Hum sab ki zindagi mein bahut se chote chote kisse hote hai jo kab humari zindagi ke haseen hisse ban jate hai, hume pata hi nhi chalta. Un haseen hisson ko dobara jiya nhi ja sakta par unhe yaad karke mehsoos toh kiya hi ja sakta.
Aur aisi hi yaad Sameer ko aa rhi thi apni Naina ki, woh yaad jo ek waqt par khushiyoon se saji hui thi aur aaj use udaasi de rhi thi, woh yaad jo dono ne sath rachi thi aur aaj woh use akela jee rha hai.
Kehte hai Sacha Pyaar toh ek taraf se hota hai, jo dono taraf se ho use toh Kismat kehte hai.
Aur is kahani mein Sameer Naina dono ko sacha pyaar hua tha jo unki kismat ban gaya tha. Aur jab is sache pyaar ki kismat mein kuch dino ki dooriyaan, kuch dino ki judaai aa jaye tab yaad aati hai us mehboob ki..

In Sameer's House
Sameer(to himself)- Aaj toh pehli chutti thi, abhi toh poora ek hafta pada hai. Kaise reh payuga main tumhare bina Naina, bina tumhe dekhe, bina tumse baat kiye, bina tumse lade.
Manta hu ki tumse dur rehne ki koshish karta hu aur aaj dur hua hu toh jee nhi pa rha hu.

In Naina's House
Phone ki ring bajti hai.
Aur Naina uthati hai.

Naina- Hello.
Hello..
Kon hai.

Anand- Kiska phone hai Naina.

Naina- Pata nhi Papa..koi kuch bol hi nhi rha.
Hello..Hello..

Anand- Lao main dekhta hoon.

Naina- Kya hua Papa.

Anand- Lagta hai kut gaya.

Otherside
Sameer(to himself)- Haash..bach gaya. Par kum se kum uski aawaz toh sunne ko mili.
Bas ek baar use dekh bhi pata toh is dil ko tasalli ho jati hai.
Agar mujhe uska ghar pata hota toh uske ghar ke samne hi khada rehta.

Next Day  In Market
Bela- Naina sun Karwachaith aa rha hai toh pehle Mehandi lagwa lete hai.
Tu bhi lagwayegi har baar ki tarah?

Naina- Han Mummy..aapko pata hai na mujhe mehandi  kitni pasand hai.

Bela- Bhagwan jhuth na bulaye. Itni lambi line Mehandi lagwane ki.

Naina- Koi nhi Mummy. Aap pehle lagwa lo.

After Sometime
Bela- Aaja Naina..tu bhi lagwa le aake.

Lady- Bhaiya kitni der mein number aayega darasal mujhe thodi jaldi hai.

Mehandi Artist- Behanji abhi toh time lagega.

Naina- Aunty agar aapko jaldi hai toh aap lagwa lijiye.

Lady- Nhi beta..koi baat nhi.

Naina- Aunty aap lagwa lijiye ..waise bhi aapka mehandi lagwana zyada jaruri hai.

Lady- Thank You bachha.

Second Mehandi Artist(to Naina)- Aaiye Didi..aapko hum laga dete hai.

Naina apni mehandi lagwa ke uthti hai aur piche mudti hai, tabhi Sameer se woh takra jati hai.
Naina ke mehandi wale hath Sameer ko lagne hi wale hote hai par woh unhe pakad leta hai.

Naina- Oops..sorry..Sameer??

Sameer- Naina..t..tum..th..thik ho na..matlab tumhari mehandi kahin kharab toh nhi hui.

Lady- Sameer aa gaya tu..

Sameer- Han Maa.

Naina(to herself)- Toh yeh Sameer ki mummy hai.

Vishakha- Aur tum dono ek dusre ko jante ho.

Sameer(together)- Haan
Naina(together)- Nahi

Sameer(together)- Mera matlab Nahi
Naina(together)- Mera matlab Haan

After a pause.

Sameer &Naina(together)-
Humara matlab Haan.

Sameer- Woh Maa..hum ek sath Class mein padhte hai.

Vishakha- Ohh..acha

Bela- Naina ho gaya.
Beta yeh kon...

Naina- Woh Mummy...

Tabhi Sameer Naina ki Mummy ke pair chuta hai.

Bela- Jeete raho beta.

Naina(hesitantly)- Woh mummy yeh meri class mein hai.
Aur yeh iski Mummy hai.

Bela- Acha..bada sanskari bacha hai.

Vishakha- Behanji aapki beti bhi bahut pyari bachhi hai.
Chaliye ab hum chalte hai.

Naina(to herself)- Yeh Sameer kyu mujhe itni der se ghure ja rha hai woh bhi sabke samne.

Vishakha- Sameer..Sameer beta chale.

Sameer- H..ha..haan..chaliye na.

Sameer's VO
Agar pata hota ki bhagwan meri dil ki iccha itni jaldi maan lenge toh us din main Naina se milne ki jagah uska sath mangta, uska pyaar mangta.
Waise toh woh mulaqaat meri aur Naina ki thi par humari kum aur humari families ki zyada lag rhi thi. Pehli baar tha jab hum ek dusre ke parivaar mein se kisi ko mil rhe the. Aur sach btayu toh hume aisa lag rha tha jaise hum wahan ek dusre se rishta jodne aaye ho. Main hone wala dulha hoon jo apni dulhaan ko dekhne aaya hai, aur bas use hi dekhe ja rha ho, ya yuh kahiye ki use hi ghure ja rha ho. Aur udhar Naina sharmati hue dulhan ki tarah meri aur apni mummy ke samne hichkicha rhi thi.
Woh bhi kya din the jab ek ladka aur ek ladki apne parivaar ke samne hichkichate the yeh kehne mein ki woh ek dusre ko jante hai.
Aaj ki tarah nhi tha ki itna frank hokar ek dusre se mila jaye.

In Night
Sameer(to himself)- Wah bhagwan ji aap toh kamaal ke hi nikle. Bas aise hi roz mujhe usse milwate raheyga. Janta hu thoda lalchi ho rha hoon, par kya karu usko dekhe bina rha hi nhi ja rha especially aaj ki mulakat ke baad toh bilkul bhi nhi.

Otherside
Naina(to herself)- Kitni acha rang aaya hai mehandi ka.
Aaj toh Sameer ne pakad liya, warna meri mehandi aur uske kapde dono kharab hote.
Kitne kareeb the na hum ek dusre ke woh bhi poore bazaar ke beech mein.
Par aaj woh mujhe aise dekh kyu rha tha, aisa lag rha tha mano jaise bahut saalon baad mile ho. Jabki 2 din pehle hi toh mile the school mein.
Aur ab toh aur bhi yaad aa rhi hai mujhe uski. Pata nhi kab khatam honge yeh paanch din.

On Last Day of Holiday In Sameer's House
Munna- Bhai kal se jail khulne wali hai phir se.. aur hum qaidiyon ko wahan peesne ke liye bulaya jayega.

Pandit- Han re..kal se phir se School jana padega woh bhi apne sabse bade dushmano ke sath.

Sameer- Dushman?

Mundit- Bhai yeh kitaabein.

Sameer- Tum log bhi na.
Main toh bahut excited hu jane ke liye.
(Inaudibly)- Naina se jo milna hai.

Next Day in School
Sameer- Umm..Hi

Naina- Hi!

Tabhi Teacher aa jate hai.

Naina(to herself)- Yeh Sir ko bhi abhi aana tha. Itne dino baad use dekha aur baat bhi nhi kar payi.

Dono ek dusre ke baare mein soch rhe the. Ek dusre ke kareeb jarur the par chah kar bhi ek dusre se baat nhi kar pa rhe the. Tabhi toh Naina sabse bekhabar hokar S♥️N likhe ja rhi thi.
Tabhi Sameer apne bench par pen se Tap karta hai. Aur Naina use sun leti hai, use realize hota hai ki woh poore period mein ab tak kya likhe ja rhi thi.

Naina(to herself)- Kahin Sameer ko pata toh nhi chal gaya ki main notebook mein kya likh rhi thi.

Tabhi Sameer phir se pen se tap karta hai aur woh bhi pen se tap karti hai uska response karti hai. Poora period in dono ki Pen language se baatchit chalti rehti hai.

In Recess
Dono ek dusre ki aankhon mein dekh rhe hote hai.

Sameer- Naina..toh..

Naina- Toh kya?

Sameer- Toh yeh ki..

Naina- Toh..ki..

Sameer- Ki tum bhi meri tarah pen se kyu khel rhi thi.

Naina- Wo..woh..main toh bas music baja rhi thi.

Sameer- Maths ke period mein Music..interesting.

Naina- Toh..

Sameer- Toh kya..

Naina- Toh..kuch nhi.

Sameer- Toh..kuch bhi nhi.

She nods her head and goes.

Naina's VO
Kabhi kabhi lagta hai ki agar kabhi humari kahni par koi film bani toh uska naam hoga Sameer Naina aur toh.
Kyuki jab jab humari gaadi pyaar ke safar par chalne lagti hai tab yeh 'TOH' ka speed braker aa jata hai. Jo hume kuch aur kehne se rok deta hai ya yuh kahe ki jab hum ek dusre ko dekhne mein itna kho jate hai toh bas humari shabad is toh par aakar tham jate hai.
Afterall aisi judaai ke baad hum toh ke alava aur kar bhi kya sakte the, han table par pen tap karke silent baatchit bhi kar sakte the. Par iska bhi apna hi mazaa tha aur un kuch dinon ki dooriyon ke baad toh ek dusre ko dekhna, ek dusre se milna hume aur kuch sochne bhi nhi de rha tha. Aakhirkar woh tadap, woh yaad bhi toh mohabbat hi hai. Aisa nhi tha ki us waqt Sameer hi mere liye gaata tha ki 'Woh ladki bahut yaad aati hai' balki mere halaat bhi uske jaise hi the tabhi toh main bhi din bhar yehi sochti thi ki 'Woh ladka bahut yaad aata hai'.

Aaj Naina Sameer ko jo judaai  saalon jaisi lambi lag rhi hai.
Inka tab kya haal hoga jab saalon ki judaai ka inhe samne karna padega, woh bhi  dobara milne ki umeed ke bina.
Par woh toh kal ki baat hai, abhi toh yeh apna aaj jee rhe the jisme yeh dono hai, inka unkaha pyaar hai, inki yaadein hai aur inka toh bhi hai.

।तेरे लिए।