Nasa itaas ng rooftop ng kanilang bahay si Lene at nagkakape. Kitang-kita niya mula roon ang papasikat na bukang-liwayway.

Ramdam niya ang lamig ng hangin na nakakapaso sa balat. May mga bagay sa kanyang isipan na unti-unting nanunumbalik.

Mga piraso ng alaala na nabubuo't tumatakbo, hanggang biglang tumilin.

Sa pagkakataong iyon ay nahirapan siyang makahinga para ba siyang sinasakal ng katotohanan.

Hanggang sa may biglang dumantay sa kanyang balikat.

Pamilyar na amoy at init ang pakiwari niya.

Tuluyang lumuwag ang kanyang paghinga at narinig ang mga katagang...

"Patawad sa mga nagawa, salamat sa mga masasayang alaala. Paalam."