Pagkakapantay-pantay. Iyan ang isinisigaw niyo laban sa mga dominanteng nilalang sa mundo; Ang mga tao. Sa isang siglong lumipas ay 'di ito nakamit ng inyong mga kalahi bagkus mas naging malalim ang sugat. Hanggang sa isang araw dulot ng maling eksperimento'y nalikha ang mga bagong nilalang; Hybrid kung sila'y tawagin, ang ulo'y sa hayop habang ang katawan ay sa tao. Kayo ang sumupil sa sanlibutan at pinalasap sa mga balakyot na tao kung paano kapasakit mamuhay sa mundong mapag-imbot. Habang tutok ka sa nakapilang tao'y 'di mo maiwasang mapatanong sa sarili.

"Ito ba ang pagkakapantay-pantay na inaasam?"