هلاو يـا حلوين شلونكم ، شخباركم ؟؟ اليوم البارت مختلف بَـس متأكده راح يعجبكم 💞🦋"

........................................

أكَـوو بنيه اسمها فاطمه عمرها 23 سنه ، تگول اليوم شفت هذاك الشاب الي چان عباره عن مواصفات تحلم بيها اَي بنيه 💕🕊، والي تقدملي مَـن قبل 5 سنوات ومَـن عرف بعملي وقف الخطبه 🥺💔، شفته وهـَو شايل بيده ابنه ويركض بالطوارئ يدور ع احد يساعده ولان اني الممرضه الوحيدة الخفر الي چان موجوده 🌸
ماقصرت وَيَا ونفذت ابنه من الموت 🦋💘 ، رغم كلامة القاسي اليه قبل عن اخلاقي وعملي ،♥️..

أكَـو شاب بصراوي أسمراني گال : اليوم صارتلي صدفه عجيبه التقيت بطفل اشگرر وعيونه ملونه 🥺💜، شفته بالمحل مال ملابس اطفال مالتي بغداد 🎇🖤، فضليت اشاقه وَيَا والعبه 💕، اجتي أمه تصيحله حتى يروحلهه ففجأة شفت هذيج الابنيه الي چانت وياي بالجامعه وتقدمتلها من قبل 5 سنوات 🥺💔، فسلمت عليها وكلتلها ابنچ ححَـلو 💚، جاوبتني هذا ابن اخويه ، اني تزوجت وتطلگت لان عرف بيه ما اخلف 💔، وعافتني وراحت واني ويه خطواتها اتذكر كلامها اليه مَـن كالتلي اني اريد جهالي يطلعون بيض على ابوهم مو سود مثلك 💔..

أكَـو واحد بمنطقتنا عنده أسواق كُـل ما احتاج شي اروح اشتري منه يوم من الايام كالي اليوم إجاني رجال مبتورة رجليه بسبب مرض السكري 💔، الصراحه ما حزني منظره بگد الكلام الي كاله اليه 🥺🌸، باوع بعيني وكال : خويه شوف قضاء ربك وقدره أخذ مني الي جنت اعايرك بيهن 😔، چنت أعيب عليك واصيحلك المشلول لحد ما الله أخذ مني الي جان ماخذه منك 💔..

أكَـو وحده تگول : مرت حمايه چانت  دائماً تعيرني بخلفة البنات عود لان خلقت 4 بنات ☹️💔، اليوم السنوية مال ابنها الوحيد 😔، وبنفس يوم تخرج بنتي الصغيره من كلية طب 👩‍⚕️🖤..

زميلتي بالكليه كُـلش صديقتي تسولفلي كُلشي كالتلي چان اكو ولد 24 ساعه يصيحلي " ألدب القطبي "  🥺💔،
لان جنت كُلش سمينه بحيث كرهت الدوام بسببه ، ومرت السنين واليوم إجاني خبر عن الولد بأنه مصاب بخلل بالغده النخاميه وصاير سمين بشكل مخيف ومينوصف 💔...

والغريب بكُـل هل قصص وغيرهن انو ممتوقعين ولو 1‎%‎ الصدفه تجمعهم هل جمعه وخصوصاً همه چانوا ناسين الموضوع تماماً ...

كُـل لقصص الي كتبته واكو بعد منها سامعيها وشايفيها بحياتنا ، لو البشر ينتبه الها ما چان ظلم غيره ، لو بس يعرف انو الله يمهل لكن لا يهمل ، چان اتعض وكال ورايه حساب لان حساب الله مو بالعصا ولا بالحجار ..

واذا البشر نسى شنو سوه البارحه الله ما ينسى ويرجعله حقه ولى بعد حين بس الشغله يحتاجلها شويه صبر وايمان بالله 💙..

________________

وبَـس يا حلوين عزلنه 🤭😂♥️
احبكم 🦋🌸💕