هلاوووو حبايب كلبي شلونكم شلخبار طبعاً اليوم البارت البنوتات وراح يكون روتيني عناية بشرتي
————————————————
طبعاً اول شي نبدي بنوتات اني بشرتي دهنيه فأنتوا لازم تعرفون شنو نوع بشرتكم حتى تعرفون شنو تستخدمون الها ..
* النصائح الي انطيكمياها أمنه 100‎%‎ واني مجربتها .. 💕
خلونه نبدي بشنو هي العادات الغلط الي ممكن نسويها ونخلي بشرتنه تطلع بيها حبوب او تتعب ..

▪️ عدم تنظيف البشره جيداً بعد وضع المكياج
يعني نخلي مكياج ونجي شلون ما كان نمسح المكياج ونغسل وجهنا وخلاص هذا راح يخلي بقايا المكياج تدخل بالمسامات وتسببلنه حبوب .. وهاي العاده لازم نبطلها لان هاي تسبب دمار البشره والمكياج بصوره عامه هو دمار البشره بس اني احبه 😁
• اني عن نفسي مرتين انظف وجهي من المكياج وبعدها اروح اغسل وجهي مرتين هذا الشي يجفف البشره صح بس ارطب البشره اكثر من مره احس ما تتعب البشره وتطلع بيها حبوب ..

▪️استخدام الغسول الغلط لبشرتنه ❌

يعني تلكون البنوته الي بشرتها جافه تستخدم غسول البشره الدهنيه وهذا راح يجفف بشرتها اكثر وتصير تقشر ومحلوه  وتتعب البشره فلازم نستخدم الغسول المناسب للبشره

▪️البنيه الماعدها روتين اصلاً 🤦🏻‍♀️

يعني لا عدها غسول ولا عدها مرطب وفوك كل هذا تغسل وجها بصابون رگي 😩
طبعاً اني اقدر اكوو بعض الناس ماعدهم إمكانية يشترون غسول ومرطب وهذا شي من حقهم لان فعلاً غالي بس والله لو يحاولون يجمعون ويشترون غسول ومرطب فقط هذا راح يغنيهم عن هووواي مشاكل ممكن تصير بشرتها 🥺💖
هسه راح ابدي بروتين العناية بشرتي :
اول شي نبدي بي هو الغسول اكيد واني عن نفسي استخدم غسول نيوتروجينا الوردي 👇

هذا غسول يومي يعني يوميه اغسل بي وجهي

اما هذا الغسول. Biore   هذا غسول رهيييب رهيييب استخدمه لوجهي اذا طلع بي حب فقط لان ميستخدم يومياً ..👇

هسه نجي للبنوتات الي بشرتهم جافه وحساسه رجاءاً ابتعدوا عن الغسولات القوية على بشرتكم خاصتاً نيوتروجينا البرتقالي الي هو مخصص للبشره الدهنيه .. شكو شي مخصص للبشره الدهنيه ابتعدوا عنه لان إنتوا اصلاً بشرتكم جافه يعني عدكم نقص بأفراز الدهون بشرتكم فلازم تجيبون شغلات تحافظ عَلى بشرتكم وتحافظ على الزيوت النافعه لي بشرتكم حتى متأذوها زايد انتبهوا للغسول ..

هسه نجي للمرطب الي استخدمه وهذا المرطب ينفع لكل أنواع البشره وهم رخيص ..👇

وهسه راح اجي على اخر شي حبيت احجي بي وهو اهم خطوه بالعناية ومو هواي يعرفوها وهي شغله كلششش كُلشش مهمه للبشره الي هي المساج لازم وره متخلصون العنايه وتحطون ماسك وتقشير وكذا تسون مساج حتى تلاحظون الفرق بأسرع وقت ..
العنايه تكون كلأتي
وهي تدهنون بشرتكم لو بزيت جوز الهند لو بزيت ألوز بكيفكم وراها تجيبون الرول وتسون المساج فد خمس دقايق وخلاص ..
—————————————————
حكمة اليوم ...
- فكّري وحاربي وأجتهدي وناضلي من أجل حلمك كوني للعزيمه عنوان وللإصرار مرآة..📒💛
...................................................
وبس هايهه اتمنى حبيتوا هل بارت واستفاديتوا منه حتى لو بشي بسيط واذا حبيتوا هيج شي كولولي حتى اسويلكم بعد ..

بحفظ الرحمن 💘

۶احبڪمہ نَفـࢪ نَـفࢪ🥺🤍🥳‏