#ﻗﻠﺒﺎﻥ_ﻳﺠﻤﻌﻬﻤﺎ_ﺍﻟﺴﺤﺮ

#ﺍﻟﺒﺎﺭﺕﺍﻟﺮﺍﺑﻊﻭﺍﻟﻌﺸﺮﻭﻥ

ﺑﻘﻠﻤﻲ # ﻧﻮﺭ ﺍﻟﺸﻤﺮﻱ
Noor336
# ﺍﻣﻲ .. ﺍﻧﺖِ ﺍﻟﺠﻨﻪ ﺍﻟﺘﻲ ﺧﻠﻘﻬﺎ ﺍﻟﻠﻪ ﻟﻨﺎ ﻓﻲ ﺍﻻﺭﺽ .. ﺍﻣﻲ ﺍﻧﺖِ ﻧﺒﻊ ﺍﻟﺤﻨﺎﻥ ﺍﻟﺬﻱ ﻟﻢ ﺍﺷﺒﻊ ﻣﻨﻪ .. ﺍﻧﺖِ ﺍﻻﻣﺎﻥ ﺍﻟﺬﻱ ﺍﺭﺍﻫﻮ ﻓﻲ ﺟﻤﻴﻊ ﺍﻻﻣﻬﺎﺕ ﺍﻻ ﺍﻧﺖِ .. ﺍﻣﻲ ﻣﻪﻣﺎ ﻓﻌﻠﺘﻲ ﻟﻲ ﻭﻣﻬﻤﺎ ﺗﺮﻛﺘﻨﻲ ﻭﺣﻴﺪﻩ ﻓﺄﻧﺎ ﺍﺣﺒﻚ ﻛﺜﻴﺮﺍً .. ﻟﻬﺬﺍ ﻻ ﺗﺘﺮﻛﻴﻨﻲ ﻻ ﺗﺬﻫﺒﻲ .. ﻟﻤﺎﺫﺍ ﻛﻞ ﻣﻦ ﺣﻮﻟﻲ ﻳﺬﻫﺒﻮﻥ ﺣﺘﻰ ﺍﻧﺖِ ﺭﻏﻢ ﻛﻞ ﺷﻲ ﻓﻌﻠﺘﻬﻲ ﺍﻧﺖِ ﺳﺎﺑﻘﻰ ﺍﺣﺒﻚ ﺍﻣﻲ ..
ﺍﻧﺼﺎﻑ : ﺷﺸﻨﻮﻭﻭﻭ ﺷﺘﺤﺠﻲ ﺍﻧﺖ ﻋﻤﺎﺭ ﺍﻣﻲ ﺑﻴﻬﺎ ﺷﻲ ﺍﺣﺠﻲ ﻣﺎﻣﺎﺍﺍﺍ ﺭﺍﻧﻴﺎ ﺷﻠﻮﻥ ﺻﺎﺭ ﻫﻴﺞ ﺍﺣﺠﻴﻲ ﻓﻘﺪﺕ ﺍﻟﻮﻋﻲ ﺑﺮﻏﻢ ﻣﻦ ﻛﻞ ﺍﻟﻲ ﺩﺍﻳﺼﻴﺮ ﺑﻴﻪ ﻫﺴﻪ ﻣﻦ ﻭﺭﺍﻫﻦ ﺑﺲ ﻳﺒﻘﻦ ﺍﻣﻲ ﻭﺍﺧﺘﻲ ﻣﺎﻛﺪﺭ ﺍﻛﺮﻫﻦ ﻭﻻ ﺍﻛﺪﺭ ﺍﺣﺒﻬﻦ ﺑﺲ ﻣﺎﺗﺤﻤﻞ ﻓﺮﺍﻗﻬﻦ ﻭﺧﺎﺻﻪ ﺍﻟﻤﻮﺕ
ﺻﺮﺕ ﺍﺻﻴﺢ ﻭﺍﺣﺠﻲ ﻭﻳﻪ ﻋﻤﺎﺭ ﻭﻫﻮ ﻳﻬﺪﻱ ﺑﻴﻪ
- ﻭﻟﺞ ﺷﺒﻴﺞ ﺍﻫﺪﻱ ﺧﺎﺑﺮﻧﻲ ﺧﺎﻟﻲ ﻭﻛﺎﻝ ﺍﻟﺴﻴﺎﺭﻩ ﻣﻜﻠﻮﺑﻪ ﻭﻃﺎﻙ ﺍﻟﺒﺎﻧﺰﻳﻦ ﻭﻣﻔﺠﻮﺭﻩ ﻧﺎﻗﺬﻳﻦ ﻧﺺ ﻣﻨﻬﺎ ﻭﻧﺺ ﻣﻜﺪﺭﻭ ﻳﻨﻘﺬﻭﻫﻢ ﺍﻣﺸﻲ ﻧﺮﻭﺡ ﺍﻧﺸﻮﻑ ﻭﺳﻤﻲ ﺑﺮﺣﻤﺎﻥ ﻭﺍﺗﻌﻮﺫﻱ ﻣﻦ ﺍﻟﺸﻴﻄﺎﻥ
ﻭﺍﻟﻜﺎﺗﺒﻪ ﺍﻟﻠﻪ ﻳﺼﻴﺮ ﻣﺸﻴﺖ ﻭﺭﺍﻩ ﻭ ﺍﻧﻲ ﺍﻟﻒ ﺣﺠﺎﺑﻲ ﺑﻬﻤﺎﻝ ﻭﻃﻠﻌﻨﺎ ﻟﻠﻤﺴﺘﺸﻔﻰ ﺍﻟﻲ ﻛﺎﻝ ﻋﻨﻬﺎ ﺧﺎﻟﻲ ﻭﺍﻟﻄﺮﻳﻖ ﻛﻠﻪ ﺍﺩﻋﻲ ﻣﺎﺑﻴﻬﻦ ﺷﻲ ﺻﺢ ﺍﺫﻧﻲ ﺑﺲ ﻛﻠﺒﻲ ﻣﺎﻳﻄﻴﻨﻲ ﺍﺷﻮﻓﻬﻦ ﻫﻴﺞ
ﻭﻻﺯﻡ ﻻﺯﻡ ﻉ ﺍﻻﻗﻞ ﻳﻌﺘﺮﻓﻦ ﺑﻐﻠﻄﻬﻦ ﻭﻳﺘﻮﺑﻦ ﺍﻟﻰ ﺍﻟﻠﻪ ﻋﺰ ﻭﺟﻞ ﻋﺴﻰ ﻳﺴﺎﻣﺤﻬﻦ ﻭﻳﺨﻔﻒ ﻋﻦ ﺫﻧﻮﺑﻬﻦ ﻳﺠﻮﺯ ﺍﻟﻠﻪ ﻋﺎﻗﺒﻨﻲ ﺑﺒﻌﺪﻱ ﻋﻦ ﺍﺑﻨﻲ ﻻﻥ ﻛﺬﺑﺖ ﻭﺻﺮﺕ ﺷﺮﻳﻜﻪ ﺑﻬﺬﻩ ﺍﻟﻠﻌﺒﻪ ﺍﻟﻮﺻﺨﻪ
ﻻﻥ ﺿﻤﻴﺖ ﻋﻨﻬﻢ ﻫﺬﺍ ﺍﻟﺸﻲ ﻭﺍﻟﺴﺎﻛﺖ ﻋﻦ ﺍﻟﺤﻖ ﺷﻴﻄﺎﻥ ﺍﺧﺮﺱ ﻭﺍﻧﻲ ﻫﻴﺞ ﺳﻜﺘﺖ ﻭﻣﺎﻃﻠﻌﺖ ﺍﻟﺤﻘﻴﻘﻪ ﻟﺤﺪ ﻣﺎﻟﻠﻪ ﻓﻀﺤﻨﻲ ﻭﻋﺎﻗﺒﻨﻲ ﺑﺒﻌﺪﻱ ﻋﻦ ﺍﺑﻨﻲ ﺑﺲ ﻣﻮ ﻗﺼﺪﻱ ﻣﻮ ﻗﺼﺪﻱ ﺍﺷﺎﺭﻛﻬﻦ
ﺍﻧﺖ ﺍﻋﻠﻢ ﻳﺎﻟﻠﻪ ﺍﻟﻲ ﺑﺪﺍﺧﻠﻲ ﻭﻋﻘﺎﺑﻚ ﺍﺗﺤﻤﻠﻪ ﻻﻥ ﻏﻠﻄﺎﻧﻪ ﻭﺍﻋﺮﻑ ﻧﻔﺴﻲ ﺑﺲ ﻋﻘﺎﺑﻚ ﺻﻌﺐ ﻭﺗﻌﺮﻑ ﺍﺑﻨﻲ ﻧﻘﻄﺔ ﺿﻌﻔﻲ
ﺟﻨﺖ ﺻﺎﻓﻨﻪ ﻭﺣﺴﻴﺖ ﺍﻟﺴﻴﺎﺭﻩ ﻭﻛﻔﺖ ﻧﺰﻟﺖ ﻭﻋﻤﺎﺭ ﻳﻤﺸﻲ ﺑﺼﻔﻲ ﺣﺴﻴﺖ ﺑﺎﻳﺪﻩ ﻛﺎﻣﺸﻪ ﺍﻳﺪﻱ ﻭﻫﻮ ﻳﻄﻤﻨﻲ ﺑﺎﻭﻋﺖ ﻉ ﻋﻴﻮﻧﻪ ﻫﻮ ﻫﻢ ﺣﺰﻳﻦ ﺗﺒﻘﺎ ﺍﻣﻨﺎ ﻭﺍﺧﺘﻨﺎ ﺍﻟﻲ ﺟﻮﻩ
ﻭﺷﻜﺪ ﻣﺎ ﺟﺎﻥ ﻋﻤﺎﺭ ﻗﺎﺳﻲ ﻭﻳﺎﻫﻦ ﻣﻴﻜﺪﺭ ﻳﺸﻮﻓﻬﻦ ﻳﻤﻮﺗﻦ ﻭﻣﻴﺴﻮﻱ ﺷﻲ ﺍﻋﺮﻓﻪ ﻛﻠﺶ ﺯﻳﻦ ﺩﺧﻠﻨﺎ ﻭﻋﻤﺎﺭ ﺭﺍﺡ ﻳﺴﺌﻞ ﺍﻟﺴﺘﻌﻼﻣﺎﺕ ﻣﺸﻴﻨﺎ ﻉ ﺍﻟﻄﺎﺑﻖ ﺍﻟﺜﺎﻧﻲ ﻭﺍﻧﻲ ﺍﺣﺲ ﻛﻠﺒﻲ
ﺭﺍﺡ ﻳﻄﻠﻊ ﻣﻦ ﻣﻜﺎﻧﻪ ﺍﺳﺘﻘﺒﻠﻨﺎ ﺧﺎﻟﻲ ﻭﻫﻮ ﻳﺒﺠﻲ ﻭﻳﻨﻮﺡ ﻣﻦ ﺷﻔﺖ ﺑﺠﻴﻪ ﻭﻣﻨﻈﺮﻩ ﻛﻤﺸﺖ ﺍﻳﺪ ﻋﻤﺎﺭ ﺣﻴﻞ ﻣﺎﺍﺳﺘﺤﻤﻞ ﺻﺪﻣﻪ ﺛﺎﻧﻴﻪ ﺑﻌﺪ ﻛﺎﻓﻲ ﻭﺍﻟﻠﻪ ﻛﺎﻓﻲ ﻗﻠﺒﻲ ﺷﻴﺘﺤﻤﻞ ﺑﻌﺪ
ﺭﻛﻀﺖ ﻋﻠﻴﻪ ﻭﺍﻧﻲ ﺍﺳﺌﻠﻪ ﻭﺍﺭﻳﺪ ﻣﻨﻪ ﺟﻮﺍﺏ ﻳﺮﻳﺤﻨﻲ
- ﺧﺎﻟﻮﻭ ﻣﺎﻣﺎ ﺑﻴﻬﺎ ﺷﻲ ﺍﺣﺠﻲ ﺣﺒﺎﺏ ﺍﺣﺠﻲ
ﻳﺒﺠﻲ ﻭﻳﻬﺰ ﺑﺮﺍﺳﻲ ﻭﻣﺎﻳﻘﺒﻞ ﻳﺤﺠﻲ ﻋﻤﺎﺭ ﺻﺎﺡ ﺑﻲ
- ﻣﺎﺗﺤﺠﻲ ﺧﺎﻟﻲ ﺷﺒﻴﻚ ﺳﺎﺍﺍﻛﺖ ﺍﻣﻲ ﻭﺭﺍﻧﻴﺎﺍﺍ ﻭﻳﻦ
- ﺍﻣﻚ ﺍﻃﺘﻚ ﻋﻤﺮﻫﺎ ﻣﺘﺤﻤﻠﺖ ﻭﻣﺎﺗﺖ ﺭﺍﺳﺎبيج قصص عراقيه حقيقيه من واقعنا.روعه الطائي
ﺣﺠﻪ ﻛﻠﻤﺎﺗﻪ ﻭﺑﺠﻪ ﻭﻛﻌﺖ ﺑﻠﻜﺎﻉ ﻭﺍﻧﻲ ﺍﺑﺎﻭﻉ ﻋﻠﻴﻪ ﻻﺍﺍﺍﺍ ﻣﺎﻣﺎ ﻻﺍﺍﺍ ﻭﻳﻦ ﺭﺍﻳﺤﻪ ﻭﺍﻧﻲ ﻣﺎﺷﺎﺑﻌﻪ ﻣﻦ ﺣﻨﺎﻧﺞ ﻭﻳﻦ ﺭﺍﻳﺤﻪ ﻭﺍﻧﻲ ﻣﺎﺷﺎﺑﻌﻪ ﻣﻦ ﺣﻈﻨﺞ ﻭﻳﻦ ﺭﺍﻳﺤﻪ ﻭﺍﻧﻲ ﻣﺎﺷﺎﺑﻌﻪ ﻣﻦ ﺣﺠﻴﺞ ﺭﺟﻌﻲ ﺭﺟﻌﻲ ﺭﺯﻟﻲ ﻭﺿﺮﺑﻲ ﻭﺷﺘﺮﺩﻳﻦ ﺍﺳﻮﻳﻦ ﺳﻮﻱ ﺑﺲ ﺭﺟﻌﻲ ﺭﺟﻌﻲ ﻳﺎﻣﺎﻣﺎ ﻣﺴﺎﻣﺤﺘﺞ ﻭﺍﻟﻠﻪ ﻣﺴﺎﻣﺤﺘﺞ
ﺑﺲ ﺍﺭﺟﻌﻲ ﻛﻌﺪﺕ ﻉ ﺍﻟﻜﺮﺍﺳﻲ ﻭﺩﻣﻮﻋﻲ ﺗﻨﺰﻝ ﻭﺍﺳﻤﻊ ﻋﻤﺎﺭ ﻳﺴﺌﻞ ﺧﺎﻟﻲ ﻉ ﺭﺍﻧﻴﺎ ﺟﺎﻭﺑﻪ ﺧﺎﻟﻲ ﻭﻫﻮ ﻳﻬﺰ ﺑﻴﺪﻩ
- ﻛﻠﻪ ﻣﻦ ﻭﺭﺍﻫﺎﺍﺍ ﺍﻟﻤﺎﺗﺴﻤﻪ ﺧﻠﺖ ﺍﺧﺘﻲ ﺗﻄﻠﻊ ﺑﺬﻳﺞ ﺍﻟﺼﺒﺤﻴﻪ ﻣﺎﺑﻴﻬﺎ ﺷﻲ ﻋﺎﻳﺸﺸﺸﺸﻪ ﺷﻔﺖ ﻋﺎﺭ ﻣﺎﺕ ﻣﻦ ﻗﺒﻞ ﻻ ﺗﺨﺎﺍﻑ ﻋﻠﻴﻬﺎ ﺑﺴﺒﻊ ﺍﺭﻭﺍﺡ
- ﺧﺎﻟﻠﻠﻠﻴﻴﻴﻲ ﻛﺎﻓﻴﻲ ﺷﻨﻮ ﻫﻠﺤﺠﻲ ﺗﺮﺍ ﺭﺍﻧﻴﺎ ﻣﻬﻤﺎ ﺳﻮﺕ ﺗﺒﻘﻰ ﺍﺧﺘﻲ ﻭﻣﺎﺍﺳﻤﺤﻠﻚ ﺗﺤﺠﻲ ﻋﻠﻴﻬﺎﺍﺍﺍﺍ
ﻛﻌﺪ ﺑﺼﻔﻲ ﻋﻤﺎﺭ ﻭﺍﺧﺬﻧﻲ ﺑﺤﻈﻨﻪ ﻳﻬﺪﻱ ﺑﻴﻪ ﻭﺍﻧﻲ ﺑﺲ ﺩﻣﻮﻉ ﺗﻨﺰﻝ ﻃﻠﻊ ﺍﻟﺪﻛﺘﻮﺭ ﻣﻦ ﻏﺮﻓﺔ ﺭﺍﻧﻴﺎ ﺭﻛﺾ ﻋﻤﺎﺭ ﻋﻠﻴﻪ ﻳﺴﺌﻠﻪ
- ﻣﻨﻜﺪﺭ ﺍﻧﻜﻠﻚ ﺍﻱ ﺷﻲ ﻻﻥ ﻓﺎﻗﺪ ﺍﻟﻮﻋﻲ ﻣﻦ ﺗﻜﻌﺪ ﻧﺘﺎﻛﺪ ﻣﻦ ﺻﺤﺘﻬﺎ ﻋﺪﻫﺎ ﺿﺮﺑﺎﺕ ﻗﻮﻳﻪ ﺑﻤﻨﺎﻃﻖ ﻣﻦ ﺟﺴﻤﻬﺎﺍ ﻭﻋﺪﻩ ﺿﺮﺑﻪ ﺑﺮﺍﺳﻬﺎ ﺧﺎﻳﻔﻴﻦ ﻻ ﻳﺼﻴﺮ ﻋﺪﻫﺎ ﻧﺰﻳﻒ ﺩﺍﺧﻠﻲ ﺍﺩﻋﻮ ﻳﻜﻮﻥ ﻣﺎﻛﻮ ﻭﻣﻦ ﺗﻜﻌﺪ ﻧﺘﺎﻛﺪ ﺗﻜﻮﻣﻠﻜﻢ ﺑﺴﻼﻣﻪ
ﻏﻤﻀﺖ ﻋﻴﻮﻧﻲ ﻭﺍﻧﻲ ﺍﻫﺰ ﺑﺮﺟﻠﻲ ﺍﻣﻲ ﻭﺭﺍﻧﻴﺎ ﺛﻨﻴﺠﻦ ﺍﺍﺍﻑ ﻳﺎﻟﻠﻪ ﻟﻴﺶ ﻫﻴﺞ ﻳﺼﻴﺮ ﻟﻴﺶ
ﺧﺎﻟﻲ ﺭﺍﺡ ﻭﻋﻤﺎﺭ ﻛﺎﻝ ﺭﺍﺡ ﺍﺷﻮﻑ ﺍﻻﺟﺮﺍﺋﺎﺕ ﻣﺎﻝ ﺍﻣﻲ ﻭﺍﻛﻤﻞ ﺍﻻﺟﺮﺍﺋﺎﺕ ﺍﻧﺘﻲ ﺧﻠﻴﺞ ﻳﻢ ﺭﺍﻧﻴﺎ ﻭﺭﺍﺡ ﺍﺩﺯ ﻋﻤﺘﻲ ﺍﻟﺞ
ﺻﺪﻙ ﺭﺍﺡ ﺷﻮﻳﻪ ﻭﺍﺟﺖ ﻋﻤﺘﻲ ﻭﻋﻤﻲ ﺿﻠﻮ ﻳﻤﻲ ﻭﺧﺎﻟﻲ ﺭﺍﺡ ﻭﻳﻪ ﻋﻤﺎﺭ ﻣﺮﺕ ﺍﻟﺴﺎﻋﺎﺕ ﻭﺭﺍﻧﻴﺎ ﻧﺎﻳﻤﻪ ﻭﻋﻤﺎﺭ ﺍﺧﺬ ﻛﺮﺍﻳﺒﻨﺎ ﻛﻠﻬﻢ ﻭﺭﺍﺣﻮ ﻳﺪﻓﻨﻮﻧﻬﺎ ﺑﺠﻴﺖ ﻋﻠﻴﻬﺎ ﻭﺗﻤﻨﻴﺘﻬﺎ ﺗﺮﺟﻊ
ﻻﻥ ﺍﻻﻡ ﻣﻬﻤﺎ ﺻﺎﺭ ﺗﺒﻘﻪ ﺍﻡ ﻭﺗﺒﻘﻪ ﻫﻲ ﻛﻠﺸﻲ ﺑﻠﺤﻴﺎﻩ ﻭﺍﻣﻲ ﻣﻬﻤﺎ ﺳﻮﺕ ﺍﻟﻲ ﺍﺑﻘﻪ ﺍﺣﺒﻬﺎ ﺻﺢ ﺍﺗﺎﺫﻳﺖ ﺑﻤﻮﺗﺘﻬﺎ ﺑﺲ ﻣﻮ ﺑﻜﺪ ﻣﻮﺗﺖ ﺑﺎﺑﺎ ﺍﻟﻠﻪ ﻳﺮﺣﻤﻪ ﺍﻟﻌﺼﺮ ﺭﺟﻌﻮ ﻣﻦ ﺍﻟﺪﻓﻨﻪ ﻭﻋﺮﻓﺖ ﻣﻦ ﻋﻤﺘﻲ ﻧﺼﺒﻮ ﺟﺎﺩﺭ ﻟﻠﻔﺎﺗﺤﻪ ﻭﺍﻧﻲ ﻻﺯﻡ ﺍﺭﻭﺡ ﺍﺳﺎﻋﺪ ﻋﻤﺎﺭ
ﺧﻠﻴﺖ ﻋﻤﺘﻲ ﻳﻢ ﺭﺍﻧﻴﺎ ﻭﺭﺟﻌﻨﻲ ﺍﺑﻦ ﻋﻤﻲ ﻟﻠﺒﻴﺖ ﻭﻟﻜﻴﺖ ﺍﻟﻨﺴﻮﺍﻥ ﺷﻜﺜﺮﻫﺎ ﻛﺎﻣﺖ ﺗﺠﻲ ﺍﻟﺠﻮﺍﺭﻳﻦ ﺍﺗﻌﺰﻱ ﺑﻴﻪ ﻭﺍﻧﻲ ﻓﻘﻂ ﺍﻟﺪﻣﻮﻉ ﺗﻨﺰﻝ ﺻﺢ ﺟﻨﺖ ﻗﻮﻳﻪ ﺑﺲ ﻣﻜﺪﺭ ﺍﺳﻴﻄﺮ ﻉ ﺩﻣﻮﻋﻲ
ﻭﺑﻮﺳﻂ ﺩﻣﻮﻋﻲ ﻭﺣﺰﻧﻲ ﺣﺴﻴﺖ ﻭﺣﺪﻩ ﻭﻛﻔﺖ ﻛﺪﺍﻣﻲ ﺭﻓﻌﺖ ﺭﺍﺳﻲ ﻛﻮﺛﺮ ﻭﺑﻨﺎﺗﻬﺎ ﻣﺼﺪﻛﺖ ﺷﻔﺘﻬﺎ ﺟﻨﺖ ﻣﺤﺘﺎﺟﺘﻬﺎ ﺣﻴﻴﻴﻞ
ﺷﺒﻜﺘﻬﺎ ﻭﺻﺮﺕ ﺍﺑﺠﻲ ﻭﻫﻲ ﺗﻬﺪﻱ ﺑﻴﻪ ﺧﻠﺼﺖ ﺍﻳﺎﻡ ﺍﻟﻔﺎﺗﺤﻪ 3 ﻭﻫﻲ ﻣﺎﺗﺮﻛﺘﻨﻴﻲ ﻭﺣﺘﻪ ﻫﻤﺴﻪ ﺑﺘﻬﺎ ﺧﻄﻴﻪ ﺟﺎﻧﺖ ﺷﺎﻳﻠﻪ ﻣﺴﺆﻟﻴﺘﻪ ﺍﻟﺠﺎﻱ ﻭﺍﻟﺘﻨﻀﻴﻒ ﺭﺍﻧﻴﺎ ﻣﺎﻛﻌﺪﺕ
ﻋﻤﺎﺭ ﻣﺎﺷﻔﺘﻪ ﺍﺑﺪ ﻭﻳﻪ ﺍﻟﺰﻟﻢ ﺑﺮﻩ ﻣﺎﺩﺭﻱ ﺷﻨﻮ ﺣﺎﻟﺘﻪ ﻫﺴﻪ ﺟﺎﻧﺖ ﺍﻟﻤﻠﻪ ﻣﻦ ﺗﻘﺮﺍ ﺍﺑﺠﻲ ﻉ ﺑﺎﺑﺎ ﺍﻛﺜﺮ ﻣﻦ ﺑﺠﻲ ﻉ ﺍﻣﻲ ﻻﻥ ﺍﺫﻛﺮ ﺑﺎﺑﺎ ﺑﻨﻌﻴﻬﺎ
ﺧﺎﻟﺘﻲ ﺍﻡ ﺟﻮﺭﻱ ﺍﺟﺖ ﺧﻄﻴﻪ ﺍﺧﺮ ﻳﻮﻡ ﻭﺑﻘﺖ ﺗﺘﻌﺬﺭ ﻻﻥ ﻣﻜﺪﺭﺕ ﺗﺠﻲ ﻭﺗﻌﻮﻑ ﺟﻮﺭﻱ ﺳﺌﻠﺘﻬﺎ ﻉ ﺣﺎﻟﺘﻬﺎ ﻛﺎﻟﺖ ﺯﻳﻨﻪ ﺍﺣﺴﻦ ﻭﺑﺲ ﺷﻮﻳﻪ ﺗﺮﺗﺎﺡ ﺍﺟﻴﺒﻬﺎ ﺍﻟﺞ ﻭﺍﺟﻲ
- ﻣﺎﻛﻮ ﺩﺍﻋﻲ ﺧﺎﻟﻪ ﺍﻧﻲ ﺍﺟﻴﻬﺎ ﺑﺲ ﺧﻞ ﺍﺷﻮﻑ ﺣﺎﻟﺔ ﺭﺍﻧﻴﺎ ﻭﺍﺟﻴﻬﺎ ﻛﻮﺛﺮ ﺟﺎﻧﺖ ﻳﻤﻲ ﻭﻣﺎﺗﺮﻛﺘﻨﻲ ﻣﻦ ﺧﻠﺼﺖ ﺍﻟﻔﺎﺗﺤﻪ ﻭﺍﻟﻜﻞ ﺭﺍﺡ ﺍﻟﺒﻴﺘﻪ ﻛﻌﺪﺕ ﺑﺼﻔﻬﺎ ﻭﺳﺌﻠﺘﻬﺎ
- ﺷﺠﺎﺑﺞ ﻭﺷﻠﻮﻥ ﻋﺮﻓﺘﻲ
- ﻋﺮﻓﺖ ﻣﻦ ﺳﻨﺪ ﻣﺨﺎﺑﺮﻩ ﻧﺼﺮ ﻭﻛﺎﻳﻠﻪ ﻭﻛﺎﻝ ﺍﻧﻲ ﺭﺍﻳﺢ ﺗﺠﻴﻦ ﻛﺘﻠﻪ ﺍﻱ ﻣﺎﻋﻮﻑ ﺍﻧﺼﺎﻑ ﻭﺣﺪﻩ ﻭﺍﺟﻴﺘﺞ
- ﺣﺒﻴﺒﺘﻲ ﻣﺎﺗﻘﺼﺮﻳﻦ ﺍﺩﺭﻱ ﺑﻴﺞ ﺑﺲ ﻧﺼﺮ ﺷﻌﺮﻓﻪ
- ﻭﺍﻟﻠﻪ ﻣﺎﻋﺮﻑ ﺍﻟﻠﻪ ﻭﺍﻋﻠﻢ ﺣﺘﻪ ﺍﻧﻲ ﺍﺳﺘﻐﺮﺑﺖ ﻫﺬﺍ ﺍﻟﺸﻲ
ﺳﻜﺘﺖ ﻻﻥ ﻣﺎﺭﻳﺪ ﺍﺳﻤﻊ ﺑﺎﺳﻤﻪ ﺍﻛﺜﺮ ﻋﻤﺎﺭ ﺣﺎﻟﺘﻪ ﺟﺎﻧﺖ ﺍﺳﻮﺀ ﻣﻦ ﺣﺎﻟﺘﻲ ﻻﻥ ﺍﻣﻲ ﺟﺎﻧﺖ ﻭﻳﺎﻩ ﻣﺜﺎﻝ ﺍﻻﻡ ﺍﻟﺤﻨﻮﻧﻪ ﺍﻟﻲ ﺍﺗﺤﺐ ﺍﻃﻔﺎﻟﻬﺎ ﺑﺲ ﺑﻤﺮﻭﺭ ﺍﻻﻳﺎﻡ ﺍﺗﻌﻮﺩ ﻭﺭﺟﻊ ﻣﺜﻞ ﻣﺎﺟﺎﻥ
ﺑﻌﺪ ﻣﺎ ﺭﺟﻌﻮ ﻛﻮﺛﺮ ﻭﺳﻨﺪ ﻓﺮﻍ ﺍﻟﺒﻴﺖ ﻭﺑﻘﻴﺖ ﻭﺣﻴﺪﻩ ﻣﺎﻛﻮ ﺍﺣﺪ ﺑﻲ ﻭﺍﻟﻲ ﻋﺮﻓﺘﻪ ﻋﻦ ﺭﺍﻧﻴﺎ ﻟﺤﺪ ﻻﻥ ﻣﺎﻛﺎﻋﺪﻩ ﺍﺟﻪ ﻋﻤﺎﺭ ﺗﻌﺒﺎﻥ ﻣﻦ ﺍﻟﻤﺴﺘﺸﻔﻰ ﺻﺎﺭ ﻣﻦ ﺍﻟﺸﻐﻞ ﻟﻠﻤﺴﺘﺸﻔﻰ ﻭﻣﺎﻳﺸﻮﻑ ﺍﻟﺮﺍﺣﻪ ﻭﻣﻦ ﺳﺌﻠﺘﻪ ﺷﻜﻮ ﻭﺷﺒﻲ ﺧﺎﻟﻲ ﻳﺤﺠﻲ ﻉ ﺭﺍﻧﻴﺎ ﺫﺍﻛﻠﻴﻮﻡ
- ﻳﻤﻌﻮﺩﻩ ﻻﻋﺒﻪ ﻟﻌﺐ ﺣﻘﻪ ﺧﺎﻟﻲ ﻣﻦ ﻳﺤﺠﻲ ﻋﻠﻴﻬﺎ ﻭﺍﻟﻠﻪ ﺷﺎﻳﻔﻪ ﻋﺮﺱ ﻣﺜﻨﻰ ﻧﺎﺷﺮﻱ ﻉ ﺍﻟﻔﻴﺲ ﻭﻫﻮ ﻣﺜﻨﻰ ﻧﺎﺷﺮﻩ ﻉ ﺻﻔﺤﺘﻪ ﻃﺎﻟﻌﻪ ﻋﺪﻫﺎ ﻭﻫﺎﻱ ﻣﺘﺨﺒﻠﻪ
ﻫﺴﻪ ﺍﺭﻭﺡ ﺍﻟﺒﻐﺪﺍﺩ ﻭﺍﺧﺮﺏ ﺍﻟﺰﻭﺍﺝ ﻫﺴﻪ ﺗﺎﺧﺬﻭﻧﻲ ﻳﻤﻌﻮﺩﻩ ﺍﻫﺪﺋﻲ ﺧﻞ ﻳﺼﺒﺢ ﺍﻟﺼﺒﺢ ﻳﻤﻌﻮﺩﻩ ﺳﺘﺮﻱ ﻋﻠﻴﻨﺎ ﻭﻫﻲ ﻣﺎﻛﻮ ﺍﺻﻴﺢ ﻭﺗﻐﻠﻂ ﻭﺣﺎﺭﺕ ﺷﺴﻮﺕ ﻭﻛﻮﻩ ﺍﻣﻲ ﻗﺎﻧﻌﺘﻬﺎ ﺑﺎﺟﺮ ﺍﻟﺼﺒﺢ ﻳﻄﻠﻌﻦ ﺍﻟﺒﻐﺪﺍﺩ ﻭﺻﺪﻙ
ﺛﺎﻧﻲ ﻳﻮﻡ ﻃﺎﻟﻌﺎﺕ ﻛﻌﺪ ﺧﺎﻟﻲ ﻛﺎﻝ ﺍﻧﻲ ﺍﻭﺻﻠﺠﻦ ﻫﻲ ﺩﻙ ﺭﺟﻞ ﻻ ﺍﻧﺖ ﻣﺎﺗﺎﺧﺪﻧﻲ ﻟﺒﻐﺪﺍﺩ ﺍﻋﺮﻓﻚ ﺗﺎﺧﺬﻧﻲ ﺍﻟﻮﺍﺳﻂ ﻣﺎﺭﻳﺪ ﻧﺮﻭﺡ ﻋﺒﺮﻳﻪ ﻳﻤﻌﻮﺩﻩ ﻛﻮﻟﻲ ﻏﻴﺮﻫﺎ ﻣﺎﻛﻮ ﻣﻌﺎﻧﺪﻩ
ﻭﻫﺬﺍ ﻗﺪﺭﻩ ﺭﺑﺞ ﺭﺍﻳﺤﺎﺕ ﻋﺒﺮﻳﻪ ﺻﺎﻳﺮ ﺑﻨﺠﺮ ﻣﺪﺭﻱ ﺷﻨﻮ ﻭﺍﻟﺴﺎﻳﻖ ﻳﻤﺸﻲ ﺳﺮﻳﻊ ﻣﻜﻠﻮﺑﻪ ﺍﻟﺴﻴﺎﺭﻩ ﻭﻃﺎﻙ ﻣﺎﻝ ﺍﻟﺒﺎﻧﺰﻳﻦ ﻣﻔﺠﻮﺭﻩ ﻭﻛﻮﻩ ﻣﻄﻠﻌﻴﻦ ﺍﻟﻨﺎﺱ ﺍﻟﺒﻴﻬﺎ
- ﺑﻘﻴﺖ ﺻﺎﻓﻨﻪ ﻳﻌﻨﻲ ﺭﺍﻧﻴﺎ ﺷﺘﺮﻳﺪ ﺍﺳﻮﻱ ﺑﻌﺪ ﺍﺯﻭﺝ ﻭﺧﻠﺺ ﺷﺘﺮﻳﺪ ﺍﺳﻮﻱ ﻳﻌﻨﻲ ﻫﻢ ﺍﻃﻜﻪ ﺑﺴﺤﺮ ﻭﺗﺮﺟﻌﻪ ﺗﺮﻳﺪ ﻭﺍﻟﻠﻪ ﻣﺎﺍﺳﺘﺒﻌﺪ ﻫﺬﺍ ﺍﻟﺸﻲ ﻻﻥ ﺍﺧﺘﻲ ﻭﺍﻋﺮﻓﻬﺎ ﺯﻳﻦ
ﻣﺮﺕ ﺍﻻﻳﺎﻡ ﻭﻛﻌﺪﺕ ﺭﺍﻧﻴﺎ ﻭﺭﺣﻨﺎ ﺍﻧﻲ ﻭﻋﻤﺎﺭ ﺍﻟﻬﺎ ﺑﺲ ﺍﻟﺼﺪﻣﻪ ﺟﺎﻧﺖ ﻣﻦ ﻓﺘﺤﺖ ﻋﻴﻮﻧﻬﺎ ﻭﻫﻲ ﺗﻀﺤﻚ ﻭ ﺗﺤﺠﻲ ﻭﻳﻪ ﻋﻤﺎﺭ
- ﻫﻴﻴﻲ ﻋﻤﻮ ﻋﻤﻮ ﺍﻃﻴﻨﻲ ﺭﺑﻊ ﺍﺷﺘﺮﻱ ﻧﺴﺘﻠﻪ ﺭﺍﺳﻲ ﻳﻮﺟﻌﻨﻲ ﺣﻴﻞ ﺑﻠﻜﺖ ﻳﻄﻴﺐ ﺍﺩﺍ ﺍﻛﻠﺖ
ﺻﻔﻨﺖ ﻋﻠﻴﻪ ﻫﺎﻱ ﺷﻨﻮ ﺗﺤﺠﻲ ﺻﺪﻙ ﻟﻮ ﺗﻀﺤﻚ ﻋﻠﻴﻨﺎ ﺻﺎﺣﻮ ﻟﻠﺪﻛﺘﻮﺭ ﻭﺑﻌﺪ ﻓﺤﻮﺻﺎﺕ ﻭﺗﺤﺎﻟﻴﻞ ﺑﻨﻴﺖ ﺭﺍﻧﻴﺎ ﺑﺴﺒﺐ ﺍﻟﻀﺮﺑﻪ ﺻﺎﺭ ﻋﺪﻫﺎ ﺧﻠﻞ ﺑﺪﻣﺎﺥ ﻭﻓﻘﺪﺕ ﻋﻘﻠﻪ ﻭﻫﺴﻪ ﻫﻲ
ﻛﻞ ﻋﻘﻠﻪ ﻃﻔﻠﻪ ﺻﻐﻴﺮﻩ ﻭﻭﺍﺻﻴﺢ ﻟﻌﻤﺎﺭ ﻋﻤﻮ ﻭﻣﻦ ﺍﺷﻮﻓﻲ ﺗﻀﺤﻚ ﻭﺗﻜﻮﻝ ﺍﻧﻲ ﺑﻌﺪ 5 ﺳﻨﻮﺍﺕ ﺍﺻﻴﺮ ﻣﺜﻠﺞ ﻫﻬﻬﻬﻬﻬﻬﻬﻪ
ﺟﺎﻧﺖ ﺻﺪﻣﻪ ﺭﺍﻧﻴﺎ ﺍﻛﺒﺮ ﻣﻦ ﺻﺪﻣﺖ ﻣﻮﺕ ﺍﻣﻲ ﻻﻥ ﺭﺍﻧﻴﺎ ﻳﺮﺍﺩﻟﻬﺎ ﻋﻼﺝ ﻫﻮﺍﻱ ﻭﺗﻌﺐ ﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ ﻭﺍﻧﻲ ﺻﺎﻓﻨﻪ ﺷﻠﻮﻥ ﺑﻴﻬﺎ ﻫﺎﻱ
ﻣﺮﺕ ﺍﻻﻳﺎﻡ ﻭﻛﻤﺖ ﻛﻞ ﺟﻤﻌﻪ ﺍﺑﺮﺍﻫﻴﻢ ﻳﺠﻲ ﻳﻢ ﻛﻮﺛﺮ ﻭﻳﺎﺧﺬﻧﻲ ﻋﻤﺎﺭ ﺍﺷﻮﻓﻪ ﻭﺭﺍﻧﻴﺎ ﺗﺒﻘﻰ ﻳﻢ ﺟﻮﺍﺭﻳﻨﺎ ﺑﺘﻮﺍﺳﻴﻞ ﻳﺎﻟﻪ ﺗﻘﻨﻊ ﻭﻣﻦ ﻳﻄﻴﻬﺎ ﻋﻤﺎﺭ ﻓﻠﻮﺱ ﻳﺎﻟﻪ ﺗﻘﺒﻞ ﺗﺒﻘﻪ ﻳﻤﻬﺎ
ﻭﻫﻴﺞ ﻣﺮ ﺷﻬﺮ ﻉ ﺍﻟﺤﺎﺩﺛﻪ ﻭﺍﻧﻲ ﻛﻞ ﺟﻤﻌﻪ ﺑﺒﻐﺪﺍﺩ ﺍﺷﻮﻑ ﺍﺑﺮﺍﻫﻴﻢ ﻭﻫﻮ ﻭﻻ ﻧﺴﺎﻧﻲ ﺣﺒﻴﺒﻲ ﻭﻳﺒﻘﻪ ﻳﻨﺘﻀﺮﻧﻲ ﻳﻮﻡ ﻳﻮﻡ
ﺟﻮﺭﻱ ﺭﺣﺘﻠﻬﺎ ﻭﺟﺎﻧﺖ ﺍﺣﺴﻦ ﺍﻋﺘﺬﺭﺕ ﻣﻨﻲ ﻻﻥ ﻃﺮﺩﺗﻨﻲ ﻣﻦ ﺍﺟﺖ ﻭﺣﺎﻟﺘﻬﺎ ﺟﺎﻧﺖ ﺗﻌﺒﺎﻧﻪ ﺍﻟﻼﺳﻒ ﺍﻟﻨﺎﺱ ﻣﺎﺳﻜﺘﺖ ﻟﺤﺪ ﻻﻥ ﻭﻫﻢ ﺑﻄﺎﺭﻳﻬﺎ ﻭﻳﻦ ﻣﺎﻳﻜﻌﺪﻭﻥ ﻳﺤﺠﻮﻥ ﺑﻴﻬﺎ
ﺑﺮﻏﻢ ﻣﻦ ﻓﺤﻮﺻﺎﺕ ﺍﻟﺪﻛﺘﻮﺭﻩ ﻛﺎﻟﺖ ﺑﻌﺪﻫﺎ ﺑﻨﻴﻪ ﻭﻣﺎﺑﻴﻪ ﺍﻱ ﺷﻲ ﺑﺲ ﺍﻟﻨﺎﺱ ﻣﺎﺗﺮﺿﻪ ﺗﺴﻜﺖ ﻭﻻ ﺗﻘﻨﻊ
ﻣﺮ ﻫﺬﺍ ﺍﻟﺸﻬﺮ ﻭﺍﻧﻲ ﺑﻴﻦ ﺭﺍﻧﻴﺎ ﻭﺍﻟﺒﻴﺖ ﻭﻋﻤﺎﺭ ﻭﺍﻟﺠﻤﻌﻪ ﺍﺑﺮﺍﻫﻴﻢ ﻫﻬﻪ ﺍﺷﻮﻑ ﺍﺑﻨﻲ ﺑﻠﺨﺘﻼﺕ ﻭﺑﺪﻭﻥ ﻣﺎﻳﻌﺮﻑ ﺍﺑﻮﻩ ﻻﻥ ﺍﻟﻤﺤﻜﻤﻪ ﻛﺎﻟﺖ ﺍﻟﻪ ﺑﺸﻬﺮ ﻣﺮﻩ ﺍﺷﻮﻓﻪ ﻫﻬﻬﻪ ﺷﻨﻮ ﻣﻦ ﻣﺤﻜﻤﻪ ﻣﺎﻋﺮﻑ ﻭﺧﻠﺺ ﻫﺬﺍ ﺍﻟﺸﻬﺮ ﻭﻫﻮ ﻣﺎ ﺟﺎﺑﻪ ﻭﺍﺟﻪ
ﻭﺍﻧﻲ ﺳﻜﺘﺖ ﺧﻔﺖ ﻭﻗﻨﻌﺖ ﺑﻬﺬﺍ ﺍﻟﻴﻮﻡ ﺍﻟﻲ ﺑﻼﺳﺒﻮﻉ ﺍﺷﻮﻓﻪ ﻋﺪ ﻛﻮﺛﺮ ﻭﻫﺬﺍﻫﻮ ﻃﻠﻊ ﺍﺭﺑﻌﻴﻦ ﺍﻣﻲ ﻭﺭﺣﻨﺎ ﻟﻠﻤﻘﺒﺮﻩ ﺯﺭﻧﺎﻫﺎ ﻫﻲ ﻭﺑﺎﺑﺎ
ﻣﻦ ﺷﻔﺖ ﻗﺒﺮ ﺑﺎﺑﺎ ﺑﺠﻴﺖ ﻟﺤﺪ ﻣﺎﻛﻠﺖ ﺑﺲ ﻭﺷﻜﻴﺖ ﻟﺤﺪ ﻣﺎ ﻛﻠﺖ ﺑﺲ ﻭﻋﺪﺕ ﺭﻭﺣﻲ ﻭﺍﻧﻲ ﻳﻢ ﻗﺒﺮﻩ ﺍﻛﻮﻥ ﺍﻧﺴﺎﻧﻪ ﺛﺎﻧﻴﻪ ﻣﻦ ﺍﻟﻴﻮﻡ ﺍﻧﺼﺎﻑ ﻣﻦ ﻳﻮﻡ
ﺍﻟﻲ ﻃﺮﺩﻫﺎ ﻧﺼﺮ ﻣﻦ ﺑﻴﺘﻪ ﻭﺑﺪﻭﻥ ﻣﺎﻳﺴﻤﻊ ﻣﻨﻬﺎ ﻛﻠﻤﻪ ﺍﺗﻐﻴﺮﺕ ﺍﻧﺼﺎﻑ ﻣﻦ ﻳﻮﻡ ﺍﻟﻲ ﺍﺧﺬﻭ ﺍﺑﻨﻬﺎ ﺑﻠﻐﺶ ﻭﺣﺮﻣﻮﻫﺎ ﻣﻦ ﻋﺪﻩ ﻭﺻﺎﺭﺕ ﺍﺷﻮﻓﻪ ﺑﻠﺨﺘﻼﺕ ﺑﺒﻴﺖ ﺣﻤﺎﻫﺎ ﻣﻦ ﻳﻮﻣﻬﺎ ﻭﺍﻧﻲ ﻛﺮﻫﺖ ﻧﺼﺮ
ﻭﻛﺮﻫﺔ ﺣﺒﻲ ﺍﻟﻪ ﻛﻞ ﻳﻮﻡ ﺟﻨﺖ ﺍﺳﺌﻞ ﻋﻤﺎﺭ ﻣﺎﺧﺎﺑﺮﻙ ﺣﺘﻪ ﻳﻄﻠﻜﻨﻲ ﺳﻴﺪ ﺗﺮﺍ ﻣﻮ ﺣﺎﻟﻪ ﺍﻧﻲ ﺍﺭﻳﺪ ﺍﻋﻴﺶ ﻭﻫﻮ ﻳﺠﺎﻭﺏ ﺑــ ﻻ
ﻣﺎﻋﺮﻑ ﺷﻨﻮ ﺍﻟﻲ ﺟﺎﻥ ﻳﺪﻭﺭ ﺑﺒﺎﻟﻪ ﺍﻟﻌﻤﺎﺭ ﻣﻦ ﻳﻮﻡ ﻭﻓﺎﺓ ﺍﻣﻲ ﻭﻫﻮ ﺗﻐﻴﺮ ﻓﺪﻭﺭ ﺍﻭ ﺑﻼﺣﺮﻯ ﻣﻦ ﻳﻮﻡ ﺧﻄﻒ ﺟﻮﺭﻱ ﻭﻫﻮ ﺍﻧﺴﺎﻥ ﺛﺎﻧﻲ ﻣﺪﺍﺍﻋﺮﻓﻪ ﺯﻳﻦ
ﻭﻓﺎﺓ ﺍﻣﻲ ﻛﺪﺭﺕ ﺍﺟﺎﻭﺯﻫﺎ ﺑﺴﻬﻮﻟﻪ ﻭﺍﺗﻌﻮﺩ ﻉ ﻏﻴﺎﺑﻬﺎ ﻻﻥ ﻣﺎﺷﻔﺖ ﻣﻨﻬﺎ ﺷﻲ ﻳﺨﻠﻴﻨﻲ ﺍﺗﺎﺛﺮ ﻭﺍﻧﻘﻬﺮ ﺻﺢ ﺍﻧﻘﻬﺮﺕ ﺍﻭﻝ ﺍﻳﺎﻡ ﺑﺲ ﻛﺪﺭﺕ ﺍﺟﺎﻭﺯﻫﺎ
ﻻﻥ ﻋﻤﺮﻱ ﻣﺸﻔﺖ ﺣﻨﻴﻪ ﺍﻟﻲ ﺍﻭ ﺣﺐ ﺍﻡ ﺍﻻﺑﺘﻬﺎ ﺑﻌﻴﻮﻧﻬﺎ ﻭﻻ ﺷﻔﺖ ﺷﻲ ﺗﺴﻮﻱ ﺍﻟﻲ ﺩﻭﻡ ﺟﺎﻧﺖ ﺍﺗﻔﻀﻞ ﺭﺍﻧﻴﺎ ﻭﻋﻤﺎﺭ ﻋﻠﻴﻪ ﻭﻣﺎﻋﺮﻓﺖ ﺍﻟﺴﺒﺐ ﻟﺤﺪ ﻻﻥ
ﺭﺟﻌﺖ ﻣﻦ ﺍﻟﻨﺠﻒ ﻭﺍﻧﻲ ﺍﻧﺴﺎﻧﻪ ﺛﺎﻧﻴﻪ ﻭﻭﻋﺪﺕ ﻧﻔﺴﻲ ﺍﻛﻮﻥ ﺍﻧﺴﺎﻧﻪ ﻗﻮﻳﻪ ﺍﺑﻨﻲ ﻧﻔﺴﻲ ﺑﻨﻔﺴﻲ ﻭﻃﻠﺒﺖ ﻣﻦ ﻋﻤﺎﺭ ﺍﺭﺟﻊ ﺍﺩﺭﺱ ﻭﻫﻮ ﻓﺮﺡ ﺣﻴﻞ ﻭﻫﺎﻱ ﺍﻭﻝ ﺧﻄﻮﻩ ﺍﺧﻄﻴﻬﺎ
ﻭﻫﻲ ﺭﺟﻮﻋﻲ ﻟﻠﺪﺭﺍﺳﻪ ﺣﺘﻪ ﺍﺑﻨﻲ ﺫﺍﺗﻲ ﻣﻦ ﺟﺪﻳﺪ ﻭﺍﺑﻨﻲ ﺍﻧﺼﺎﻑ ﺟﺪﻳﺪﻩ ﻣﻮ ﺍﻧﻲ ﺍﻟﻲ ﻳﻜﺴﺮﻧﻲ ﺭﺟﻞ ﺍﻧﺎﻧﻲ
ﻭﻫﻲ ﻛﺪﺭﺕ ﺍﺭﺟﻊ ﺍﺩﺭﺱ ﻭﺑﺎﻳﺎﻡ ﺍﻟﻌﻄﻞ ﺍﻟﺠﻤﻌﻪ ﻭﺍﻟﺴﺐ ﺍﻟﺠﻤﻌﻪ ﺍﺷﻮﻑ ﺍﺑﺮﺍﻫﻴﻢ ﻳﻢ ﻛﻮﺛﺮ ﺍﻟﻲ ﻣﺎﺗﺮﻛﺘﻨﻲ ﺍﺑﺪﺩﺩ ﻭﺻﺎﺭﺗﻠﻲ ﺍﺧﺖ ﻭﺍﻡ ﻭﺍﻟﺴﺒﺖ ﺍﺭﻭﺡ ﺍﻟﺠﻮﺭﻱ ﺍﺷﻮﻓﻬﺎ ﺍﻟﻲ ﻛﻮﺭﺕ ﻉ ﻧﻔﺴﻬﺎ ﺑﻐﺮﻓﺘﻬﺎ ﻭﻣﺎﺗﻄﻠﻊ ﻣﻨﻬﺎ
ﻭﺍﻟﻨﺎﺱ ﺗﺴﻜﺖ ﺗﺴﻜﺖ ﻭﺗﺮﺟﻊ ﺗﺤﺠﻲ ﻣﻦ ﻳﺸﻮﻓﻮﻥ ﻭﺍﺣﺪ ﻣﻦ ﻋﺪﻫﻢ ﺣﺴﻦ ﻟﻮ ﺍﺑﻮﻫﺎ ﻟﻮ ﺍﻣﻬﺎ ﻭﺍﻧﻘﻬﺮ ﻋﻠﻴﻬﻢ ﺷﻨﻮ ﺫﻧﺒﻬﻢ
ﺭﺍﻧﻴﺎ ﺍﻭﻭﻭ ﻳﺎﺭﺭﺍﻧﻴﺎ ﻛﻠﻬﺎ ﺑﺠﻔﻪ ﻭﺭﺍﻧﻴﺎ ﺑﺠﻔﻪ ﻭﺣﺪﻩ ﻣﺎﻋﺮﻑ ﺍﺫﺍ ﺍﺷﻤﺖ ﺑﻴﻬﺎ ﻟﻮ ﺍﻧﻘﻬﺮ ﻋﻠﻴﻬﺎ ﺑﺲ ﻛﻠﺒﻲ ﻣﻴﻄﻴﻨﻲ ﺍﺷﻔﻪ ﻭﺍﺷﻤﺖ ﻻﻥ ﺍﺧﺘﻲ ﻭﺍﻟﺸﻤﺎﺗﻪ ﻣﻮ ﻣﻦ ﻃﻴﻨﺘﻲ ﻭﺗﺮﺑﺎﻳﺘﻲ
ﺟﺎﻧﺖ 24 ﺳﺎﻋﻪ ﺗﻠﻌﺐ ﺑﻠﻌﺎﺑﺎﺗﻬﺎ ﻭﺍﻟﻲ ﻳﻘﻬﺮ ﻋﺪﻫﺎ ﻟﻌﺒﺘﻴﻦ ﻭﻟﺪ ﻭﺑﻨﻴﻪ ﺍﺷﺘﺮﺍﻫﻦ ﻋﻤﺎﺭ ﺍﻟﻬﺎ ﺗﻜﻌﺪ ﺗﻠﻌﺐ ﺑﻴﻬﻦ ﻭﻣﺴﻤﻴﺘﻬﻦ ﺭﺍﻧﻴﺎ ﻭﻣﺜﻨﻰ ﻣﻦ ﺍﺳﺌﻠﻬﺎ ﺍﺗﻜﻠﻲ ﺍﻱ ﻫﺎﻱ ﺍﻧﻲ ﻭﺯﻭﺟﻲ ﻣﻦ ﺍﻛﺒﺮ
ﻣﻦ ﺳﺌﻠﺘﻬﺎ ﻉ ﺍﺳﻢ ﻣﺜﻨﻰ ﺟﺎﻭﺑﺖ ﺍﺣﺐ ﻫﺬﺍ ﺍﻻﺳﻢ ﺍﺣﺴﻪ ﺣﻠﻮﻭ ﺑﺠﺒﺖ ﻣﻦ ﻛﻞ ﻛﻠﺒﻲ ﻋﻠﻴﻬﺎ ﻣﻦ ﺳﻤﻌﺖ ﻫﻴﺞ ﺻﺎﺭﺕ ﺍﻧﺴﺎﻧﻪ ﺛﺎﻧﻴﻪ ﺳﺒﺤﺎﻧﻚ ﻳﺎﻟﻠﻪ
ﻭﻳﻦ ﺭﺍﺡ ﺟﺒﺮﻭﺟﺘﻦ ﻭﺗﺒﺎﻫﻴﺠﻦ ﻭﻓﻠﻮﺳﺠﻦ ﺍﻧﺘﻲ ﻭﺍﻣﻲ ﻭﻳﻦ ﺭﺍﺣﻦ ﺍﻧﺎﻧﻴﺘﺠﻦ ﻭﺗﻜﺸﺨﺠﻦ ﺍﺷﻮ ﻭﺣﺪﻩ ﺭﺍﺣﺖ ﺟﻮﻩ ﺍﻟﺘﺮﺍﺏ ﻭﻛﻠﺸﻲ ﻣﺎ ﺍﺳﺘﻔﺎﺩﺕ ﻭﻭﺣﺪﻩ ﺻﺎﺭﺕ ﻣﺠﻨﻮﻧﻪ ﻭﻛﻠﺸﻲ ﻣﺎ ﺭﺑﺤﺖ ﺭﺣﻤﺘﻚ ﺭﺑﻲ ﺭﺣﻤﺘﻚ
ﺑﻴﻮﻡ ﻣﻦ ﺍﻻﻳﺎﻡ ﺭﺟﻌﺖ ﻣﻦ ﺍﻟﻤﻌﻬﺪ ﺑﻌﺪ ﻣﺎ ﺳﺠﻠﻨﻲ ﻋﻤﺎﺭ ﺑﻤﻌﻬﺪ ﻣﻦ ﺍﻟﺜﺎﻟﺚ ﻭﻛﺎﻝ ﻧﺠﺤﻲ ﻭﺩﺭﺟﺎﺕ ﻋﺎﻟﻴﻪ ﺟﻴﺒﻲ ﺣﺘﻪ ﺗﺘﺤﻮﻟﻴﻦ ﻛﻠﻴﻪ
ﻋﻤﺎﺭ ﺧﻄﻴﻪ ﻳﺸﺘﻐﻞ ﻣﻨﺎ ﻭﻳﻄﻲ ﻓﻠﻮﺱ ﻣﻨﺎ ﻻﻣﺮﻳﻪ ﺟﻮﺍﺭﻳﻨﺎ ﻓﻘﻴﺮﻩ ﻋﻠﻤﻮﺩ ﺍﺩﻳﺮ ﺑﺎﻟﻬﺎ ﻉ ﺭﺍﻧﻴﺎ ﺑﻐﻴﺎﺑﻨﺎ ﻛﻞ ﻫﺬﺍ ﻭﻣﺎ ﺣﻄﻴﻨﺎﻫﺎ ﺑﻤﺴﺘﺸﻔﻰ ﻻﻥ ﻻ ﺍﻧﻲ ﺍﻃﺎﻧﻲ ﻛﻠﺒﻲ ﺍﺳﻮﻱ ﻫﻴﺞ ﻭﻻ ﻋﻤﺎﺭ
ﺑﻴﻮﻡ ﺍﻟﺨﻤﻴﺲ ﺭﺟﻌﺖ ﻣﻴﺘﻪ ﺗﻌﺐ ﺭﺍﺣﺖ ﺍﻟﻤﺮ ﺍﻟﻲ ﺣﺎﻃﻴﻬﺎ ﻳﻢ ﺭﺍﻧﻴﺎ ﻭﺍﺳﺘﻠﻢ ﺍﻧﻲ ﺍﻟﺒﻴﺖ ﻃﺒﺦ ﻭﺗﻨﻀﻴﻒ ﻭﺣﺴﻴﺖ ﺍﻟﺪﻭﺧﻪ ﺭﺟﻌﺘﻠﻲ ﺑﻌﺪ ﻣﺎ ﺗﺮﻛﺘﻨﻲ ﺷﻬﺮ ﻭﻧﺺ
ﻛﻮﻩ ﺳﻴﻄﺮﺕ ﻉ ﺭﻭﺣﻲ ﻭﻛﻌﺪﺕ ﻏﺪﻳﺖ ﺭﺍﻧﻴﺎ ﻭﺍﻛﻠﺖ ﺍﻧﻲ ﻭﻧﻤﺖ ﻻﻥ ﺗﻌﺒﺎﻧﻪ ﺣﻴﻞ ﻛﻌﺪﺕ ﻋﻤﺎﺭ ﻣﺎﻛﻮ ﺷﻔﺖ ﺍﻣﺎﻋﻴﻨﻪ ﺟﺎﻱ ﻭﻣﺘﻐﺪﻱ ﻭﺭﺍﻳﺢ
ﻛﻌﺪﺕ ﺍﺣﺎﺟﻲ ﻛﻮﺛﺮ ﻭﺍﺳﺌﻠﻬﺎ ﻉ ﺍﺑﺮﺍﻫﻴﻢ ﻭﻧﺤﺠﻲ ﻛﺎﻟﺖ ﺗﺪﺭﻳﻦ ﻣﺜﻨﻰ ﻣﺮﺗﻪ ﺣﺎﻣﻞ
- ﻳﺴﺘﺎﻫﻞ ﻣﺜﻨﻰ ﻣﺎﺷﺎﻑ ﺭﺍﺣﻪ ﻭﻳﻪ ﺍﺧﺘﻲ ﻛﻮﺛﺮ ﺧﻠﻲ ﻳﺮﺗﺎﺡ ﺑﺤﻴﺎﺗﻪ
- ﺍﻱ ﻭﺍﻟﻠﻪ ﺧﻄﻴﻪ ﻣﻤﺼﺪﻙ ﻃﺎﻳﺮ ﺑﻴﻬﺎ ﻭﺧﻄﻴﻪ ﻫﻲ ﻫﻢ ﺣﺒﺎﺑﻪ ﻭﺍﺷﻮﻓﻴﻬﺎ ﺣﺎﻃﻪ ﺍﻟﺒﻨﺎﺕ ﺑﻌﻴﻮﻧﻬﺎ ﻭﺍﻟﻠﻪ ﺍﻛﺜﺮ ﻣﻦ ﻣﺮﻩ ﺳﻮﻳﺘﻠﻬﺎ ﻛﺒﺴﻪ ﻋﻠﻤﻮﺩ ﺍﺗﺎﻛﺪ ﻣﻨﻬﺎ ﻃﻠﻌﺖ ﺣﺒﺎﺑﻪ
- ﻳﺴﺘﺎﻫﻞ ﻛﻞ ﺧﻴﺮ ﺍﺧﺘﻲ ﻣﺎﻋﺮﻓﺖ ﺍﺗﻜﺴﺒﻪ ﻭﺍﻟﻠﻪ ﻳﻬﺪﻳﻬﺎ ﻭﺍﻟﻠﻪ ﻛﻠﺒﻲ ﻣﺎﻣﻄﻴﻨﻲ ﺍﻋﻮﻓﻬﻦ ﻫﻦ ﻭﺍﺑﺮﺍﻫﻴﻢ ﺑﺲ ﺑﻨﻲ ﺍﺩﺍﻡ ﺟﺒﺮﻭﺗﻪ ﺍﻗﻮﻯ
- ﺍﻱ ﻭﺍﻟﻠﻪ ﺍﻟﻠﻪ ﻛﺮﻳﻢ ﺗﺪﺭﻳﻦ ﻣﻦ ﻳﺸﻮﻓﻨﻲ ﻳﺴﺌﻠﻨﻲ ﻋﻠﻴﺞ ﻭﻋﻠﻴﻬﺎ ﻳﻜﻮﻝ ﺑﻌﻤﺮﻱ ﻣﺎﺣﺒﻴﺘﻬﺎ ﺑﺲ ﺗﺒﻘﻪ ﺍﻡ ﺑﻨﺎﺗﻲ
- ﺷﻠﻮﻥ ﻳﻌﻨﻲ ﻣﺎﻳﺤﺒﻬﺎ ﻛﻮﺛﺮ ﺍﺫﺍ ﺗﻌﺮﻓﻴﻦ ﺷﻲ ﻛﻮﻟﻲ ﺣﺒﺎﺑﻪ ﻣﻮ ﺯﻭﺍﺟﻬﻢ ﻉ ﺣﺐ
- ﺷﻮﻓﻲ ﺫﺍﻙ ﺍﻟﻴﻮﻡ ﺳﻨﺪ ﺣﺠﺎﻟﻲ ﻭﻛﺎﻝ ﻻ ﺗﻜﻮﻟﻴﻦ ﺑﺲ ﻣﺎﻛﺪﺭ ﺍﺳﻜﺖ ﻻﺯﻡ ﺍﺳﻮﻟﻔﻠﺞ ﺷﻮﻓﻲ ﻣﻦ ﺟﺎﻧﺖ ﺭﺍﻧﻴﺎ ﺍﺩﺍﻭﻡ ﻭﻣﺜﻨﻰ ﻭﻳﺎﻫﺎ
ﻳﻜﻮﻝ ﺍﻧﻌﺠﺒﺖ ﺑﻴﻬﺎ ﻭﻫﻲ ﺟﺎﻧﺖ ﺗﻨﻀﺮﻧﻲ ﺑﻨﻀﺮﺍﺕ ﻫﻢ ﻭﺗﺒﺘﺴﻢ ﻭﺍﻧﻲ ﺷﺎﺏ ﺣﺎﻟﻲ ﺣﺎﻝ ﻛﻞ ﺍﻟﺸﺒﺎﺏ ﺍﻧﻌﺠﺒﺖ ﺑﻴﻬﺎ ﺑﺸﻜﻠﻬﺎ ﺟﻤﺎﻟﻬﺎ ﺟﺴﻤﻪ ﺑﺲ ﻣﺎﺣﺒﻴﺘﻬﺎ ﺍﻋﺠﺎﺏ ﻓﻘﻂ ﻛﻠﺸﻲ ﺑﻴﻬﺎ
ﺟﺎﻥ ﻳﺠﺬﺑﻨﻲ ﺑﻴﻮﻡ ﺟﺎﻥ ﺍﻛﻮ ﺍﺣﺘﻔﺎﻝ ﺑﺠﺎﻣﻌﻪ ﻭﺍﻟﻜﻞ ﻳﺤﺘﻔﻞ ﺣﺴﻴﺖ ﺑﺸﺨﺺ ﻭﺭﺍﻱ ﻣﻦ ﺍﻟﺘﻔﺖ ﺷﻔﺘﻬﺎ ﺭﺍﻧﻴﺎ ﺍﺗﻌﺮﻓﺖ ﻋﻠﻴﻬﺎ ﻭﺻﺎﺭ ﺑﻴﻨﻲ ﻭﺑﻴﻨﻬﺎ ﻋﻼﻗﻪ ﺑﺘﻔﻠﻮﻥ ﻭﺳﻮﺍﻟﻒ ﻭﺿﺤﻚ ﻭﻏﺰﻝ
ﻟﺤﺪ ﻣﺎ ﻣﺮﻩ ﻫﻲ ﻋﺮﺿﺖ ﻋﻠﻴﻪ ﺯﻭﺍﺝ ﺑﺴﺮ ﺻﻔﻨﺖ ﻭﻛﻠﺖ ﻟﻴﺶ ﻻ ﻭﺍﻧﻲ ﺷﺎﺏ ﻭﺑﻠﺤﻼﻝ ﻭﺷﻮﻛﺖ ﻣﺎﺭﻳﺪ ﺍﻃﻠﻜﻬﺎ ﺍﺯﻭﺟﺘﻬﺎ ﺑﺴﺮ ﻭﺷﻬﺮ ﺷﻬﺮ ﻭﺑﺪﺕ ﺭﺍﻧﻴﺎ ﺗﺒﺘﻌﺪ ﻋﻨﻲ ﻭﺗﺒﺠﻲ ﻣﻦ ﺍﺧﺎﺑﺮﻫﺎ
ﺳﺌﻠﺘﻬﺎ ﻫﻮﺍﻱ ﻭﺻﺪﻣﺘﻨﻲ ﻣﻦ ﻛﺎﻟﺖ ﺣﺎﻣﻞ ﻫﻨﺎ ﻭﻛﻔﺖ ﺍﻟﺪﻧﻴﺎ ﺑﻌﻴﻨﻲ ﻭﺻﺎﺭ ﻻﺯﻡ ﺍﺧﻄﺒﻬﺎ ﺧﺼﺒﺎً ﻣﺎﻋﻠﻴﻪ ﻭﺍﺯﻭﺟﻬﺎ ﻛﺪﺍﻡ ﺍﻟﻜﻞ ﻭﻛﻞ ﻫﺬﺍ ﻭﺍﻧﻲ ﻣﺎﺣﺒﻴﺘﻬﺎ ﺻﺢ ﻋﺸﺖ ﻭﻳﺎﻫﺎ ﺳﻨﻴﻦ ﺑﺲ ﻣﻜﺪﺭﺕ ﺍﺣﺒﻬﺎ ﻭﻫﺴﻪ ﺣﺒﻴﺖ ﻭﺍﺯﻭﺟﺖ ﺍﻟﻲ ﺍﺣﺒﻬﺎ
- ﺍﻧﺼﺪﻣﺖ ﻣﻦ ﻛﻼﻡ ﻛﻮﺛﺮ ﻭﺑﻘﻴﺖ ﺻﺎﻓﻨﻪ ﻣﻌﻘﻮﻟﻪ ﻣﻌﻘﻮﻭﻟﻪ ﺍﺧﺘﻲ ﻫﻴﺞ ﻣﺴﻮﻳﻪ ﺑﻘﻴﺖ ﺻﺎﻓﻨﻪ ﺳﺪﻳﺘﻪ ﻣﻦ ﻛﻮﺛﺮ ﻭﺍﻧﻲ ﻣﺼﺪﻭﻣﻪ ﺛﺎﻧﻲ ﻳﻮﻡ ﺭﺣﺖ ﻟﺒﻐﺪﺍﺩ
ﻣﺜﻞ ﻛﻞ ﺟﻤﻌﻪ ﺷﻔﺖ ﺑﺮﻫﻮﻣﻲ ﺣﺒﻴﺒﻲ ﻛﺒﺮﺍﻥ ﻭﺳﻨﻮﻧﻪ ﺩﺍﺗﻄﻠﻊ ﻛﻞ ﺟﻤﻌﻪ ﺍﻛﺘﺸﻒ ﺑﻲ ﺷﻲ ﻳﺘﻐﻴﺮ ﺍﺳﺒﻮﻉ ﺍﺳﺒﻮﻉ ﺍﻧﺘﻈﺮ ﺍﻟﺠﻤﻌﻪ ﻛﻤﺖ ﺑﻘﻴﺘﻪ ﺑﺤﻈﻨﻲ ﺍﻭﻛﻞ ﺑﻲ ﻭﺍﻧﺪﻛﺖ ﺍﻟﺒﺎﺏ ﻛﺎﻣﺖ ﻫﻤﺴﻪ ﻓﺘﺤﺖ ﺍﻟﺒﺎﺏ ﻭﺳﻤﻌﺖ ﺻﻮﺗﻬﺎ ﺍﺻﻴﺢ
- ﻋﻤﻮ ﻫﺬﺍ ﺍﻧﺖ ﺷﺠﺎﺑﻚ ﻣﻮ ﻗﺒﻞ ﺷﻮﻳﻪ ﺫﺑﻴﺖ ﺑﺮﻫﻮﻣﻲ
- ﺷﺒﻴﺞ ﺍﺻﻴﺤﻴﻦ ﻭﻟﺞ ﺍﺫﻧﻲ ﺍﻧﻄﺮﺷﺘﺘﺖ ﺑﺖ ﺍﻟﺤﻠﻮﻭﻭ ﺍﻣﺸﻲ ﺻﻴﺤﻲ ﺍﻣﺞ ﺧﻞ ﺗﺠﻲ ﻭﻳﺎﻱ ﻭﺍﻧﺘﻲ ﺧﻠﻴﺞ ﻳﻢ ﺑﺮﻫﻮﻣﻲ
- ﻣﻦ ﺳﻤﻌﺖ ﺻﻮﺗﻪ ﻛﻤﺖ ﺑﺴﺮﻋﻪ ﻟﻐﺮﻓﺔ ﻫﻤﺴﻪ ﻭﻗﻔﻠﺖ ﺍﻟﺒﺎﺏ ﻋﻠﻴﻪ ﺍﻧﻲ ﻭﺍﺑﺮﺍﻫﻴﻢ ﻭﺣﺎﺿﻨﺘﻪ ﺣﻴﻞ ﺧﺎﻳﻔﻪ ﻻ ﻳﺸﻮﻓﻨﻲ ﻭﻳﺤﺮﻣﻨﻲ ﻣﻦ ﻋﺪﻩ ﻣﺎﻋﺮﻑ ﺷﻨﻮ ﺻﺎﺭ ﺑﻴﻪ ﺑﺲ ﺍﺣﺲ ﺭﻭﺣﻲ ﺍﻛﺮﻫﻪ ﻭﺣﺘﻪ ﺻﻮﺗﻪ ﺻﺎﺭ ﻋﺎﺩﻱ ﺑﺎﻧﺴﺒﻪ ﺟﻨﺖ ﻣﻦ ﺍﺳﻤﻌﻪ
ﺍﺣﺲ ﻛﻠﺒﻲ ﻳﻄﻠﻊ ﻣﻦ ﻣﻜﺎﻧﻪ ﻭﺩﻛﺎﺗﻪ ﺍﺯﻳﺖ ﺍﺣﺲ ﺭﻭﺣﻲ ﻃﻴﺮ ﺑﺲ ﻫﺴﻪ ﺍﻟﻴﻮﻡ ﻭﺑﻌﺪ ﺷﻬﺮﻳﻦ ﺍﻭ ﺍﻛﺜﺮ ﻣﻦ ﺍﺧﺮ ﻣﺮﻩ ﺷﻔﺘﻪ ﺑﻴﻬﺎ ﻣﺎ ﻫﺰ ﺷﻌﺮﻩ ﻣﻨﻲ ﻭﻛﺎﻧﻤﺎ ﺻﻮﺕ ﻭﺍﺣﺪ ﻏﺮﻳﺐ
ﺷﻜﺪ ﻗﻮﻳﻪ ﻟﻌﺪ ﺍﻧﻲ ﺍﺧﺬ ﻛﻮﺛﺮ ﻭﺭﺍﺡ ﻭﻣﺎﻋﺮﻑ ﻉ ﺷﻨﻮ ﺿﻠﻴﺖ ﺍﻧﻲ ﻭﻫﻤﺴﻪ ﺑﺎﻗﻲ ﺍﻟﺒﻨﺎﺕ ﺑﻠﻤﺪﺭﺳﻪ ﺍﻟﻪ ﻫﻲ ﺳﺎﺩﺱ ﻭﻣﻌﻄﻠﻪ
ﺑﻘﻴﺖ ﻭﻳﻪ ﺑﺮﺍﻫﻴﻢ ﺍﻟﻌﺐ ﻭﻳﺎﻩ ﻭﺍﻋﻠﻤﻪ ﻉ ﺍﺷﻴﺎﺀ ﺍﻭﻛﻠﻪ ﻳﻮﻡ ﺍﺣﻴﺮ ﺷﻨﻮ ﺍﺳﻮﻱ ﻭﻣﺎﺭﻳﺪ ﺍﺿﻴﻊ ﺛﺎﻧﻴﻪ ﻭﺣﺪﻩ ﺑﺪﻭﻧﻪ ﻣﺮﺕ 3 ﺳﺎﻋﻪ ﻭﺍﺟﺖ ﻛﻮﺛﺮ ﻭﻣﺒﻴﻦ ﻉ ﺷﻜﻠﻪ ﺿﺎﻳﺠﻪ
- ﻛﻮﺛﺮ ﺷﺒﻴﺞ ﺧﻮﻓﺘﻴﻨﻲ ﺷﻜﻠﺞ ﻳﺨﻮﻑ
- ﻫﺎﺍﺍ ﺍﺋﺌﺊ ﺍﻧﺼﺎﻑ ﻫﻴﺞ ﻫﻴﺞ
- ﺍﺣﺠﻲ ﻛﻮﺛﺮ ﻻ ﺍﺿﻤﻴﻦ ﺷﻲ ﻋﻠﻴﻪ ﺟﻨﺖ ﻭﺍﻛﻔﻪ ﺑﺒﺎﺏ ﺍﻟﺼﺎﻟﻪ ﻭﺷﺎﻳﻠﻪ ﺑﺮﻫﻮﻣﻲ ﺍﻟﻌﺐ ﺑﻲ ﻭﺍﺣﺠﻲ ﻭﻳﺎﻫﺎ ﻋﺮﻓﺖ ﺍﻟﺴﺎﻟﻔﻪ ﺍﺗﺨﺺ ﻧﺼﺮ ﺑﺲ ﻣﺎﻫﺘﻤﻴﺖ ﺍﻟﻪ
- ﺷﻮﻓﻲ ﻣﺎﺭﻳﺪﺝ ﺍﺿﻮﺟﻴﻦ ﺑﺲ ﻫﺎﻱ ﺍﻟﺤﻴﺎﺓ ﻭﺍﻧﺘﻲ ﻫﻢ ﻋﻴﺸﻲ ﺣﻴﺎﺗﺞ
- ﺷﻨﻮ ﻗﺼﺪﺝ ﻛﻮﺛﺮ ﻣﻔﻬﻤﺖ
- ﻧﺼﺮ ﺍﻟﻴﻮﻡ ﺭﺣﻨﺎ ﺧﻄﺒﻨﺎﻟﻪ
ﺣﺴﻴﺖ ﺑﺪﻭﺧﻪ ﻭﺍﻟﺪﻧﻴﺎ ﺳﻮﺩﺕ ﺑﻌﻴﻨﻲ ﻧﺰﻟﺖ ﺍﺑﺮﺍﻫﻴﻢ ﺑﻠﻜﺎﻉ ﻭﺳﻨﺪﺕ ﺭﻭﺣﻲ ﻉ ﺍﻟﺒﺎﺏ ﻭﻛﻮﻩ ﺳﺎﻧﺪﻩ ﻧﻔﺴﻲ ﻣﺎﺍﻓﻘﺪ ﺍﻟﻮﻋﻲ ﻛﻤﺖ ﺍﻏﻤﺾ ﻭﺍﻓﺘﺢ ﻋﻴﻮﻧﻲ ﺣﺘﻪ ﺍﻭﻋﻰ ﻭﻛﻮﺛﺮ ﻓﻮﻙ ﺭﺍﺳﻲ
ﻣﺎﻋﺮﻑ ﻟﻴﺶ ﺩﺧﺖ ﻭﺷﻨﻮ ﺍﻟﺴﺒﺐ ﺑﺲ ﺍﻻﻋﺮﻓﻪ ﻣﻮ ﻻﻥ ﺍﻧﻘﻬﺮﺕ ﻻﺍﺍ ﺍﻧﻲ ﻛﺮﻫﺘﻪ ﻭﻃﻠﻌﺘﻪ ﻣﻦ ﻛﻠﺒﻲ ﻭﻋﻘﻠﻲ ﻭﺻﻔﺤﻪ ﻭﺍﻧﻄﻮﺕ ﻣﻦ ﺣﻴﺎﺗﻲ ﺑﺲ ﺍﻟﺪﻭﺧﻪ ﻣﻮﺗﺘﻨﻲ ﺻﺎﻟﻬﺎ ﺍﺷﻬﺮ ﻣﺎﺗﺮﺿﻪ ﺗﻌﻮﻓﻨﻲ
ﻛﻮ ﻭﺍﺯﻧﺖ ﻭﻛﻔﺘﻲ ﻭﺍﻧﻲ ﺍﺑﺘﺴﻢ ﺑﻮﺟﻬﻪ ﺍﻱ ﺍﻟﻒ ﻣﺒﺮﻭﻙ ﺧﻠﻲ ﻳﺸﻮﻑ ﺣﻴﺎﺗﻪ ﻣﺎﻳﻬﻤﻨﻲ ﺑﺲ ﻛﻮﻟﻴﻠﻪ ﺧﻞ ﻳﻜﻤﻞ ﺍﻟﻄﻼﻙ ﻭﻳﺤﺮﺭﻧﻲ ﻣﻦ ﻋﺪﻩ ﺍﺣﺴﻦ ﻣﺎ ﺍﺳﺘﺨﺪﻡ ﻃﺮﻳﻘﺘﻲ ﻭﻳﺸﻮﻑ ﻣﻨﻲ ﺷﻲ ﻣﺎﻳﻌﺠﺒﻨﻲ
- ﺷﻠﻮﻭﻭﻥ ﺷﻠﻮﻭﻭﻥ ﻣﻔﻬﻤﺖ ﺍﻧﺘﻢ ﻣﻮ ﺍﻃﻠﻜﺘﻮﻭ
- ﺍﻱ ﺍﻃﻠﻜﻨﺎ ﻗﺎﻧﻮﻧﻴﺎﺍﺍﺍ ﺑﺲ ﺷﺮﻋﺎﺍ ﺍﻧﻲ ﻟﺤﺪ ﻻﻥ ﻣﺮﺗﻪ ﻭﻣﺎﻳﻘﺒﻞ ﻳﻄﻠﻚ ﻋﻤﺎﺭ ﻫﻮﺍﻱ ﺣﺠﻪ ﻭﻳﺎﻩ ﻭﻫﻮ ﻳﻜﻮﻟﻪ ﻣﺮﺗﻲ ﻭﺍﻧﻲ ﺑﻜﻴﻔﻲ ﻳﺠﻮﺯ ﺍﺭﺟﻌﻬﺎﺍﺍ
ﻫﺬﺍ ﺣﻤﺎﺝ ﻣﻮ ﺻﺎﺣﻲ ﺍﺑﺪﺩﺩﺩﺩ
- ﺷﻨﻮﻭ ﻫﺎﻱ ﺷﻮﻛﺖ ﻭﻟﻴﺶ ﺍﻧﻲ ﻣﺎﻋﺮﻑ ﺗﻌﺎﻱ ﻛﻌﺪﻱ ﺳﻮﻟﻔﻴﻠﻲ ﻻ ﺍﻛﻠﺐ ﺍﻟﺒﻴﺖ ﻋﻠﻴﺞ
- ﻫﻬﻬﻬﻬﻪ ﻳﻤﻌﻮﺩﻩ ﻫﺎﻱ ﺫﺍﻛﻠﻴﻮﻡ ﺧﺎﺑﺮﻩ ﻋﻤﺎﺭ ﻟﻨﺼﺮ ﻭﻛﻠﻪ ﺗﻌﺎﻝ ﻃﻠﻚ ﺍﺧﺘﻲ ﺳﻴﺪ ﻫﻢ ﺣﻤﺎﺝ ﺍﻟﺸﻔﻴﻪ ﺷﻜﺎﻳﻞ ﺍﻻﺧﻮﻳﻪ
- ﻭﺍﻟﻠﻪ ﺍﻧﻲ ﺣﺮ ﻭﺷﻮﻛﺖ ﻣﺎ ﺍﺭﻳﺪ ﺍﺟﻲ ﺍﻃﻠﻜﻪ ﺑﺲ ﺣﺎﻟﻴﺎ ﻣﺎﻋﺪﻱ ﻫﺬﻩ ﺍﻟﻔﻜﺮﻩ ﻻﻥ ﻳﺠﻮﺯ ﺍﺭﺟﻌﻬﺎ ﺑﺲ ﺍﺫﺍ ﺍﺳﺘﻘﺮﻳﺖ ﻭﺍﺭﺗﺎﺣﻴﺖ ﻋﻮﺩ ﺍﻓﻜﺮ ﺍﺣﺮﺭﻫﺎ ﻭﺍﻃﻠﻜﻬﺎ ﺳﻴﺪ
ﻛﻠﻤﻪ ﻣﻦ ﻋﻤﺎﺭ ﻭﻛﻠﻤﻪ ﻣﻦ ﻧﺼﺮ ﻛﺒﺖ ﺍﻟﻌﻴﻄﻪ ﺑﻴﻨﻬﻢ ﻭﺻﻴﺎﺡ ﻋﻤﺎﺭ ﻭﺍﺻﻞ ﻟﺴﺎﺑﻊ ﺟﺎﺭ ﻭﺑﻄﻼﻉ ﺍﻟﺮﻭﺡ ﻳﺎﻟﻪ ﻫﺪﺋﺘﻪ ﻭﺳﺪ ﺍﻟﺘﻠﻔﻮﻥ ﻭﻣﻦ ﻳﻮﻣﻬﺎ ﻣﺤﺪ ﺧﺎﺑﺮ ﺑﻌﺪ
- ﺻﺪﻙ ﺗﺤﺠﻴﻦ ﺍﻧﺼﺎﻑ ﻭﺍﺣﻨﻪ ﻛﻠﻨﺎ ﻧﻌﺮﻑ ﺍﻧﺘﻢ ﻣﻄﻠﻜﻴﻦ ﻭﺣﺘﻪ ﺳﻨﺪ ﺳﺌﻠﻪ ﻛﻠﻪ ﻃﻠﻜﺘﻬﺎ ﻗﺒﻞ ﻻ ﺗﻄﻠﻊ ﻣﻦ ﺍﻟﺒﻴﺖ
- ﻳﻀﺤﻚ ﻋﻠﻴﻜﻢ ﻳﺮﻳﺪ ﻳﺬﻟﻨﻲ ﻭﻳﺨﻠﻴﻨﻲ ﺍﺗﻮﺳﻠﻪ ﺑﺲ ﻫﻴﻬﺎﺕ ﻣﻮ ﺍﻧﺼﺎﻑ ﺗﺘﻮﺳﻞ ﺑﻲ ﻭﻏﺼﺒﺎ ﻣﺎ ﻋﻠﻴﻪ ﻳﻄﻠﻜﻨﻲ
- ﻭﺍﻟﻠﻪ ﻣﺎﻋﺮﻑ ﺷﻜﻮﻝ ﻫﺬﺍ ﻣﺨﺒﻞ ﻃﻠﻊ ﺍﻟﻠﻪ ﻳﺴﺘﺮ ﻣﻦ ﻋﺪﻩ ﺷﻨﻮ ﻳﺪﻭﺭ ﺑﺒﺎﻟﻪ
- ﻫﻬﻬﻪ ﻫﺴﺘﻮﺝ ﻋﺮﻓﺘﻲ ﺷﻮﻓﻲ ﻛﻮﺛﺮ ﺍﺗﻮﺻﻠﻴﻠﻪ ﻛﻼﻣﻲ ﺍﺫﺍ ﻣﺎﻃﻠﻜﻨﻲ ﺍﺭﻭﺡ ﻟﺨﻄﻴﺒﺘﻪ ﻭﺍﻓﻀﺤﻪ ﻭﺍﻛﻠﻬﺎ ﺍﻧﻲ ﻟﺴﻪ ﻣﺮﺗﻪ ﻭﺍﺫﺍ ﻳﺮﻳﺪ ﺍﺟﺬﺏ ﻫﻢ ﻣﻮ ﻫﻮ ﺟﺬﺏ ﺑﻠﻤﺤﻜﻪ ﺍﻧﻲ ﺍﺟﺬﺏ ﻛﺪﺍﻡ ﺧﻄﻴﺒﺘﻪ ﺍﺳﻮﻱ ﺷﻮﻳﻪ ﺩﺭﺍﻣﺎﺍﺍ
ﻭﻏﻤﺰﺗﻠﻬﺎ
ﻫﻲ ﻣﻦ ﺷﺎﻓﺘﻨﻲ ﻫﻴﺞ ﺣﺠﻴﺖ ﺷﻬﻜﺖ ﻭﻛﺎﻟﺖ ﻋﺰﺍ ﺑﻌﻴﻨﺞ ﺍﻧﺼﺎﻑ ﺻﺎﻳﺮﻩ ﺗﺨﻮﻓﻴﻦ ﻭﻟﺞ ﺩﺍﻫﻴﻴﻴﻪ
- ﻫﻬﻬﻬﻪ ﻟﻌﺪ ﺷﻌﺒﺎﻟﺞ ﻧﺼﺮ ﻋﻠﻤﻨﻲ ﺍﻛﻮﻥ ﻫﻴﺞ ﺣﺠﻴﺘﻬﺎ ﻭﺍﺑﺘﺴﻤﺖ ﺍﻟﻔﻀﻞ ﻳﺮﺟﻊ ﺍﻟﻪ
- ﻭﺍﻟﻠﻪ ﺗﺴﺘﺎﻫﻠﻴﻦ ﻭﺍﺣﺪ ﺍﺣﺴﻦ ﻣﻨﻪ ﻭﻋﺴﻰ ﺍﻟﻠﻪ ﻳﻠﻴﻦ ﻛﻠﺒﻪ ﻭﻳﺮﺟﻌﺞ
- ﻭﻣﻨﻮ ﻛﺎﻝ ﺍﻧﻲ ﺍﺭﺟﻊ ﻛﻮﺛﺮ ﺍﻧﻲ ﻣﺮﺗﺎﺣﻪ ﻭﺍﻟﺤﻤﺪﺍﻟﻠﻪ ﻋﻤﺎﺭ ﻣﻤﻘﺼﺮ ﻭﻳﺎﻱ ﺑﺸﻲ ﻭﺭﺟﻌﺖ ﺍﺩﺭﺱ ﺑﻤﻌﻬﺪ ﺍﺫﺍ ﺍﺭﻳﺪ ﻛﻠﺒﻪ ﻳﺤﻦ ﻳﺤﻦ ﻭﻳﺮﺟﻌﻠﻲ ﺍﺑﻨﻲ ﺍﻟﻲ ﺍﺧﺬﻩ ﺑﻠﻐﺸﺸﺶ ﻣﻨﻲ
- ﺍﻥ ﺷﺎﺀﺍﻟﻠﻪ ﺍﻟﻠﻪ ﻳﻀﻬﺮ ﺍﻟﺤﻖ ﺍﻣﺞ ﻣﺎﺗﺖ ﻭﺍﺧﺬﺕ ﻭﻳﺎﻫﺎ ﺍﻟﺤﻘﻴﻘﻪ ﻭﺍﺧﺘﺞ ﺍﺗﺨﺒﻠﺖ ﻭﻫﻢ ﺍﻧﻄﻤﺖ ﻭﻳﺎﻫﺎ ﺍﻟﺤﻘﻴﻘﻪ ﻭﺍﻟﻌﻠﻢ ﻋﺪ ﺭﺑﺞ
- ﺍﻭﻭﻭ ﺿﻌﻴﺘﻲ ﻣﻦ ﻭﻗﺘﻲ ﺭﻭﺣﻲ ﻃﺒﺨﻲ ﺷﻜﻮ ﻣﻜﺎﺑﻠﺘﻨﻲ ﺧﻞ ﺍﺷﺒﻊ ﻣﻦ ﺍﺑﻨﻲ ﻭﺻﺮﺕ ﺍﻋﻀﻌﺾ ﺑﺒﺮﺍﻫﻴﻢ ﻭﻫﻮ ﻳﻜﺮﻛﺮ ﻣﻦ ﺍﻟﻀﺤﻚ ﻭﺍﺑﻦ ﻛﻮﺛﺮ ﻓﻮﻙ ﺭﺍﺳﻲ ﻫﻢ ﻳﺸﺎﻗﻰ ﻭﻳﺎﻧﺎ ﻭﻳﻠﻌﺐ
ﻋﺸﺖ ﺍﺣﻼ ﻟﺤﻈﺎﺕ ﺑﺤﻴﺎﺗﻲ ﺻﺢ ﺍﻛﻮ ﻏﺼﻪ ﺑﺪﺍﺧﻠﻲ ﻭﻣﺎﻋﺮﻑ ﺷﻨﻮ ﻫﻲ ﺑﺲ ﻣﺎﻫﺘﻤﻴﺖ ﺑﻠﻜﺖ ﺍﺫﺍ ﺍﺯﻭﺝ ﻳﺨﻠﻴﻨﻲ ﺍﺧﺬ ﺍﺑﻨﻲ
ﺍﺟﻪ ﻋﻤﺎﺭ ﻋﻠﻴﻪ ﻭﺭﺟﻌﻨﺎ ﺑﻠﻴﻞ ﻟﻮﺍﺳﻂ ﻭﺭﺟﻌﺖ ﻟﻠﺸﻐﻞ ﻟﺮﺍﻧﻴﺎ ﻭﺍﻟﺒﻴﺖ ﻭﻋﻤﺎﺭ ﺍﻻﺣﺪ ﺑﺪﻟﺖ ﻭﻃﻠﻌﺖ ﻟﻠﺪﻭﺍﻡ
ﻭﺻﻠﻨﻲ ﻋﻤﺎﺭ ﻭﻃﻠﻊ ﻟﺸﻐﻠﻪ ﺩﺧﻠﺖ ﻭﺻﺎﺭﺕ ﺣﻨﺎﻥ ﺑﻨﻴﻪ ﺍﺗﻌﺮﻓﺖ ﻋﻠﻴﻪ ﻗﺒﻞ ﺍﺳﺒﻮﻉ ﻭﻳﺎﻱ ﺑﻘﺎﻋﺘﻲ ﺣﺒﺎﺑﻪ ﻛﻠﺶ
ﻣﺸﻴﻨﺎ ﺍﻧﻲ ﻭﻳﺎﻫﺎ ﻟﻠﻘﺎﻋﻪ ﻭﻧﺤﺠﻲ ﻉ ﺍﻟﻤﻮﺍﺩ ﻟﺤﺪ ﻣﺎ ﺳﻤﻌﻨﺎ ﻭﺍﺣﺪ ﺻﺎﺡ ﻟﻮ ﺳﻤﺤﺘﻦ
ﻭﻛﻔﺖ ﺍﻧﻲ ﻭﺣﻨﺎﻥ ﻭﻛﻔﺖ ﺑﺎﻭﻋﺘﻠﻪ ﻭﻛﺎﻟﺖ ﻧﻌﻢ ﺷﺘﺮﻳﺪ ﻫﻮ ﺑﺎﻭﻉ ﻟﺤﻨﺎﻥ ﻭﺿﺤﻚ
- ﺍﻋﺼﺎﺑﺞ ﻻ ﻳﺮﻭﺡ ﻳﻄﻚ ﻋﺪﺝ ﻭﺭﻳﺪ ﻳﻤﻌﻮﺩﻩ ﻭﺍﺗﻮﺭﻁ ﺗﻌﺎﻝ ﺍﺩﻓﻊ ﻓﺼﻞ ﻫﻬﻬﻬﻬﻬﻪ
ﺍﺷﺎﻗﻪ ﺑﺲ ﺭﺩﺕ ﺍﺳﺌﻞ ﻉ ﻏﺮﻓﺔ ﺍﻟﻌﻤﻴﺪ ﻣﺼﻄﻔﻰ ﺍﻧﻲ ﻃﺎﻟﺐ ﺟﺪﻳﺪ ﺍﺟﻴﺖ ﻧﻘﻞ ﻭﻛﻠﺸﻲ ﻣﺎ ﺍﻧﺪﻝ
ﺑﺎﻭﻋﺖ ﻉ ﺣﻨﺎﻥ ﻭﻫﻲ ﺑﺎﻭﻋﺘﻠﻲ ﺍﺗﺨﻮﺻﺮﺕ ﻭﻛﺎﻟﺖ
- ﺷﺎﻳﻒ ﻫﺎﻱ ﺍﻟﺠﺎﻣﻌﻪ ﺷﻜﺒﺮﻫﺎ ﻣﺎﻟﻜﻴﺖ ﻏﻴﺮ ﺑﺲ ﺣﻨﺎﻥ ﻭﺍﻧﺼﺎﻑ ﺗﺴﺌﻠﻬﻦ ﻟﻮ ﻫﺬﺍﺍ ﺯﺣﻒ ﺟﺪﻳﺪ
- ﺍﺣﺘﺮﻣﻴﻴﻴﻲ ﻭﺍﺣﺠﻲ ﻋﺪﻝ ﻛﻠﺖ ﻃﺎﻟﺐ ﺟﺪﻳﺪ ﻭﻣﺎﻋﺮﻑ ﺍﻟﺠﺎﻣﻌﻪ ﻭﺍﻧﺘﻦ ﺻﺮﺗﻦ ﻛﺒﺎﻟﻲ ﺍﻋﺘﺬﺭ ﺍﺫﺍ ﺍﺳﺌﺘﻲ ﺍﻟﻔﻬﻢ ﺑﺲ ﻫﺬﺍ ﻋﻘﻠﺞ ﻭﺻﺦ ﺍﺗﻔﻬﻢ ﻏﻠﻂ ﻧﺼﻴﺤﻪ ﻣﻨﻲ ﻧﻀﻔﻲ ﻋﻘﻠﺞ ﻣﻮ ﺍﺫﺍ ﺣﺎﺟﺎﺝ ﻭﻟﺪ ﻳﻌﻨﻲ ﺯﺣﻒ ﻋﻠﻴﺞ
ﻫﺴﻪ ﻉ ﺣﻮﺭﺝ ﻭﺍﺯﺣﻒ ﻋﻠﻴﺞ ﺟﻨﺞ ﺍﺑﻮ ﻣﻬﺪﻱ ﺍﻟﺨﺒﺎﺯ
ﺣﺠﻪ ﻛﻠﻤﺎﺗﻪ ﻭﺭﺍﺡ ﻭﻫﻮ ﻳﻀﻜﻚ ﻭﻳﻬﺰ ﺑﻠﺴﺒﺤﻪ ﻣﺎﻟﺘﻪ ﻭﺍﻧﻲ ﺻﺎﻓﻨﻪ ﻋﻠﻴﻪ ﻭﺍﺿﺤﻚ ﺑﺎﻭﻋﺖ ﻉ ﺣﻨﺎﻥ ﻫﻲ ﻫﻢ ﺻﺎﻓﻨﻪ ﻣﺜﻠﻲ ﺿﺤﻜﺖ ﻭﻣﺸﻴﺖ ﻭﻫﻲ ﺍﺩﺭﺩﻡ ﻻﻥ ﻫﻲ ﻣﺘﻌﻮﺩﻩ
ﺩﻭﻡ ﺍﺗﻔﺸﻞ ﺍﻟﻄﻼﺏ ﻭﻫﺎﻱ ﻻﺯﻡ ﺗﺴﺠﻞ ﺑﺘﺎﺭﻳﺦ ﻭﺍﺣﺪ ﻓﺸﻞ ﺣﻨﺎﻥ ﻫﻬﻬﻬﻬﻬﻪ ﺧﻠﺼﺖ ﺍﻟﻤﺤﺎﺿﺮﻩ ﻭﻃﻠﻌﺖ ﻣﻦ ﺍﻟﻤﻌﻬﺪ ﻭﻣﺸﻴﺖ ﺑﺠﻬﻪ ﺍﻟﻜﻠﻴﻪ ﻣﺎﻝ ﺍﻟﻬﻨﺪﺳﻪ ﻋﻠﻤﻮﺩ ﺍﻟﻜﺎﻓﺘﺮﺍ ﻻﻥ ﺍﻟﻜﺎﻓﺘﺮﻳﺎ ﻣﺎﻟﺘﻨﺎ ﺍﻟﻴﻮﻡ ﻣﺎﻛﻮ
ﻭﻣﻴﺘﻪ ﺟﻮﻉ ﺩﺧﻠﺖ ﻟﻠﻜﺎﻓﺘﺮﻳﺎ ﺍﺧﺬﺕ ﺍﻛﻞ ﺍﻟﻲ ﻭﺍﻟﺤﻨﺎﻥ ﻭﻃﻠﻌﺖ ﺳﻤﻌﺖ ﻭﺍﺣﺪ ﺻﺎﺡ ﻟﻮ ﺳﻤﺤﺘﻲ
ﺭﺕ ﻋﻠﻴﻪ ﻧﻔﺴﻪ ﺍﻟﻲ ﺷﻔﺘﻪ ﺍﻟﺼﺒﺢ ﻭﻓﺸﻞ ﺣﻨﺎﻥ ﺑﺎﻭﻋﺘﻠﻪ ﺑﻨﺺ ﻋﻴﻦ ﻭﻫﻮ ﺍﺗﻘﺪﻡ
ﺍﻋﺘﺬﺭ ﻻﻥ ﻃﻮﺧﺖ ﺑﺤﺠﻴﻲ ﻭﺍﻋﺘﺬﺭﻳﻠﻲ ﻣﻦ ﺻﺪﻳﻘﺘﺞ ﺍﻟﺨﺒﻠﻪ ﻣﻮ ﻣﻦ ﺍﺳﻠﻮﺑﻲ ﺍﻏﻠﻂ ﻭﻣﺎﻋﺘﺬﺭ ﺑﺲ ﻫﻲ ﺍﺳﺘﻔﺰﺗﻨﻲ
- ﻋﺎﺩﻱ ﻣﺎﺻﺎﺭ ﺷﻲ ﻭﺍﻋﺘﺬﺍﺭﻙ ﻣﻘﺒﻮﻝ
ﺭﺩﺕ ﺍﻣﺸﻲ ﺻﺎﺡ
- ﺍﻧﺘﻲ ﻫﻨﺪﺳﻪ
ﺟﺎﻭﺑﺘﻪ ﻭﺍﻧﻲ ﻣﻄﻴﺘﻪ ﺿﻬﺮﻱ ﻻﺍﺍ ﻣﻌﻬﺪ ﻣﻮ ﻛﻠﻴﻪ
ﻋﻔﺘﻪ ﻭﻣﺸﻴﺖ ﺷﻜﺪ ﻳﺤﺠﻲ ﻳﺎﻟﻠﻪ ﺍﻃﻴﺖ ﺍﻻﻛﻞ ﺍﻟﺤﻨﺎﻥ ﻭﺳﻮﻟﻔﺘﻠﻬﺎ ﻟﻮ ﺗﺨﺒﻠﺖ ﺷﻜﻮ ﺗﻜﻠﻴﻠﻪ ﻣﻘﺒﻮﻝ ﺍﻋﺘﺬﺭﺍﻙ ﻭﻟﺞ ﻟﻮ ﺍﻧﻲ ﻣﻮﺟﻮﺩﻩ ﻭﺍﻟﻠﻪ ﺍﻣﺴﺢ ﺍﻟﻜﺎﻉ ﺑﻲ ﻭﺍﻧﻀﻒ ﺍﻟﻜﻠﻴﻪ
ﻫﺬﺍ ﺍﺑﻮ ﻋﺮﻑ ﺻﺎﺭ ﺑﺮﺍﺳﻲ ﺑﻲ ﺧﻴﺮ ﺯﺍﺣﻮﻑ
- ﻫﺎﻱ ﺷﻨﻮ ﻭﻟﺞ ﺟﺪﻳﺪﻩ
- ﺍﻱ ﺷﺒﻴﺞ ﻣﺸﻔﺘﻲ ﺷﻠﻮﻥ ﻣﻮﻛﻒ ﺷﻌﺮﻩ ﻋﺒﺎﻟﻚ ﻋﺮﻑ ﺩﻳﺞ ﻣﺪﺭﻱ ﻣﻜﻨﺎﺳﺖ ﻓﺮﻳﺎﻝ ﻫﺎﻱ ﺍﻟﻲ ﺑﺒﺎﺏ ﺍﻟﺤﺎﺭﻩ ﺷﻄﻮﻟﻬﺎ ﻭﺍﻟﻠﻪ ﻳﺎﻟﻠﻪ
- ﻫﻬﻬﻬﻬﻬﻬﻬﻪ ﺧﺮﺏ ﺑﻴﻮﻣﺞ ﺣﻨﺎﻥ ﻭﻟﺞ ﺍﺳﻜﺘﻲ ﻓﻀﺤﺘﻴﻨﺎ ﻫﺴﻪ ﺍﻟﻲ ﻳﺸﻮﻓﻨﻲ ﺍﺿﺤﻚ ﻫﻴﺞ ﺷﻴﻜﻮﻝ
- ﺷﻴﻜﻮﻝ ﻳﻌﻨﻲ ﻣﺨﺒﻠﻪ ﻛﻮﻟﺸﺸﺸﺸﺶ ﻋﺎﺩﻱ ﺣﺒﻴﺒﺘﻲ ﺭﻳﻼﺍﺍﺍﺍﺍﺍﺍﺍﺍﺍﻛﺴﺴﺲ
- ﻫﻬﻬﻬﻬﻬﻪ ﺩﻧﻜﺖ ﺍﻛﻞ ﻭﻫﻲ ﺷﻬﻜﺖ ﺭﻓﻌﺖ ﺭﺍﺳﻲ ﺷﻜﻮ ﺷﺒﻴﺠﺠﺞ
- ﻟﺞ ﺷﻮﻓﻲ ﺫﺍﻙ ﺧﻄﻴﻪ ﺍﺻﻠﻊ ﻣﻮ ﻣﺜﻞ ﻣﻜﻨﺎﺳﺖ ﻓﺮﻳﺎﻝ ﺍﻟﻲ ﺻﺒﺤﺖ ﺑﻮﺟﻬﻪ
ﺍﺑﺘﺴﻤﺖ ﻣﻦ ﺷﻔﺘﻪ ﻭﺍﺟﻪ ﻃﻴﻒ ﻧﺼﺮ ﻉ ﺑﺎﻟﻲ ﻫﺰﻳﺖ ﺭﺍﺳﻲ ﻭﺍﻧﻲ ﺍﻃﺮﺩﻩ ﻣﻦ ﺑﺎﻟﻲ ﻣﺎﺭﻳﺪ ﺍﻓﻜﺮ ﺑﻲ ﻣﺎﺭﻳﺪ
ﻭﻟﺞ ﺍﻧﺘﻲ ﻭﻳﻦ ﺷﺎﻳﻔﻪ ﻣﻜﺎﻧﺴﺖ ﻓﺮﻳﺎﻝ ﻭﻛﺎﻋﺪﻩ ﺗﻘﻠﺪﻳﻦ ﻋﻠﻴﻪ
- ﺍﻭﻱ ﺷﺒﻴﺞ ﻣﺎﺷﺎﻳﻔﻪ ﺑﺎﺏ ﺍﻟﺤﺎﺭﻩ ﺍﻟﻤﻜﻨﺎﺳﻪ ﻣﺎﻟﺘﻬﻢ ﺷﻄﻮﻟﻬﺎ ﺑﻄﻮﻟﺞ ﻫﻬﻬﻬﻬﻬﻬﻪ
- ﺣﻨﺎﺍﺍﻥ ﺍﻧﻲ ﺍﻋﻠﻤﺞ ﻭﺍﻟﻠﻪ ﺍﻭﻛﻔﻲ ﻫﻞ ﺍﺧﻠﺺ ﺍﻛﻠﻲ
ﺧﻠﺼﺖ ﻭ ﻟﻤﻴﺖ ﻛﺘﺒﻲ ﻭﻛﻤﺖ ﺻﺎﺭ ﻭﻟﺪ ﻛﺪﺍﻣﻲ ﺍﻋﺮﻓﻪ ﺑﻘﺴﻤﻲ ﺑﺲ ﻏﻴﺮ ﻗﺎﻋﻪ
- ﻣﻜﻜﻦ ﺍﺣﺠﻲ ﻭﻳﺎﺝ
- ﺍﺗﻔﻀﻞ ﺧﻮﻳﻪ
- ﺍﺣﻢ ﺷﻮﻓﻲ ﺻﺎﻟﻲ ﻳﻮﻣﻴﻦ ﺍﺭﺍﻗﺒﺞ ﻭﻋﺠﺒﺘﻴﻨﻲ
ﺭﻓﻌﺖ ﺣﺎﺟﺒﻲ ﺍﺳﻤﻌﻪ ﻫﻠﻮﻭﻭﻭ ﻫﺬﺍ ﺍﻭﻝ ﻣﻌﺘﺮﻑ ﺍﺳﺘﻠﻤﻲ ﺍﻧﺼﺎﻑ ﺑﻠﺸﻨﺎ ﻏﻤﻀﺖ ﻋﻴﻮﻧﻲ ﻉ ﻣﺎﺧﻠﺺ ﻛﻼﻡ ﺑﺎﻭﻋﺘﻠﻪ ﻭﻫﻤﺴﺖ
- ﺧﻠﺼﺖ ﺍﻋﺘﺬﺭ ﻣﻨﻚ ﺍﺧﻲ ﺑﺲ ﺍﻧﻲ ﺣﺎﺟﻴﻦ ﺑﻴﻪ ﻭﻣﻘﺮﻳﻪ ﻓﺎﺗﺤﺘﻲ ﻳﻌﻨﻲ ﺗﻜﺪﺭ ﺗﻜﻮﻝ ﻣﺨﻄﻮﺑﻪ
ﺣﺠﻴﺖ ﻛﻠﻤﺎﺗﻲ ﻭﻣﺸﻴﺖ ﻣﺎﻋﺪﻱ ﻏﻴﺮ ﻫﺬﻩ ﺍﻟﺠﺬﺑﻪ ﺣﺘﻪ ﺍﺧﻠﺺ ﻭﻋﻤﺎﺭ ﻛﺎﻝ ﻻ ﺗﻜﻮﻝ ﻣﻨﻔﺼﻠﻪ ﻻﻥ ﺍﻟﻤﺠﺘﻤﻊ ﻣﺎ ﻳﺮﺣﻢ ﻭﺭﺍﺡ ﺗﻄﻠﻊ ﺳﻤﻌﻪ ﻋﻠﻴﺞ ﺑﻠﻤﻌﻬﺪ
ﺭﺣﺖ ﺍﻟﻘﺴﻤﻲ ﻭﺧﻠﺺ ﺍﻟﺪﻭﺍﻡ ﺍﺟﻪ ﻋﻤﺎﺭ ﻋﻠﻴﻪ ﻭﻃﻮﻝ ﺍﻟﻄﺮﻳﻖ ﻫﻮ ﺿﺎﻳﺞ
- ﻋﻤﺎﺭ ﺣﺒﻴﺒﻲ ﺷﺒﻴﻚ ﺿﺎﻳﺞ
- ﻣﻦ ﻧﻮﺻﻞ ﺍﺭﻳﺪ ﺍﻛﻠﺞ ﺷﻲ
- ﺍﻭﻙ ﺧﻔﺖ ﻭﻋﺒﺎﻟﻲ ﺍﻟﻤﻮﺿﻮﻉ ﻳﺨﺺ ﻧﺼﺮ ﺍﻭ ﺭﺍﻧﻴﺎ ﺳﻜﺘﺖ ﻭﺭﺟﻌﻨﺎ ﻟﻠﺒﻴﺖ ﺣﻤﻴﺖ ﺍﻻﻛﻞ ﻭﻛﻌﺪﻧﺎ ﻧﺎﻛﻞ ﻭﻫﻮ ﺳﺎﻛﺖ ﻋﻔﺘﻪ ﺑﺮﺍﺣﺘﻪ
ﻟﺤﺪ ﻣﺎ ﺣﺠﻪ ﻫﻮ
- ﺍﻧﺼﺎﻑ ﺍﺣﻢ ﺍﺭﻳﺪ ﻣﻨﺞ ﻃﻠﺐ ﺷﻮﻓﻲ ﺗﺪﺭﻳﻦ ﺍﻣﻲ ﻣﺎﺻﺎﻟﻠﻬﺎ ﺷﻬﺮﻳﻦ ﻭﻧﺺ ﻣﻦ ﺍﺗﻮﻓﺖ ﺑﺲ ﻣﺎﻋﺪﻱ ﻏﻴﺮ ﺣﻞ ﻭﻣﻀﻄﺮ ﺍﺳﻮﻱ ﻫﻴﺞ
ﺻﻔﻨﺖ ﻋﻠﻴﻪ ﻭﻫﻤﺴﺖ ﺍﺣﺠﻲ ﺧﻮﻓﺘﻨﻲ ﺷﻨﻮ
- ﺍﺣﻢ ﺍﺭﻳﺪﺝ ﺍﺗﺨﻄﺒﻴﻠﻲ ﺟﻮﺭﻱ
ﺍﺣﺲ ﻣﺜﻞ ﺍﻟﺼﺪﻣﻪ ﻧﺰﻟﺖ ﻋﻠﻴﻪ ﻭﻛﻔﺖ ﻣﺼﺪﻭﻣﻪ ﺷﻨﻮﻭﻭ ﻋﻤﺎﺭ ﺗﺤﺠﻲ ﺻﺪﻙ ﺍﻧﺘﻲ ﺟﻮﺭﻱ ﺟﻮﺭﻱ ﺻﺪﻳﻘﺘﻴﻴﻲ ﻟﻴﺶ ﻭﺍﻧﺖ ﺧﺎﻃﺐ
ﺷﺘﻜﻮﻝ ﻟﺨﻄﻴﺒﺘﻚ ﺷﺘﻜﻮﻝ ﺍﻻﻫﻠﻬﺎ ﻭﺟﻮﺭﻱ ﺗﺘﺼﻮﺭ ﺗﻘﺒﻞ ﻭﻫﻲ ﺗﻌﺮﻑ ﺍﻧﺖ ﺧﺎﻃﺐ ﻋﻤﺎﺭ ﺩﻭﺧﺘﻨﻲ
- ﺍﻛﻌﺪﻱ ﺍﻛﻌﺪﻱ ﺧﻞ ﺍﻓﻬﻤﺞ ﻭﺣﺪﻩ ﻭﺣﺪﻩ ﺷﺒﻴﺞ
ﺷﻮﻓﻲ ﺻﺢ ﺧﺎﻃﺐ ﺍﻧﻪ ﻭﺍﻧﻪ ﻣﺎﻛﻮ ﻣﺜﻠﻪ ﻭﻻ ﺑﻄﻴﺒﺖ ﻛﻠﺒﻬﺎ ﻭﺍﻋﺮﻑ ﺭﺍﺡ ﺍﺟﺮﺣﻬﺎﺍ ﻭﺍﻛﺴﺮ ﻛﻠﺒﻬﺎ ﺑﺲ ﺭﺍﺡ ﺗﺘﻔﻬﻢ ﻫﺬﺍ ﺍﻟﺸﻲ ﻭﺍﻫﻠﻬﺎ ﻋﺸﺎﺋﺮ ﻭﻛﻞ ﻭﺍﺣﺪ ﻣﻨﻬﻢ ﻣﺰﻭﺝ 3 ﻭ 4 ﻳﻌﻨﻲ ﻋﻠﻴﻬﻢ ﺣﻼﻝ ﻭﻋﻠﻴﻪ ﺣﺮﺍﻡ
ﺭﺍﺡ ﺍﺯﻭﺝ ﺟﻮﺭﻱ ﻭﺍﻧﻪ ﻭﻣﺎﻗﺼﺮ ﻭﻳﺎﻫﻦ ﻭﺍﺧﻠﻴﻬﻦ ﺍﺛﻨﻴﻨﻬﻦ ﺑﻌﻴﻮﻧﻲ ﻭﺣﺪﻩ ﻋﻴﻨﻲ ﺍﻟﻴﺴﺮﻩ ﻭﻭﺣﺪﻩ ﻋﻴﻨﻲ ﺍﻟﻴﻤﻨﻰ ﻭﻣﺎﻗﺼﺮ ﺑﻴﻨﻬﻦ
- ﻋﻤﺎﺭ ﺍﻧﺖ ﺻﺪﻣﺘﻨﻲ ﺑﺲ ﻟﻴﺶ ﻭﺷﻤﻌﻨﻰ ﻫﺴﻪ
- ﺍﻧﺼﺎﻑ ﺍﻧﻲ ﺍﺣﺐ ﺟﻮﺭﻱ ﻣﻦ ﺟﺎﻧﺖ ﻃﻔﻠﻪ ﺑﺲ ﺍﻟﻀﺮﻭﻑ ﺑﻌﺪﺗﻨﻲ ﻋﻨﻬﺎ ﻭﻫﺴﻪ ﻣﺎﺗﺤﻤﻞ ﺍﺳﻤﻊ ﺍﻟﻨﺎﺱ ﺗﺤﺠﻲ ﻋﻠﻴﻬﺎ ﻭﺍﺿﻞ ﺳﺎﻛﺖ
- ﻫﻬﻬﻪ ﺗﺪﺭﻱ ﺷﻜﺪ ﺟﻨﺖ ﺍﺗﻤﻨﻪ ﺗﺰﻭﺝ ﺟﻮﺭﻱ
ﻭﺗﺒﻘﻪ ﻭﻳﺎﻱ ﺑﻠﺒﻴﺖ ﺻﺪﻣﺘﻨﻲ ﻭﻓﺮﺣﺘﻨﻲ ﺍﻥ ﺷﺎﺀﺍﻟﻠﻪ ﺍﻟﺴﺒﺖ ﺑﺲ ﺍﺭﻭﺡ ﺍﺣﺎﺟﻴﻬﺎ
- ﻻ ﻻ ﺗﺤﺎﺟﻴﻬﺎ ﺣﺎﺟﻲ ﺍﻡ ﺣﺴﻦ
- ﻣﻤﻢ ﻣﺎﺷﻲ ﺍﺣﺎﺟﻲ ﺧﺎﻟﻪ ﺍﻡ ﺣﺴﻦ ﻭﺍﺷﻮﻑ
ﻭﻣﺸﺖ ﺍﻻﻳﺎﻡ ﻋﺎﺩﻳﻪ ﻭﺭﺣﺖ ﺍﻟﺴﺒﺖ ﺍﺷﻮﻑ ﺟﻮﺭﻱ ﻭﻫﻢ ﺍﺣﺎﺟﻲ ﺧﺎﻟﻪ ﻉ ﻣﻮﺿﻮﻋﻬﺎ ﻫﻲ ﻭﻋﻤﺎﺭ
ﺩﺧﻠﺖ ﻭﻣﺜﻞ ﻛﻞ ﻣﺮﻩ ﺍﺳﺘﻘﺒﻠﺘﻨﻲ ﺧﺎﻟﺘﻲ ﻭﻣﺜﻞ ﻛﻞ ﻣﺮﻩ ﺟﻮﺭﻱ ﺑﻐﺮﻓﺘﻬﺎ ﺷﻜﺪ ﺣﺎﻭﻝ ﺣﺴﻦ ﻳﻌﺮﻑ ﻣﻨﻬﺎ ﺷﻠﻮﻥ ﻧﺨﻄﻔﺖ ﻭﻟﻴﺶ ﺑﺲ ﻣﺎ ﺟﺎﻧﺖ ﺗﺤﺠﻲ
ﻏﻴﺮ ﺑﺲ ﺍﻧﻲ ﺑﺮﻳﺌﻪ ﻭﻃﺎﻫﺮﻩ ﻭﺍﻟﻠﻪ
ﻣﺎﻋﺮﻑ ﺍﺫﺍ ﺍﻧﺴﺪﺕ ﻗﻀﻴﺘﻬﺎ ﺍﻭ ﻻ ﺑﺲ ﺍﻻﻋﺮﻓﻪ ﻋﻤﻮ ﺍﺑﻮ ﺣﺴﻦ ﺳﻜﺖ ﺑﻘﻴﺖ ﺍﺳﻮﺍﻟﻒ ﻭﻳﻪ ﺟﻮﺭﻱ ﻭﺑﻌﺪﻳﻦ ﻛﻤﺖ ﺍﺳﺎﻋﺪ ﺧﺎﻟﻪ ﺍﻡ ﺣﺴﻦ ﻭﻓﺎﺗﺤﺘﻬﺎ ﺑﻠﻤﻮﺿﻮﻉ
- ﺧﺎﻟﻪ ﺟﺎﻳﻪ ﻭﺍﺭﻳﺪﺝ ﺑﻄﻠﺐ
- ﻳﻤﻪ ﻋﻴﻮﻧﻲ ﺍﻟﺞ ﻛﻮﻟﻲ ﻭﺗﺎﻣﺮﻳﻦ ﺍﻣﺮ
- ﻣﺎﻳﺆﻣﺮ ﻋﻠﻴﺞ ﺿﺎﻟﻢ ﺣﺒﻴﺒﺘﻲ ﺧﺎﻟﺘﻲ ﺷﻮﻓﻲ ﺍﺟﻴﺖ ﻫﻠﻤﺮﻩ ﺧﺼﻴﺼﻪ ﻋﻠﻤﻮﺩ ﺍﻓﺎﺗﺤﺞ ﺑﻤﻮﺿﻮﻉ ﺍﺟﻴﺖ ﺍﺧﻄﺐ ﺟﻮﺭﻱ ﺍﺧﺘﻲ ﻭﺻﺪﻳﻘﺘﻲ ﺍﻻﺧﻮﻱ ﻋﻤﺎﺭ
- ﺷﻨﻮﻭ ﻳﻤﻪ ﺍﺧﻮﺝ ﻣﻮ ﺧﺎﻃﺐ
- ﺍﻱ ﺧﺎﻟﻪ ﻋﺎﺩﻱ ﺍﻟﺸﺮﻉ ﻣﺤﻠﻞ 4 ﻭﻣﺎ ﻳﻘﺼﺮ ﻭﻳﺎﻫﺎ ﻭﺍﻟﻠﻪ ﻣﻦ ﺟﺎﻧﺖ ﺻﻐﻴﺮﻩ ﻳﺘﻤﻨﺎﻫﺎ ﺑﺲ ﺍﻟﻀﺮﻭﻑ ﺣﻜﻤﺖ ﻻ ﺗﻮﻛﻔﻴﻦ ﺑﻘﺴﻤﺘﻬﺎ ﺧﺎﻟﻪ
- ﺧﺎﻟﻪ ﻣﺎﻋﺮﻑ ﺷﺤﺎﺟﻴﺞ ﻭﺍﻟﻠﻪ ﻟﻮ ﻣﺎ ﺣﺴﻦ ﺟﺎﻥ ﻛﺒﻌﺘﻬﺎ ﻭﺍﻃﻴﺘﻬﺎ ﺍﻟﺞ ﺑﺲ ﻳﺎﻳﻤﻪ
- ﺷﻜﻮ ﺧﺎﻟﻪ ﺷﺒﻲ ﺣﺴﻦ
- ﻳﻤﻪ ﺻﺪﻳﻘﻪ ﻫﺬﺍ ﺍﻟﻮﻟﺪ ﺍﻟﻲ ﺳﺎﻋﺪﻧﺎ ﻭﻟﻜﺎﻫﺎ ﺍﻟﻲ ﺍﺟﻪ ﻣﻦ ﺑﻐﺪﺍﺩ ﻫﻮ ﻭﺭﺟﻠﺞ
- ﻗﺼﺪﺝ ﻳﺎﻣﻦ
- ﺍﻱ ﺣﺒﻴﺒﺘﻲ ﻳﺎﻣﻦ ﺍﺟﻪ ﻗﺒﻞ ﻳﻮﻣﻴﻦ ﻭﺭﺟﻊ ﺧﻄﺐ ﺟﻮﺭﻱ ﻣﺮﺓ ﺍﻟﺜﺎﻧﻲ ﻭﺣﺴﻦ ﻓﺎﺗﺤﻨﺎ ﻭﺍﺣﻨﻪ ﻣﻮﺍﻓﻘﻴﻦ ﺑﺲ ﺑﻘﺖ ﺟﻮﺭﻱ ﻫﻮ ﺍﺟﻪ ﻭﺧﻄﺒﻬﺎ ﻗﺒﻞ ﻻ ﺗﻨﺨﻄﻒ ﺑﺲ ﺗﺪﺭﻳﻦ ﺑﺠﻮﺭﻱ ﺍﻧﺘﻲ
ﻭﻫﺴﻪ ﺭﺟﻊ ﺧﻄﺒﻬﺎ ﻭﺣﺴﻦ ﻣﺎﻳﻜﺪﺭ ﻳﻔﺸﻞ ﻛﺪﺍﻣﻪ ﻭﺍﺣﻨﻪ ﻣﺎ ﻧﻨﺴﻪ ﻭﻛﻔﺘﻪ ﻟﻮ ﻻ ﺟﺎﻥ ﻟﺴﻪ ﻣﺎﻟﻜﻴﻨﻬﺎ ﻳﺲ ﺍﺫﺍ ﺟﻮﺭﻱ ﺗﺮﻳﺪ ﻋﻤﺎﺭ ﻭﺍﻟﻠﻪ ﺍﻟﻪ ﺍﻛﺒﻌﻬﺎ ﻭﺍﺟﻴﺒﻬﺎ ﺑﻴﺪﻱ ﻭﺍﺟﻴﺞ
- ﺻﻔﻨﺖ ﻭﺍﻧﻲ ﻣﻮ ﻣﺴﺘﻮﻋﺒﻪ ﻳﺎﺍﺍﺍﺍﺍﺍﺍﺍﻣﻦ ﻫﻬﻪ ﻳﺎﻣﻦ ﺧﺎﻃﺐ ﺟﻮﺭﻱ ﺑﺲ ﻫﺬﺍ ﻧﺴﻮﻧﺠﻲ ﺍﻟﻲ ﺍﻋﺮﻓﻪ ﻋﻨﻪ ﻛﻞ ﻳﻮﻡ ﻭﻳﻪ ﺑﻨﻴﻪ ﻣﻌﻘﻮﻟﻪ ﻳﻀﺤﻚ ﻋﻠﻴﻬﺎ ﻻﻻ ﺍﻛﻴﺪ ﻣﻮ ﻫﻴﺞ ﻭﻟﻮ ﻫﻮ ﺍﻟﻲ ﻳﻬﺪﺩﻫﺎ ﻣﺮﻩ
ﺍﻛﻴﺪ ﻣﺎﺍﺳﺘﺒﻌﺪ ﻫﺬﺍ ﺍﻟﺸﻲ ﻋﻨﻪ ﻳﺠﻮﺯ ﻳﻀﺤﻚ ﻋﻠﻴﻬﺎ ﺩﺧﺖ ﻳﺎﻟﻠﻪ
- ﺧﺎﻟﻪ ﺍﺗﻤﻨﻪ ﻣﺎﺗﺠﺒﺮﻭﻥ ﺟﻮﺭﻱ ﻉ ﺷﻲ ﻭﺍﻟﻲ ﺗﺨﺘﺎﺭﻩ ﻫﻲ ﺍﻋﺮﻑ ﺑﻤﺼﻠﺤﺘﻬﺎ ﻣﻬﻤﻬﺎ ﻛﺎﻥ ﺍﺧﺘﻴﺎﺭﻫﺎ ﺗﺒﻘﻪ ﺍﺧﺘﻲ ﻭﺻﺪﻳﻘﺘﻲ ﻭﺍﻧﺘﻢ ﻫﻢ ﻻ ﺍﺟﺒﺮﻭﻫﺎ
ﻭﺧﻠﻮﻫﺎ ﺑﺮﺍﺣﺘﻬﺎ ﺗﺨﺘﺎﺭ ﺍﻟﻲ ﺗﺤﺲ ﻧﻔﺴﻬﺎ ﻣﺮﺗﺎﺣﻪ ﺍﻟﻪ
ﺧﻠﺼﺖ ﻛﻼﻡ ﻭﻃﻠﻌﺖ ﻭﺍﻧﻲ ﻣﺘﺎﻛﺪ ﺭﺍﺡ ﺗﻮﺍﻓﻖ ﻉ ﻋﻤﺎﺭ ﻻﻥ ﺻﺪﻳﻘﺘﻲ ﻭﺍﻋﺮﻓﻬﺎ ﻣﺴﺘﺤﻴﻞ ﺗﻘﺒﻞ ﺑﻴﺎﻣﻦ ﻭﻫﻮ ﺍﺫﺍﻫﺎ ﻫﻮﺍﻱ
ﺟﻮﺭﻱ : ﺑﻌﺪ ﻣﺎ ﻓﻘﺪﺕ ﺍﻟﻮﻋﻲ ﻭﻣﺤﺴﻴﺖ ﻉ ﺭﻭﺣﻲ ﻏﻴﺮ ﺍﻧﻲ ﺑﻐﺮﻓﻪ ﺿﻠﻤﻪ ﺭﻳﺤﺔ ﺍﻟﺮﻃﻮﺑﻪ ﻣﻮﺗﺘﻨﻲ ﻣﺎﻋﺮﻑ ﺷﻨﻮ ﺩﺍﻳﺼﻴﺮ ﺑﺲ ﺍﻟﺮﻳﺤﻪ ﻣﻮ ﻃﺒﻴﻌﻴﻪ ﺍﺑﺪ ﻭﻻ ﺍﻟﺒﺮﻭﺩﻩ ﺑﺎﺭﺩﻩ ﻛﻠﺸﺶ ﺣﺘﻪ ﺍﻟﻜﺎﻉ ﺍﺣﺴﻬﺎ ﺛﻠﺞ
ﺍﺩﻳﻪ ﻣﺠﺘﻔﻪ ﻭﻋﻴﻮﻧﻲ ﻛﺬﺍﻟﻚ ﻣﺎﻋﺮﻑ ﺷﺪﺍﻳﺼﻴﺮ ﺧﺎﺍﺍﻳﻔﻪ ﺑﺲ ﺍﻋﺮﻑ ﻧﻔﺴﻲ ﻣﻤﺴﻮﻱ ﺷﻲ ﻣﺎﻋﺮﻑ ﻟﻴﺶ ﺍﺟﻪ ﻉ ﺑﺎﻟﻲ ﻳﺎﻣﻦ ﻣﻌﻘﻮﻟﻪ ﻫﻮ ﻳﺴﻮﻳﻬﺎﺍ ﺍﻱ ﻣﺎﻛﻮ ﻏﻴﺮﻩ ﻳﺨﻄﻔﻨﻲ ﻣﻨﻮ ﺍﻟﻪ ﻣﺼﻠﺤﻪ ﻟﻬﺬﺍ ﺍﻟﺸﻲ
ﻳﺎﻟﻠﻪ ﺍﻫﻠﻲ ﺍﻫﻠﻲ ﺷﻨﻮ ﺣﺎﻟﺘﻬﻢ ﻫﺴﻪ ﺑﺎﺑﺎ ﺣﺴﻦ ﻣﺎﻣﺎ ﻳﺎﻟﻠﻪ ﺩﺧﻴﻠﻚ ﺑﻘﻴﺖ ﺍﺩﻋﻲ ﻭﻣﺎﺧﻠﻴﺖ ﺍﻳﻪ ﺣﺎﻓﻈﺘﻬﺎ ﻣﺎﻗﺮﻳﺘﻬﺎ ﻭﺍﻧﻲ ﺍﺩﻋﻲ ﺍﻟﻠﻪ ﻣﺎ ﻳﻌﻮﻓﻨﻲ
ﺣﺴﻴﺖ ﺑﺒﺎﺏ ﺍﻧﻔﺘﺤﺖ ﻭﺻﻮﺕ ﺍﻗﺪﺍﻡ ﻭﻛﺮﺳﻲ ﻭﺍﺟﺎﻧﻲ ﺻﻮﺕ ﺷﺨﺺ ﻭﻫﻮ ﻳﻀﺤﻚ
- ﺍﻟﻴﻮﻡ ﻣﻨﻮﺭﻩ ﺍﻟﻤﻜﺎﻥ ﺍﻟﺤﻠﻮﻩ
- ﻣﻦ ﺳﻤﻌﺖ ﺻﻮﺗﻪ ﺻﻔﻨﺖ ﺍﻭﻝ ﻣﺮﻩ ﺍﺳﻤﻌﻪ ﻣﺎﺳﺎﻣﻌﻪ ﺻﻮﺗﻪ ﻣﻦ ﻗﺒﻞ ﻣﻨﻮ ﻫﺬﺍﺍﺍﺍ ﺟﻨﺖ ﻣﺘﺼﻮﺭﻩ ﻳﺎﻣﻦ ﺑﺲ ﻫﺬﺍ ﻣﻮ ﺻﻮﺕ ﻳﺎﻣﻦ ﻭﻻ ﻟﻬﺠﺘﻪ ﻻﻥ ﻫﺬﺍ ﻣﺒﻴﻦ ﻣﻨﺎ ﻣﻮ ﻣﻦ ﺑﻐﺪﺍﺩ
ﻫﻤﺴﺖ ﻭﺍﻧﻲ ﺧﺎﻳﻔﻪ ﻭﺣﺘﻪ ﺻﻮﺗﻲ ﻳﺮﺟﻒ
- ﻣﻨﻮﻭﻭ ﻣﻨﻮ ﺍﻧﺖ ﺷﺘﺮﻳﺪ ﻣﻨﻲ
- ﻫﻬﻬﻬﻬﻬﻪ ﺍﻟﻠﻪ ﻳﻌﻨﻲ ﺍﻧﻄﺐ ﺑﻠﻤﻮﺿﻮﻉ ﺭﺍﺳﺎ ﺗﻤﺎﻡ ﻋﺎﺷﺖ ﺍﻳﺪﺝ ﺣﻤﺎﺍﺍﺩﻩ ﺗﻌﺎﻝ ﺍﻓﺘﺢ ﻋﻴﻮﻧﻬﺎ
- ﺗﺪﻟﻞ ﺣﺒﻴﺒﻲ ﻫﻤﻮﻡ
ﺑﻘﻴﺖ ﺻﺎﻓﻨﻪ ﺍﺳﻤﻊ ﺍﺻﻮﺍﺗﻬﻢ ﺧﺎﻳﻔﻪ ﻣﻨﻮ ﻫﺬﻭﻝ ﺷﻴﺮﺩﻭﻥ ﻣﻨﻲ ﺣﺴﻴﺖ ﺑﺎﺣﺪ ﻳﻔﺘﺢ ﺍﻟﺮﺑﻄﻪ ﺍﻟﻲ ﻉ ﻋﻴﻮﻧﻲ ﻣﺎﺷﻮﻑ ﻣﺠﺮﺩ ﻏﻮﺍﺷﺶ ﻏﻤﻀﺘﻬﻦ ﻟﺪﻗﺎﺋﻖ ﻭﺭﺟﻌﺖ ﻓﺘﺤﺘﻬﻦ ﻭﺿﺤﺖ ﺍﻟﺮﻭﺋﻴﻪ ﻋﺪﻱ
ﺍﻧﺘﺒﻬﺖ ﺍﻟﻲ ﻛﺎﻋﺪ ﻉ ﻛﺮﺳﻲ ﺷﺎﻳﻔﺘﻪ ﺑﺲ ﻭﻳﻦ ﻭﻳﻦ ﻟﺤﻈﻈﻈﻪ ﺍﻧﺘﻔﻀﺖ ﻭﺍﻧﻲ ﺍﻭﻛﻒ ﻣﺴﺘﺤﻴﻴﻴﻞ ﺍﻧﺖ ﺷﺘﺮﻳﺪ ﻣﻨﻴﻲ ﻧﻔﺴﻪ ﻧﻔﺴﻪ ﺍﻟﻲ ﻳﻮﻛﻒ ﺑﺒﺎﺏ ﺍﻟﻤﺪﺭﺳﻪ ﻭﺍﻛﺜﺮ ﻣﻦ ﻣﺮﻩ ﺟﺎﻥ
ﻳﺴﻮﻳﻠﻲ ﺣﺮﻛﺎﺕ ﺑﻮﺟﻬﻪ ﻭﺍﻛﺜﺮ ﻣﻦ ﻣﺮﻩ ﺣﺎﻭﻝ ﻳﺤﺠﻲ ﻭﺍﻧﻲ ﺍﺗﺮﻛﻜﻪ
ﺿﺤﻚ ﻭﻛﺎﻝ
- ﻻ ﺗﺨﺎﻓﻴﻦ ﻣﺎ ﻧﺎﻛﻞ ﺑﺸﺮ ﻭﻻ ﻧﻮﺻﻠﺞ ﺑﺲ ﺍﺭﻳﺪ ﺍﻋﻘﺪ ﺍﺗﻔﺎﻗﻴﻪ ﻭﻳﺎﺝ ﺍﺧﻮﺝ ﻳﻌﺮﻑ ﻫﺬﺍ ﺍﻟﻲ ﺍﺳﻤﻪ ﻳﺎﻣﻦ ﻣﻮﻭﻭ
ﺣﺠﺎﻫﺎ ﻭﺭﻓﻊ ﺣﺎﺟﺒﻪ ﺻﻔﻨﺖ ﻣﻨﻮ ﺍﻧﺘﻢ ﻭﺷﺘﺮﺩﻭﻥ ﻣﻦ ﺣﺴﻦ ﻭﻣﻨﻮ ﻫﺬﺍ ﻳﺎﻣﻦ
- ﻻﻩ ﻻﻩ ﻣﻮ ﻋﻠﻴﻪ ﻣﺎﺗﻌﺮﻓﻴﻦ ﻳﺎﻣﻦ ﻻ ﺗﺨﻠﻴﻨﻲ ﺍﺳﺘﺨﺪﻡ ﻏﻴﺮ ﻃﺮﻳﻘﻪ ﺍﺣﺠﻲ ﺷﺘﻌﺮﻓﻴﻦ ﻋﻨﻪ
- ﻣﺎﻋﺮﻑ ﻋﻨﻪ ﺷﻲ ﻭﺍﻟﻠﻪ ﻭﺍﻧﻲ ﺷﻜﻮ ﻭﺗﺨﻄﻔﻮﻧﻲ ﻫﺬﺍﻙ ﻫﻮ ﻭﺭﻭﺣﻮ ﺧﻄﻔﻮ ﻛﺘﻠﻮ ﻋﺴﻰ ﻣﺎ ﻳﻤﻮﺕ ﺍﻧﻲ ﺷﻜﻮﻭﻭﻭﻭ
- ﻳﻌﻨﻲ ﻣﻦ ﻛﻼﻣﺞ ﺗﻜﺮﻫﻲ ﺣﻠﻮﻭﻭ ﻟﻌﺪ ﺷﻔﺘﻪ ﺍﻛﺜﺮ ﻣﻦ ﻣﺮﻩ ﻭﻫﻮ ﻳﺤﺠﻲ ﻭﻳﺎﺝ ﻭﺍﻛﺜﺮ ﻣﻦ ﻣﺮﻩ ﻳﺪﺧﻞ ﺑﻴﺘﻜﻢ ﻳﺎﺣﻠﻮﻩ ﻭﻫﺬﺍ ﻋﺪﻭﻱ
- ﻋﺪﻭﻙ ﺍﻧﺖ ﻣﻮ ﺍﻧﻴﻴﻴﻲ ﺑﻨﺴﺒﻪ ﺍﻟﻲ ﻣﺎﺍﻛﺮﻩ ﺍﺣﺪﺩ ﻭﻣﺴﺘﺤﻴﻞ ﺍﺷﺘﺮﻙ ﻭﻳﺎﻛﻢ ﺍﻧﺘﻢ ﻣﺨﺎﺑﻴﻞ
- ﺍﻧﺠﺒﻴﻴﻴﻴﻴﻲ ﻛﻠﻪ ﻣﻦ ﻭﺭﺍﺝ ﺍﺧﻮﻱ ﺍﻧﺴﺠﻦ ﻭﻛﻠﻪ ﻣﻦ ﻭﺭﻩ ﻳﺎﻣﻦ ﺍﻓﻨﺪﻱ ﺍﻟﻲ ﺟﺎﻥ ﻳﺮﺍﻗﺒﻪ 24 ﺳﺎﻋﻪ ﻭﻛﺪﺭ ﻳﻠﻜﻲ ﻣﻦ ﺑﻴﺖ ﺻﺪﻳﻘﻪ ﻭﻳﺴﺠﻨﻪ
- ﻳﺎﺍﺍﺍﺍ ﺑﻴﺖ ﻭﻳﺎ ﺍﺧﻮ ﻻ ﺍﺩﻭﺧﻮﻧﻴﻴﻴﻲ
- ﻫﻬﻬﻪ ﺍﻟﺤﻠﻮﻩ ﻣﺎﺗﻌﺮﻓﻨﻲ ﺍﻱ ﺣﻘﺞ ﻣﺎﺷﺎﻳﻔﺘﻨﻲ ﺗﺪﺭﻳﻦ ﺍﻧﻴﻴﻲ ﺍﺧﻮ ﺍﻟﺮﺿﻮﺍﻥ ﺍﻟﻴﻲ ﺍﻧﺴﺠﻦ ﻣﻦ ﻭﺭﺍﺍﺍﺝ ﻭﻣﻦ ﻭﺭﻩ ﻳﺎﻣﻦ ﺍﻓﻨﺪﻱ ﻭﺻﺪﻳﻘﻪ ﻧﺼﺮ ﺍﻟﺪﻳﻦ ﺍﻟﻲ ﻣﺎﺗﺮﻛﻪ ﺳﺎﻋﻪ ﻭﺣﺪﻩ
- ﺑﻠﻌﺖ ﺭﻳﻜﻲ ﻭﺍﻧﻲ ﺍﺣﺎﻭﻝ ﺍﻫﺪﻱ ﺭﻭﺣﻲ ﺷﻮﻓﻲ ﺍﻟﻲ ﻋﻠﻴﺞ ﺑﺴﺲ ﺍﺟﻴﺒﻠﻲ ﻫﺬﺍ ﻳﺎﻣﻦ ﻭﺻﺪﻳﻘﻪ ﻧﺼﺮ ﻻ ﺍﺧﺬ ﺍﻧﺘﻘﺎﻣﻲ ﻣﻨﺞ ﻭﻣﻦ ﺍﺧﻮﺝ ﻓﺎﺍﺍﻫﻤﻪ
- ﻭﺷﻠﻮﻥ ﺍﺟﻴﺒﻪ ﺍﻟﻜﻤﻤﻤﻤﻢ ﺍﻧﻲ ﺷﻜﻮﻭﻭ ﺷﻌﻠﻴﻪ ﺷﻌﻠﻴﻴﻴﻪ
- ﻻﻥ ﺍﻧﺴﺠﻦ ﻣﻦ ﻭﺭﺍﺍﺍﺍﺝ ﻭﺗﻌﺎﺭﻙ ﻣﻦ ﻭﺭﺍﺟﺞ ﺗﻌﺎﺭﻙ ﻭﻳﻪ ﻋﻤﺎﺭ ﻣﻦ ﻭﺭﺍﺝ ﺍﻧﺘﻴﻴﻴﻲ ﻻﻥ ﻭﺍﻛﻔﻪ ﻭﻳﺎﻩ ﺑﻨﺺ ﺍﻟﺸﺎﺭﻉ
- ﺍﺧﻮﻭﻙ ﻫﻮ ﺍﻟﻲ ﻭﻛﻔﻨﻲ ﺑﻨﺺ ﺍﻟﺸﺎﺭﻉ ﻭﺟﺎﺏ ﺍﻟﻤﺼﻴﺒﻪ ﺍﻟﻪ ﻭﻛﺘﻞ ﺑﺸﺮﺭﺭﺭ
- ﺍﻫﺎﺍﺍﺍﺍ ﺧﻮﺵ ﻟﻌﺪ ﻫﻴﺞ ﺻﺎﺭ ﺍﻟﺤﺠﻲ
ﻣﺎﺣﺲ ﻏﻴﺮ ﺑﺮﺍﺷﺪﻱ ﻭﻛﻌﺖ ﺑﻠﻜﺎﻉ ﻭﺍﺣﺲ ﺧﺎﺻﺮﺗﻲ ﺍﺗﺎﺫﺕ ﺣﻴﻞ
ﻋﺎﻓﻨﻲ ﻭﻃﻠﻊ ﺑﻘﻴﺖ ﺍﺑﺠﻲ ﻭﺍﻧﻲ ﻣﺎﻋﺮﻑ ﻣﺼﻴﺮﻟﻲ ﺷﻨﻮ ﺷﻴﺮﻳﺪ ﻣﻨﻲ ﻣﺎﻓﻬﻤﺖ ﺣﺮﻑ ﻣﻦ ﺍﻟﻲ ﻳﻜﻮﻟﻪ ﻣﺸﺖ ﺍﻟﺴﺎﻋﺎﺕ ﻭﺻﺎﺭ ﺍﻟﻴﻞ ﻭﺍﻧﻲ ﺑﺲ ﺍﺑﺠﻲ ﻣﺎﻋﺮﻑ ﺷﻨﻮ ﺍﺳﻮﻱ ﺟﺎﺑﻮﻟﻲ ﺍﻛﻞ ﻭﻣﺎﺍﻛﻠﺖ
ﺧﻠﺺ ﺍﻟﻴﻮﻡ ﻭﻫﻢ ﻣﺎﺍﺟﻮ ﺑﻌﺪ ﻭﺻﺒﺢ ﻳﻮﻡ ﺛﺎﻧﻲ ﺟﻨﺖ ﺍﺧﺎﻑ ﺍﻧﺎﻡ ﻻ ﻳﻌﺘﺪﻭﻥ ﻋﻠﻴﻪ ﺟﻨﺖ ﺍﺧﺎﻑ ﺍﻏﻤﺾ ﻋﻴﻨﻪ ﻭﺍﺗﺨﻴﻞ ﻭﺍﺣﺪ ﻳﺪﺧﻞ ﻭﻳﻌﺘﺪﻱ ﻋﻠﻴﻪبيج قصص عراقيه حقيقيه من واقعنا.روعه الطائي
ﺑﻘﻴﺖ ﺑﺨﻮﻑ ﻭﺍﻟﺼﺒﺢ ﻃﺐ ﻭﻭﻳﺎﻩ ﺍﻛﻞ
- ﻫﺎﺍﺝ ﺍﻛﻠﻲ ﻣﺎﺭﻳﺪﺝ ﺗﻤﻮﺗﻴﻦ ﺗﺪﺭﻳﻦ ﻣﺎﻛﻮ ﺩﺍﻋﻲ ﺍﺧﺎﺑﺮ ﻻﻥ ﺍﻟﻔﺮﻳﺴﺘﻴﻦ ﻃﺎﺣﻮ ﺑﻠﻔﺦ ﻭﺍﺛﻨﻴﻨﻬﻦ ﺍﺟﻮﻭ ﺍﻟﻮﺍﺳﻂ ﺑﺲ ﺍﻟﻲ ﺍﺭﻳﺪﻩ ﻫﺴﻪ ﻣﻨﺞ
ﻣﻦ ﺍﺧﺎﺑﺮ ﻳﺎﻣﻦ ﻟﻮ ﻧﺼﺮ ﺍﺭﻳﺪﺝ ﺍﺻﻴﺤﻦ ﺑﺼﻮﺗﺞ ﺍﻟﺮﻗﻴﻖ ﺳﺎﻋﺪﻭﻧﻲ ﻻﺍﺍﺍ ﻻﺍﺍ ﻋﻔﻴﻪ ﻭﺧﺮﻭﻭﻭ ﻋﻨﻲ ﺳﺎﻋﺪﻭﻧﻲ
ﺍﻭﻙ ﺑﺲ ﻫﺎﻱ
- ﺍﻧﺖ ﺷﺘﺤﺠﻲ ﻳﻌﻨﻲ ﻻﺍﺍ ﺍﻧﺖ ﻣﺨﺒﻠﻠﻠﻠﻠﻞ
- ﺍﻧﺠﺒﻴﻴﻴﻴﻴﻴﻲ
ﻣﺎﺣﺲ ﻏﻴﺮ ﺑﺮﻓﺴﻪ ﺑﺒﻄﻨﻲ ﺍﺣﺲ ﺍﻟﺪﻡ ﻃﻠﻊ ﻣﻦ ﺧﺸﻤﻲ ﻭﺣﻠﻜﻲ ﺑﺠﻴﺖ ﻭﺍﻧﻲ ﺧﺎﻳﻔﻪ
ﻋﺎﻓﻨﻲ ﻭﻃﻠﻊ ﺑﻘﻴﺖ ﻛﺎﻋﺪﻩ ﺟﻮﻋﺎﻧﻪ ﺑﺲ ﺍﺧﺎﻑ ﺍﻛﻞ ﻣﻦ ﻋﺪﻫﻢ ﻭﻣﺎﻋﺪﻱ ﺟﺎﺭﻩ ﺍﺧﺎﻑ ﺍﻓﻘﺪ ﺍﻟﻮﻋﻲ ﻭﺍﻧﻲ ﻳﻌﺘﺪﻭﻥ ﻋﻠﻴﻪ
ﺑﻠﻴﻞ ﻃﺐ ﻭﺷﺎﻳﻞ ﻣﻮﺑﺎﻳﻞ
- ﻣﺜﻞ ﻣﺎﺗﻔﻘﻨﺎ ﺍﺫﺍ ﺻﺎﺭ ﺍﻟﻲ ﺍﺭﻳﺪﻩ ﺍﻃﻠﻌﺞ ﺍﻭﻙ
ﻫﺰﻳﺖ ﺭﺍﺳﻲ ﺧﺎﻳﻔﻪ ﻣﻦ ﻋﺪﻩ ﺩﻙ ﻭﺍﻧﻲ ﺍﺑﺎﻭﻋﻠﻪ ﺭﺩ ﻭﻫﻮ ﻓﺘﺢ ﺳﺒﻴﻜﺮ ﺣﺘﻪ ﺻﻮﺗﻲ ﻣﻦ ﺍﺻﻴﺢ ﻳﻄﻠﻊ ﻫﺬﺍ ﺻﻮﺕ ﻳﺎﻣﻦ ﺍﻳﻲ ﺍﻋﺮﻓﻪ ﻛﻠﺶ ﺯﻳﻦ ﻫﺬﺍ ﺻﻮﺗﻪ
- ﺍﻟﻮﻭﻭﻭ ﻣﻨﻮ ﻭﻳﺎﻱ ﺍﻟﻮﻭﻭﻭ ﻟﻴﺶ ﻣﺎﺗﺤﺠﻮﻥ
- ﺍﺫﺍ ﺗﺮﻳﺪ ﺍﺧﺖ ﺻﺪﻳﻘﻚ ﻋﺎﻳﺸﻪ ﺍﺳﻠﻢ ﻧﻔﺴﻚ ﺍﻧﺖ ﻭﺻﺎﺣﺒﻚ ﻧﺼﺮ ﺍﻟﺪﻳﻦ ﺍﻟﻲ ﻭﺍﻧﺘﻢ ﺍﻟﻤﻤﻨﻮﻧﻴﻦ
- ﻻ ﻳﺎﺍﺍﺍﺍ ﻛﻠﺐ ﻳﺎﺑﻦ ﺍﻟﻜﻠﺐ ﻳﺎﺍﺍﺍ ﺳﺎﻗﻂ ﻳﺎﺍﺍ ﻋﺎﺭ ﻣﻨﻮ ﺍﻧﺘﺘﺘﺘﺖ ﻭﺷﺘﺮﻳﺪ ﻣﻨﻬﺎﺍﺍ ﻋﻮﻓﻬﺎ ﺍﺫﺍ ﺣﺴﺎﺑﻚ ﻭﻳﺎﻧﺎﺍﺍ ﺻﻴﺮ ﺯﻟﻤﻪ ﻭﺗﻌﺎﻝ ﺣﺎﺳﺒﻨﺎ ﻭﺟﻬﻪ ﺑﻮﺟﻬﻪ ﻳﺎﺍ *****
- ﻻ ﺗﻐﻠﻂ ﻓﺎﺍﺍﺍﻫﻤﻤﻤﻤﻢ
ﺧﺰﺭﻧﻲ ﺣﺘﻪ ﺍﺣﺠﻲ ﺧﻔﺖ ﻣﺎﺣﺲ ﻏﻴﺮ ﺑﺪﻓﺮﻩ ﺑﺒﻄﻨﻲ ﺻﺤﺖ ﺑﺼﻮﺕ ﻋﺎﻟﻲ ﻣﻦ ﻛﺪ ﺍﻟﻠﻢ ﺍﺍﺍﺍﺍﺍﺍﺍﺥ
- ﻟﻜﻚ ﻧﻌﺎﺍﺍﻝ **** ﺷﺪﺍﺳﻮﻭﻱ ﻋﻮﻭﻭﻓﻬﺎ ﻋﻮﻭﻓﻬﺎ ﻻ ﻭﺍﻟﻠﻪ ﻳﺼﻴﺮ ﺷﻲ ﻣﺎﻳﻌﺠﺒﻚ ﺷﺘﺮﻳﺪ
- ﺍﻱ ﻫﻴﺞ ﺻﻴﺮ ﻳﺎ ﺣﺒﺎﺏ ﻫﻴﺞ ﻫﻬﻬﻬﻪ ﺑﺎﺟﺮ ﺍﺩﺯﻟﻚ ﻋﻨﻮﺍﻥ ﺍﺟﻴﺐ ﺭﺿﻮﺍﻥ ﺍﻝ ......... ﻭﺍﻃﻴﻚ ﺍﻟﺤﻠﻮﻩ ﺍﻟﻌﺪﻱ
- ﻣﺎﺷﻲ ﻣﺎﺷﻲ ﻣﺜﻞ ﻣﺘﺮﻳﺪﺩﺩ ﺍﺟﻴﺒﻪ ﺑﺲ ﻣﺎ ﺗﻤﺲ ﺷﻌﺮﻩ ﻣﻨﻬﺎﺍﺍﺍ
ﺳﺪﻩ ﻭﺍﺟﻪ ﻳﺪﻓﺮ ﺑﺒﻄﻨﻲ ﻛﻠﻠﻠﺒﻪ ﻟﻴﺶ ﻣﺎﺣﺠﻴﺘﻲ ﻧﻌﺎﻟﻪ ﺑﺲ ﻳﻼ ﺻﺎﺭ ﺍﻟﻲ ﺍﺭﻳﺪ ﻭﺍﻟﻠﻪ ﻟﻮ ﻣﺎﺍ ﺻﺎﺭ ﺍﻟﻲ ﺍﺭﻳﺪﻩ ﺟﺎﻥ ﺷﻮﻓﺘﺞ ﻏﻴﺮ ﺷﻲ
ﻋﺎﻓﻨﻲ ﻭﺭﺍﺡ ﻭﺧﻠﺺ ﺍﻟﻴﻮﻡ ﺍﻟﺜﺎﻧﻲ ﻭﺍﻧﻲ ﻫﻨﺎ ﺍﺟﺲ ﺍﺣﺸﺎﺋﻲ ﻛﻠﻬﻪ ﻣﻜﻄﻌﻪ ﻣﻦ ﻛﺪ ﺍﻟﺪﻓﺮ ﺍﻟﻲ ﺩﻓﺮﻩ ﺍﻧﻲ ﺷﻌﻠﻴﻪ ﺗﻮﺭﻃﺖ ﻭﻛﻔﺖ ﻭﻳﺎﻩ ﺑﻨﺺ ﺍﻟﺸﺎﺭﻉ ﺗﻮﺭﻃﺖ ﻳﺎﺭﺑﻲ ﺳﺎﻋﺪﻧﻲ
ﺛﺎﻧﻲ ﻳﻮﻡ ﻫﺪﻭﺀ ﻭﻣﺤﺪ ﺍﺟﻪ ﻭﻻ ﺟﺎﺏ ﺍﻛﻞ ﻭﺟﻨﺖ ﺟﻮﻋﺎﻧﻪ ﻻﻥ ﺍﻟﺒﺎﺭﺣﻪ ﺍﻧﺠﺒﺮﺕ ﺍﻛﻞ ﺷﻮﻳﻪ ﻣﺮﺕ ﺍﻟﺴﺎﻋﺎﺕ ﻭﺟﺎﻥ ﺍﻛﻮ ﺷﺒﺎﻙ ﺻﻐﻴﺮ ﻛﻠﺶ ﺍﺷﻮﻑ ﺍﻟﺪﻧﻴﺎ ﻣﻨﻬﺎ ﺟﺎﻧﺖ ﺑﺎﺍﺍﺍﺭﺩﻩ ﺛﻠﺞ
ﺷﻔﺖ ﺍﻟﺪﻧﻴﺎ ﻏﻮﺭﺑﺖ ﻭﻫﻢ ﻣﺎﻛﻮ ﻣﺎﺣﺲ ﻏﻴﺮ ﺍﻧﻔﺘﺢ ﺍﻟﺒﺎﺏ ﻭﻫﺠﻢ ﻋﻠﻴﻪ ﺍﺩﻓﺮ ﻭ ﺭﺍﺷﺪﻳﺎﺕ ﻭﻣﺎﺣﺲ ﻏﻴﺮ ﻛﺎﻡ ﻳﺸﻜﻚ ﺑﻬﺪﻭﻣﻲ ﺻﺮﺕ ﺍﺻﺮﺥ ﻭﺍﺩﻓﻊ ﺑﻲ ﺑﺲ ﻣﺎﻛﻮ ﺟﺎﻥ ﻳﺴﺐ ﻭﻳﻐﻠﻂ
ﺟﺬﺑﺒﻮﻭﻭﻭﻭ ﻋﻠﻴﻨﺎﺍﺍﺍ ﺟﺎﻳﺒﻴﻦ ﺍﻟﺸﺮﻃﻪ ﺍﻟﻨﻌﻞ ﺣﻘﺮﺍﺀ ﺟﺎﻥ ﻳﻀﺮﺏ ﻭﻳﺸﻜﻚ ﺑﻬﺪﻭﻣﻲ ﻭﻳﺼﻴﺢ ﻭﺍﻧﻲ ﺍﺑﺠﻲ ﻭﺍﺩﻓﻊ ﻭﺍﺻﻴﺢ ﻋﺴﻰ ﻭﻟﻌﻞ ﻭﺍﺣﺪ ﻳﻨﻘﺬﻧﻲ ﺟﺎﻥ ﻳﺮﻳﺪ ﻳﻌﺘﺪﻱ ﻋﻠﻴﻪ ﺣﺴﻴﺖ ﻭﺍﺣﺪ ﻃﺐ
ﺩﻓﻌﻪ ﻋﻨﻴﻲ
- ﺍﻧﺖ ﺗﺨﺒﻠﺘﺘﺘﺖ ﺗﻌﺮﻑ ﻣﺎﻧﺮﻳﺪ ﻧﺘﻮﺭﻁ ﺑﻌﺸﻴﺮﺗﻬﺎﺍ ﻭﻧﺮﻭﺡ ﻧﺨﺴﺮﺭ ﺍﺳﺘﺮ ﻉ ﺭﻭﺣﻨﺎﺍﺍ ﻭﺧﻞ ﻧﺸﻮﻑ ﻏﻴﺮ ﺣﻞ
ﻋﺎﻓﻨﻲ ﻭﻃﻠﻊ ﻭﺍﻧﻲ ﺻﺮﺕ ﺍﻟﻤﻠﻢ ﺑﻤﻼﺑﺴﻲ ﺍﻟﻤﺸﻜﻜﻪ ﻭﺍﺑﺠﻲ ﻟﻮ ﻻ ﻫﺬﺍ ﺍﻟﺸﺨﺺ ﺟﺎﻥ ﻣﺎﻋﺮﻓﺖ ﺷﻨﻮ ﺻﺎﺭ ﺑﻴﻪ ﺟﺎﻥ ﺭﺍﺡ ﺍﻏﻠﻰ ﺷﻲ ﻋﺪﻱ ﻋﺪﻥ ﻳﻮﻣﻴﻦ ﻣﺤﺪ ﻳﻮﺻﻠﻲ ﻓﻘﻂ ﻳﻔﺘﺤﻮﻥ ﺍﻟﺒﺎﺏ ﻳﺸﻤﺮﻭﻥ ﺍﻻﻛﻞ ﻭﻳﻘﻔﻠﻮ
ﻭﺍﻧﻲ ﺍﺭﺟﻒ ﺧﺎﻳﻔﻪ ﻻ ﻳﺮﺟﻌﻮﻥ ﻳﻌﺘﺪﻭﻥ ﻋﻠﻴﻪ ﺍﻟﻨﻮﻡ ﻣﺎﺷﺎﻳﻔﺘﻪ ﻭﻻ ﺣﺘﻪ ﻛﻤﺖ ﺍﻛﻞ ﺧﻔﺖ ﻭﻣﺎﻋﺮﻓﺖ ﺷﻜﻮ ﺑﺲ ﺍﻟﻲ ﻓﻬﻤﺘﻪ ﻳﺎﻣﻦ ﺟﺎﻳﺐ ﺍﻟﺸﺮﻃﻪ ﻭﻳﺎﻩ ﻭﻛﺎﺩﺭﻳﻦ ﻳﺸﺮﺩﻭﻥ
ﺑﻘﻴﺖ ﺍﺑﺠﻲ ﻭﻣﺎﻋﺮﻑ ﻣﺼﻴﺮﻱ ﺷﻨﻮ ﻭﺣﺎﻝ ﺍﻫﻠﻲ ﻫﺴﻪ ﺷﻨﻮ 5 ﺍﻳﺎﻡ ﺍﻧﻲ ﻫﻨﺎ ﻣﺎﻋﺮﻑ ﺷﺪﺍﻳﺼﻴﺮ ﻣﺎﻳﺼﻴﺮ
ﻟﺤﺪ ﻣﺎ ﻧﻔﺘﺢ ﺍﻟﺒﺎﺏ ﻭﺍﺟﻪ ﻫﺬﺍ ﺍﻟﻲ ﻧﻘﺬﻧﻲ ﻭﻭﺧﺮ ﺍﻟﻤﺨﺒﻞ ﻋﻨﻲ ﺷﻤﺮ ﻋﺒﺎﻳﻪ ﻋﻠﻴﻪ ﻭﻛﺎﻝ ﺳﺘﺮﻱ ﺭﻭﺣﺞ ﻭﻛﻮﻭﻣﻲ ﻳﻼ
ﺧﻔﺖ ﺑﺲ ﻣﺎﻋﺪﻱ ﻏﻴﺮ ﺣﻞ ﻟﺒﺴﺖ ﺍﻟﻌﺒﺎﻳﻪ ﻭﻭﻛﻔﺖ ﻭﻳﺎﻩ ﺍﺣﺲ ﻛﻞ ﺟﺴﻤﻲ ﻳﻮﺟﻌﻨﻲ ﺍﻣﺸﻲ ﻭﺍﺭﺟﻒ ﺭﻛﺒﻮﻧﻲ ﺑﺴﻴﺎﺭﻩ ﺟﺎﻥ ﺍﻛﻮ ﻭﺍﺣﺪ ﺑﻌﺪ ﻛﻌﺪ ﻭﺭﻩ ﺑﺼﻔﻲ ﺑﺲ ﻉ ﺑﻌﺪ ﻋﻨﻲ
ﺍﻧﺘﺒﻬﺖ ﺍﻟﻤﻜﺎﻥ ﻣﺎﻋﺮﻑ ﺑﺤﺮ ﻣﺪﺭﻱ ﻭﻳﻦ ﻣﺸﺖ ﺍﻟﺴﻴﺎﺭﻩ ﻣﺴﺎﻓﻪ ﻃﻮﻭﻭﻳﻞ ﻛﻠﺸﺶ
ﻭﻣﺎﺣﺲ ﻏﻴﺮ ﺍﻟﻴﻲ ﺑﺼﻔﻲ ﻓﺘﺢ ﺍﻟﺒﺎﺏ ﺍﻟﻲ ﻳﻤﻲ ﻭﺿﺮﺑﻲ ﻉ ﺭﺍﺳﻲ ﺑﻤﺴﺪﺳﻪ ﻭﺷﻤﺮﻧﻲ ﻣﻦ ﺍﻟﺴﻴﺎﺭﻩ
ﻭﺑﻌﺪﻫﺎ ﻣﺎﺩﺭﻱ ﺷﺼﺎﺭ ﺑﺲ ﺣﺴﻴﺖ ﺑﺮﻭﺣﻲ ﻭﺍﻧﻲ ﺍﺩﻋﺒﻞ ﻭﺑﻌﺪﻫﺎ ﻓﻘﺪﺕ ﺍﻟﻮﻋﻲ ﻭﻣﺎ ﻓﺘﺤﺖ ﻋﻴﻮﻧﻲ ﻏﻴﺮ ﺍﻧﻲ ﺑﻤﺴﺘﺸﻔﻰ ﻭ ﺍﻟﺪﻛﺘﻮﺭﻩ ﻓﻮﻙ ﺭﺍﺳﻲ ﺗﻘﻴﺲ ﺑﻠﻀﻐﻂ
ﻭﺗﺤﺠﻲ ﻭﻳﻪ ﺣﺴﻦ ﻫﺬﺍ ﺣﺴﻦ ﺑﺠﻴﺖ ﻣﻦ ﺷﻔﺘﻪ ﻭﻫﻮ ﻣﻦ ﺷﺎﻓﻨﻲ ﻓﺘﺤﺖ ﻋﻴﻮﻧﻲ ﺍﺧﺬﻧﻲ ﺑﺤﻀﻨﻪ ﺍﺍﺍﺍﺥ ﺍﺣﺲ ﺿﻬﺮﻱ ﻣﺰﻟﺦ ﻛﻠﻪ ﺷﺒﻜﺘﻪ ﻭﺻﺮﺕ ﺍﺑﺠﻲ ﻣﺎﻋﺮﻑ ﺷﺒﻴﻪ ﺍﺣﺲ ﻫﺎﻱ ﺍﻟـ 5 ﺍﻳﺎﻡ
ﻧﻔﺴﻴﺘﻲ ﺯﻓﺘﺘﺖ ﻭﺍﻟﺨﻮﻑ ﻋﺘﻢ ﻋﻠﻴﻪ ﻭﺍﻟﺠﻮﻉ ﻭﺍﻟﻌﻄﺶ ﻛﻠﺸﻲ ﺧﻼﻧﻲ ﺍﺧﺎﻑ ﻭﻣﺎﺭﻳﺪ ﺍﺷﻮﻑ ﺍﺣﺪ ﻏﻴﺮ ﺣﺴﻦ ﺣﺴﻦ ﺍﺧﻮﻱ ﺍﻟﺠﺒﻴﺮ ﻭﻣﺎﻋﺪﻱ ﻏﻴﺮﻩ ﻛﻠﺶ ﻗﺮﻳﺐ ﻋﻠﻴﻪ
ﺣﺴﻴﺖ ﺑﺎﺣﺪ ﺩﻙ ﺍﻟﺒﺎﺏ ﻟﺒﺴﻨﻲ ﺣﺴﻦ ﺣﺠﺎﺑﻲ ﻭﺻﺎﺡ ﺍﺩﺧﻞ ﻣﻦ ﺩﺧﻞ ﺷﻔﺘﻪ ﻳﺎﻣﻦ ﺭﺍﺳﺎ ﺻﺮﺧﻨﺖ ﺍﻃﻠﻌﻌﻌﻌﻌﻌﻊ ﺑﺮﺭﺭﻩ ﻣﻦ ﺷﻔﺘﻪ ﻣﺎﻋﺮﻑ ﺷﺼﺎﺭ ﺑﻴﻪ
ﺍﺳﺘﻬﺘﺮﺕ ﻻﻥ ﻛﻠﻪ ﻣﻨﻪ ﺍﻟﻲ ﺻﺎﺭ ﺑﻴﻪ ﻛﻞ ﻣﻦ ﻭﺭﺍﻩ ﺧﻄﻔﻮﻧﻲ ﻫﻮ ﻫﻢ ﺭﺍﺳﺎ ﻃﻠﻊ ﺑﻘﻴﺖ ﺍﺑﺠﻲ ﻭﺍﺷﻬﻚ ﻭﺣﺴﻦ ﻳﻬﺪﻱ ﺑﻴﻪ
ﻣﺮﺕ ﻛﻢ ﺳﺎﻋﻪ ﻭﻃﻠﻌﻮﻧﻲ ﺟﻨﺖ ﺧﺎﻳﻔﻪ ﺣﻴﻞ ﺭﺟﻌﺖ ﻟﻠﺒﻴﺖ ﻭﺩﺧﻠﻮﻧﻲ ﻟﻠﻐﺮﻓﻪ ﻣﺎﺭﻳﺪ ﺍﺷﻮﻑ ﺍﺣﺪ ﻭﺟﻬﻬﻲ ﻣﻠﻴﺎﻥ ﻛﺪﻣﺎﺕ ﻭﺿﻬﺮﻱ ﻣﻦ ﻭﺭﻩ ﺍﻟﻮﻛﻊ ﺍﻟﻮﻛﻌﺘﻬﺎ ﻣﻦ ﺍﻟﺴﻴﺎﺭﻩ ﺍﻟﻠﻪ ﻻ ﻳﻄﻴﻬﻢ
ﻭﻓﻮﻙ ﻛﻞ ﻫﺬﺍ ﺑﻄﻨﻲ ﺍﺣﺲ ﺍﺣﺸﺎﺋﻲ ﻛﻠﻬﺎ ﺗﻮﺟﻌﻨﻲ ﺍﺗﻠﻔﻠﻔﺖ ﻭﺑﻘﻴﺖ ﺍﺑﺠﻲ ﻭﺣﺪﻱ ﻭﻛﻞ ﺍﻟﻲ ﻳﺪﺧﻞ ﺍﺻﺮﺥ ﺑﻲ ﺧﺎﻳﻔﻪ ﻻ ﺍﺣﺠﻲ ﻭﻳﺠﻲ ﻳﻌﺘﺪﻱ ﻋﻠﻴﻪ ﺍﻋﺮﻑ ﺧﻠﺼﺖ ﻣﻦ ﻋﺪﻩ
ﺑﺲ ﺍﻟﻤﻮﻗﻒ ﻣﺎﺍﻧﺴﺎﻩ ﺍﺑﺪ ﺍﻧﺘﺒﻬﺖ ﻣﻼﺑﺴﻲ ﻣﺒﺪﻟﻪ ﻣﻨﻮ ﺑﺪﻟﻲ ﻣﺎﻋﺮﻑ ﻣﻦ ﺟﻨﺖ ﺑﻠﻤﺴﺸﻔﻰ ﺑﻘﻴﺖ ﺍﻳﺎﻡ ﺍﻧﻲ ﺑﺲ ﺍﺑﺠﻲ ﻭﺣﺎﻟﻲ ﺣﺎﻝ
ﻭﺣﺘﻪ ﻋﻴﻮﻧﻲ ﻛﺎﻣﺖ ﺗﻮﺟﻌﻨﻲ ﺣﺎﺑﺴﻪ ﺭﻭﺣﻲ ﺑﻠﻐﺮﻓﻪ ﻭﺍﻱ ﺷﺨﺺ ﺍﺷﻮﻓﻪ ﺍﺗﺨﻴﻠﻪ ﻫﺬﺍﻙ ﺍﻟﺸﺨﺺ ﺍﻟﻲ ﺭﺍﺩ ﻳﻌﺘﺪﻱ ﻋﻠﻴﻪ ﺣﺴﻦ ﻣﺎﺗﺮﻛﻨﻲ ﻭﻫﻮ ﺍﻟﻮﺣﻴﺪ ﺍﻟﻲ ﺍﺧﻠﻲ ﻳﺪﺧﻞ ﻟﻐﺮﻓﺘﻲ
ﺷﻮﻳﻪ ﺷﻮﻳﻪ ﺍﺗﺤﺴﻨﺖ ﺣﺎﻟﺘﻲ ﺑﺲ ﺑﻌﺪﻧﻲ ﺧﺎﻳﻔﻪ ﻫﻮﺍﻱ ﺣﺎﻭﻟﻮ ﻳﻌﺮﻓﻮﻥ ﻣﻨﻲ ﺷﻲ ﺑﺲ ﺟﻨﺖ ﺧﺎﻳﻔﻪ ﻣﺎﺭﻳﺪ ﺍﻭﺭﻁ ﺍﻫﻠﻲ ﻭﻳﺎﻫﻢ ﺍﻫﻞ ﺭﺿﻮﺍﻥ ﺧﻄﺮﻳﻦ ﻭﺑﻬﺎﻱ ﺍﻟﻌﻤﻠﻪ
ﺍﺛﺒﺘﻮﻟﻲ ﻫﺬﺍ ﺍﻟﺸﻲ ﺑﻘﻴﺖ ﺍﻳﺎﻡ ﺍﻧﻲ ﺍﺑﺠﻲ ﻭﺍﺧﺎﻑ ﺣﺘﻪ ﻣﻦ ﺧﻴﺎﻟﻲ ﺑﺲ ﺍﻧﺼﺎﻑ ﻣﺎﺗﺮﻛﺘﻨﻲ ﻭﻻ ﺍﻣﻲ ﺟﻨﺖ ﺍﺧﺎﻑ ﺍﻃﻠﻊ ﻣﻦ ﺍﻟﻐﺮﻓﻪ ﻭﺍﺳﻤﻊ ﻛﻼﻡ ﺍﻟﻨﺎﺱ ﻋﻨﻲ
ﻭﺍﻧﻲ ﺍﻋﺮﻑ ﺷﻜﺪ ﺍﻟﻨﺎﺱ ﻗﺎﺳﻴﻪ ﺑﻜﻼﻣﻬﺎ ﻭﺍﻟﻠﻪ ﻳﺴﺎﻋﺪ ﻛﻠﺐ ﺍﻫﻠﻲ ﻋﻠﻴﻬﻢ ﻣﺮﺕ ﺍﻻﻳﺎﻡ ﻭﻣﺮﺕ ﺷﻬﺮﻳﻦ ﻭﻛﺪﺭﺕ ﺍﺟﺎﻭﺯ ﻫﺬﺍ ﺍﻟﺸﻲ ﺑﺲ ﺑﻘﻴﺖ ﺣﺎﺑﺴﻪ ﻧﻔﺴﻲ ﺑﻠﻐﺮﻓﻪ ﻭﻣﺎﺍﻃﻠﻊ ﺧﺎﺻﻪ ﺍﺫﺍ ﺍﺟﻮ ﺍﺣﺪ ﻭﺧﺎﺻﻪ ﻋﻤﺘﻲ
ﻟﺤﺪ ﻣﺎ ﺑﻴﻮﻡ ﺳﻤﻌﺖ ﺍﻣﻲ ﺗﺤﺠﻲ ﺍﻻﺑﻮﻳﻪ ﺍﻟﺠﻮﺍﺭﻳﻦ ﺷﺘﺤﺠﻲ ﻋﻠﻴﻪ ﺍﻧﻬﻀﻤﺖ ﻭﺍﻧﻲ ﺍﺳﻤﻊ ﻛﻼﻣﻬﻢ ﻟﻴﺶ ﻟﻴﺶ ﻫﻴﺞ ﻣﺠﺘﻤﻌﻨﺎ ﺑﻤﺠﺮﺩ ﻣﺎ ﺗﻨﺨﻄﻒ ﺍﻟﺒﻨﻴﻪ ﺧﻠﺺ ﺍﻋﺘﺪﻭ ﻋﻠﻴﻬﺎ ﻭﻛﺎﻣﻮ ﻳﺤﻠﻠﻮﻥ ﻣﻦ ﻭﺣﺪﻫﻢ ﺣﺘﻪ ﺍﻟﺪﺭﺍﺳﻪ ﺗﺮﻛﺘﻬﺎ ﻣﻦ ﺧﻮﻓﻲ ﻛﻼﻡ ﺍﻟﻨﺎﺱ ﻣﺎﻳﺨﺺ ﺩﺍﺋﻤﺎ ﻳﺤﺠﻮﻥ ﻭﺍﻗﻞ ﺷﻲ ﻭﻛﺎﻟﻮ
ﻭﺭﺍﺡ ﺷﺮﻓﻬﺎ ﻟﻴﺶ ﻫﻴﺞ ﺍﻟﺒﺸﺮ ﻗﺎﺳﻲ ﻭﻣﺎ ﻳﺤﺴﺐ ﻟﻠﻜﻠﻤﻪ ﺍﻟﻲ ﻳﻜﻮﻟﻬﺎ ﺣﺴﺎﺏ ﻭﻳﺤﺲ ﺍﻥ ﺍﻟﺸﺨﺺ ﺍﻟﻜﺒﺎﻟﻪ ﻣﻤﻜﻦ ﺭﺍﺡ ﻳﻨﺠﺮﺡ ﻣﻨﻬﺎ
ﻣﺮﺕ ﺍﻻﻳﺎﻡ ﻭﻋﺮﻓﺖ ﻳﺎﻣﻦ ﺧﻄﺒﻨﻲ ﻣﻦ ﺣﺴﻦ ﻣﺮﺓ ﺍﻟﺜﺎﻧﻴﻪ ﻣﻄﻴﺖ ﺍﻱ ﺭﺩ ﻓﻌﻞ ﻭﺻﺮﺕ ﺍﺧﺎﻑ ﻣﻦ ﺍﺳﻤﻊ ﻃﺎﺭﻱ ﺭﺟﺎﻝ ﻣﺎﻋﺮﻑ ﻫﺎﻱ ﻫﻢ ﻣﺎﻋﺘﺪﻭ ﻋﻠﻴﻪ ﻭﻫﻴﺞ ﻟﻮ ﻻ ﺳﺎﻣﺢ ﺍﻟﻠﻪ
ﻣﻌﺘﺪﻳﻦ ﺷﻨﻮ ﺟﺎﻥ ﺻﺎﺭ ﺑﻴﻪ ﺑﺠﻴﺖ ﻣﻦ ﻛﻞ ﻛﻠﺒﻲ ﻭﺑﻘﻴﺖ ﺳﺎﻛﺘﻪ ﻣﺎﻃﻴﺖ ﺟﻮﺍﺏ ﺑﺲ ﺍﻟﺼﺪﻣﻨﻲ ﺑﻌﺪ ﺟﻴﺖ ﺍﻧﺼﺎﻑ ﺍﻟﻨﺎ ﺍﺟﺘﻨﻲ ﺍﻣﻲ ﺑﻌﺪ ﻣﺎ ﻃﻠﻌﺖ
ﻭﻛﺎﻟﺖ ﺍﻧﺼﺎﻑ ﺧﻄﺒﺘﺞ ﺍﻻﺧﻮﻫﺎ ﻋﻤﺎﺭ ﻭﻫﻨﺎ ﺟﺎﻧﺖ ﺍﻟﺼﺪﻣﻪ ﻣﺎﻟﺘﻲ ﻋﻤﺎﺭ ﺧﻄﺒﻨﻴﻴﻲ ﺷﻜﺪ ﺟﻨﺖ ﺍﺣﻠﻢ ﺑﻬﺬﺍ ﺍﻟﻴﻮﻡ ﻭﺷﻜﺪ ﺟﻨﺖ ﺍﺧﻄﻂ ﺍﻟﻪ ﻭﺍﺣﻠﻢ ﺑﻲ
ﺑﺲ ﺍﻟﻴﻮﻡ ﻣﺎﺣﺲ ﺑﺎﻱ ﻓﺮﺡ ﺍﻋﺮﻓﻪ ﺳﻮﻩ ﻫﻴﺞ ﻋﻠﻤﻮﺩ ﻛﻼﻡ ﺍﻟﻨﺎﺱ ﻋﻤﺎﺭ ﻭﺍﻋﺮﻓﻪ ﻣﺎﺍﻃﺎﻩ ﻛﻠﺒﻪ ﻳﺘﺮﻛﻨﻲ ﻳﺠﻮﺯ ﻟﻮ ﻣﺎ ﺧﺎﻃﺐ ﺟﺎﻥ ﻭﺍﻓﻘﺖ ﺑﺲ ﻣﺴﺘﺤﻴﻞ ﺍﻧﻪ ﺻﺪﻳﻘﺘﻲ ﻣﺴﺘﺤﻴﻞ ﺍﺳﻮﻱ ﻫﻴﺞ
ﺻﺢ ﻋﻤﺎﺭ ﺣﻠﻢ ﺑﻨﺴﺒﻪ ﺍﻟﻲ ﻭﺍﻟﻴﻮﻡ ﺗﺤﻘﻖ ﻭﺻﺢ ﻫﻮ ﺣﺐ ﺍﻟﻄﻔﻮﻟﻪ ﺑﺲ ﻣﺎﻛﺪﺭ ﺍﻛﺴﺮ ﻛﻠﺐ ﺻﺪﻳﻘﺘﻲ ﻭﺍﻧﻲ ﺍﻋﺮﻓﻬﺎ ﺷﻜﺪ ﻛﻠﺒﻬﺎ ﻃﻴﺐ
ﻣﺮﺕ ﻳﻮﻣﻴﻦ ﻉ ﻫﺬﺍ ﺍﻟﻤﻮﻗﻒ ﻭﺍﻧﻲ ﺣﺎﻳﺮﻩ ﺍﺫﺍ ﺭﻓﻀﺖ ﻳﺎﻣﻦ ﺭﺍﺡ ﻳﺠﺒﺮﻭﻧﻲ ﺍﺯﻭﺝ ﻋﻤﺎﺭ ﻭﺍﻧﻲ ﻣﺎﺭﻳﺪ ﺍﺧﺮﺏ ﺣﻴﺎﺓ ﺍﻧﻪ ﻭﻣﺘﺎﻛﺪﻩ
ﺍﺫﺍ ﺍﻧﺴﺤﺒﺖ ﻣﻦ ﺣﻴﺎﺗﻬﻢ ﺍﻛﻴﺪ ﻋﻤﺎﺭ ﺭﺍﺡ ﻳﺤﺒﻬﺎ ﻻﻥ ﺍﻧﻪ ﻣﺎﻛﻮ ﻣﺜﻠﻬﺎ ﻭﺍﺫﺍ ﺭﻓﻀﺖ ﻋﻤﺎﺭ ﻻﺯﻡ ﺍﻗﺒﻞ ﺑﻴﺎﻣﻦ ﻣﺎﻛﻮ ﺧﻴﺎﺭ ﺛﺎﻧﻲ ﻻﺯﻡ ﺍﺯﻭﺝ ﻭﺍﻛﺴﺮ ﺣﺠﻲ ﺍﻟﻨﺎﺱ
ﻫﻬﻬﻪ ﻫﺬﺍ ﻣﺠﺘﻤﻌﻨﺎﺍ ﻫﻴﺞ ﻗﺎﺳﻲ ﻣﺴﺤﺖ ﺩﻣﻮﻋﻲ ﻭﺍﻧﻲ ﺍﻃﻠﻊ ﻣﻦ ﺍﻟﻐﺮﻓﻪ ﺍﺭﻭﺡ ﻟﻐﺮﻓﻪ ﻣﺎﻣﺎ ﻭﺍﻃﻴﻬﺎ ﺟﻮﺍﺑﻲ ﻭﺍﻧﻲ ﻓﻜﺮﺕ ﺑﻲ ﺍﻛﺜﺮ ﻣﻦ ﻣﺮﻩ ﻭﺧﻠﺺ ﻫﺬﻩ ﺣﻴﺎﺗﻲ ﻭﺍﻧﻲ ﺍﻋﺮﻑ ﺷﻠﻮﻥ ﺍﺩﻳﺮﻫﺎ
ﻣﺎﻣﺎ ﻛﺎﻋﺪﻩ
- ﻫﺎ ﺣﺒﻴﺒﺘﻲ ﺗﻌﺎﻱ ﻳﻤﻪ ﺗﻌﺎﻱ
- ﻣﺎﻣﺎ ﺍﻧﻲ ﻗﺮﺭﺕ ﻭ ﻣﻮﺍﻓﻘﻪ ﻉ ﻳﺎﻣﻦ ﺍﻋﺘﺬﺭﻳﻠﻲ ﻣﻦ ﺍﻧﺼﺎﻑ ﺑﺲ ﺍﻧﻲ ﻣﺎﻛﺪﺭ ﺍﻫﺪﻡ ﺣﻴﺎﺓ ﺍﺛﻨﻴﻦ ﻭﺍﺻﻴﺮ ﺍﻧﺎﻧﻴﻪ
ﺷﺒﻜﺘﻨﻲ ﺍﻣﻲ ﻭﻫﻲ ﺗﺒﻮﺱ ﺑﺮﺍﺳﻲ ﺗﺮﺑﺎﻳﺘﻲ ﻭﺍﻋﺮﻓﺞ ﺯﻳﻦ ﻭﻫﺬﺍ ﺍﻟﺠﻨﺖ ﻭﺍﺛﻘﻪ ﻣﻨﻪ ﻳﻤﻪ ﻳﺎﻣﻦ ﺯﻳﻦ ﻭﺍﻥ ﺷﺎﺀﺍﻟﻠﻪ ﻳﺴﻌﺪﺝ ﻭﻳﻨﺴﻴﺞ ﻛﻞ ﺍﻟﻲ ﻣﺮﻳﺘﻲ ﺑﻲ ﺍﺑﺘﺴﻤﺖ ﺍﻟﻬﺎ ﻭﺑﺴﺖ ﺭﺍﺳﻬﺎ ﻭ ﺭﺟﻌﺖ ﻟﻐﺮﻓﺘﻲ ﻭﺍﻧﻲ ﻣﺘﺎﻛﺪﻩ ﻣﻦ ﻗﺮﺍﺭﻱ ﺍﻟﻲ ﺍﺧﺬﺗﻪ ﻣﺴﺘﺤﻴﻞ ﺍﻛﺴﺮ ﻗﻠﺐ ﺍﻧﻪ …… ﻳﺘﺒﻊ
ﺯﻫﺮﺍﺀ ﻋﺒﺎﺱ | ﺑﻘﻴﺖ ﻟﻮﺣﺪﻱ ﺍﺣﺐ ﺭﻭﺣﻲ
،،،،،ﻭﻟﻠﺤﻜﺎﻳﻪ ﺑﻘﻴﻪ ،،،،،
ﻗﺮﺍﺋﻪ ﻣﻤﺘﻌﻪ ﺍﺣﺒﺘﻲ
ﺍﺭﻳﺪ ﺍﺣﺠﻲ ﻭﻳﺎﻛﻢ ﺷﻲ ﺍﻭﻝ ﺷﻐﻠﻪ ﺷﻜﺮﺍ ﺍﻟﻜﻞ ﻣﻦ ﺳﺌﻞ ﻋﻠﻴﻪ ﻭﺗﺤﻤﺪﻟﻲ ﺑﺴﻼﻣﻪ ﻭﺷﻜﺮﺍ ﺍﻟﻠﻲ ﻣﺎﻗﺼﺮ ﻭﺗﻬﺠﻢ ﻭﻛﺎﻟﻮ ﻣﻘﺼﺮﻩ ﻭﻣﺎﺗﻨﺸﺮﻳﻦ ﺑﺸﻨﻮ ﻣﻘﺼﺮﻩ ﻭﻳﺎﻛﻢ ﻳﻌﻨﻲ ﺑﺎﺭﺕ ﺍﻟﺒﺎﺭﺣﻪ ﺍﻧﻲ ﻛﻮﻩ ﻛﺘﺒﺘﻪ ﻭﺍﻧﺘﻢ ﺗﺘﻬﺠﻮﻥ ﺑﻠﺨﺎﺹ ﻭﺣﺘﻪ ﺑﻠﻌﺎﻡ ﺍﻃﻠﺒﻮﻥ ﺑﺎﺭﺕ ﻣﻔﺎﺟﺊ ﻳﻌﻨﻲ ﺍﻧﻲ ﺑﺎﺭﺕ ﺍﻟﺒﺎﺭﺣﻪ ﻣﻜﺪﺭ ﺍﻛﺘﺒﻪ ﻭﺑﻄﻼﻉ ﺍﻟﺮﻭﺡ ﻛﺘﺒﺘﻪ ﻭﻓﻮﻙ ﻛﻞ ﻫﺬﺍ ﺗﺘﻬﺠﻮﻡ ﺗﺮﺩﻭﻥ ﺑﻌﺪ ﺑﺎﺭﺕ ﺍﻋﺮﻑ ﺣﻘﻜﻢ ﻭﻣﻦ ﺗﺸﻮﻳﻘﻜﻢ ﻟﻠﻘﺼﻪ ﺑﺲ ﺭﺍﻋﻮ ﺗﻌﺒﻲ ﻳﻌﻨﻲ ﻭﺍﻟﻠﻪ ﻟﻮ ﺍﻛﺪﺭ ﺟﺎﻥ ﻣﺎ ﺭﺩﻳﺘﻜﻢ ﺧﺎﺻﻪ ﺍﻟﻠﻲ ﺩﺧﻠﻮ ﺧﺎﺹ ﻳﺤﺠﻮﻥ ﺑﺲ ﻫﻢ ﻣﺎﺯﻋﻞ ﻣﻨﻜﻢ ﻛﻠﺒﻲ ﺭﺟﻴﺞ 😍
ﻭﺍﻟﺸﻐﻠﻪ ﺍﻟﺜﺎﻧﻴﻪ ﺍﻟﻴﻮﻡ ﺟﺎﻧﺖ ﺍﺳﺘﺮﺍﺣﺘﻲ ﻭﺑﺮﻏﻢ ﻣﺮﻳﻀﻪ ﺑﺲ ﺍﻃﻴﺖ ﻭﻋﺪ ﻟﻤﺘﺎﺑﻌﻴﻦ ﺍﻟﻔﻴﺲ ﻭﺑﻼﺧﺺ ﻣﺘﺎﺑﻌﻴﻦ ﺑﻴﺞ ﺳﺖ ﺭﻭﻋﻪ ﺍﻧﺸﺮ ﺍﻟﻴﻮﻡ ﻭﻫﺬﺍ ﺍﻟﺒﺎﺭﺕ ﺑﺮﻋﺎﻳﺘﻬﻢ ﻫﻬﻬﻬﻬﻪ ﻭﻳﺪﻟﻠﻮﻥ ﻣﻦ ﻋﺪﻱ ﺻﺢ ﻣﻜﺪﺭﺕ ﺍﻧﺰﻝ ﺍﻟﺒﺎﺭﺣﻪ ﺑﺲ ﻫﺬﺍ ﺑﺎﺭﺕ ﺑﺪﺍﻟﻪ ﺍﺣﺒﻜﻢ
ﺗﻮﻗﻌﺎﺗﻜﻢ ﻭﺗﺼﻮﻳﺘﺎﺗﻜﻢ ﻭﺗﻌﻠﻴﻘﺎﺗﻜﻢ
# ﻧﻮﺭ ﺍﻟﺸﻤﺮﻱ
# ﻧﻮﺷﻪ