Patawad. Ang huling salitang narinig ni mang Jerry sa naghihingalong anak. Ramdam niya ang paghihirap at pagsisisi nito bago tuluyang nalagutan ng hininga.

Pinagbabawal man ang kanyang gagawin ay wala na siyang pakialam. Minsan na siyang iniwanan ng asawa at 'di na makakapayag pa ang matanda na pati ang nag-iisa nitong anak ay iiwan din siya.

Naglabas siya ng maliit at itim na libro at binasa ang ilang linya na 'di matukoy na lenggwahe. Nabalutan ng itim na malabungong enerhiya ang paligid ng matanda at sumaklob ito sa kabuuan ng anak. Nagising ang anak at napagtantong siya'y nag-iisa.