هلاووو حبايب كلبي شلونكم اليوم البارت اني كُلش متحمستله كُلش والله بس جنت انو متردده اذا راح انزله بكتابي لو لا بس عجبني انزله  حتى لو تستفادون منه بشي بسيط احبكم كلش هواي ..💖
———————————————
س/ شلون نكدر نكسب احترام المقابيل ؟؟

اول شي حنطيكم الأسباب الي حتقلل من قيمة الشخص واحترامك امام المقابل ..؟؟

• الغيبه هل شيئ من اهم الأسباب الي ح تنقص من قيمة الشخص

يعني مثلاً كاعدين بمكان ومجتمعين
هااا شفت فلان البارحه شلابس ، شلون يحجي ،، إلخ ...
هل شي كُلش سيئ ..

والمقابيل حيفكر مثل ما حجيت ع فلان كدامة يجي يوم وتحجي عليه كدام فد شخص
مو صح ..؟

• السبب الثاني المبالغة او التضخيم
مااشوف اكو داعي حتى نبالغ

يعني يجيك شخص ها اني أتكلم 6 لغات وهو تلكاه العربي بالكوة مدبره 🤭🤐

اني اسافر لكذا مكان اشتريت ساعة من اشهر الماركات والبراندات العالمية
ترا مابيها شي اذا كنت تتقن لغه وحده وتشتري ساعة من محل عادي

• السبب الثالث 
نصرخ على الآخرين ونصدر أوامر عليهم

فلان تعين بس اكيد مراح مينجح بعمله
فلان تخرج بس اكيد مراح يتوفق ،،إلخ ..

• اما السب الرابع فهو نطلع الإعذار ( حجج )
كثرة الاعذار راح تقلل قيمة الشخص للمقابل والمقابل حيكول هذا الشخص عديم مسوؤليه والالتزام
يعني مثلاً
والله ردت اجيك بس المنبه مااشتغل ..
لو والله اتأخرت بسبب الازدحامات وغيرها من الأعذار هل شي هم لازم نتجنبه حتى نكسب احترام المقابل

هسه نجي شلون راح نكسب احترام المقابل

اول واهم سبب هو
( الصدق )
كل ما تكون صادق كل ما يزيد احترامك وتكبر بعين الشخص المقابل ♥️

مابيها شي اذا سئلوك بيش سعر هل شي وتكول بنفس سعره الحقيقي بدون متزيد وتكوم تحجي بالدولار لان كل الناس عدهم الشي الرخيص وبنفس الوقت عندهم الشي الغالي اني وحده من الناس اشتريت تنوره بـ 35 ورهمت وياها تشيرت بـ10 مابيها شي يعني عندي الغالي وعندي الرخيص ..

ثاني سبب هو "الإيجابية "

خليك شخص تنشر الإيجابية للمقابل ح يكون أفضل من انو تحجي باشياء سلبيه وتنشر للمقابل السلبية وياك
ف اكيد ح يمل الشخص ويبتعد
لان اصلاً هو معايز حتى تزيده ☻

السبب الثالث '' المصداقيه والالتزام ''
يعني من تنطي موعد الشخص لازم تكون متأكد من انك ح توفي اله وتكون كدها ..
ف لا تنطي موعد الشخص قبل لا تتأكد من انك كد هل شي

السبب الرابع لازم تكون
" انت _ بأصلك "

ماكو داعي تقلد او تنتحل شخصيه شخص
لان كُل شخص واله بصمة وشخصيه خاصه وكُل شخص عنده فد شي يميزه عن غيره ف اهم شي لتحاولون تقلدون شخص بدل منكعد نقلد شخص ليش ما نشتغل ع نفسنه ونطورها ؟؟ مو صح ؟؟؟

والسبب الأخير " الأسلوب بالكلام "

طريقه الكلام والتحكم بالصوت اله دور كبير بهل شي

أضافه الى عدم مقاطعه بالكلام لل الشخص المقابل

س/ شنوو رئيكم بالموضوع واكو شي حابين تضيفوا ؟؟
————————————

وبس احبكم باااي 💕