Teri aankhon ke sab aansoo meri aankhon mein rehte hai,
Mohabbat yeh nhi, toh phir.. Mohabbat kise kehte hai.

Nazara kuch ho saamne
nazar mein tum hi rehte ho,
Ibaadat yeh nhi, toh phir..
Ibaadat kise kehte hai.

Khafa ho phir bhi baithe ho
mere pehlu se tum jud kar,
Shararat yeh nhi, toh phir..
Shararat kise kehte hai.

Tum aise muskurate ho ki
saansein ruk si jaati hai,
Tamazat yeh nhi, toh phir..
Tamazat kise kehte hai.

Sukoon milta hai bas mujhko
teri baahon ke ghere mein,
Aqeedat yeh nhi, toh phir..
Aqeedat kise kehte hai.

Teri aankhon ke raaste se
tere dil mein utarna hai,
Masafat yeh nhi, toh phir..
Masafat kise kehte hai.

School se shuru hua ek safar, Zindagi ki manzil tay karwa gaya tha. Bepanah chahne se lekar Bepanah chahte rehne tak ka woh safar. Aur us safar ki woh ghadi bas aa hi gayi thi jo dil ki ek rag ko choone wali thi, jo yaadon ko sanjone wali thi, jo mohabbat ko muqamaal karne wali thi.

At Sameer's House
Munna- Sameer, kya jarurat hai Shave karne ki. Halki phulki daadhi ke saath tu acha lag rha tha.

Sameer- Woh..Naina ko nhi pasand. Use chubhti hai.

Munna- Ohh..toh Bhabhi ke liye Clean Shave ho rha hai. Bhai tu toh is Pyaar mein gaya.

Pandit- Sameer..

Munna- Kya ho gaya tujhe Ponga.
Aise baasi Samose ki tarah kyu dikh rha hai.

Pandit- Tum dono ne aaj ki khabar nhi suni na.

Sameer- Kya ho gaya aisa.

Pandit- Bharat Bandh.

Sameer- Aah..

Hearing this Bharat Bandh, he gets distracted and gets a cuts due to the razor blade.

Munna- Bhai sambhal ke, itna bada cut maar liya.

Sameer- Yeh sab Bandh bhi aaj hi ke din hona tha.

Pandit- Bhai baat sirf itni nhi hai. Woh..

Munna- Ab aur kya ho gaya.

Pandit- Woh Phool wale ne Bidaai ki gaadi sajane ke liye mana kar diya hai.

Sameer- Par kyu?

Pandit- Arey is Bharat bandh ke chakkar mein na toh uske workers aa paye hai aur na hi phool.
Toh sajayega kaise.

Munna- Arey toh isme kya hai, gaadi toh hai na.

Sameer- Nhi, main Naina ko pehli baar aise bina saji hui gaadi mein nhi layuga.

At Naina's House
Bela- Bhagwan jhooth na bulaye ji aapne abhi tak uthaya nhi Naina ko.

Anand- Thodi der aur so lene do Bela humari beti ko, phir kal se toh..

Bela- Kaise rahege hum iske bina.
Mera toh yeh soch soch ke hi mann baitha ja rha hai.

Anand- Kab choti se itni badi ho gayi humari beti, Bela. Aaj humare ghar ki beti se kisi aur ke ghar ki bahu banegi. Meri ungli pakadkar chalne wali meri Naina aaj apne Papa se durr ho jayegi.

Bela- Ji sambhaliye khud ko. Hume toh apni beti ki khushiyon ke liye khush hona chahiye na.

Naresh- Arey Anand, bahar aayo zara.

Anand- Kya hua Bhaisahab?

Naresh- Dekho saamne TV par.

Bela- Yeh kya..

Anand- Bharat bandh hai aaj.

Naresh- Haan, sab kuch bandh hai aaj. Yahan tak ki Bus, Train, Taxi bhi bandh hai.

Bela- Ji ab, jo Rishtedaar nhi aaye unka kya aur aap ek baar Hotel walo ko puchiye na Phone karke.

Anand- Haan Bela, main karta hoon.

Naina wakes up and comes out of the room due to the noise and is shocked to hear the news running on TV.

Anand- Hotel walo se baat ho gayi hai, Bookings ko woh is strike ki wajah se cancel nhi kar sakte.

Bela- Bhagwan ka lakh lakh shukar hai.

Preeti- Par ek Problem ho gayi hai.

Naina- Kya?

Preeti- Naina woh teri Parlour wali..uska Parlour bandh kara diya hai Police ne is Strike ki wajah se.

Naina- Ab..ab kya karege.

Bela- Us Parlour wali ko yahan Ghar par bula lete hai.

Preeti- Nhi bula sakte hai, woh dusre shehar se aati hai aur aaj Bus Train sab bandh hai toh..

Anand- Aur..City Borders bhi bandh kiye hue hai.
Aaj na koi Rishikesh aa sakta hai aur na hi bahar ja sakta hai.

Bela- Bhagwan jhooth na bulaye, ab kaise hoga sab.

Naina goes to the temple of the house and burns the lamp in front of her Gannu Ji. That's when her Phone rings.

Naina- Hello..Sameer.

Sameer- Naina..tumne khabar suni.

Naina- Haan..aur tumhe pata hai meri Parlour wali nhi aa rhi.

Sameer- Aur mera Phool wala, main tumhe pehli baar aise nhi lana chahta tha..

Naina- Kya fark padta hai Sameer ki phool hai ya nhi, tumhara itne saalon ka ekattha kiya hua pyaar hai na vhi bahut hai.

Sameer- Us hisab se toh tumhe bhi apni Parlour wali ki jarurat nhi hai, tum uske bina bhi sundar lag jayogi. Bas apni woh Smile pehanna mat bhulna. That's enough for me.

Naina- Dekha tumse sirf baat karke hi meri problem solve ho gayi.

Sameer- Aur meri bhi.

Talking to each other, both finds the solution for the problem as well as solace for themselves.

Sameer(To himself)- Lekin tumhe main apni humari nayi zindagi mein aise saadgi se toh nhi layuga Naina.

Naina(to herself)- Tumhari Dulhan aaj tumhare liye khoob sajegi Sameer.

Bela- Naina chal Chooda pehnane ki rasam karni hai.

Naina- Aayi Mummy.

Sitting in a Hall, making Naina's eyes closed, relatives turn by turn make her wear the Bangles in her hands.

Din Shagna Da..Chadya,
Aao sakhiyon..
Ni Veda Sajiyaan,
Aao sakhiyon ni vehra sajeya,
Mera sajna mileya,
Sajna milan vadhaiyan,
Ni saajan doli leke aauna,
Ni vehra sajeya.

Otherside
Munna- Bhai, thaka diya tune aaj toh.

Pandit- Woh bhi Shaadi wale din.

Sameer- Toh usi Shaadi ke liye hi toh kiya hai sab. Ab phool nhi the toh kuch toh karna hi tha na, ab Naina ko aise toh nhi la sakta tha yahan.

Munna- Chal acha hai ek musibat toh suljhi. Lekin ab tere is Cut ka kya karna hai.

Sameer- Haan, abhi toh yeh bacha hai.

Pandit- Iske saath tu Dulha kum aur Daaku zyada lagega.

Prabha- Arey kya keh rhe ho tum mere Bhanje ko.

Sameer- Woh Mamiji kuch nhi, bas yeh chota sa Cut lag gaya tha Shave karte waqt.

Prabha- Yeh tera chota Cut hai. Hero jaisi shakal par kya daag lagwa liya.
Ruk main kuch karti hoon.

She brings a tube from her room and applies a kind of concealer on his face.

Sameer- Mamiji main koi Makeup nhi karane wala.

Prabha- Toh yeh daag leke khud ki hi shaadi mein jayega. By God, Bombay se liya tha yeh, tu bas iska kamaal dekhiyo.

Pandit- Lagwa le na Sameer, dekh Bhabhi jitna gora lag rha hai tu toh ekdum.

Sameer- Chup reh tu, Mamiji chod dijiye na. Kitna ajeeb lagega.

Prabha- Dekh ab, tera woh cut ka nishaan gayab.

Sameer- Haan, nishaan toh gayab ho gaya.
Thank you Mamiji. Aapne meri Problem solve kar di.

Prabha- Chal ab tu taiyar ho ja.
Aur tum dono Rahu-Ketu, mere bhanje ko zyada tang mat karna.

Otherside
Preeti- Naina, teri toh Problem solve hone ka naam hi nhi le rhi. Pehle Parlour wali aur ab tera yeh Jode ka Blouse.

Naina- Haan toh 6 mahine pehle diya tha Sameer ne yeh joda mere Birthday par. Mujhe kya pata tha ki iski choli ab tight ho jayegi aur poori hi nhi aayegi.

Preeti- Choli perfect hai, bas tu Moti ho gayi hai.

Naina- Tu mujhe sunana bandh kar, aur is Choli ka dekh kya karna hai.

Beena- O Bai, ladkiyon tum log abhi tak taiyar nhi hui.

Naina- Woh Taiji, dekhiye na yeh Choli thodi tight ho gayi hai.
Ab poori hi nhi aa rhi.

Beena- Itni si baat, la dikha mujhe.

Preeti- Aap kya karegi Taiji.

Beena unlocks some threads of the fabric with a safety pin and loosens it slightly.

Beena- Le ho gaya.

Naina- Ho gaya?

Beena- Haan, chal fatafat taiyar hoja. Main dekhti hoon teri Maa kya kar rhi hai.

Naina- Taiji, Thank you meri help karne ke liye.

Beena- Haan haan theek hai, tu ab taiyaar ho, main zara Elaichi wali Chai pee aayu.

She left to have a cup of Special Chai.

Preeti- Ab tera Makeup aur Hairstyle..

Naina- Hum teeno milke lar lege.

Preeti- Teeno?

Naina- Main, tu aur Google Uncle.
Aur waise bhi ek Smile pehan lungi, toh achi lag jayugi.

Preeti- Yeh tu bol rhi hai.

Naina- Sameer ne kaha tha, chal ab taiyar kar mujhe.

With the help of Internet and online videos, Preeti do Naina's makeup and hairstyle.

Preeti- Naina..

Naina- Kya ho gaya..Chillai kyu.

Preeti- Kitni sundar lag rhi hai tu, mujhe toh yakeen hi nhi ho rha hai ki maine taiyar kiya hai tujhe.
Mujh mein itna talent tha mujhe toh pata hi nhi tha.

Naina- Preeti, Thank You mere har pal mein mere saath rehne ke liye.

Preeti- Chal ab, aayi badi.
Acha sun sab toh ho gaya hai, yeh dupatta jaate waqt set karti hoon, nhi toh kharab ho jayega.
Main bhi thoda jakar taiyar ho jati hoon.

Naina's VO
'P' wale Pyaar mein us din aur bhi bahut se 'P' jud gaye the, jaise ki Problem wala P, Parlour wala P aur Phoolon wala P bhi. Humare khaas din mein bahut kuch hua tha, par yeh sab bahut chota lag rha tha, kyuki main aur Sameer saath the, humare apne saath the, yahan tak ki Mamiji aur Taiji bhi. Aur Google Uncle bhi.
Ab yeh un dino ki nhi balki 'in dino' ki baat jo thi, jisne meri Parlour wali problem solve kar di thi. Par Sameer ke phoolon wali problem toh 'un dino' ne hi solve ki thi.

Naina is looking at herself sitting in front of the mirror, with a wide smile on her face.
Her reverie broke with the sound of the ringing bell of her phone. Seeing the Caller name, the size of her smile gets widens.

Sameer- Kya kar rhi ho.

Naina- Tumhari Dulhan ko dekh rhi thi bas.

Sameer- Toh kaisi lag rhi hai meri Dulhan.

Naina- Abhi thodi der mein pata chal hi jayega, jab shaadi par dekhoge use.

Sameer- Par tab toh sab dekhege, lekin mera haq toh un sabse zyada banta hai.

Naina- Sameer..jo tum soch rhe ho na woh mat karna.

Sameer- Par Naina..ab toh meri baari hai aane ki. Haldi par tum aayi, Mehandi par main, Sangeet par phir se tum aayi, ab aaj Shaadi par mera aana toh banta hai.

Naina- Haan toh Baraat lekar aayoge na thodi der mein.

Sameer- Par mujhe abhi dekhna hai, sabse pehle.

Naina- Sameer..Bahut ho gaya hai aise chori chupkar milna. Ab tumhara koi Adventure nhi. Tum samajh rhe ho na.

Sameer- Nhi samajh aa rha, tum saamne se samjha do.

Her phone starts slipping from her hand when she hears Sameer's voice not in the phone but in her ears. But he holds it. She turns and sees him.

Naina- Tum yahan..aa bhi gaye. Tum na sacchi..Sameer..
Ab kuch bolo toh shi.

Sameer- Ek baar apni Dulhan ko jee bhar ke dekh toh lene do.

Naina- Btayoge nhi kaisi lag rhi hoon.

Sameer- Mujhe toh Alfaaz hi nhi mil rhe dil ka haal btane ke liye, kaise kahu kuch.
Zara tum hi aaina dekh kar btao ki meri pasand kaisi hai.

He turns her to makes her stand in front of the mirror. After that he makes her wear the Dupatta on her head. Both looks at each other eyes through the mirror.

Naina- Main keh du apni pasand ke baare mein, bahut ache..nhi..bahut Handsome lag rhe ho. Bikul sapno ke rajkumar jaise.

Sameer- School se lekar Shaadi tak meri tareef mein tumne bas yehi shabd hi kaha hai.
Tum toh meri tareef mein Handsome ke alawa kabhi kuch kehti nhi ho. Par mujhe bahut kuch kehna hai tumse.

Naina- Janti hoon, tumhari aankhein bol rhi hai.

Sameer- Naina..

Naina- Sun rhi hoon..kaho apni Shayri..

Sameer- Shayri nhi Kavita..
Teri odhni, chaand se mukhde ko saja rhi hai, lekin acha hai, logo ki nazar se bacha rhi hai.
Tere jhumke sang, mera dil bhi jhool rha hai, lekin acha hai, tere gaalon ko choom rha hai.
Teri naak ki naathni, jo tumhare nakhre utha rhi hai, lekin acha hai, meri khwaishe jata rhi hai.
Teri angoothi, meri aankhon mein chamak la rhi hai, lekin acha hai, mere jeevan ke har ek lamhe ko damka rhi hai.
Teri choodiyaan, jo kalaiyoon ko thame hue hai, lekin acha hai, meri zindagi ko khanka rhi hai.
Teri Mehandi, jo teri hatheli ko mehka rhi hai, lekin acha hai, meri zindagi ko pyaar ke rang se saja rhi hai.
Teri payal..

Naina- Sameer..Payal toh leni main bhul gayi.

Sameer- Pata hai mujhe, Sab cheezein toh tumne dikhayi thi, bas yehi nhi dikhayi thi. Lekin mujhe yaad tha aur isiliye toh aaya hoon yahan.
Baitho idhar.

He places naina's feet on his knees and makes her wear the 'Payal'.

Naina- Sameer..kya kar rhe ho yeh tum.

Sameer- Teri payal, mere dil ko dhadkati hai, lekin acha hai, isi bahane meri saanson ko toh chalati hai.
Is Payal ki chanak jaisi tum meri zindagi mein aa rhi ho Naina, apne saath dher saari khushiyon lekar. Aur yeh mat sochna ki aaj shaadi hai toh sirf aaj hi yeh pehna rha hoon tumhe, kyuki mujhe yeh Khanak

Naina- Khanak nhi Chanak..

Sameer- Haan haan Chanak, Lifetime ke liye chahiye. Isiliye poori zindagi pehna sakta hoon tumhe, yahan tak ki tab bhi jhuk ke tumhare pairon mein payal baandh dunga, jis umar mein jhuk kar meri kamar mein dard hoga.
Tum sun bhi rhi ho..Naina.

Her eyes got filled with tears with his each word.

Sameer- Aaj ke din bhi royugi kya Naina. Lagta hai tum aise nhi manogi.
Naina Statue..hilna mat ab.

She stilled but her tears were not being stopped from falling. He wiped them.

Sameer- Statue mein yeh aansoo bahana bhi allowed nhi hota.
Naina..tumhe pata hai maine na kahin padha tha..

Naina- Uhh..hhu..

Sameer- Shh..aise hi baithi raho. Beech mein bahut bolti ho waise bhi tum.
Haan toh main keh rha tha ki maine na kahin padha tha ki saccha pyaar vhi hota hai jisme saamne wala aapke pass humesha maujud ho aapke aansoo ponchne ke liye.
Par main toh aise apna saccha pyaar kabhi dikha hi nhi payuga.
Kyuki main tumhari in badi badi aankhon se yeh bade bade aansoo aane hi nhi dunga, chahe kuch ho jaye.

Naina- Umm..

Sameer- Acha..Statue Over.

As soon as those words come out of his mouth, she wrapped her arms around his neck.

Sameer- Itni jor ke mere gale lagogi toh tumhara yeh Makeup kharab ho jayega.

Naina- Phir bhi sabse zyada khoobsurat toh tumhe main hi lagugi.

Sameer- Naina jaanti ho, na yeh joda, aur na hi yeh gehne tumhe saja rhe hai. Yeh toh tumhari aankhon ki kashish hai, tumhari chehre ki khushi hai jo tumhe khoobsurat bana rhi hai.
Acha ab mera sabse jaruri kaam karle.

Naina- Konsa kaam.

Sameer- Hum ek dusre ko 16 saal se jaante hai, in fact tab hi se pyaar karte hai, Right.

Naina- Haan..toh.

Sameer- Toh in 16 saalon mein maine tumhe aaj tak Shaadi ke liye Propose toh kiya hi nhi.
I mean Pyaar ka ijhaar toh kiya hai par Shaadi ke liye nhi pucha kabhi. Tumne pucha tha, par maine toh aaj tak tumse pucha tak nhi.

Naina- Sameer..kuch ghanto baad humari shaadi hai. Aur tum mujhe aaj Shaadi ke liye Propose karna chahte ho.

Sameer- Haan toh shaadi se pehle hi kar rha hoon na.
Agar aaj nhi kiya toh kal ko Chunnu-Munnu mere baare mein kya sochege.

Naina- Kon Chunnu-Munnu.

Sameer- Humare Naati-Pote aur kon. Woh kya sochege mere baare mein ki kaisa hoon main jisne unki Nani-Dadi ko Shaadi ke liye Propose tak nhi kiya tha.

Naina- Pehle tum khud toh Chunnu-Munnu se bade ho jayo.
Pehle sirf Choti Naina karte rehte the, ab unke bhi aage bacchon tak pahunch gaye.

Sameer- Tum mera focus kharab mat karo. Mujhe mera kaam karne do pehle.
Tum na bas yahan seedhi khadi ho jayo. Aur pehle yeh hasna bandh karo.

Naina- Lo ho gayi khadi. Karo Propose ab.

Sameer- Hmm..toh Naina..Will You Marry Me?

Naina- Umm..Let me think.

Sameer- Itna kya soch rhi ho. Bol bhi do.

Naina- Toh mera jawaab hai 'NO'.

Sameer- Naina..Please is waqt mazaak mat karo.

Naina- Main serious hoon Sameer, mera jawaab NA hai.

Sameer- Okay, then I'll marry you. Lekin shaadi toh tumse karke hi rahuga.

Naina- Tum na shi mein Kuch bhi karte rehte ho. Lekin ab main bhi humare Chunnu Munnu ko btayugi ki Maine unke Nana-Dada ko shaadi ke liye Na kaha tha. Kitna mazaa aayega.

Sameer- Lekin dekh lena tum, Pyaar ki Tutions humare bacche aur yahan tak ki unke bhi bacche mujhse hi lene aayege.
Ja rha hoon main ab.

Naina- Sameer..

Sameer- Kya hua?

Naina- Mera bhi ek kaam rehta hai. Mujhe bhi tumhe kuch pehnana tha.

Sameer- Main payal nhi pata.

Naina- Offo Buddhu, Yeh Brooch liya tha tumhare liye, lekin tumhe dena bhul gayi thi.

Naina tucks the brooch on his sherwani.

Naina- Mere naam ke alawa ise bhi thodi jagah de dena apne dil ke pass.
Dekho tumhari Sherwani ke saath match bhi ho rha hai.

Sameer- Match nhi bhi hota toh bhi yahin hota, tumhare naam ke pass.
Ab main jata hoon.

He kissed on her forehead and turns to go.

Naina- Sameer..

Sameer- Ab kya hua.

Naina- Kuch aur bhi dena tha tumhe.
Yeh meri Diary..tum le jao apne saath.

Sameer- Kyu?

Naina- Kyuki..kyuki ab se yeh tunhari amaanat hai, jaise main tumhari hoon.
Sambhal payoge na ise.

Sameer- Jab ise likhne wali ko sambhal sakta hoon, toh ise toh sambhal hi lunga.

Naina- Jao ab aur Band Baaja Baraat ke saath aao.
Besabri se Intezaar kar rhi hai tumhari Dulhan tumhara.

Sameer- Aata hoon.

After leaving from there, Sameer sneaks into his room.

Sameer- Munna Pandit, sab sambhal liya na tum dono ne.

Munna- Aa gaya tu, hume hi pata hai kaise sambhala hai.

Pandit- Pata hai sab kitni baar aa chuke hai tujhe bulane ke liye. Aur hum kab se darwaje ke peeche se jhooth pe jhooth bole ja rhe hai.
Chal ab neeche, Sehra baandhne ka time ho gaya hai.

Sameer- Tum dono neeche jao, main bas 5 minute mein aata hoon.

As Munna Pandit leaves from the room, Sameer opens Naina's Diary.

Sameer(to himself)- Kuch toh likha hoga aaj bhi isme, jo tum mujhe padhwana chahti ho.

Mere chehre ki raunak ki wajah tum ho,
Har dafa Har ghadi Har jagah tum ho,
Yeh dhadkane, yeh saansein tumhi se judi ab,
Meri saari shaamein aur subah tum ho.
Ghul gaye ho ab tum
mujh mein kuch aise,
mera junoon,
mera guroor,
mera sukoon,
tum ho.
Nahi koi chahat
dil mein mere ab,
main hoon tumhari aur mere tum ho.
Tumse tum tak hi
thehar gayi hoon,
hoon nhi main bhi
mujh mein, bas tum hi
tum ho.

He touches the brooch that Naina had made worn to him.

Sameer(to himself)- Jaise tum mujh mein samayi ho.
Tum meri tareef mein bhale kuch kehti nhi ho, par bahut kuch likh deti ho Naina. Janta tha yeh Diary tumne mujhe yuh hi toh nhi di hogi.

Otherside
Preeti- Naina chal, Hotel ke liye late ho jayege warna. Aur phir mujhe Baraat mein bhi toh jaana hai.

Naina- Tu chal main aa rhi hoon.

One last time she looks at her house with misty eyes. She bends down to touch the doorstep of her house.

Naina's VO
Apne ghar ki dahleez laanghte waqt na jane kitni yaadein nazron ke saamne chal rhi thi. Aur Background mein ek hi gaana baj rha tha "Yeh galiyan yeh chaubara, Yahan aana na dobara,
Ab hum to bhaye pardesi,
Ke tera yahan koi nahi".
Par phir kuch aisa sunai diya jisne mere ruke hue kadmo ko phir se chala diya tha aur woh thi Sameer ki pehnayi hui payal ki khanak..oops Chanak. Jo mujhe mere naye ghar mein le ja rhi thi. Aur jante hai iske saath hi mere andar baj rha Background Music bhi badal gaya tha aur bajne laga tha ek naya geet "Mujhe saajan ke ghar jaana hai, Mujhe saajan ke ghar jaana hai".
Pata nhi woh Payal ka kamaal tya ya use pehnane wale ke pyaar ka. Kyuki tabhi main apna ghar chod payi thi. Ab sabke saamne aakad kar chalna wala mera Sameer, mere saamne jhuk kar meri payal bandhe isse jyada pyaar ka saboot aur kya hoga. Sabse chuapkar pehnayi thi usne woh Payal mujhe lekin uska pyaar poore shehar mein chanak rha tha. Vhi dusri taraf Sameer ka haal bhi kuch aisa sa hi tha tabhi toh kabhi mere pehnaye hue Brooch se toh kabhi mere likhe gaye alfaazo se mujhe mehsoos kar pa rha tha.

On the other side at Sameer's house, the ceremony of Sehra Bandhi of Sameer begins, where Swati makes him wear the Pagari and ties the Sehra around it.
Vishakha cames to him and sets his son's Pagari.

Vishakha- Bahut acha lag rha hai mera Beta aaj.

Sameer- Sach..

Vishakha- Haan sach..bahut Handsome lag rha hai.
Hass kyu rha hai.

Sameer- Woh Naina bhi.. kuch nhi chodo.

Swati- Main nhi chodne wali Bhai, mera shagun ka neg nikalo pehle.

Sameer- Kaisa neg, konsa neg.

Swati- Aapko sehra baandhne ka neg. Nikalo fatafat. Warna main Bhabhi ko bolugi ki aap kitne bade kanjus ho.

Sameer- Tujhe Bhabhi de toh rha hoon Shagun mein.

Swati- Soch lo phir, Shaadi ke baad milne tak nhi dungi.

Munna- Ab toh nikal de Bhai.

He gives a Gift to her.

Sameer- Le apna neg.

Swati- Ab thoda sa nach bhi lo mere saath, mere pyaare Bhaiya.

Pyaara bhaiya mera,
Dulha raja ban ke aa gaya,
Pyaara bhaiya mera.
Resham ki pagdi pe sehra,
Ghar aangan mehka gaya,
Pyara bhaiya mera.

After this, Vivek helps Sameer to be placed on the mare.

Sameer- Thank You Papa.

Vivek- Ache lag rhe ho waise. Lekin aaj ke baad apni zimedaariyan ache se nibhana. Ab koi laparwahi nhi chalegi.

He nodded in agreement. And they all leaves with the Band Baja Baraat. Where everyone laughs, sings, dances, especially Munna and Pandit.
Later, Preeti also joins them.

Dholak mein taal hai,
Payal mein chhan chhan.
Ghoonghat mein gori hai,
Sehare mein saajan.
Jahan bhi yeh jaaye,
Bahaare hi chhaaye,
Yeh khushiyaan hi paaye,
Mere dil ne dua di hai.
Mere yaar ki shaadi hai,
Mere yaar ki shaadi hai.

At the Venue
Naina is trying to see Sameer in Baraat from the window of her hotel room.

Preeti- Dikhe..

Naina- Nhi na..kab se dekh rhi hoon..
Preeti tu..woh main toh bas.. Baraat dekh rhi thi.

Preeti- Baraat ya Jijaji..

Naina- Dikh gaya..

Sameer also turns to Naina. But before that, Preeti closes the Curtain.

Naina- Preeti..parde kyu aage kiye.

Preeti- Ohh Behan..poori zindagi tune Jijaji ko hi dekhna hai woh bhi roz.

Naina- Haan par roz use Ghodi par baithe thodi dekhugi.

She withdrew the curtains and tries to look for him, but failed. Preeti giigled on her.

Naina- Chala gaya.

Dulhaa ban gaya Hoye,
Ban gaya sadda Barkhurdaar.
Ghodi chadh gaya Hoye,
Chadh gaya chadke Motarcar.
Sehara saj gaya Hoye,
Sehara saj gaya Jalawedaar,
Dulhan dwaar khadi,
Sajan sang jaane ko Taiyaar.

Tere Dwaare Pe Aai Baraat,
Tere Dwaare Pe Aai Baraat,
Prem ke moti loota De,
Nain swaagat mein Bichaade.
Ho jaraa aadar ke Sath,
Tere Dwaare Pe Aai Baraat.

As the Baraat arrives at the ceremony site amidst much singing and dancing, the bride's family greet them.
Bela puts tilak on Sameer's forehead, blesses him and welcomes him by doing aarti.

Kamlesh- Naak mat khichwane diyo Sameer, nhi toh Sasural mein saari umar naak nichi hi rahegi.

Sameer- Mamaji, Mummy bulata hoon inhe main, yeh bhi bilkul meri Maa jaisi hai, aur yeh apne bete ke naak, kaan jo khichna chahe khich sakti hai.

He bends slightly in front of Bela and she happily pulls his nose.
After that, he reaches the stage and awaits for Naina.

Bela- Naina, Bahut pyaari lag rhi hai meri bacchi. Kisi ki nazar na lage.

Anand- Bela, Naina ko neeche le aao. Baraat andar aa..

Bela- Bhagwan jhooth na bulaye, kitni achi lag rhi hai na humari beti.

Anand- Shi keh rhi ho..

Naina- Mummy Papa..main chahti hoon aap dono mujhe Mandap tak lekar jao.

She holds her parent's hands in both her hands and walks with them to the Stage. Where Naina and Sameer both stare lovingly at one another.

Sameer's VO
"Baharon phool barsaye, mera Mehboob aaya hai" yehi gaana baj rha tha us waqt mere mann mein, Naina ko apni ore aate dekh, us laal jode mein meri Dulhan bana dekh. Hayee kya lag rhi thi Naina us pal mein, shi kehte hai ek ladki sabse khoobsurat apni shaadi par hi lagti hai.
Kaisa lagta hai na jab aap apne pyaar ke sabse bade khwaab poore hone ki wajah ban rhe ho. Humari shaadi, humara saath Naina ka yehi toh ek khwaab rha tha. Jo us din poora ho rha tha. Aur mere khwaab tha uska woh khwaab poora karna. 
Us din Naina ko dekhkar maano aisa laga jaise meri saari duaayein qabool ho gayi thi. Main bhagwan mein nhi manta tha, par jab bhi kuch sacche dil se maanga hai, toh usme Naina jarur shaamil hoti thi. Aur us pal laga Naina ke Bhagwan Ji mere bhi BFF ban gaye the.

Shehnaaiyon Ki Sada,
Keh Rahi Hai.
Khushi Ki Mubaarak Ghadi,
Aa Gayi Hai.
Saji Surkh Jode Mein,
Chaand Si Dulhan.
Zameen Pe Falak Se,
Pari Aa Gayi Hai.
Dulhe Ka Sehra,
Suhana Lagta Hai.
Dulhan Ka To Dil,
Deewana Lagta Hai.

Sameer places his hand in front of Naina, seeing this her Parents left her hand and blinked their eyes in assurance. She climbs the stage by clutching Sameer's hand.

Palbhar Mein Kaise
Badalte Hain Rishte,
Ab To Har Apna,
Begaana Lagta Hai.

Hai Nayi Rasmein,
Nayi Kasmein, Nayi Uljhan,
Honth Hai Khamosh,
Lekin Keh Rahi Dhadkan,
Dhadkan Dhadkan,
Dhadkan Dhadkan,
Dhadkan Meri Dhadkan, Dhadkan Teri Dhadkan.

Photographer- Bhaiya ji, idhar dekhiye jara.

Naina- Sameer..kitna dekhoge aur..abhi toh itna saara dekh ke gaye the.

Sameer- Dekh lene do na Naina, ab roz toh tum aise Dulhan nhi banogi meri.

Vivek- Ab Jaimala karwa lete hai Bhaisahab.

Anand- Ji bilkul..

Naina is the first one to attempt to exchange the garland, fighting off the Groom’s side as they playfully hinder her from placing the garland around his neck. Finally, they all raises Sameer up.

Munna- Bhabhi, agar humara Bhai chahiye toh thodi mehnat karni padegi.

Preeti- Soch lo, tumse Double Mehnat karwayege hum log phir.

Sameer looks at Naina and bends down his neck. And she puts the Varmala around his neck, followed by the Sameer's offering of his garland.

After Jaimala ceremony, they were seated on the Stage and during this time people kept coming to wish and bless them, taking photographs, however they were just kept seeing each other secretly.
Later, both were taken for Dinner. Sameer holds her hand and go with all.

Sameer- Ab sabke saamne haath pakadne jitna haq toh banta hi hai.

Naina- Isse bhi kahin zyada haq banta hai tumhara.

She tightens the grip around his hand. Both settle down beside each other for savouring the food together.

Vishakha- Ab tum dono ek dusre ko niharna bandh karo, aur khana khilao.
Waise bhi jhootha khaane se pyaar aur badhta hai.

Both smiled on this. He first feeds Naina the jalebi, and then she feeds him Rabari.

Sameer- Abhi toh Rabri se kaam chala rha hoon, lekin apni Pasand ka Meetha main baad mein tumse lunga.
Naina, Ab sharmana chodo, aur thoda khana kha lo. Moti..

She angrily looks at him. He smirks looking at her face.
To give answer to his teasing, she mixes Rabri and Curd and makes him eat.
After eating that, he makes very weird expression. While seeing his condition, she chuckles.

Vishakha- Kya hua Sameer, aisa mooh kyu bna rha hai.

Naina- Haan, kya hua Sameer.

Sameer- Kuch nhi.

He also doesn't stop either, as he intentionally tries to feed her that curry which she dislikes.

Sameer- Naina..khao na..

Vishakha- Naina, tum toh kuch kha hi nhi rhi ho.

Sameer- Haan Naina, mooh kholo..

Naina- Sameer..

Vivek- Naina, beta khao na.

Naina- Jee Papa.

Naina unwillingly opens her mouth to eat and closes her eyes, Sameer again stuffs Jalebi in her mouth.

Sameer- Kaisi lagi..

Naina- Meethi thi, par tumhari tarah hi tedhi bhi thi.

After the food, they were taken to the Mandap, where the priest do some rituals with Sameer.

Panditji- Ab Vadhu ko bulaiye.

Sameer and Naina are next seated in front of a holy fire, as a priest recites various mantras from the Holy Scriptures.

Panditji- Gathbandhan ke liye Varr ki behan aage aaye.

Swati comes and ties the Naina's Dupatta with Sameer's scarf worn over his shoulder. And completes the 'tying the knot' ritual where they both will be connected not only physically, but through their fate as well.
Both gets up holding each others hand to take seven vows that will bind them into husband and wife and marks their ultimate union.

Panditji- Ab pehle Vadhu Varr ke aage chalegi aur kahegi..

Naina- Pandit Ji.

Sameer- Hume Vachan pata hai.

Panditji- Yeh toh bahut achi baat hai, shuru kijiye.

Naina- Main pehla vachan leti hoon ki jab bhi mere pati koi Dharam karya karege toh usme mujhe humesha apne sang payege. Aur yehi main aapse bhi umeed karti hoon.

Sameer(to himself)- Tum toh humesha se mere sang thi Naina, tumhare saath hi toh Ganga Ghat jata hoon, mandir mein sir jhukata hoon, tumhari wajah se hi toh Bhagwan mein phir se manne laga hoon. Tum hi meri ibadaat ho Naina, tum hi meri har duaa mein shaamil ho.

They recite vows and between each phera touch with toe the betel nut placed over a pile of rice. Both walk around the holy fire together and pray for a happy future.

Naina- Mera dusra vachan, jaise main apne mata pita ka samaan karti hoon usi tarah main aapke mata pita ka bhi samaan karugi. Aur meri hi tarah aap bhi mere ghar ko apna ghar manege aisi umeed karti hoon.

Sameer(to himself)- Yeh vachan toh tumne usi din nibha liya tha Naina jis din mere Parivaar ke liye mujhse ladd baithi thi, jis din meri Maa ko Maa kehke bulaya tha, jis din se mere har rishtey ko mujhse zyada acha nibha liya tha.

Naina- Mera teesra vachan, main jeevan ke har padaav mein, har sukh-dukh mein aapke saath rahugi aur poora sehyog karugi. Aur aisi umeed aapse bhi karti hoon.

Sameer(to himself)- Bachpan se mera saath hi toh nibha rhi ho, Aur janta hoon aage bhi nibhayogi. Kuch saalon ki judaai jarur aayi thi humare beech par tab bhi tumne mujhe apne saath rakha tha kabhi apne dil mein toh kabhi apne shabdo mein.

Panditji- Ab phere lete waqt Varr aage rahega aur Vadhu peeche.

Sameer- Main chautha vachan deta hoon ki main apni patni ki saari jaruratein poori karuga, uski khushiyon ka dhyaan rakhuga.

Naina(to herself)- Tumne toh mujhe meri zindagi vapis dilayi hai Sameer, meri hassi mujhe lautayi hai, isse zyada meri konsi jaruratein poori karoge.

Sameer- Mera paanchva vachan, main ghar parivaar ke har karya mein apni patni ko poori ahemiyat dunga.

Naina(to herself)- Tumhari toh zindagi hi mere ird-gird ghoomti hai. Tumne toh apna sab kuch gawaya hai meri khushiyon ko haasil karne ke liye. Sabko chod diya tha mujhe paane ke liye, isse zyada mujhe kya ahemiyat doge.

Sameer- Mera chatha vachan, main apni Patni ka kabhi apmaan nhi karuga. Aur saath hi yeh bhi vachan deta hoon ki khud ko har buri aadat se durr rakhuga.

Naina(to herself)- Tumne toh humesha mera maan badhaya hai, mujhe har apmaan se bachaya hai, tum kaise kabhi mera apmaan kar sakte ho. Aur woh buri aadatein toh mere tumhare pass aate hi tumse durr ho gayi thi. Isse badhkar is vachan ko kaise nibhayoge.

Sameer- Main saatva vachan deta hoon ki main kisi bhi parayi aurat ki taraf nazar uthakar bhi nhi dekhuga aur humare rishtey mein kisi aur ko kabhi beech mein nhi aane dunga.

Naina(to herself)- Tumhari nazrein bhi tumhari hi tarah hai Sameer, mere alawa aaj tak na toh kisi aur ko yeh dekh payi hai aur na hi kabhi dekh sakti hai. Aur aaj ke humare rishtey mein itna pyaar aur vishwas toh hai hi ki ab isme kisi teesre ki jagah kabhi ban hi nhi sakti.

Both completed the final seven circles around the fire that tied them as partners for lifetimes to come. Everybody showers flowers on them.

Taare hai baraati,
Chandani hai yeh baraat.
Saato phere honge,
Ab haathon mein leke haath.
Saato phere honge,
Ab haathon mein leke haath.
Jeevan saathi hum
Diya aur Baati hum
Re..Jeevan saathi hum
Diya aur Baati hum.

Panditji- Ab Vadhu Varr ke Vamang mein aa jaye, yani ki bayi aur.

Munna- Pandit ji, aisa kyu.

Panditji- Aisa isiliye kyuki aaj se Patni Pati ka aadha aang hoti hai, yani ki Ardhangani.
Ab Varr Vadhu ki Maang bhare aur Sindoor daan ki rasam poori kare.

All it was, was just a look that they both exchanged. Both of them remembers the moment when he did this same ritual with her in the hospital, especially Naina who recalls his words that he said to her; "Mera toh ishq muqamaal ho gaya hai Naina, kyuki tumhare maathe par mere naam ka sindoor jo lag gaya hai, ab tumhari baari hai ise poora karne ki, mujhe chodkar mat jaana, sahi salamat vapis aa jana mere pass."
The music had faded out, and the people around them no longer mattered. It almost felt like the world around them had stood still, as he lifted her Mangtikka and filled the centre parting of her hair with vermillion on the coin. While applying vermillion, a bit of it falls on her nose also.

Nani- Lo yeh shagun bhi ho gaya.
Naina, agar yeh sindoor teri naak par na bhi girta toh bhi hum sabko pata tha ki tera yeh Sameer tujhse kitna pyaar karta hai.

Munna- Aisa bhi hota hai kya?

Nani- Haan beta aisa bhi hota hai. Kehte hai jitna sindoor maang bharte samay naak par girta hai utna hi Pati apni Patni se pyaar karta hai.

Munna- Arey woh toh apna bhai bahut karta hai Bhabhi se.

Maang Teri Saja Doon Main,
Aaja Bindiya Laga Doon Main.
Lal Chunari Odha Doon Main,
Tujhe Dulhan Bana Doon Main.
Hathon Se Tera
Shringar Karun,
Bahon Mein Bhar Ke
Pyar Karun.
Rup Main Sawaar Doon,
Aaja Pehna Doon
Tujhe Phoolo Kaa Gehna.
Kaisa Lagta Hain,
Acha Lagta Hain.
Pyar Kaa Sapna,
Sacha Lagta Hain.

Panditji- Ab Mangalsutra pehnaiye.

Munna- Nani, lage haath ab iske baare mein bhi bata do.

Nani- Yeh toh woh Shubh dhagaa hai jo do logon ko humesha ke liye ek dusre se baandh deta hai aur yeh kaale moti inke usi rishtey ko har buri nazar se bachakar rakhte hai.

Sameer inclined towards Naina and ties the auspicious thread around her neck signifying that their relationship would be as auspicious as the thread.

While tying this and seeing her tear-filled eyes, he whispers into her ears 'I Love You'.
And on hearing his words, her eyes don't support her anymore and tears starts flowing from her eyes, which she hides with one hand.

Sameer- Naina..

Bela starts approaching her daughter, but Anand stops her as Sameer had already wiped their daughter's tears.

Panditji- Ab Kanyadaan ke liye Mata-Pita aage aaiye.

Sameer extends his right hand upon which the Naina's right hand is placed. A coconut is placed and  their hands are then joined by sacred thread, creating an unbreakable bond. Both the parents pour Ganga Jal over the joined hands, symbolically handover the responsibility of their daughter to him with lots of hope and expectations. He places his free hand on their joined hands and assured them.

Panditji- Vivaah sampann hua.
Aaj se yeh dono Pati-Patni hue. Janam-janmantar ke liye yeh dono aaj se ek dusre ke hue.

Sameer's VO
Qismat wala tha main ki uske ghar ke Hazaaro chakkar lagane ke baad Naina ko saat pheron mein le ja rha tha apne saath.
Qismat wala tha main ki uske maathe par mere naam ka sindoor tha, uske chehre par mera noor tha. Uske gale mein hum dono ke naam ke akshar wala Mangalsutra tha. Shi mein qismat wala tha main, jo apne 16 saal ke ishq ko uski manzil dilwa paya tha. Tabhi toh har vachan keh toh hum us din rhe the, par shayad nibha toh bahut pehle se hi rhe the.
Vhi Naina ki aankhon mein aansoo jarur the par woh 16 saal ke intezaar ke aansoo the jo us ek din mein khatam ho gaya tha, un shabdo ke saath jab hum ek dusre ke ho gaye the, un kasmo ke saath jo humne ek saath khayi thi, un rasmo ke saath jo ek saath nibhayi thi.
Lekin is beech aankhein toh kahiyon ki num thi, par phir bhi ek baat kahuga ki bade hi majboot mata pita hote hai woh jo kanyadaan karte hai, kyuki jism se apni jaan nikal kar kisi ko dena har kisi ke bas ki baat nhi hoti.

After completing all the rituals, both stands and go to their elders to take their blessings.

Preeti- Kya hua jijaji, kuch kho gaya hai..

Sameer- Woh mere joote..ohh toh iske peeche aap hai Saali Sahiba. Tumhara shi hai, pehle meri Baraat mein nachti ho, phir mere hi joote churati ho.

Preeti- Haan toh yeh Idea bhi aapki nayi naveli biwi ka hi tha.

Munna- Bhai, inhe chod, tujhe pata hai tere yeh joote churaye kisne hai. Is Ponga Pandit ne, dosti mein isse bada dhokebaaz koi aur nhi ho sakta.

Pandit-  Joote churaye toh tum log Dosti par sawaal utha rhe ho, nhi chura rha tha toh meri biwi humari shaadi par sawaal utha rhi thi, ab main jayu toh jayu kahan.

Naina- Pandit, tu na ghabra mat.
Tum sab kaan kholke sun lo, koi mere devar ko kuch nhi kahega.

Preeti- Dost dost na rhi, Pati Pati na rha. Naina tune toh itni jaldi Team badal li..

Naina- Haan toh saat vachno mein se ek vachan yeh bhi toh tha. Sameer se jude har rishtey aaj se mere bhi utne hi hote hai.

Sameer- Phir toh mujhe bhi woh vachan nibhana padega, kyu Saali Sahiba.
Toh btayo kya chahiye tumhe neg mein.

Preeti- Bas aap meri dost ka aise hi khayaal rakhna. Aur usse itna hi nhi nhi isse bhi zyada pyaar karte rehna.

Both Preeti and Naina shared a hug and cried.

Preeti- Kyu ro rhi hai, tujhse toh main kabhi bhi milne aa sakti hoon, haina.

Sameer- Preeti, Thank You, humara yahan tak saath dene ke liye. Aur yeh Gift tumhare liye Saali Sahiba.

Preeti- Par mujhe iske alawa kuch aur bhi chahiye.

Sameer- Kya.

Preeti- Koi chaand suna dijiye hume bhi. Naina ko toh humesha kuch na kuch sunate rehte ho, aaj thoda humare saamne bhi ho jaye.

Naina- Shabdo ke saath khelna toh aajkal iske baaye haath ka khel ho gaya hain.

Sameer- Acchaaa..chalo phir aaj bhi tumhare liye hi kuch keh deta hoon.

Milke tumhe kuch aisa laga,
Ki rooh ne rooh ko
pehchana hai,
Tujhse raabta abhi ka
nhi lagta hai,
Mehsoos hota..
janmo purana hai.
Teri nazar sukoon deti hai,
Teri chuhan hai rahat,
Teri aawaaz dil dhadkati hai,
Tera saath hai chahat.
Tujhse hi vajood mera ab,
Tujhse hi mera fasana hai,
Tu hi woh daar,
jahan yeh sir jhukana hai,
Tu hi mere un,
jazbaaton ka thikana hai.
Sameer ki hui aaj Naina hai!

Naina- Ab toh main bhi kuch kahugi..

Humara milna kuch aisa hai, jaise do adhure khwaabon ka ek muqamaal jahan.
Jaise barasti baarish mein
ek mehakti dhara.
Jaise jazbaaton ki nadi par tairti bhrose ki naav.
Jaise do alag alag soch ka
ek poora sansaar.
Mere liye in saare sukoon, bharoso aur khushiyoon ka kabhi na bhulane wala lamha.. Humara milna..
Sameer Naina ka milna..

Both learnt the essence of love at that moment just by reading through their eyes.

Nani- Bacchon, aa jao Vidaai ka time ho gaya hai.

Sameer- Aaye Nani.

The time had finally came that is marked by both emotions of happiness and sorrow.
Naina meet all the relatives and friends, and then finally came to her parents, whose eyes were already fully drennched. As their little, loving daughter starts a new life of bliss which made them filled with feelings of happiness, and they bless her with all their loving and caring heart. At the same time, the pain of separation from her makes their eyes filled up with tears.
Naina wrapped her arms around her Mother.

Naina- Mumma..

Bela- Khayal rakhiyo apna. Aur vahan khush rahiyo..Theek hai.

Naina- Aap bhi..

Then, she came to his father. Both cried their heart out.

Naina- Papa..

Anand- Sameer..meri beti ka..

Sameer- Poora khayaal rakhuga. Vaada karta hoon aapse.

Anand- Jaanta hoon, mujhse bhi zyada rakhoge.

Bela(to Vishakha)- Bahut laad aur naazo se paala hai, kabhi isse koi galti ho jaye toh maaf lar dijiyega ise.

Vishakha- Beti maana hai use, fikar mat kijiye.

Vivek- Ji, aaj se Sameer se zyada pyaari hai woh hume.

Otherside, Sameer offers his Handkerchief to Naina.

Sameer- Naina..Please mat royo na itna. Main nhi dekh sakta tumhe aise.
Aaj hi toh vaada kiya tha tumse ki tumhe kabhi rone nhi dunga.

Naina- Aisi baatein karoge toh main aur rone lagugi.

Sameer- Acha nhi karta. Lekin ek baat bta deta hoon abhi se Hum na apni beti ki vidaai nhi karege. Mujhse toh nhi hoga.

Naina- Buddhu..aisi baatein karoge toh main hass dungi.

Naina starts walks out of that place, she stops at the doorstep and throws a handful
of rice and coins back over her head, wishing for the prosperity of her parents.
As they came out, all become shocked to see 'Doli' before them.

Anand- Yeh Doli..

Munna- Uncle Ji, Bhabhi ki Vidaai ke liye.

Pandit- Special aaj hi ke aaj taiyaar karwayi hai apne Bhai ne.

Naina(to Sameer)- Toh yeh solution tha tumhari Phool wali Problem ka.

Sameer- Dekho, asli phool na shi par Phoolon ki chitrkari toh hai hi is par.

Naina- Bahut sundar hai.

Sameer- Toh baitho apni Sawari mein.

Vishakha- Sameer..tu phir..

Sameer- Maa..main Naina ke saath aa jayuga, Paidal. Aur pass hi toh hai Ghar. Aap tension mat lo.

Naina, again hugs her parents witg tear filled eyes and they makes her sit in palanquin. Some men picks it up and starts moving with it. Sameer walks with her.

Tere maathe ki bindiya
chamakti rahe,
Tere haathon ki mehandi
mehakti rahe,
Tere jode ki raunak
salamat rahe,
Teri choodi hamesha
khanakti rahe,
Mubarak mubarak,
mubarak mubarak.

Mubarak ho tumko
yeh shaadi tumhari.
Mubarak ho tumko
yeh shaadi tumhari.
Sada khush raho tum
dua hai humari.
Tumhaare kadam choome
yeh duniya saari.

Naina's VO
Shaadi toh beshak humari In Dino wali thi, par Sameer ne meri Vidaai Un Dino wali bnayi thi. Woh Doli, aur us par Paint kiye gaye Phool, shayad hi usse acha kuch ho sakta tha.
Lekim us ek pal mein kitna kuch badal gaya tha yeh mujhe tab mehsoos hua tha. Shaadi ke baad ek ladki ki kaise zindagi badal jati hai. Shaadi ki har rasam hume yeh baat samjhati hai, par asli ehsaas toh Vidaai ke waqt hi hota hai.
Jaise Haldi lagti toh ladki ko hai, par hoti uske Pati ke naam ki hai. Mehandi lagti toh uske haath par hai, par us mein naam Pati ka hota hai. Maang uski hoti hai, par sindoor Pati ke naam ka hota hai. Gala uska hota hai, par Mangalsutra Pati ke naam ka hota hai. Kalaai uski hoti hai, par choodiyaan Pati ke naam ki. Yahan tak ki shaadi ke baad milne wala Aashirwaad bhi Pati ke naam ka ho jata hai. Mana mushkil hota hai hum ladkiyon ki rooh ko samajhna, kyuki hum hazaaro jazbaat palko ke peeche chupakar chalte hai, hazaaro khayaal dil mein dafan karke rehti hai. Par un jazbaaton ko, un khayaalo ko woh ek sahi shaks samajh jata hai, jise shi mayno mein Jeevansaathi kehte hai.
Shayad ise hi Vivaah kehte hai. Jo sirf ek Bandhan ya Rasam nhi hai balki ek bharosa hai us ladki ka jo khud ka ghar-parivaar chod kar aati hai, yeh bharosa hai us ladke ka jo apna ghar-parivaar use sounp deta hai.
Vhi bharosa jo maine aur Sameer ne kiya tha us din.
Kehte hai Rishton ki kul milakar 5 seedhiyaan hoti hai. Dekhna, Acha lagna, Chahna, aur Paana. Yeh 4 toh bahut aasan seedhiyaan hai, sabse mushkil toh paanchvi seedhi hai 'Nibhana'. Par yeh bhi aasan ban jati hai agar sahi haath tham liya jaye, jo shayad us din maine kiya tha Sameer ka haath tham kar.

Naina- Bhaiya..do minute Doli rokiyega.

Sameer- Naina, kya hua?

The men stopped and she comes out of the Palanquin.

Sameer- Doli kyu rukwayi.

Naina- Chalo toh shi pehle..
Humara Milna ho aur yeh jagah gawaah na ho, aisa kaise ho sakta hai.

Sameer- Ganga Ghat.

Naina- Vhi Ganga Ghat jahan saalon tumhara intezaar kiya tha.

Sameer- Vhi Ganga Ghat, jahan tumhe paane ki duaayein maangi thi.

Naina- Vhi Ganga Ghat, jahna Jalebi khilakar tumhe Propose kiya tha.

Sameer- Vhi Ganga Ghat, jahan Rabri khilkar tumhara Proposal accept kiya tha.

Naina- Vhi Ganga Ghat, jahan chup chup kar mile hai hum.

Sameer- Vhi Ganga Ghat, jisne humara Intezaar dekha, Izhaar dekha, Iqraar dekha, Jhagda bhi dekha.

Naina- Jisne humara pyaar dekha. Aur aaj yehi Ganga Ghat humara Saath bhi dekhegi.
Sameer..Kuch maangu tumse.

Sameer- Bolo..

Naina- Tumhe toh pata hai mujhe kya chahiye?

He smiled and gripped her hand tight, she heard his answer.
She can never explain how secure, loved and special she feel. It's always overwhelming, every single time. It's like a promise that they are together in everything. It feels like FOREVER..

Firm the hand
being held,
Longer the life
lasts as together.

Naina- Chale?

Sameer- Chalo..lekin kahan.

Naina- Jahan tak saath mumkin ho.

Sameer- Yani poori zindagi, thak toh nhi jayogi.

Naina- Bikul nhi, aur agar thak bhi gayi toh tum ho na.

Sameer- Aur agar main thak gaya..

Naina- Toh main hoon na.
Aur is baar bichadne ka haq hum dono mein se kisi ke pass nhi hoga.

Sameer- Par saath nibhane ka haq dono ke hi pass hoga.

He held her hand in his and walked, both believed that they walked towards the eternal happiness and absolute bliss.

From 'I Love You'
To 'Will You Marry Me'.
From Holding Hands Secretly
To Taking Vows of Marriage,
Hand in Hand.
From Falling asleep on late night phone conversations
To Holding in each other's Arms.
From Making Promises of Forever
To Fulfilling them Together.
From Dreaming of being Together
To Living Together in real.
Two People Started Living One Life after that Day and that too Forever.....

Jism Paak Aankhon Mein
Bhar Lu,
Saans Saans Mein
Shamil Kar Lu,
Is Duniya Mein Jaan Gawa,
Tujhe Us Duniya Mein
Haasil Kar Lu.
Tere Liye, Tere Liye,
Tere Liye, Tere Liye.

Zindagi Gawa Kar Bhi
Jo Zindagi Mile,
Har Khushi Gawa Kar Bhi
Jo Ek Khushi Mile,
Wo Maang Lu Tere Liye,
Tere Liye, Tere Liye,
Tere Liye, Tere Liye.

Rooh Se Rooh Ke Darmiyaan,
Ishq Ke Hai Hazaaron Jahan.
Ya Khuda Ya Khuda..
Mujhko Dede Agar Ek Jahan,
To Maang Lu Tere Liye,
Tere Liye, Tere Liye,
Tere Liye, Tere Liye.

So Sitam Utha Kar Bhi
Jo Ek Khushi Mile,
So Jannate Gawa Kar Bhi
Jo Ek Zameen Mile,
Wo Maang Lu Tere Liye,
Tere Liye, Tere Liye,
Tere Liye, Tere Liye.

Tere Sajde Mein Sir Hai Jhuka,
Tu Ibaadat Hai Tu Hi Duaa,
Maut Ke Baad Bhi
Jo Mile Bandagi Ka Sila,
Wo Maang Lu Tere Liye,
Tere Liye, Tere Liye,
Tere Liye, Tere Liye.

Jism Jaan Luta Kar Bhi
Jo Ek Haasi Mile,
Dil Agar Jala Kar Bhi
Jo Roshni Mile,
Wo Maang Lu Tere Liye,
Tere Liye, Tere Liye,
Tere Liye, Tere Liye.

Janmo Ka Pyaar Tere Liye,
Khushiyaan Hajaar Tere Liye,
Jannat Dua Tere Liye,
Ye Jaan Nisar Tere Liye,
Tere Liye, Tere Liye,
Tere Liye, Tere Liye.

।।तेरे लिए।।