Pag-asa sa gitna ng kasawian. 

Paalam sa ilaw na iyong hatid.

Pag-asa sa pagharap sa pagsubok,

paalam sa mundong makulay.

Aanhin ang nasimulan kung ang kapalit ay pagkalugmok.

Dulot ay pag-asa ngunit sa dulo'y pamamaalam na kay pait.

Sa aking paggising hanap ang munti mong tinig,

kalauna'y unti-unting naglalaho.

Ang tanging sambit...

Paalam sa matamis mong ngiti.

Pag-asa na siyang tanglaw.

Paalam sa mainit mong yakap.

Pag-asa sa pagtawid ng unos.

Sa pagtahak sa ibang landas,

pag-asa pa rin ang siyang sandata.

Paalam,

sana'y iyong kaligayahan ay mahanap.