kasi ang yaman mo talaga? Para kang bituin, ang hirap mong abutin!"

Pero bigla na lang sumagi sa isip ko 'yong sinabi ni jaq kagabi sa akin...hindi susuka pero susuko? Ang isang Lance Sebastian Alejandres Jimenez ay hindi quitter!

"Nay!" sigaw ko sa nanay ko no'ng makita siyang palabas ng bahay.

"Oh bakit? nadedede ka?"

"Luh? Kadiri ka naman! Umay na 'yong sa iyo!" pandidiri ko pero syempre pabiro. " Bili mo ko ng coat..." sambit ko.

"Rain coat?"

"Suit coat, kulay itim...baka meron sa ukay-ukay tutal madadaanan mo rin naman 'yon."

Nilahad ni nanay ang kaniyang palad sa aking harapan at syempre ako 'tong hindi niya malolokong anak, ipinuwesto ko ang baba ko sa palad niya.

"Pera hinihingi ko, hindi baba mo!" sigaw nito sa akin.

"Sama mo na sa binigay kong ten-k! Pambihira parang hindi anak, eh, noh!"

"May pera ka r'yan sebastian umayos ka!"

"Mamaya pag-uwi mo! Nandoon sa kuwarto ko, eh!"

Tinignan niya lang ako ng masama at tsaka na lumarga paalis. Tinuon ko ang aking pansin sa aking cellphone at maya-maya nagtatype na ako para may i-post.

Lance Sebastian Jimenez

Bakit ba kung crush kita e di gumanti ka! Mahirap ba yon?

Niccolo Rodriguez Nuevo: lul hahahahaha!

Lance Sebastian Jimenez: epal ka? wala kang ibang friends?

Niccolo Rodriguez Nuevo: drama mo tanga!

Lance Sebastian Jimenez: tanga ikaw yon! tinder boy!

Niccolo Rodriguez Nuevo: inamo patayin kita jan eh!

Lucas Pagal: paki fb live na lang po yung pagpatay hahahaha

Jaq Matteo: Gago ka lucas! HAHAHAHAHA

Erick Pomarejos: Crushback lang? Mahina ka boy!

Ismael Mercedes: Wala lang gusto ko lang magcomment hahahaha!

Lance Sebastian Jimenez: Tangina ninyo unfriend ko kayong lahat dyan eh

Ligaya Babon liked your post.

Daniel Elizabeth Valdez liked your post.

Simpleng like lang pero heto na naman ako...parang tangang nakangiti habang sinisilayan ang pangalan niya sa notification ko.

•••

TBC.