هلاوو حبايب كلبي شلونكم ..؟

———————————
الثقه بالنفس لا تعطى ولكن تكتسب هي مثل الحصن تبني حجاره حجاره شويه شويه اطور ثقتك بنفسك مو بين يوم وليله انت صرت واثق من نفسك لا حبيبي يراد تدريب وحورات يلة توصل للمرحله الي انت تريدها ..

انو تكون واثق من نفسك يعني تتكلم بأريحيه وثبات وتعرف شنو قرارك وتعرف شنو دتحچي هواي ناس خسرت اشياء مهمه بحياتها بسبب عدم الثقه بالنفس وانو يشوف نفسه اقل من الي حوله ..

كُل شخص بهل حياة الله خلقه لشيئ معُين وخلا بي شي يميزه عن الكول

حـ انطيكم نقاط امشوا عليها واتمنى تساعدكم بتطور نفسكم ...

_ التقرب من الله ، بمجرد ما انكون قريبين من رب العالمين راح تكون عدنه قوه وطاقه تخلينه واثقين من انفسنه لان متيقنين كدام رب العالمين راضي علينه الباقي كوله يهون شنو تخسرون اذا توضيتوا وفرنسوا سجادتكم وصليتوا هي كولها عشر دقايق
عوفوا الفون من ايدكم شويه والتفتوا لربكم الي ديناديكم ويكولكم تعالوا ادعوني اني احقق الي تريدوه ماخاب من رفع يده الى السماء ...

_ حب الذات لازم نكون متصالحين ويه انفسنه لان اذا حبينا انفسنا مراح يهمنه رئي اي احد واذا وثقنه من انفسنا ، راح الكلُ يوثق بينه ...

اوكفوا ع المرايه واحجوا ويه نفسكم كولوا احنه حلوين  ، واثقين من نفسنه، ناجحين ، قووين ، وليهمكم اخد غير ربكم 🌿💛

_ لا تقارنوا نفسكم بأي احد ودكولون افلان احلى من عدنه وفلان ناحج وفلان محبوب وفلان احسن مني امسحوا مفردات المقارنه من راسكم ،، انتواا مختلفين متشبهون احد فلا تقارنوا ولا تقلدون احد

_ تقبل النقد ورا مراح تحبون نفسكم راح تتقبلون النقد السلبي أياً كان واعرفوا انو الي ينتقدكم بطريقه جارحة هذا غيران من عدكم او ديحسس بنقص وطبعاً النقد السلبي يختلف كول الاختلاف عن النقد البناء ...💫♥️

............................................
وبس شنو رئيكم بالموضوع ؟؟

۶احبڪمہ نَفـࢪ نَـفࢪ🥺🤍🥳