Mahigit isang milenyo nang nabubuhay si Ernest at hanggang sa kasalukuyang panahon ay hindi pa rin niya alam kung papaanong nangyaring wala siyang kamatayan.

Buhat ng siya'y ipinanganak, magkaisip at tumungtong sa edad na bente ay huminto na siya sa pagtanda. Hindi rin siya dinadapuan ng karamdaman at kahit subukan niyang wakasan ang kanyang buhay ay balewala sapagkat wala siyang natatamong sugat.

Kahit ganoon ay patuloy siyang namumuhay, naghahanap ng sagot at tumutulong sa ibang tao mula sa iba't ibang panig ng mundo. At hindi nagtatagal sa isang lugar at agad na umaalis upang hindi magkaroon ng malalim na ugnayan.