Kinabukasan sa bahay nila Maya bandang alas nueve ng umaga.  Narinig nila ang isang boses na nagmumula sa isang megaphone. 

Brgy Tanod:  Magandang umaga ho.  Magkakaron ho ng Medical Mission ngayong hapon sa Barangay Hall simula ala una ng hapon.  Libreng physical check up, blood/sugar test, x-ray check up ng ngipin at iba pa.  Mamimigay din sila ng mga libreng gamot at vitamins. Maari po kayong magpalista na ngayon.

Huminto ang mga tanod sa tapat ng karinderya nila Maya.

Brgy Tanod:  Magandang umaga po Aling Berna, pwede ho bang dito na kami maupo at maghintay ng mga magpapalista?

Nanay Berna:  Oo naman, sige gamitin na ninyo yang bangko at lamesa dyan. Mabuti naman may nagmagandang loob na magMedical Mission dito sa atin.

Brgy Tanod:  oo nga ho eh.  Itinawag ho kay Kapitan ng taga Alabang Medical Center kahapon.  Yung matandang mayari ho ata non eh isang Pilantropo.

Nanay Berna:  Pagpalain siya ng Poong Maykapal sa kabutihan ng puso niya.  Ilista mo na nga diyan si Aling Mameng laging sumasakit ang mga buto-buto non eh.

Brgy Tanod:  Sige po.

Lumabas si Sheryl at Maya mula sa kwarto.

Maya:  Nay, ano ho ba yung ina-annouce na Medical Mission?

Brgy Tanod:  Astig, She nandyan pala kayo! Magandang umaga!

Maya:  Magandang Umaga po.

Sheryl:  Good morning Kuya!

Maya:  Nay, magpalista na kayo para malaman natin kung hindi bumalik ang sakit ninyo.

Nanay Berna:  Malakas pa ako sa kalabaw Maya. 

Maya:  Hindi ko naman ho sinabing may sakit kayo, ang sabi ko para nga malaman natin na talagang wala na ang sakit ninyo.  Matagal na din ho kayong hindi nagpapacheck up eh.

Sheryl:  Oo nga Nay, Kuya ilista mo na nga dyan si Nanay at tsaka si Maya.

Maya:  Oh, Ditse bakit pati ako?

Sheryl:  Patingnan mo yang braso mong namamaga at magpaphysical check-up at x-ray ka na din para malaman natin kung wala pang nababali sa mga buto mo dahil sa pakikipagbuntalan mo.

Maya:  Ditse naman!

Sheryl:  Oy Ineng, ako huwag mong inisin. Libre na nga yan eh... huwag ka ng umangal.  Palagi kitang sinusunod ha,  o gusto mong kurutin kita sa singit?

Maya:  Oo na nga!

Brgy. Tanod:  Astig, ang lakas mong manuntok at manipa eh sa kurot sa singit ng Ditse mo takot ka.

Tumawa ito pati ang ilan pang kasama nito na nakaupo at nagpapalista sa mga taong lumapit sa kanila.

Maya:  Bwiset ka Kuya ha! Lakas mong mangantyaw.

Sheryl:  Bernadette Reyes at Ma. Maine Reyes.  Kuya isulat mo na para nasa unahan ng pila.

Brgy. Tanod:  Ma. Maine ang buong pangalan mo Astig? Babaeng babae ah.

Uro:  Oo nga Maya, hindi bagay sa Astig na get-up mo!

Maya:  Uro pabida ka na naman ha.  Upakan kita!

Sheryl:  Bakit?  Babae naman ang kapatid ko ah.  

Tanod 2:  Ala eh, kaganda pala ng pangalan mo Astig eh.  

Uro:  Hindi bagay sa yo!

Nagtawanan sila.

Maya:  Mga siraulo kayo, ang aga-aga binubwiset ninyo ako! Palayasin ko kaya kayo!

Brgy. Tanod:  Joke lang Maya.

Nanay Bernal:  Kayo talaga, baka kapag nakita ninyong magbihis babae yang si Maya eh lumuwa ang mga mata ninyo.

Uro:  Naku, Nay Berna baka ho kumidlat at kumulog kapag nagbihis babae at nagayos yan si Astig.

Tanod 2:  Astig na nagbihis babae?  Hindi kaya magmukhang bading?!

Humagalpak sa tawa ang mga tao doon.  Inambahan ng suntok ni Maya ang mga ito.

Maya:  Aray! Tarantado talaga kayo eh.  Ayan nalimutan ko tuloy na masakit itong braso ko!

Brgy. Tanod:  Oh ayan, panglima ang Nanay mo at panganim ka para gumaling na yang braso mo Maya.  Kayo naman wala na kayong nakitang asarin kung hindi itong si Astig tapos kapag may luluko-luko sa kanya naman ang takbo ninyo.  Isa pa, maganda si Maya at sigurado akong kapag naayusan yan tutulo ang laway ninyo!

Dumating ang isang may idad na babae na may hawak na clipboard.

Mrs. Ancheta: Good morning sa inyong lahat.

Nanay Berna: Magandang Umaga din Mrs. Ancheta.

Mrs. Ancheta: Berna, hihingi lang sana kami ng tulong sa Barangay.  Padating na kase ang mga gamot para sa Medical Mission baka naman pwede kaming magpatulong sa mga lalake dito para magbaba ng mga yon.

Nanay Berna:  Oo naman, maasahan naman yang mga yan.  Uro, tawagin mo sila Baste, Bruno at ang iba pang mga kargador, pumunta kayo sa Barangay at tumulong doon.

Uro:  Sige po Nanay Berna, ako na pong bahala.

Halos mapuno na ng pangalan ang listahan ng may dumating na isang pickup na puno ng mga kahon sa likuran nito.  Kasunod nito ang sasakyan ni Joax at Robby.  Bumusina at kumaway si Robby ng makita si Sheryl na nakatayo sa harap ng bahay nila.  Kumaway at ngumiti din si Sheryl dito.

Maya:  Ditse! Pakawaykaway ka pa dyan. Kumekerengkeng ka na naman!

Sheryl:  Ineng naman, kumaway lang eh.

Maya:  Asus! Kinikilig ka eh, namumula yang pisngi mo!

Kasunod ang sasakyan ng Brgy. Captain. Huminto ito sa harap ng bahay nila Maya.  Tumayo si Maya para magmano dito.

Maya:  Ninong, mano po!

Nanay Berna:  Oh Kapitan ano ang atin?

Brgy. Captain:  Mare, kamusta?  Hinatid namin yang mga gamot at iiwanan ko itong dalawa pang tanod para tumulong sa peace and order sa Medical Mission mamaya.  Tsaka Mareng Berna, pwede bang magpaluto ng meryenda ng  mga volunteers sa Medical Mission. Pwede mo ba silang ipagluto?

Nanay Berna:  Naku, eh kung pancit at puto lang walang problema.

Brgy. Captain:  Spaghetti, fried chicken at ham and cheese sandwich na may gulay.  

Maya:  Gourmet sandwich po.

Brgy. Captain:  Yun na nga.

Nanay Berna:  Naku, eh hindi ako marunong niyan.  Etong mga dalaga ko marunong.

Brgy. Captain:  Pwede ba inaanak? Pwede naman akong umorder pero nanghihinayang naman ako naisip ko baka gusto ninyong kumita ng extra balita ko hindi ka nakapagangkat ng gulay eh.

Sheryl:  Oo nga po, papano nakipagbuntalan na naman yan Kapitan kaya namamaga ang braso. Sige po, pang ilang tao ba? 

Brgy. Captain:  Mga, 30 katao.  Mga alas tres ng hapon kailangan.  Inaanak, alam kong gusto mo lang makatulong dito sa atin at laking pasasalamat ko sa yo. Pero hinay-hinay naman, aba ang Ninong Hepe mo aatakihin na sa puso sa pagaalala sa yo eh.

Napakamot sa batok si Maya.

Maya:  Opo Ninong.

Inakbayan ng Kapitan si Maya.

Brgy. Captain:  Alam ko kung nasaan man ang Tatay mo proud siya sa yo Maya. Huwag kang masyadong magiisip hane. Magpatingin ka mamaya baka sakaling magamot yang malalim na sugat mo.

Maya:  Opo Ninong, salamat po sa pagaalala.

Inabutan ng  pitong libong piso ng Brgy. Captain si Nanay Berna.  

Brgy. Captain:  Pakibili na din ng mga coke na nasa plastic na bote para sa kanila at palamigin mo na.

Nanay Berna:  ang laki naman nito.

Brgy. Captain:  Sa Jolibee nga mahigit isang daan na yung chicken at spaghetti eh, tapos yung sandwich at drinks pa. Pati na lalagyan na styro at plastic.  

Maya:  Ninong, mukhang paldo tayo ngayon ah?

Brgy. Captain:  Hindi, may sponsor na nagpadala nyan. Nabalitaan na may pa-medical mission dito sa atin gusto lang din tumulong.

Mayamaya pa, umalis si Maya at Sheryl gamit ang pick-up pinagmaneho sila ni Baste.  Nagpunta sila ng grocery para sa order na pagkain ng Kapitan.  Makalipas ang isang oras bumalik ang mga ito. Si Nanay Berna, nagluto ng ititinda sa pananghalian.  Habang si  Maya, Sheryl at Baste inihahanda ang lulutuing fried chicken at spaghetti.  Pagdating ng tanghalian.  Naupo si Joax at Robby sa karinderya nila Maya.

Robby:  Magandang tanghali po pabili nga po ng makakakain.

Nanay Berna:  Oh Robby kayo pala.  Bakit naririto kayo?

Robby:  Nautusan ho kami ng Daddy ni Joax na tumulong sa Medical Mission.  

Joax:  Magandang tanghali ho. Eh tinatamad na kaming umuwi wala naman kasing tao don kaya dito na ho kami manananghali.  Si Sheryl ho may trabaho ngayon?

Nanay Berna:  Wala, nandito sa loob at inaayos yung order ni Kapitan na pagkain ng mga volunteer mamaya. Sheryl nandito sila Robby. Oh, anong ulam ninyo?

Joax:  Beef steak, chopsuey at dalawang pritong isda.

Lumabas si Sheryl.  

Sheryl:  Oh, tapos na kayong magdeliver ng mga gamot?

Robby:  Hi, oo tapos na, nakaayos na din don pati mga lamesa at mga silya at naitayo na din yung mga tent na gagamitin. 

Sheryl:  Salamat pala sa pakikinig mo sa akin kahapon ha.

Robby:  Wala yon, sana kahit papano napagaan ko ang loob mo.

Sheryl:  Oo naman, tsaka eto nga sinuswerte may medical mission kaya makakapagpacheck-up si Nanay at Ineng tapos nagpaluto si Kapitan kaya may dagdag kita.  Ikaw, kamusta? Ang Tatay mo?

Robby:  Ok naman, wala umalis sila papuntang Isabela eh.

Joax:  Ehem, ehem,  baka nakakalimutan ninyo nandito ako. Isali ninyo naman ako sa kwentuhan ninyo

Nagblush si Sheryl, sinuntok naman ni Robby si Joax.

Sheryl:  Kamusta ang bakasyon mo dito sa Pilipinas Joax?

Joax:  Mukhang maraming naikwento itong pinsan ko sa yo ha.  Ok naman nageenjoy din pero bago sa akin yung mga ganitong pagtulong sa ganitong mga mission.  Nakakasira ng image eh.

Sheryl:  Aling image, yung Astig, playboy at bad boy image?!  You know what, you don't really strike me as one.  Simula ng makilala kita ang nakita ko lang is the way how you helped Robby.

Joax:  Akala mo lang yon, hindi ka kasi tumitingin sa bigger picture.  Alam mo ba na kaya sinaktan nung lalake yung pinsan ni Robby dahil iniwan niya yun para sumama at makitable sa akin?

Sheryl:  Well it's her choice, so hindi mo technically kasalanan yon. You took her in because you were gentleman enough para itreat siya.

Joax:  That's nice of you.

Sheryl:  Sabi nga ng kapatid ko lahat ng bagay may dahilan pero maaaring may mas malalim pang dahilan kung bakit ginagawa natin ang mga bagay.

Joax:  That's just justifying what you're doing.

Biglang sumagot si Maya, hindi nila alam kanina pa pala ito nakikinig sa kanila.

Maya: No it's not. It may sound like it but its not.  It's just that it is the truth and a fact.  I can challenge you with that. Magbigay ka ng isang bagay na basta ginawa mo lang ng walang malalim na dahilan.

Napatingin si Joax kay Maya na nakatayo na sa tabi ni Sheryl.

Joax:  Ok sige, naniniwala ako na ginagawa mo ang pagkikipagbuntalan at habulan para makatulong sa tao.  May mas malalim dahilan pa ba yon?

Maya:  Tumatanaw ako ng utang na loob sa mga taong tumulong sa amin noon. Paying it forward.

Joax:  It is still form of helping out... they are considered the same.

Maya:  Umaasa akong isang araw ang mahuli ko ay ang taong pumaslang sa Tatay ko.

Nagulat si Joax sa narinig.  Napatitig sa seryosong mukha ni Maya.

Nanay Berna:  Tama na yang diskusyon, hayaan na ninyong makakain yang dalawang yan.  Maya ikuha mo sila ng Yelo sa baso.

Pumasok sa loob ng bahay si Maya at sinunod ang ina.  Kumain na sila Joax at Robby. Maya't mayang napapasulyap si Joax kay Maya.  Nakita niyang kausap nito si  Baste at nakangiti. Kumunot ang noon niya.  Nakita naman yon ni Sheryl.  Naupo ito sa tabi ni Joax at bumulong.

Sheryl:  Kanina ka pa sulyap ng sulyap sa kapatid ko ah.  Nakakahalata na ako. Bakit mo siya tinitignan?

Joax:  Wala, napatingin lang eh.

Sheryl:   Hmmm... dalawa lang yan.  Iniisip mo kung gaano siya kalalim magisip ganon kababaw ang ipinapakita niya sa lahat o iniisip mo kung ano niya si Baste.

Itinuon ni Joax ang paningin sa pagkain at hindi umimik.

Sheryl:  Mababaw na malalim ang kapatid ko. Madali siyang patawanin pero mahirap siyang paligayahin.  Simple siya sa paningin pero malalim at malawak ang kanyang isip.  Astig siya sa panlabas pero napakafragile ng kanyang loob.  There's a lot more to her Astig image that you cannot imagine.

Joax:   I think I am beginning to see that.

Sheryl:  At hindi niya boyfriend si Baste.  Kababata lang na nagmamahal sa kanya ng lihim.

Joax: and why are you telling me that?

Sheryl:  Wala, I just have a feeling that you are interested to know.

Ngumiti at kumindat sa kanya si Sheryl.  Nakangiti si Robby na nakikinig lang sa kanila.

Napatingin si Joax kay Sheryl.  Ang nasa isip, "ano ba ang tingin nito sa akin?  Interesado ako sa tomboyish na kapatid niya?  No way Jose!"

Pagdating ng hapon, nagsimula ang Medical Mission.  

Nakaparada ang isang Clinic on Wheels sa tabi ng mga Tent. May isang lamesa na may isang babae na nagtatawag ng pangalan at nagsusulat ng mga personal information ng pasyente  sa isang Medical History Card.  May nurse na kumukuha ng timbang at taas ng pasyente. Pagkatapos pauupuin ang pasyente, may Nurse na kumukuha ng blood pressure at blood sugar. Pagkatapos isulat ang mga impormasyon sa card.  Palalapitin na sa Doctor, nandon si Dr. Larry, Dr. Mark    Kapag kailangan ng xray o urine test o kaya ngipin ang patitingnan papapasukin na sa Clinic on Wheels, may dalawang staff ito sa loob at ang dentistang si Dra. Evelyn.  Pagkatapos lalapit sa isang babae na magbabasa ng reseta ng Doctor at si Robby at Sheryl ang namimigay ng mga gamot.  Si Joax naman ang namimigay ng vitamins  at gatas na nakalagay sa isang maliit na ecobag na nagsilbing give-aways ng medical mission.

Natapos ng tawagin si Nanay Berna, pero wala si Maya. Kaya nilampasan na lang ang pangalan niya.  Nasa loob pala ito ng Barangay at tumutulong sa pagrepack ng mga giveaways na vitamins.  Bandang alas tres, naka singkwenta na pasyente na sila.   Lumapit si Mrs. Ancheta kay Maya at ipinakuha na ang mga sandwiches at softdrinks.  Umuwi si Maya kasama si Baste at Uro para kunin ang mga ito.  Pagbalik nila narinig nila na nagsalita si Dr. Larry.

Dr. Larry:  Oh bago tayo mag 15 minute break, tawagin muna ninyo ulit yung mga nalampasan na wala kanina.  

Namimigay ng sandwich at softdrinks si Maya sa mga volunteer ng marinig niyang tawagin ang pangalan niya.

Staff 1:  Ma. Maine Reyes

Sheryl:  Nandyan na siya.  Maya, Maya tinatawag ka na!

Staff 1:  Ma. Maine Reyes?

Narinig ni Joax yon, hinanap ng paningin sa mga tao si Maya ang nasa isip.  "Maine pala ang totoong pangalan  niya at may Maria pa, babaing babae pa naman ang pangalan kung kumilos naman mas macho pa sa akin."

Ibinigay ni Maya ang mga hawak kay Baste at lumapit sa babae. Matapos timbangin, kuhanin ang taas, blood pressure at blood sugar.  Pinalapit na ito sa Doctor. Lumapit si Sheryl sa tabi nito.

Dr.  Larry:  Ano ang nararamdaman mo Hija.

Uro: Doc, masakit ang katawan niyan maga sa mga suntok at sipa.

Pinandilatan ng mata ni Maya si Uro.  Nagtawanan ang mga kapitbahay nila na naghihintay na matawag ang pangalan nila. Lumapit si Sheryl sa tabi ni Maya.

Sheryl:  Doctor paki physical check up nga ho at xray na din  baka may nabali ng buto.

Maya:  Ano ka ba, kaya ko na to Ditse! Doon ka na nga.

Nangingiti ang Doctor.

Dr. Larry:  Maine, Hija may masakit ba sa yo?

Tanod:  Doc, Astig ho ang tawag namin diyan. Kasing astig ng suntok at sipa niya.

Tawanan ulit.  Nainis na si Maya.

Maya:  Tatahimik ba kayo o ililipat ko sa inyo ang sakit ng braso ko?! Hindi naman kayo kinakausap sabat kayo ng sabat eh!

Natahimik ang lahat ng tumayo si Maya.  Napatakbo si Uro.  Natawa ang Doctor.

Maya:  Maya na lang ho Doc. Ito ho kasing braso ko sumasakit eh.  Pasensya na ho kayo sa mga kapitbahay ko wala hong alam buskahin kung hindi ako.

Dr. Larry:  Ok lang yon, masaya nga eh. Akina ang kamay mo...

Marahang pinisil nito ang mga daliri, kamay, wrist at braso.  Napangiwi si Maya.  Bahagyang inikot ang wrist napaaray si Maya.

Dr. Larry:  Oh eh masakit pala eh bakit ikaw pa ang nagbubuhat ng mga pagkain kanina. May naipit na ugat sa wrist mo at dahil napupwersa namaga na ang ugat kaya buong braso mo na ang sumasakit.  

Tinawag nito ang isang staff at binigyan ng instructions.  Sinamahan nito si Maya sa loob ng clinic, inex-ray ang braso niya, dibdib at likod.  Bitbit ang resulta ng xray bumalik si Maya sa upuan sa harap ni Dr. Larry. Binasa nito ang resulta.

Dr. Larry:  Wala namang fracture kahit saan. Kahit na yang braso mo wala. Naipitan lang ng ugat yan. Joaquin,  ikuha mo ako ng crepe bandage at arm sling sa loob ng clinic.

Sumunod naman si Joax.   

Inilabas ni Dr. Larry ang Bengay cream sa bag niya,  bahagyang hinilot ang parte na namamaga at ang buong braso ni Maya. Napapangiwi si Maya.

Dr. Larry:  Hindi mo dapat ibinubuhat itong kamay mo. Hindi gagaling yan kapag napupwersa. 

Iniabot ni Joax ang bandage, ibinalot ito ni Dr. Larry sa braso ni Maya at sinuotan ng arm sling.   

Dr. Larry:  Ayan para siguradong hindi mo maibubuhat at huwag mong babasain ng dalawang araw. Pangatlong araw iexercise mo ang mga daliri na parang nagclose open at ikutin mo ang wrist mo kung may masakit pa. Kung sumasakit at hind mo matolerate you can drink this pain reliever.

Maya:  Thank you po Doc.

Dr. Larry:  Kung talagang hind maiiwasan ang buntalan dapat na matibay ang mga buto mo so magvitamis ka at calcium.

Maya:  Ok po, salamat ho.

Umabot ng 118 na tao ang nacheck-up sa Medical Mission. Madilim na ng matapos silang magligpit.  Pinaupo silang lahat ng Brgy. Captain.

Brgy. Captain:  Maraming salamat po sa inyong lahat.  Dr. Larry, Dr. Mark, Dra. Evelyn at sa lahat ng Nurse at Volunteers na tumulong. Napakalaking tulong po ang ginawa ninyo ngayong araw na ito dito sa amin.  Pagsaluhan po natin ang konting pagkaing naihanda namin para sa inyo.

Inabutan nila Nanay Berna, Sheryl, Maya, Mrs. Ancheta ng spaghetti at fried chicken na nakalagay sa disposable na baunan ang mga ito.  Matapos kumain at, maisakay ang kanilang mga gamit umalis na sila Dr. Larry.

Naiwan na nakaupo sa harap ng Barangay si Maya at Sheryl. Magkakatulong namang nagliligpit ng mga upuan, lamesa at tent ang mga lalaki kasama si Joax at Robby.

Nanay Berna:  Kapitan, mauuna na ho kami  at magsasara pa ako ng karinderya.

Brgy.  Captain:  Salamat Mare.  Masarap ang niluto mo.

Nanay Berna: Hindi ako ang nagluto non, si Maya.

Napalingon si Joax, sinulyapan si Maya at napaisip... "masarap siyang magluto eh may pagkababae naman pala."