Paalam...

Sa kaibigang naging karamay

at sa di malilimutang pinagsamahan.

Ang ngiti mong dati rating sing tingkad ng araw

ngayo'y sing lamlam na nagbabadyang ulan.

Sa pag-ihip ng hangin sa kanluran

ay ang pagkalagas ng tuyong dahon

ng mga alaala, sa punong naging

sing tayog ng ating pangarap.

Ang pagpatak ng ulan ay gaya sa mga luhang

bumuhos dahil sa pighati ng kahapon.

Sa pagbigat ng balikat ay aking napagtanto

ang mga bagay na di pinahalagaan at

itinapon.

Minsan ba'y iyong pinakinggan ang pintig at

nilalamang mensahe ng pagsusumamo?

o sadyang bulag at nakikita lang ay ang

mapagkunwaring balat-kayo.