Selos

Binalak kong gumawa ng ibang account just to confirm kung totoo ngang she blocked me. Hindi ko din alam kung ano ang naging mali ko. Hindi ba siya comfortable sa ilang likes ko sa picture niya? Anong magagawa ko? Maganda naman talaga.

Inabala ko na lang ang sarili ko sa ibang bagay lalo na sa preparations for my college entrance exam. Kagaya ni Kuya Hob ay balak kong kumuha ng Engineering course since nasa family business din namin ang mga real estate.

"Dito ka magco-college, Eroz?" tanong ni Kenzo kay Eroz ng magkayayaan mag-inuman sa bahay nila.

Game si Tito Axus, hindi naman niya kami pinagbawalan uminom basta ay walang magdi-drive at nandito kami sa kanila.

"Dito. Dito na muna ako sa Manila," sagot ni Eroz sa kanya habang abala sa nilalarong game sa Xbox.

"Hindi ka na babalik sa Sta. Maria?" dugtong na tanong naman ni Cairo.

Nagkibit balikat na lang si Eroz bilang sagot bago tinungga ang can ng beer.

"Pag kulang pa, magpabili na lang kayo..." sabi ni Tito Axus nang magpaalam sila sa amin ni Tita Elaine na aalis.

"Saan kayo pupunta, Tito?" tanong ni Piero.

Hindi nga nagtanong si Eroz na anak nila, pero 'tong si Piero na pamangkin ay nakuha pang magtanong.

"Bakit sasama ka?" balik na pang-aasar ni Tito sa kanya.

"Ayoko sa mga corny dates ng mga matatanda. Umuwi kayo ng maaga ha," laban ni Piero dito kaya naman natawa na lang si Tito Axus dahil sa kakapalan ng mukha ng pinsan namin.

Lumalim ang gabi hanggang sa hindi na namin namalayan kung ilang can ng beer ang na ubos naming magpipinsan.

"Pwede na bang uminom si Hunter?" tanong ni Tadeo ng mapansin niyang nakikipagsabayan ako sa kanila.

"Pwede na 'yan," sagot ni Kuya Hob habang ang focus niya ay sa laban nila ni Piero.

"Hindi pa college..." kantyaw ni Piero.

Ngumisi na lang ako at hindi na sila sinagot pa. Kanina pa ako nakatingin sa phone ko. Something inside me wants an update about her. Naka-uwi na ba sila ng Pilipinas form their out of the country trip?. Bakit niya muna ako binlock?

"Pag binlock ka na...meaning ayaw sa'yo. Wag kang makulit," suwestyon ni Piero ng mapag-usapan nila ang kaibigan ni Kenzo.

"Gumawa ng ibang account pero nakilala ulit," nakangising kwento ni Kenzo sa amin.

"'Yan ang wag na wag mong gagawin. Halatang patay na patay ka...keep your cool up, matatakot pa sa'yo yung babae niyan," pangaral ni Kuya Hob sa amin na akala mo kung sino siyang expert. Takot nga 'to kay Isabella.

"Tama, Tama! Kumain na tayo...gutom na ako," singit ni Piero kaya naman sinuntok siya ni Kuya sa braso at tinawanan.

"Gago, hindi talaga makaka-usap ng maayos pinsan niyo."

"Hindi ko na pinsan 'yan," pagtatakwil ni Eroz sa kanya na namumula na din dahil sa dami nang na-inom.

"Buti na lang hindi ko pinsan," sabi ni Cairo.

"Mas malala kasi kapatid mo," kantyaw ni Kuya Hob kaya naman natawa sila.

"Amputa, itakwil daw ba ako? Parang gusto ko kayong pamilya," laban ni Piero para isalba ang natitira niyang dignidad kung may natira pa.

Nagmagkasawan sa nilalarong game ay pinilit ni Piero si Eroz na pumunta kami sa malaking garahe nila kung saan nandoon ang lahat ng collections ni Tito Axus ng mga sasakyan. May mga vintage, sports cars, ang mga pang-karera.

"Kung ako ang anak ni Tito Axus, hindi ako papayag na hindi ipamana 'to sa akin. Maglalaban kami sa korte," sabi ni Piero kaya naman nabatukan siya ni Kenzo.

"Buti na lang hindi ikaw ang anak," kantyaw ni Tadeo.

Panay ang pagpapa-picture ni Kuya Hob at Piero sa mga sasakyang natitipuhan nila.

Sinulit namin ang mga natitirang araw ng bakasyon hanggang sa biglang nagkayayaan na magbakasyon sa Amanpulo kahit ilang araw lang.

Naging abala din ako pagkabalik namin ng Manila para sa college entrance exam ko. Kung makakapasa ako dito ay magkasama kami ni Kuya Hob sa isang university at same college din.

Hindi naman mahihiwalay sina Isabella at Sovannah sa akin dahil dito din sa university sila papasok. Business ang kukuhanin ni Sov samantalang related naman sa fashion designing ang kay Isabella.

"Kayong dalawa na lang muna since iba naman ang mga requirements ko," pagtanggi ni Isabella.

"Baka may ibang lakad si Hunter. Ikaw na lang ang sumama sa akin," pagtanggi ni Sov.

Inirapan siya ng pinsan. "Ako ang busy, kayong dalawa na," giit ni Isabella na halos hindi maalis ang tingin sa hawak na phone.

Paniguradong si Kuya Hob nanaman ang kausap niya.

Lumipat ang tingin ko kay Sov.

"Tayong dalawa na lang. May kailangan din akong bilhin sa mall," sabi ko sa kanya kaya naman natahimik siya.

Napangit ako nang makita ko kung paano siya sumipsip sa hawak niyang milktea. Parang batang hindi napagbigyan.

"Ayaw mo'ng tayong dalawa lang?" tanong ko sa kanya at tinaasan pa siya ng kilay.

Tinaasan niya ako ng kilay at sinimangutan din kaya naman natawa na lang ako. Since I was about to enter college anytime soon ay pinayagan na ako ni Daddy na gamitin ang Rover gamit ang Student drivers license ko.

Bata pa lang ay well trained naman kami nina Kuya sa pagmamaneho kaya naman hindi na sila masyadong nag-aalala pa.

"May tampuhan nanaman ata sila ni Hobbes," sabi ni Sov sa akin habang nasa byahe kami papunta sa mall.

"Palagi naman,"giit ko at napa-ngisi na lang.

"Kuya mo kasi...daming babae," giit ni Sov kaya naman mas lalo akong natawa.

"Takot lang non kay Isabella. Lapitin lang pero loyal 'yon," pagtatanggol ko sa Kuya ko.

Inabot ni Sov ang tenga ko at piningot 'yon kaya naman nagprotesta ako.

"I'm driving," natatawang suway ko sa kanya.

Baka mapatay pa ako ni Tito pag na-aksidente kaming dalawa.

I spend my remaining vacation with my family, cousins, and friends. Halos every weekend kami magkasama ni Sov para pumunta sa mga cafe na gusto niyang puntahan.

"Sus! Masyado ka kasing malapit!" pang-aasar niya sa akin nang magpunta kami sa Arcade at naisipang maglaro ng basketball.

Tawa siya ng tawa sa tuwing hindi pumapasok ang bola at sinasabihan naman akong madaya pag naka-shoot.

"Come on, try mo..." sabi ko sa kanya at kaagad ko siyang hinila palapit sa akin para turuan siya.

Napansin ko ang gulat niya nung una dahil sa paghila ko sa kanya. Hindi ko na lang pinansin at inayos ko ang hawak niya sa bola.

"Sige, shoot mo na," panghihikayat ko.

Inismiran niya ako bago siya bahagyang napatalon para I-ibato 'yon. Natawa ako ng hindi man lang umabot iyon sa ring kaya naman inis na inis si Sov sa akin.

"Lagyan mo kasi ng lakas," giit ko.

"Iyon na ang isang daang pursyentong lakas ko," laban niya sa akin kaya naman mas lalo akong natawa sa kanya.

She's been struggling to explain kung paanong naibuhos na niya lahat ng lakas niya sa pagbato pero hindi man lang umabot sa ring.

"Oh damn. Hindi pa 'yon. Sa pananakit lang ba sa akin lumalabas 'yang lakas mo?" tanong ko sa kanya.

Pag sinusuntok ako sa braso ay akala mo expert.

Sinimangutan niya ako at umayos ulit ng tayo para mag-shoot. Ngumisi na lang ako, tumayo ako sa kanyang likuran at inayos ang pagkakahawak niya ng bola.

Hindi nakagalaw si Sov dahil nakakulong siya sa gitna ng mga braso ko. Mas lalong lumiit ang kamay niyang nakahawak sa bola ng hawak ko 'yon.

"Sabay ang talon at pagbato," nakangising sabi ko.

"Inuuna mo kasi ang talon," Puna ko pa sa kanya.

"Alanga naman unahin ko ang bato bago ako tumalon," laban niya sa akin at inirapan pa ako kaya naman napakagat na lamang ako sa aking pang-ibabang labi.

Ok. Wala kang laban diyan, Hundson.

Matapos mapagod sa basketball ay lumipat naman kami sa claw machine. Ilang token na ang naubos namin pero wala kaming nakuha kahit isa.

"Hayaan mo na nga," nakangising sabi ni Sov sa akin.

Halos mawala ang mata niya dahil sa pagtawa. Hindi ko maiwasang mapatitig sa kanya. Minsan masungit, pero kung mang-asar naman ay grabe din.

Hindi ko pa din makalimutan na bully siya sa akin nung elementary kami lalo na nung mga panahong parang bao pa yung buhok ko. Wala atang araw na hindi siya tatawa sa tuwing nakikita niya ako.

I don't want to disappoint her kaya naman hinila ko siya papunta sa isang store kung saan maraming stuffed toys.

"Pumili ka. I'll buy it for you," utos ko sa kanya.

"Sus! Hurt lang ego mo kasi hindi ka nakakuha sa claw machine," pang-aasar niya sa akin.

Damn. Mapapa-iling ka na lang talaga.

Hindi siya pumili kaya naman ako na ang pumili para sa kanya. Abala si Sov sa pagtingin ng mga kung ano sa store habang naghahanap naman ako ng pwede kong ibigay sa kanya.

Maybe she's right. Na-hurt ang ego ko dahil wala man lang akong nakuha sa claw machine. Kung bilhin ko kaya ang buong claw machine na 'yon?.

Binili ko si Sov ng Boba Milktea stuffed toy. Palapit na sana ako sa cashier para bayaran 'yon ng madaan ako sa mga keychains nila.

Nakuha kaagad ng isang ballerna keychain ang attention ko kaya naman na-alala ko kaagad si Ahtisia. Hindi ko alam kung bakit ko kinuha 'yon at binili. I'm not even sure kung magkikita ulit kami, she blocked me and hindi naman sumasagot sa text messages ko.

Ayaw niya akong maging kaibigan, that's the bottomline.

"Thanks for today, Hunter. Kita tayo sa Monday sa campus," paalam ni Sov sa akin nang huminto ang sasakyan sa tapat ng bahay nila.

Nginitian ko siya at tumango. "Text me pag naka-uwi ka na," paalala niya sa akin.

"Sure," sagot ko.

Naging mabilis ang pagdaan ng weekend hanggang sa dumating na ang first day namin sa university. I don't know what to expect sa college life since Kuya Hob told me na wala naman masyadong pinag-kaiba bukod sa pamatay ang mga subjects.

Nadalian din naman ako sa entrance exam kaya sa tingin ko ay kung magfo-focus alng ako ay magiging madali lang din sa aking mag adjust.

I saw some familiar faces sa mga block mates ko. Ngiti at tango lang ang ginawa namin habang naghihintay sa first professor namin para sa unang subject. Pansin ko ang tingin at paglingon sa akin ng ilang babaeng ka-klase.

Hinayaan ko na lang since sanay naman na ako sa mga ganon.

Hindi nag-klase ang unang professor namin at ganoon din ang iba. May program din sa auditorium para sa mga freshmen kaya magiging magaan ang unang araw namin sa college.

"Walang nagturo sa inyo?" tanong ni Isabella nang magkita-kita kaming tatlo sa auditorium.

Magkasabay kaming umiling ni Sov kaya naman nginitian ko siya. She's wearing a beige colored tube top and a black cover up.

"Classmates kami ni Jasper," nakangusong kwento niya sa amin.

"Sabi ko na susundan ka," giit ni Isabella kaya naman sumama ang tingin ko sa kung saan.

Tahimik lang akong nakinig sa kwento niya tungkol dito.

"He keeps on suggesting na ako ang gawing muse ng block section namin para maging freshmen representative," sabi pa niya kaya naman umigting ang panga ko.

"Pa-bida talaga ang Jasper na 'yon," sabi ni Isabella at tumingin sa akin.

Napabuntong hininga na lang ako at inalis ang isip ko sa bagay na 'yon. Ayokong masira ang unang araw ko sa college at baka masira ang buong taon ko kung sakali.

Magaan ang naging first week namin kaya naman nagawa ko pang maka-attend sa martial arts training ko pagdating ng weekend.

"Kamusta ang college, Hundson?" Tanong ni Coach Gab sa akin.

Ngumisi ako sa kanya bago ako sumipa. "Ayos lang, Coach," sagot ko.

Nagtaas siya ng kilay sa akin. "Madaming maganda?"

Nginisian ko siya bago ko ginawa ang itinuro niya sa akin. Tumalon ako at umikot, sinipa ko ang hawak niya gamit ang isang paa ko.

"Mag-girlfriend ka na. Pwede na 'yan. I-enjoy mo ang college life mo," turo niya sa akin kaya naman na ngingiti na lang ako.

"Kayo na kasi ni Sov, bagay kayo!" pang-aasar niya sa akin.

Kilala na niya sina Sov at Isabella since ilang beses na din silang nag gym dito.

Hindi na lang ako sumagot at nag-focus sa training ko. Matapos ang training at makapagpahinga na ay nagshower na ako sa gym at nagbihis na ng pamalit.

Nagscroll ako sa social media at nakita ang ilang instagram post ni Isabella na kasama ang pinsang si Sov. May family gathering sila ngayon kaya naman inaasahan ko na ang paglabas ng mga post ni Isabella buong araw.

She wants to be a model at hindi naman malabong maging model ang isang 'yon.

Naka-sakay na ako sa rover at handa na sanang umalis para maka-uwi na ng maalala ko ang Ballerina keychain na binili ko para kay Ahtisia. Ilang minuto kong pinag-isipan ang gagawin ko hanggang sa nagpasya akong bumaba na lang at lakarin ulit ang papunta sa building kung saan ang ballet class niya.

Hindi naman ako nabigo dahil nakita ko kaagad ang sasakyan nila sa parking space. Nasa loob din si Kuya Will at abala sa phone niya kaya naman hindi na niya ako napansin.

Ilang minuto lang akong naghintay sa labas hanggang sa makita ko ang paglabas niya. Hindi pa niya ako napansin nung una kung hindi lang ako humarang sa naraanan niya.

"Uhm...anong ginagawa mo dito?" tanong niya sa akin. Kita ko ang gulat sa kanyang mukha.

Nag-taas ako ng kilay. "Waiting for you..." sambit ko.

Nag-iwas kaagad siya ng tingin sa akin. Nakataas ang buhok niya kaya naman nakita ko nanaman kung gaano kahaba at kakinis ang leeg at batok niya. She's in her usual white spaghetti strap body hugging top, black long skirt, and a doll shoes.

"Why?" diretsahang tanong niya sa akin na ikinagulat ko.

"Uhm...may ibibigay lang," sabi ko at napakamot pa sa batok dahil sa hiya.

Bumaba ang tingin niya sa kamay ko nang ilabas ko mula sa bulsa ko ang Ballerina keychain na binili ko para sa kanya.

I saw amusement in her face nang makita niya 'yon kaya naman nagkaroon ako nang pag-asa kahit papaano.

"Para sa akin?" tanong niya. Parang hindi pa din makapaniwala.

"Ikaw kaagad ang naalala ko nung makita ko 'yan kaya..." sabi ko at hindi pa natapos ang sasabihin ko nang tumama ang malambot niyang kamay at mga daliri sa palad ko nang kuhanin niya ang keychain sa akin.

"Ang ganda," sambit niya.

"Parang ikaw," sabi ko pa pero hindi niya ako pinansin kaya naman mariin akong napapikit.

Tangina ka, Hundson. 'Yang bunganga mo ang magpapahamak sa'yo.

"Hindi ko naman birthday para bigyan mo ako nito," sabi niya sa akin. Nakita ko ang ngiti niya habang naka tingin sa keychain.

"Kailan ba ang birthday mo?" tanong ko kaagad. Tangina.

"Huh?"

Nginitian ko na lang siya para hindi halatang gagong gago na ako sa sarili ko.

"Thank you," sambit niya at itinaas pa ang keychain para makita naming pareho.

"May free time ka ngayon?" tanong ko. Bahala na.

"M-meron naman," tipid na sagot niya sa akin.

"Kain muna tayo?" tanong ko.

Napaawang ang bibig niya. "May utang pa ba akong meatballs sa'yo?" tanong niya sa akin.

Natawa ako dahil sa itinanong niya sa akin.

"Wala, pero may kasalanan ka sa akin," sabi ko. Mapagalitan nga.

Nakita ko ang pagtataka sa mukha niya. Mas lalo siyang nagiging inosente tingnan when she's clueless. Too cute.

Sumama si Ahtisia sa akin sa dating cafe na pinuntahan namin. I even told her na pwede na kami sa malayo since dala ko naman ang Rover. Tumanggi siya dahil hindi niya daw naipagpaalam ang lakad na 'to.

"Strict ang parents mo?" tanong ko.

"Si Mommy," sagot niya sa akin habang abala siya sa pagpili ng kakainin sa hawak na menu.

Tipid akong tumango. Naiintindihan ko naman, sa ganda niyang 'yan. Sinong magulang ang hindi magiging strict sa anak nila.

"Pero nakakahinga ka naman?" dugtong na tanong ko.

"Huh?" naguguluhang tanong niya sa akin kaya natawa ulit ako.

"I mean...Strict in a healthy way?" tanong ko.

She looks too fragile. Parang hindi talaga pwedeng iwanan sa crowd dahil masyadong aloof sa ibang tao.

Sandaling nagtagal ang tingin niya sa akin bago niya ibinalik ang tingin sa hawak na menu. Nagkibit balikat lang siya at hindi na sumagot pa.

Kinapalan ko na ang mukha ko at itinanong ko na kung bakit niya ako binlock. Gusto ko nang makatulog ng maayos at malaman ang sagot.

"You're stalking me," deklara niya kaya naman wala na akong kawala.

Minsan tahimik, pero pag nag-straight to the point, bulls eyes ka.

Nginsian ko siya. "Simply because I'm interested in you," diretsahang sabi ko pa din.

Nagulat siya hanggang sa unti-unting namula ang pisngi niya.

"Uhm...ako ang magbabayad nito since ikaw naman ang nagbayad nung una," sabi niya sa akin. Hindi man lang pinansin ang sinabi ko sa kanya.

Pinagtalunan pa naming dalawa kung sino ang magbabayad. Gusto ko siyang pagbigyan sa gusto niya pero I don't let girls pay for food. Kung gusto niya akong ilibre, yayain niya ako next time...hindi ako tatanggi.

After that meeting ay hindi nanaman ako naka-received ng message from her. Hindi din niya ako in-unblock kaya naisip kong baka tama si Piero. Hindi siya interisado sa akin kaya I need to let her go.

Hindi na ulit ako sumubok na mag-reach out sa kanya since baka makulitan na siya sa akin. Nag focus na lang ako sa college life ko and sa mga friends and new found friends ko.

"Miss Business Administration si Sov," nakangising sabi ni Isabella.

Patapos na ang first sem at halos makakalahati na namin ang first year college. Hindi mo talaga mamamalayan ang oras minsa. Masyadong mabilis.

"Maganda ba yung representative niyo?" tanong ni Isabella sa akin.

Hindi halos nagsasalita si Sovannah dahil sa kaba nang ianunsyo na siya ang magiging representative ng college nila.

Nagtaas ako ng kilay. "Mas maganda si Sov, syempre..."

Dahil sa sinabi ko ay nag-angat siya ng tingin sa akin kaya naman nginitian ko siya to make her feel better.

Siniko siya ni Isabella. "Si Hunter na mismo ang nagsabi," panghihikayat niya dito.

Naging abala sina Isabella at Sov sa mga events pagdating ng second semester. Naging abala din ako sa pag-aaral since ramdam ko na kung ano talaga ang course na pinasok ko.

"Gusto ka daw nung Nikki," sabi ni Paolo sa akin isa sa mga block mates ko na naging ka-close ko.

Ngumisi ako sa kanya. Nagtaas siya ng kilay sa akin ng hindi niya maintindihan ang pag ngisi ko.

"Hindi mo tipo?" tanong niya sa akin.

Marahan akong umiling. Nagkantyawan sila ng iba pa naming mga ka-grupo.

"Ang ganda na non, Pare!" asik nila sa akin.

Hindi ko na lang pinansin. Ilang pangalan na din ang narinig ko pero wala ni isang nakakuha ng atensyon ko. Masyado lang siguro talaga akong nag focus sa pag-aaral ko.

"I-enjoy mo yung lower years, mas mahirap pag tumagal..." sita ni Kuya sa akin ng malaman niyang ilang party invite mula sa mga kaklase ko ang hindi ko pinuntahan.

Kung may party man ako na pupuntahan ay siya at ang mga pinsan namin ang kasama ko.

"Sa wakas!" asik ni Raniel. Nagawa pa nilang mag-apir ni Paolo sa harapan ko dahil sumama ako sa kanila sa birthday ng isa sa mga naging classmate namin nung first sem.

Nakapunta na ako sa mga college party nung nasa states kami. Hindi naman na bago ito sa akin dahil ilang beses na din kaming nag bar ng mga pinsan ko.

"Cheliza, regalo namin sa'yo," kantyaw nina Paolo at Raniel sa birthday celebrant daw na may crush nanaman sa akin.

"Happy birthday," bati ko na lang. It won't cost a penny to be nice.

Nakisaya ako kasama ang mga kaibigan ko. I saw familiar faces, nakita ko din ang ilang babae na nabanggit nila na may gusto sa akin. Hindi ko na namalayan ang oras at ang dami nang na-inom ko hanggang sa maramdaman ko na ang epekto ng alak sa katawan ko.

"What's your name again?" tanong ko sa kanya.

Inilapit ko ang bibig ko sa tenga niya para magkarinigan kami. Masyado ng malalim ang gabi at mas lalong lumakas ang party music sa paligid.

"Janelle," sagot niya sa akin.

Nakasandal siya sa pader habang ang magkabila kong kamay ay naka-tukod para harangan siya.

She iniciated the kiss kaya naman pinagbigyan ko. Wala na kaming pakialam sa paligid dahil I enjoy kissing her. Magaling siya.

Hanggang doon lang 'yon dahil dumating si Kuya Hob at sabay kaming umuwi.

Bago pa man ako magising kinaumagahan ay alam na ng mga pinsan ko ang nangyari. Hindi ko na lang pinansin ang pang-aasar nila sa akin.

"Wala si Sov?" tanong ko kay Isabella pagkadating ng Monday.

Kalat sa buong batch namin ang nangyaring halikan sa party ni Cheliza. Janella is sports about it, hindi niya ako kinulit ako nag-assume about the kiss.

"Hindi daw siya kakain," tipid na sagot ni Isabella sa akin habang abala sa ginagawang papers.

"Para sa pageant?" tanong ko.

Nagkibit balikat si Isabella hanggang sa nilingon niya ako at pinagtaasan ng kilay.

"Baka dahil sa ginawa mo sa party?" tanong niya sa akin.

Nagtaas ako ng kilay. "Anong ginawa ko?"

Mapanuya siyang ngumiti sa akin. "Sige, alalahanin mo..."

Mariin akong napapikit. "Why do I need to explain?" tanong ko.

Binitawan ni Isabella ang ginagawa niya para harapin ako ng maayos.

"Manhid ka ba para hindi maramdaman na may gusto si Sov sa'yo?" giit niya sa akin.

Hindi ako nakasagot. Hindi ko alam kung anong tamang isagot sa sinabi niya.

"Syempre nagseselos 'yon," dugtong niya.

"Bakit siya magseselos? Hindi naman kami," giit ko.

Napahinto si Isabella at tumingin sa likod ko. Hindi pa man siya nagsasalita ay alam ko na kaagad kung bakit.

Mariin akong napapikit at mahinang napamura.

"Sov," tawag ko sa kanya.

Nagtaas siya ng dalawang kilay sa akin at hindi nagpakita ng kahit anong emosyon.

"What?"

"I'm sorry.." sambit ko.

"Huh? Para saan?" tanong niya. Alam kong narinig niya 'yon pero ayaw niyang ipakita.

Ngumisi siya sa akin. "Wag kang maniniwala kay Isabella. Hindi kita gusto, ang kapal ng mukha mo..."

Napabuntong hininga na lang ako. She acted in front of me na para bang wala siyang narinig sa paguusap namin ng pinsan niya.

Inabala ko ang sarili ko sa phone na hawak ko. Silang dalawa lang ang nag-uusap. Tamad na tamad akong mag-scroll hanggang sa may nag notif sa aking isang follow request.

Nanliit ang mga mata ko ng makita kong si Ahtisia 'yon. I was about to hit the accept button ng agawin ni Isabella ang phone ko sa akin.

"Busy ka nanaman sa mga babae mo," asik niya.

"Wala akong mga babae," giit ko.

Nagtaas siya ng kilay. Bumaba ang tingin niya sa phone ko.

Sinubukan kong kuhanin ang phone ko sa kanya ng makita kong may pinipindot siya doon.

"Anong ginawa mo?"

Ngumisi siya sa akin. "Binlock ko yung nag follow request sa'yo," sagot niya sa akin.

Damn.

(Maria_CarCat)