Talas ng mata't husay sa pag-asinta gamit ang palaso't pana ang tanging mapagmamalaki ni Agate. Matagal niyang hinasa ang angking kakayahan sa pamamagitan ng paggapi ng mga lumulusob na mga halimaw. At dahil doon ay nakilala ang pangalan niya sa buong kontinente dahilan para maging opisyal siyang maging tagapaglingkod ng palasyo. Ngunit nagbago ang takbo ng lahat ng lusubin sila ng mga orcs at gawing bihag ang ilang mamamayan damay pati ang kanyang ina. Hindi nagdalawang isip na sinuko ng binata ang lahat, kahit pa ang mismong buhay. Sa paglipas ng panahon ang pangalan niya'y naiukit na sa kasaysayan.