Mula noong araw na iligtas si Julie ng isang mahiwagang estranghero mula sa pagkakalunod sa dagat at maging parte ng kanyang buhay ay bigla na lang itong nawala.

Taon ang lumipas kasabay ng pagbabago ng panahon.

Bumabalik pa rin siya sa dalampasigan, hindi upang magbakasaling makita ulit siya, kung 'di mag-alay ng dasal at bulaklak.

Sa pagdama ni Juls sa malamig na hangin ay siya ring pagtangay ng mga emosyon niya paitaas sa mga ulap.

Sa muli niyang paglakad palayo ay tanaw na niya ang asawang si Warren.

Nakangiti't nag-aabang kasama ang panganay nilang babae na si Julren.