HM: Bakshi sir ap nay humain yahan kyun bulaya hai??

AB: Ms mallik mujhe ap say yeh umeed nahi thi, jis shaks nay ap ki Jan laynay ki koshish ki ap nay usi say shadi Kar li, aur yeh urmila ki sachai sab k samnay aai toh kaisay? Ap janti hain Anubhav Singh suspected hain , ap un par bharosa kar k buhat bari ghalti kar rhi hain ms mallik, ap Kisi bhi tarha woh hard drive Anubhav say lay k mujhe dyn.

HM: maaf kijeay ga sir , jaisa k ap jantay hain k woh hard drive ab Anubhav k pass hain woh humain kisi qeemat par bhi usay daynay ko tyar nahi tha, toh humain majbooran us say shadi ka natak Karna para ta kay hum woh hard drive dobara hasil kar saken, aur jab tak hum us k sath nahi rahen gay toh kaisay pata lagaen gay k us nay hard drive Kahan rakhi hai.

AB: theek hai par dhayan say Anubhav ko yeh hargiz pata nahi chalna chaheay k ap hi haseena mallik hain urmila mathare nahi hain.

HM: ji sir hum nay Anubhav ko yeh yaqeen dila diya hai k hum urmila mthare hain haseena nahi. Par sir humain lagta hai k Anubhav sach mei bay gunnah hain unka in sab mei koi hath nahi hai.

AB: nahi haseena mallik ap Kisi par itna bharosa nahi Kar sakti, bus jald say jald kisi bhi tarha woh hard drive ap Anubhav say lay k mujhe dyn.

HM: maaf kijeay ga sir hum desh ki suraksha k Sath kisi bhi tarha ka koi risk nahi layna chahtay , hum woh hard drive ap ko bhi tabhi dyn gay jab tak asli gunahgar pakra nahi Jata, aur aaj Anubhav par Kisi nay attack kiyà tha, us hard drive ki wajah say, kyun k woh Jo bhi hai woh janta hai k hard drive ab Anubhav k pass hai, aur Anubhav khud par toh attack nahi karwa sakta, toh apko uski begunahi ka aur Kaun sa saboot chaheay phir?

AB: nahi hamesha Jo dikhta hai woh sach nahi hota Ms mallik ho sakta hai Anubhav ko ap par abhi bhi shak ho k ap haseena mallik hain urmila mathare nahi hain, isliay us nay khud ko innocent prove karnay k liay khud par attack karwanay ka natak kiyà ho. Ap jazbati ho k koi bhi aaisa faisala nahi lyn gi jis say desh ko khatra ho samjhi ap, Anubhav jab tak innocent prove nahi ho Jata woh suspected that or rhy ga.

HM: ji sir. Hum dhayan rakhain gay aainda, kiyà hum ab ghar ja saktay hain Anubhav humara intezar Kar rhy hun gay.

AB: theek hai ap ja sakti hain par dhayan rahay Jo mei nay Kaha hai wohi ap nay Karna hai.

HM: ji sir hum koshish karen gay. Jai hind.

AB: jai Hind.

************

AS: haseena ji ap itni raat ko Kahan gaen thi. Kuch baat thi Jo ap hum say kehna chahti thi par Karishma Singh ki wajah say nahi keh paen.

HM: ap Sahi samjh rhy hain Anubhav humain ap say kuch kehna tha, hum Bakshi sir say milnay gay thy Anubhav, un ki call thi unhon nay humain milnay bulaya tha, sir ko abhi bhi lagta hai k sab kuch ap nay kiyà hai, humain ap day satark rehnay ka keh rhy thy, par humain ap par poora vishwas hai humara Anubhav na toh apnay desh k Sath dagdari kar sakta hai na hi kabhi humain takleef daynay ka soch sakta hai, unhon nay Kaha k hum bhavanon mei beh k koi ghalat qadam na utha lyn jis say desh ko khatra ho, par Anubhav pyar ki sab say pehli shart ek dosray par bharosa hai Jo humain ap par hai khud say bhi zayda, jabhi toh apni poori zindagi ap k naam kar di hai hum nay, jab sab nay Kaha k ap nay humain dhoka diya hum nay us pal bhi apnay dil ki sunni ap say usi tarha pyar kartay rhy, jaisa k pehlay kiyà kartay thy balkay us say bhi zayda chahnay lagay apko, poori duniya ap k against thi par hum jantay thy Jin ankhon mei hum nay apnay liey pyar or sachai dekhi hai woh khud ko dhoka day day ga par apnay pyar ko nahi, isliay toh hum apko is qadar chahtay hain Anubhav, I am proud of you Anubhav I love you.

AS: I love you too haseena ji. Hum sach mei buhat bhagishali hain k humain apka pyar mila Jo hum say har parsthithi mei usi tarha prem karti hai, Jo apnay dil ki sunti hai, ap k dil say nikli har baat or ankhon mei chupay har Raz hum parh or samjh saktay hain haseena ji, ap ko kuch kehnay ki zaroorat nahi hai haseena ji, kyun k humara rooh ka rishta hai, aur rooh k rishtay chahay pass hun ya dour kabhi nahi toot saktay, hum bhi ap say buhat zayda prem kartay hain haseena ji or akhiri sans tak kartay rahen gay, kyun k humain pyar Karna ap nay sekhaya hai, warna hum jaisay agents ki zindagi mei pyar sirf desh k liay tha, par hum bhool gay thy Jo dil desh par maar mitnay ka jazba rakhta hai woh kisi larki par bhi maar mitay ga hum nay socha bhi nahi tha, par hum grav hai k hum nay ap jaisi desh bhaght say pyar kiya jis k liay pyar say barh k desh prem hai. Jis nay kabhi humain khud say bandh k nahi rakha, humain hamesha himmat dilai k hum desh k liay kuch kar guzray or hamesha humaray Sath humari kamzoori nahi humari taqqat ban k khari rahen, I am also proud of you Mrs haseena Anubhav Singh. Or dekheay ga haseena ji jis tarha hum dono k liay dedh say barh k kuch nahi waisay sachay desh bhaght humari santanain bhi hun gi, chahay beti ho ya beta hum dono ko bachpan say hi un k dil mei apnay desh k liay prem dalain gay, ta k woh bhi baray ho Kay apni Ammi or baba ki tarha dil k liey apna sab kuch qurban karnay say peechay na hatain,  Jab woh humari prem Kahani sunain gay toh un k dil mei desh k parati prem aur bharhay ga, hum dono rahen na rahen par woh humain zaroor yad kar k hum par grav Karen gay.

HM: ap nay abhi say itni dour ka soch liya Anubhav, humain toh halat say buhat dar lagta hai Anubhav, jab bhi lagta hai sab kuch theek honay wala hai, tabhi sab kuch khatam ho Jata hai, hum pass aa k bhi dour ho jatay hain Anubhav, shaid is Janam mei hum ek ho k bhi kabhi ek na ho saken.

AS: haseena ji ek hona Jo jismon k ek honay ko thori na kehtay hain, jism k Sath Sath dil bhi ek honay chaheay Jo k humaray hain.

HM: bus aasha kartay hain k is bar jaldi say sab kuch theek ho jaey or hum poori tarha say sirf apnay Anubhav k ho Jaen.

AS: is bar aaisa hi hoga haseena ji par is waqt desh ki suraksha humaray liey zayda mahatwapoon hai.

HM: ji.

*********

KS: urmila tum nay bhaiya ko dekha hai kahen , na hi unka phone lag rha hai na hi woh ghar par hain. Tum janti ho Kahan hain woh.

HM : nahi mere ko kiyà pata k woh h hero Kahan hai. Ek minutes mei pata laganay ki koshish karti hai.

KS: acha toh tum kaisay pata lagao gi k bhaiya Kahan hain? Dekho humain bhaiya ki buhat hi zayda fikar ho rhi hai, agar tum kisi mazaq k mood mei ho toh sorry.

HM: aye chatak Chandni tujhe kiyà lagta hai k us hero ki fikar sirf tere ko hai mujhe nahi , tera bhaiya hai woh cheeku toh mera bhi pati hai woh, Kal Jo hua us k bad mere ko uski chinta aur zayda ho gae hai, isliay Kal raat jab woh hero so rha tha na toh mei nay chupkay say us k galay k locket k peechay admi ka pata dhondnay wala Plastic ka tukra laga diya.

KS: woh  chip hota hai , woh tumhain Kahan say Mila.

HM: woh woh toh mere ko safeedi ki dukan nay diya hai.

KS: santu nay?

HM: ha ha usi nay diya hai, mei na Kal tere bhaiya ko lay k thora sa dukhi thi , mei aaisa mun wun bana k teri haseen dilruba k cabin mei baithi thi tabhi safai ki chamkar mere mera matlab hai teri haseen dilruba k cabin mei aai mei nay usay bataya k mei apnay hero ko lay k pareshan hai agar kisi nay dobara mere hero k Sath kuch kiyà toh mei usay kaisay bacha pae gi toh us nay tabhi mere ko woh chip di, ap ja k mei usay lay k aati hai theek hai, mei jaun ab.

KS: nahi hum bhi tumharay Sath chalen gay tum akeli nahi jao gi wahan, pata nahi woh Kaun log hain agar tum akelay gae or phans gae nahi hum tumharay Sath chal rhy hain it's order.

HM: bari aai mere ko order daynay wali mei teri senior hai.

KS: thi tum senior ab nahi ho tum ab police force ka hissa nahi ho shaid tum bhool rhi ho k tumhari sachai jannay k bad DSP sir nay tumharay thanee aanay par pabandi laga di hai. Aur yeh gun bhi tum use nahi Kar sakti ab.

HM ( pov): ya Allah hum Karishma Singh ko kaisay rokain wahan janay say humain unhain chip k baray mei batana hi nahi chaheay tha, agar yeh wahan gaen toh Anubhav or humari jan k Sath Sath inki Jan ko bhi khatra ho sakta hai. Par hum inhain Sath lay ja bhi nahi saktay kiyà Karen kuch samjh nahi aa rha. Ek Kam kartay hain Karishma Singh ko hum kisi tarha ghalat location bata k gumrah kar daytay hain, lekin gun uska kiyà ? Ha ek Kam kartay hain apni naqli gun Karishma Singh ki asli  gun say change kar daytay hain. Ha yahi Sahi hai.

***********

To be continued.

Last part will be upload after four days