ﻣﻠﻴﺎﻥ ﺳﺤﻚ ﻣﻠﻴﺎﻥ ﻏﻠﺴﻮﻭ ﺍﻟﻠﻪ ﻳﺴﺘﺮ ﻣﻦ ﺍﻟﺴﺤﻜﺎﺕ ﻻﻥ ﻣﺎﺻﺤﺤﺘﻪ
#ﻗﻠﺒﺎﻥ_ﻳﺠﻤﻌﻬﻤﺎ_ﺍﻟﺴﺤﺮ

#ﺍﻟﺒﺎﺭﺕ_ﺍﻟﺘﺎﺳﻊ_ﻋﺸﺮ

ﺑﻘﻠﻤﻲ # ﻧﻮﺭ ﺍﻟﺸﻤﺮﻱ
Noor336
# ﻟﻴﺘﻚ ﺗﺴﻤﻊ ﻧﺪﺍﺀﻱ .........
ﺃﺭﻳﺪﻙ ﺣﺐ ﻻ ﻳﻨﺘﻬﻲ ﻭﻋﺸﻘﻚ ﻻ ﻳﻤﻮﺕ
ﻭﺷﻮﻕ ﻻ ﻳﻬﺪﺃ ﻭﻻ ﻳﺘﻐﻴﺮ ﺃﺭﻳﺪﻙ
ﺃﺭﻳﺪ ﺍﻥ ﺍﺭﻯ ﺻﻮﺗﻚ ﻓﻲ ﺍﺫﻧﺎﻱ
ﻛﻠﻤﺎﺗﻚ ﺭﻧﻴﻦ ﻭﻋﺰﻑ ﻣﻮﺳﻴﻘﻲ
ﺍﺷﺘﺎﻕ ﺍﻟﻲ ﺣﻀﻨﻚ
ﺃﺭﻳﺪ ﺍﻥ ﺍﺳﺘﻨﺸﻖ ﺭﺍﺋﺤﺔ ﻋﻄﺮﻙ ﻓﻲ ﺃﻧﻔﺎﺳﻲ
ﻳﺎﻧﺖ ﻛﻔﺎﻙ ﻋﺒﺴﺎ ﺑﻲ ﻓﺎﻧﺎ ﻟﻲ ﻗﻠﺒﺎ
ﺍﻧﺼﺎﻑ : ﻛﻠﻤﺎﺕ ﻋﻤﺘﻲ ﻧﺰﻟﺖ ﻣﺜﻞ ﺍﻟﺼﺎﻋﻘﻪ ﻋﻠﻴﻪ ﻻﺍﺍﺍﺍ ﻳﺎﻟﻠﻪ ﺍﺫﺍ ﺍﺧﺬﺗﻪ ﻋﻤﺘﻲ ﺭﺍﺡ ﺗﻌﺮﻑ ﻛﻠﺸﻴﻲ ﻭﻭﻭ ﺭﺍﺡ ﻳﺘﻬﻤﻮﻧﻲ ﺍﻧﻲ ﻻﺯﻡ ﺍﺳﻮﻱ ﺷﻲ ﻳﺎﻟﻠﻪ ﺩﺧﻴﻠﻚ ﺳﺎﻋﺪﻧﻲ ﻳﺎﻟﻠﻪ ﺩﺧﻴﻠﻚ ﻣﺎﻋﺪﻱ ﻏﻴﺮﻙ ﺃﻟﺠﺊ ﺍﻟﻪ ﻳﺎﺭﺏ
ﻣﺸﻴﺖ ﻭﺍﻧﻲ ﺍﺣﺲ ﺑﺜﻜﻞ ﻣﻮ ﻃﺒﻴﻌﻲ ﺍﺣﺲ ﻛﻠﺒﻲ ﺭﺍﺡ ﻳﻄﻠﻊ ﻣﻦ ﻣﻜﺎﻧﻪ ﻛﺪ ﻣﺎﻳﺪﻙ ﺳﺮﻳﻊ ﺍﺣﺲ ﺍﺩﻣﻮﻋﻲ ﺗﻨﺰﻝ ﺟﻤﺮ ﻉ ﺧﺪﻭﺩﻱ ﺍﺫﺍ ﻋﺮﻓﻮ ﻣﺮﺍﺡ ﻳﺴﺎﻣﺤﻮﻧﻲ ﺍﺫﺍ ﻋﺮﻓﻮ ﻣﺮﺍﺡ ﻳﺼﺪﻛﻮﻧﻲ
ﺭﺍﺡ ﻳﺒﻌﺪﻭﻧﻲ ﻋﻦ ﺍﺑﻨﻲ ﻭﻋﻨﻚ ﻳﺎﻧﺼﺮ ﺭﺍﺡ ﻳﺒﻌﺪﻭﻧﻲ ﻋﻦ ﺳﻌﺎﺩﺗﻲ ﻭﺣﺒﻲ ﺍﺻﻼ ﻣﻮ ﺑﻴﺪﻱ ﻣﻮ ﺑﻴﺪﻱ ﺍﺑﺪ ﻫﺸﻲ ﻗﺪﺭ ﻭﻣﻜﺘﻮﺏ ﺷﻨﻮ ﺑﻴﺪﻱ ﺍﺳﻮﻱ ﺑﻌﺪ ﺍﻛﺜﺮ ﻣﻦ ﺍﻟﻲ ﺳﻮﻳﺘﻪ
ﺩﺧﻠﺖ ﻟﻠﻐﺮﻓﻪ ﻭﺍﻧﻲ ﺭﺟﻠﻴﻪ ﺍﺣﻴﻬﻦ ﺧﻴﻮﻁ ﻳﻤﺸﻦ ﻣﺎﺍﺣﺲ ﺑﻴﻬﻦ ﺣﺘﻰ ﺑﺎﻭﻋﺘﻠﻪ ﻧﺎﻳﻢ ﻭﺣﺎﻁ ﺍﺩﻳﻪ ﻉ ﻋﻴﻮﻧﻪ ﻛﻠﺸﻲ ﺑﻲ ﺣﻠﻮ ﺣﻮﺍﺟﺒﻪ ﺍﻟﻤﻄﺒﻮﻛﻪ 24 ﺳﺎﻋﻪ ﻭﺑﺴﺒﺒﻬﺎ ﺧﻄﻮﻁ ﻛﺼﺘﻪ ﻣﻮﺟﻮﺩﻩ ﺩﺍﺋﻤﺎ ﻭﻣﺤﻠﻴﺎﺗﻪ ﻋﻴﻮﻧﻪ ﺍﻟﻜﺒﺎﺭ ﺻﻠﻌﺘﻪ ﺍﻟﻲ
ﻳﺎﻣﺎ ﺟﻨﺖ ﺍﻛﺮﻫﺎﺍ ﻭﻫﻲ ﺍﻋﺸﻘﻬﺎﺍﺍ ﻭﺍﻋﺸﻘﻪ ﺍﻟﻪ ﻫﻢ ﻟﺤﻴﺘﻪ ﺍﻟﻲ ﺑﻴﻬﺎ ﺷﻜﺎﺭ ﻭﺍﻟﺸﻴﺐ ﻃﺎﻙ ﺑﻴﻬﺎﺍ ﻭﻣﺪﺭﻱ ﺷﻌﺠﺐ ﻣﺎﺻﺎﺑﻐﻬﻦ ﺷﻮﺍﺭﺑﻪ ﺍﻟﻲ ﻧﺎﺯﻟﻪ ﻭﻳﻪ ﻟﺤﻴﺘﻪ ﻭﺍﻟﻲ ﻣﻦ ﻳﻔﻜﺮ ﻳﻜﻌﺪ ﻳﻠﻌﺐ ﺑﻴﻬﻦ ﻭﻳﺒﻘﻪ ﻳﺴﻮﻱ ﺑﻴﻬﻦ ﺣﺮﻛﺎﺕ ﺧﺎﺻﻪ ﻣﻦ ﻳﻜﻌﺪ ﻳﺸﺘﻐﻞ ﺍﺩﻳﻪ ﻣﺘﻔﺎﺭﻕ ﺷﻮﺍﺭﺑﻪ ﻭﻟﺤﻴﺘﻪ
ﺩﻣﺎﺭﺍﺕ ﻛﺼﺘﻪ ﻭﺭﺍﺳﻪ ﻣﻦ ﻳﻌﺼﺐ ﺭﺍﺳﺎ ﻳﻄﻠﻌﻦ ﻭﻋﺒﺎﻟﻚ ﺭﺍﺡ ﻳﻨﻔﺠﺮﻥ ﻛﺪ ﻣﺎ ﻋﺼﺒﻲ ﻣﻼﺑﺴﻪ ﺍﻟﺮﺳﻤﻪ ﺩﺍﺋﻤﺎ ﻭﻳﻦ ﻣﺎﻳﻄﻠﻊ ﻳﻠﺒﺴﻬﺎ ﺑﻨﻄﺮﻭﻥ ﻭﻗﻤﻴﺺ ﻭﻳﻠﻚ
ﻣﻄﻴﺎﺗﻪ ﺭﺟﻮﻟﻪ ﻭﺷﺨﺼﻴﻪ ﺍﻛﺜﺮ ﻧﻀﺮﺍﺗﻪ ﺍﻟﺤﺎﺩﻩ ﻭﺧﺰﺭﺗﻪ ﻣﻦ ﻳﻀﻮﺝ ﻣﻦ ﺷﻲ ﻳﺨﻠﻲ ﺍﻛﺒﺮ ﻭﺍﺣﺪ ﻳﺨﺎﻑ ﻣﻨﻪ
ﺍﺗﻤﺪﺗﺖ ﺑﺼﻔﻪ ﻭﺍﻧﻲ ﺍﻟﻌﺐ ﺑﻠﺤﻴﺘﻪ ﻉ ﻛﻴﻒ ﻻ ﻳﻜﻌﺪ ﺍﻋﺮﻓﻪ ﻧﺎﻳﻢ ﻭﺑﺴﺎﺑﻊ ﻧﻮﻣﻪ ﻻﻥ ﻣﻄﻲ ﻣﻨﻮﻡ ﻣﻦ ﺟﺎﻥ ﺑﻠﻤﺴﺘﺸﻔﻰ ﻣﺮﻩ ﺳﻮﻟﻔﻠﻲ ﻉ ﺧﺰﺭﺗﻪ ﺷﻠﻮﻥ ﺣﺘﻪ ﺍﻟﻌﻤﻴﺪ ﻣﺎﻟﺘﻪ ﺧﺎﻑ ﻣﻦ ﻋﺪﻫﺎ ﻫﻬﻬﻬﻪ
ﻧﺼﺮ ﺣﻮﺍﺟﺒﻪ ﺛﺨﺎﻥ ﻭﻣﻦ ﻳﻔﺘﺢ ﻋﻴﻮﻧﻪ ﻭﻳﻐﺰﺭ ﻳﻌﻜﺪﻫﻦ ﻭﻣﻨﺎ ﺧﻄﻮﻁ ﻛﺼﺘﻪ ﺗﺒﻴﻦ ﻭﺍﻛﻮ ﺩﻣﺎﺭﺍﺕ ﺑﻜﺼﺘﻪ ﻭﺭﺍﺳﻪ ﺗﺒﻴﻦ ﻛﻞ ﻫﺬﻧﻲ ﻳﺴﻮﻥ ﺭﻋﺐ ﻟﻠﻮﺍﺣﺪ ﺑﻤﺠﺮﺩ ﻣﺎﻳﺸﻮﻓﻬﻦ
ﺑﻘﻴﺖ ﺳﺮﺣﺎﻧﻪ ﻭﺍﺷﺒﻊ ﻋﻴﻮﻧﻲ ﺷﻮﻑ ﻣﻦ ﻋﺪﻩ ﻣﺎﻋﺮﻑ ﺷﻮﻛﺖ ﻣﺼﻴﺮﻱ ﺍﻃﻠﻊ ﻣﻦ ﻫﺬﺍ ﺍﻟﺒﻴﺖ ﺑﺲ ﺍﺣﺴﻪ ﻗﺮﻳﺐ ﻣﺎﺩﺍﻡ ﺿﻤﻀﻤﺖ ﺍﻟﺴﺎﻟﻔﻪ ﻭﺳﺘﺮﺕ ﻉ ﺍﺧﺘﻲ ﻻﺯﻡ ﺍﺗﻌﺎﻗﺐ ﻻﻥ ﺗﻨﺤﺴﺐ ﻣﺸﺎﺭﻛﻪ ﺑﻬﺬﺍ ﺍﻟﺸﻲ ﻭﻳﺎﻫﺎ ﺑﺲ ﻣﺤﺪ ﺍﻟﻲ ﺩﺍﺣﺴﻪ ﺷﻨﻮ
ﺣﺴﻴﺖ ﻉ ﺍﻟﺘﻠﻔﻮﻥ ﺩﻙ ﺑﺎﻭﻋﺘﻠﻬﺎ ﻛﻮﺛﺮ ﺟﻨﺖ ﻣﺤﺘﺎﺟﺘﻬﺎ ﻫﻮﺍﻱ
ﺭﺩﻳﺖ ﻋﻠﻴﻬﺎ ﻭﺍﻧﻲ ﺍﻟﺪﻣﻌﻪ ﺑﻌﻴﻨﻲ ﺑﻘﻴﺖ ﺍﺳﻮﺑﻒ ﻭﻳﺎﻫﺎ ﻭﺍﻓﻀﻔﻀﻠﻬﺎ ﻛﻞ ﺷﻲ ﺑﺪﺍﺧﻠﻲ ﻭﻫﻲ ﺍﻃﻤﻨﻲ ﻭﺍﺳﻜﺘﻨﻲبيج قصص عراقيه حقيقيه من واقعنا.روعه الطائي
ﺳﻮﻟﻔﺘﻠﻬﺎ ﻛﻼﻡ ﻋﻤﺘﻲ ﻭﺣﺎﻟﺔ ﻧﺼﺮ ﻭﻭﺟﻊ ﺭﺍﺳﻪ
- ﺷﻮﻓﻲ ﺍﻧﺼﺎﻑ ﻫﻮ ﺣﺎﻭﻝ ﻳﺘﻘﻴﺊ ﺷﻲ ﻳﻤﻜﻦ ﻫﺬﺍ ﺍﻟﺸﻲ ﻻﻥ ﺧﻠﺼﺘﻲ ﻣﻦ ﺍﻟﺴﺤﺮ ﺍﻟﻲ ﻣﺤﺎﻭﻃﻪ
- ﻣﻌﻘﻮﻟﻪ ﻣﺎﺩﺭﻱ ﻛﻮﺛﺮ ﻣﺎﺩﺭﻱ ﻣﺎﻛﻞ ﺍﻟﺴﻴﺪ ﻫﻴﺞ ﺣﻴﺼﻴﺮ ﺑﻲ ﻭﺍﻟﻠﻪ ﺣﺮﺕ ﻭﺭﺍﺡ ﺍﻣﻮﺗﺖ ﻭﻳﺼﻴﺮ ﺑﻴﻪ ﺷﻲ ﻭﺍﻟﻠﻪ
- ﺍﺳﻢ ﺍﻟﻠﻪ ﺣﺒﻴﺒﺘﻲ ﻻ ﺗﺨﺎﻓﻴﻦ ﺍﺫﺍ ﺗﻘﻴﺊ ﺍﻃﻤﻨﻲ ﻣﻌﻨﺎﻩ ﺧﻠﺺ ﻣﻦ ﺍﻟﺴﺤﺮ ﻭﺧﻠﺺ ﻣﻦ ﺷﻌﻮﺫﺓ ﺍﺧﺘﺞ ﺍﻧﺸﺎﺀﺍﻟﻠﻪ ﺧﻴﺮ ﻳﻼ ﺍﺭﻭﺡ ﺍﻧﻲ ﺗﺼﺒﺤﻴﻦ ﻉ ﺧﻴﺮ
- ﻭﺍﻧﺘﻲ ﺑﺨﻴﺮ ﺳﺪﻳﺘﻪ ﻭﺍﻧﻲ ﺍﻓﻜﺮ ﺑﻜﻼﻣﻬﺎ ﺑﺲ ﻧﺼﺮ ﻣﺎﺍﺗﻘﻴﺊ ﻳﻌﻨﻲ ﻟﺴﻪ ﺍﻟﺴﺤﺮ ﺑﻲ ﺍﻭﻑ ﻳﺎﻟﻠﻬﻲ ﺳﺎﻋﺪﻧﻲ ﺷﻠﻮﻥ ﺍﺧﻠﺼﻪ ﻣﻦ ﻫﻠﻤﺼﻴﺒﻪ
ﻏﻔﻴﺖ ﻭﺍﻧﻲ ﺍﻓﻜﺮ ﺷﻠﻮﻥ ﺭﺍﺡ ﺍﺧﻠﺺ ﻣﻦ ﻫﻠﻤﺼﻴﺒﻪ ﻳﻤﻜﻦ ﻫﺎﻱ ﺍﺧﺮ ﻳﻮﻡ ﺍﻟﻲ ﻫﻨﺎ ﻻﻥ ﻋﻤﺘﻲ ﺑﺎﺟﺮ ﺗﻜﺸﻒ ﻛﻠﺸﻲ ﻏﻔﻴﺖ ﻭﺍﻟﺪﻣﻌﻪ ﺑﻌﻴﻨﻲ ﺑﻌﺎﺩﺗﻲ ﻧﻮﻣﻲ ﺣﻴﻞ ﺛﻜﻴﻞ ﻭﻟﻮ ﻳﺪﻙ ﻃﺒﻞ ﻳﻢ ﺭﺍﺳﻲ ﻣﺎﺍﻛﻌﺪ
ﺑﺲ ﺑﻬﺬﺍﻙ ﺍﻟﻴﻮﻡ ﻻﺍﺍ ﺍﻗﻞ ﺣﺮﻛﻪ ﻣﻦ ﻧﺼﺮ ﺟﻨﺖ ﺍﻓﺰ ﺑﻤﺠﺮﺩ ﻣﺎ ﻳﻨﻜﻠﺐ ﻟﻠﺠﻬﻪ ﺍﻟﺜﺎﻧﻲ ﺍﻓﺰ ﻣﺎﻋﺮﻓﺖ ﺷﻴﻴﻪ ﻭﻟﻴﺶ ﻫﻴﺞ
ﻓﺰﻳﺖ ﺍﻟﻔﺠﺮﻳﻪ ﻉ ﺻﻮﺕ ﻧﺼﺮ ﻭﻫﻮ ﺑﻠﺤﻤﺎﻡ ﻛﻌﺪﺕ ﺍﺭﻛﺾ ﻋﻠﻴﻪ ﺷﻔﺘﻪ ﻳﻢ ﺍﻟﻤﻐﺴﻠﻪ ﻛﺎﻣﺶ ﺑﻄﻨﻪ ﻭﺩﺍﻳﺤﺎﻭﻝ ﻳﺘﻘﻴﻪ ﺑﺲ ﻣﺒﻴﻦ ﻣﻴﻜﺪﺭ
- ﻧﺼﺮ ﺷﺒﻴﻚ ﺣﺒﻴﺒﻲ ﻟﻴﺶ ﻫﻴﺞ ﻭﺟﻬﻚ ﺍﺻﻔﺮ
ﺍﺩﻣﻮﻋﻲ ﻧﺰﻟﺖ ﺑﺪﻭﻥ ﺳﺎﺑﻖ ﺍﻧﺬﺍﺭ ﻭﺍﺣﺘﻠﺖ ﻭﺟﻬﻬﻲ ﻭﻛﻞ ﻣﻼﻣﺢ ﻭﺟﻬﻬﻲ ﻭﻣﺴﺖ ﻗﻠﺒﻲ ﺑﻘﻴﺖ ﻛﺎﻣﺸﺘﻪ ﻭﻫﻮ ﻳﺤﺎﻭﻝ ﻳﺬﺏ ﻣﻦ ﺭﺍﺳﻪ ﻭﻣﺎﻛﻮ ﻓﺎﻳﺪﻩ ﺍﺑﺪ ﺑﻄﻨﻪ ﻣﺎﺗﺖ ﻭﻫﻮ ﻣﺎﻛﻮ ﺟﺮﻳﺘﻪ ﻏﺴﻠﺖ ﻭﺟﻬﻪ
ﻭﻣﺸﻴﺘﻪ ﻉ ﺍﻟﺠﺮﺑﺎﻳﻪ ﻭﻫﻤﺴﺖ ﺑﺼﻮﺕ ﺧﺎﻳﻒ
- ﺷﺒﻴﻚ ﻧﺼﺮ ﺷﻨﻮ ﺍﺗﻘﻴﺖ ؟؟
ﻫﺰ ﺭﺍﺳﻪ ﻻ ﻭﻫﻮ ﻛﺎﻣﺶ ﺑﻄﻨﻪ ﺍﺷﺠﻌﺖ ﻭﺍﻧﻲ ﺍﻟﻤﺲ ﺭﺍﺳﻪ ﻭﻫﻤﺴﺖ ﻳﻮﺟﻌﻚ
ﻫﺰ ﺭﺍﺳﻪ ﺍﻱ ﻭﺭﺟﻊ ﻛﺎﻝ
- ﺑﺲ ﺑﻄﻨﻲ ﺣﻴﻞ ﺗﻮﺟﻌﻨﻲ
ﺗﻌﺎﻝ ﺍﺗﺮﺑﻌﻴﺖ ﻭﺍﺧﺬﺕ ﺭﺍﺳﻪ ﺍﻣﺮﻏﻠﻪ ﻭﺍﻗﺮﺍ ﻗﺮﺍﻥ ﻭﻫﻮ ﻫﺎﺩﺉ ﻧﺎﻳﻢ ﻉ ﺭﺟﻠﻴﻪ ﻭﻋﻴﻮﻧﻪ ﻣﺪﻣﻌﻪ ﻛﺎﻧﻤﺎ ﻳﺮﻳﺪ ﻳﺒﺠﻲ ﺣﺎﻟﺘﻪ ﺗﻜﺴﺮ ﺍﻟﻜﻠﺐ ﻭﻟﻼﻭﻝ ﻣﺮﻩ ﺑﺤﻴﺎﺗﻲ ﺍﺷﻮﻑ ﻧﺼﺮ ﻫﻴﺞ ﻭﺑﻬﻠﺤﺎﻟﻪ ﻫﺎﻱ
ﺑﺎﻭﻋﺖ ﻣﻦ ﺍﻟﺸﺒﺎﻙ ﻃﻠﻌﺖ ﺍﻟﺸﻤﺲ ﻭﺻﺎﺭ ﺑﻴﻬﺎ ﺧﻴﻂ ﺿﻮﻩ ﻭﻫﻮ ﻟﺴﻪ ﻧﺎﻳﻢ ﻉ ﺭﺟﻠﻴﻪ ﻭﺍﻧﻲ ﺍﻣﺮﻏﻠﻪ ﻭﺍﻗﺮﺍ ﺍﻟﻪ ﻗﺮﺍﻥ ﻣﺎﺧﻠﻴﺖ ﺍﻳﻪ ﺣﺎﻓﻈﺘﻬﺎ ﻣﺎﻗﺮﻳﺘﻪ ﺍﻟﻪ
ﻫﻤﺴﺖ ﻭﺍﻧﻲ ﺍﺑﺎﻭﻋﻠﻪ ﺷﻠﻮﻧﻬﺎ ﺑﻄﻨﻚ ﺑﻌﺪﻫﺎ ﺗﻮﺟﻌﻚ
- ﻻ ﺑﺲ ﺗﺤﺲ ﺭﻭﺣﻲ ﺍﺭﻳﺪ ﺍﺳﺘﻐﺮﻍ ﻭﻣﺎﻛﻮ ﺷﻲ
ﺳﻜﺘﺖ ﻭﻫﻮ ﻫﻢ ﺳﻜﺖ ﺍﻟﻐﺮﻓﻪ ﺿﻠﻤﻪ ﻭﺑﺲ ﺿﻮﻩ ﺧﻔﻴﻒ ﻣﻦ ﺍﻟﺸﺒﺎﻙ ﻳﻌﺒﺮ ﺍﻟﻬﺎ ﻭﺿﻮﻩ ﺍﺣﻤﺮ ﻣﻦ ﺍﻟﻤﺪﻓﺌﻪ ﺍﻟﻜﻬﺮﺑﺎﺋﻴﻪ ﺧﻔﻴﻒ ﻛﻠﺸﺶ ﺑﺎﻭﻋﺖ ﻭﺍﻧﻲ ﻋﻴﻮﻧﻪ ﻣﻠﻴﺎﻧﻪ ﺩﻣﻮﻉ ﻋﻠﻴﻪ ﺍﺗﺠﻴﺖ ﺭﺍﺳﻲ ﻉ ﺍﻟﺘﺎﺝ ﺍﻟﺠﺮﺑﺎﻳﻪ ﻭﻏﻔﻴﺖ
ﻓﺰﻳﺖ ﻉ ﺻﻮﺕ ﺍﻟﺒﺎﺏ ﻳﻨﺪﻙ ﻭﺻﻮﺕ ﻋﻤﺘﻲ ﺗﺤﺠﻲ ﻉ ﻛﻴﻒ ﻳﻤﻪ ﻧﺼﻮﻓﻪ ﻟﺴﻪ ﻧﺎﻳﻤﻪ ﻳﻼ ﻳﺎﻳﻤﻪ ﻭﺭﺍﻧﺎ ﻃﺮﻳﻖ
ﻛﻌﺪﺕ ﺭﺩﺕ ﺍﻛﻮﻡ ﺑﺲ ﺍﻧﺘﺒﻬﺖ ﻧﺼﺮ ﻟﺴﻪ ﻧﺎﻳﻢ ﻉ ﺭﺟﻠﻲ ﻫﻤﺴﺖ ﺍﻱ ﻋﻤﻪ ﻫﺴﻪ ﺑﺲ ﺗﻌﺎﻱ ﺩﺧﻠﻲ ﻟﻴﺶ ﻭﺭﻩ ﺍﻟﺒﺎﺏ
ﻋﺪﻟﺖ ﺭﻭﺣﻲ ﻭﻫﻲ ﻃﺒﺖ ﺍﺑﺘﺴﻤﺖ ﻣﻦ ﺷﺎﻓﺖ ﻧﺼﺮ ﻉ ﺭﺟﻠﻴﻪ ﻧﺎﻳﻢ
- ﺷﻠﻮﻧﻪبيج قصص عراقيه حقيقيه من واقعنا.روعه الطائي
- ﺑﻌﺪﻩ ﺍﻟﻔﺠﺮ ﻛﻌﺪ ﺑﻄﻨﻪ ﺗﻮﺟﻌﻪ ﻭﺭﺍﺩ ﻳﺘﻘﻴﻪ ﻭﻣﻜﺪﺭ ﻧﺎﻡ ﻉ ﺭﺟﻠﻴﻪ ﻭﺍﻟﻨﻮﻣﻪ ﻧﻮﻣﻪ ﺟﻨﺖ ﺍﺣﺠﻲ ﺑﻬﻤﺲ ﻭﻫﻮ ﻧﺎﻳﻢ ﻉ ﺭﺟﻠﻴﻪ ﻭﻋﻤﺘﻲ ﻛﺎﻋﺪﻩ ﻛﺪﺍﻣﻲ
ﺣﺴﻴﺖ ﺑﻲ ﻣﻦ ﺗﺤﺮﻙ ﺭﻓﻊ ﺭﺍﺳﻪ ﺷﺎﻑ ﺍﻣﻪ ﺍﺑﺘﺴﻢ ﻭﺑﺎﺱ ﺍﻳﺪﻫﺎ ﻋﺪﻝ ﻛﻌﺪﺗﻪ ﻭﺑﺎﻭﻋﻠﻲ ﻭﺭﺍﺳﺎ ﺩﻧﻚ ﻣﺜﻞ ﺍﻟﻲ ﺻﺤﻪ
- ﻳﻼ ﻳﻤﻪ ﻛﻮﻣﻮ ﺑﺪﻟﻮ ﻭﺗﻌﺎﻟﻮ ﺗﺮﻳﻜﻮ ﻭﺭﺍﻧﺎ ﻃﺮﻳﻖ ﻫﻢ ﻳﺎﻟﻪ ﻧﻄﻠﻊ
- ﻳﻤﻪ ﺭﻭﺣﻮ ﺑﺲ ﺍﻧﺘﻢ ﺍﺭﻳﺪ ﺍﻧﺎﻡ ﻭﺍﻟﻠﻪ ﺗﻌﺒﺎﻥ ﻣﻴﺖ ﺗﻌﺐ
- ﻳﺎﺍﺍﺍﺍ ﻭﻟﻚ ﻟﻌﺪ ﻫﻲ ﺍﻟﺮﻭﺣﻪ ﺍﻟﻤﻦ ﺍﻻﻣﻲ ﻏﻴﺮ ﺍﻟﻚ ﺩﻛﻮﻡ ﺩﻛﻮﻡ ﻫﺴﻪ ﺍﺻﻴﺮ ﺍﺣﺴﻦ ﺑﺲ ﺗﻄﻠﻊ ﺍﺑﻨﻲ ﻭﺍﻋﺮﻓﻚ ﻳﻼ ﻧﺼﻮﻓﻪ ﻛﻮﻣﻲ ﺣﻈﺮﻱ ﻫﺪﻭﻣﺞ ﺍﻧﺘﻲ ﻭﺭﺟﻠﺞ ﻭﺗﻌﺎﻱ ﺍﺗﺮﻛﻮ
ﻫﺰﻳﺖ ﺭﺍﺳﻲ ﺍﻟﻬﺎ ﺍﻱ ﻭﻃﻠﻌﺖ ﻛﻤﺖ ﻏﺴﻠﺖ ﻭﺟﻬﻬﻲ ﻭﺭﺟﻌﺖ ﺷﻔﺘﻪ ﺑﻌﺪﻩ ﺑﻤﻜﺎﻧﻪ ﺳﺎﻧﺪ ﺭﺍﺳﻪ ﻉ ﺍﻟﺘﺎﺝ ﻣﺎﻝ ﺍﻟﺠﺮﺑﺎﻳﻪ ﻭﻣﻐﻤﺾ ﻋﻴﻮﻧﻪ ﻫﻤﺴﺖ
- ﺷﻠﻮﻥ ﺻﺮﺕ ﺑﻌﺪﻫﻦ ﻳﻮﺟﻌﻨﻚ ﺭﺍﺳﻚ ﻭﺑﻄﻨﻚ
ﻫﺰ ﺭﺍﺳﻪ ﻻ ﻭﻫﻮ ﻣﻐﻤﺾ ﺍﺣﻈﺮ ﻣﻼﺑﺴﻚ ﺟﻨﺖ ﺍﺣﺠﻲ ﻭﺍﻓﺘﺢ ﺑﻠﻜﻨﺘﻮﺭ ﺩﺭﺕ ﻭﺟﻬﻲ ﻟﻜﻴﺘﻪ ﻣﻐﻤﺾ ﺭﺟﻌﻠﺖ ﺳﺌﻠﺘﻪ ﻉ ﺍﻟﻤﻼﺑﺲ ﻓﺘﺢ ﻋﻴﻮﻧﻪ ﻣﻐﻨﺰﺭ ﻭﻛﺎﻝ ﺍﻱ ﻣﻮ ﻛﺘﻠﺞ
ﺳﻜﺘﺖ ﻭﺣﻈﺮﺗﻠﻪ ﻣﻼﭘﺲ ﺑﻨﻄﺮﻭﻥ ﺍﺳﻮﺩ ﻭﻗﻤﻴﺺ ﺯﻳﺘﻮﻧﻲ ﻭﺣﺬﺭﺕ ﻏﺮﺍﺿﻬﻪ ﻛﻠﻬﻦ ﻉ ﺍﻟﻤﻴﺰ
ﻛﺎﻡ ﺑﺪﻝ ﻭﺭﺟﻊ ﺭﻋﺪ ﻉ ﺍﻟﺠﺮﺑﺎﻳﻪ ﻳﻠﺒﺲ ﺟﻮﺍﺭﻳﺒﻪ ﻭﻣﺒﻴﻦ ﻋﻠﻴﻪ ﻛﻮﻩ ﻳﺘﺤﺮﻙ ﺑﺲ ﻣﻴﺤﺠﻲ ﺷﻲ ﻟﺒﺴﺖ ﺛﻮﺏ ﻣﺎﻝ ﺣﻮﺍﻣﻞ ﻃﻮﻳﻞ ﻭﻣﺴﺘﻮﺭ ﻭﻟﻔﻴﺖ ﺣﺠﺎﺑﻲ ﺣﻄﻴﺖ ﻣﻜﻴﺎﺝ ﻃﺒﻴﻌﻲ ﻭﺧﻔﻴﻒ ﻛﻠﺸﺶ
ﻭﻫﻮ ﻳﻠﺒﺲ،ﺑﺴﺎﻋﺘﻬﺎ ﻭﻣﺤﺒﺴﻪ ﺍﺧﺬ ﻣﺤﻔﻈﺘﻪ ﻭﺳﻮﻳﺠﻪ ﻭﺗﻠﻔﻮﻧﻪ ﻭﻃﻠﻊ ﺍﻧﻲ ﻫﻢ ﺍﺧﺬﺕ ﻏﺮﺍﺿﻲ ﻭﻃﻠﻌﺖ ﻭﺍﺑﺎﻭﻉ ﻉ ﻛﻞ ﺭﻛﻦ ﭘﻠﺒﻴﺖ ﺍﺣﺲ ﻫﺬﻩ ﺍﺧﺮ ﻣﺮﻩ ﺍﺷﻮﻓﻪ
ﺍﻭ ﻳﻤﻜﻦ ﺍﺣﺲ ﻫﺎﻱ ﻧﻈﺮﺍﺗﻲ ﺍﻻﺧﻴﺮﻩ ﻭﺍﺭﻳﺪ ﺍﺷﺒﻊ ﺷﻮﻑ ﺑﻲ ﻣﻮ ﻗﻠﻴﻠﻪ ﺍﺑﺪ ﺍﻻﻳﺎﻡ ﺍﻟﻲ ﻋﺸﺘﻬﻦ ﻫﻨﺎﺍ ﻭﺑﻜﻞ ﺭﻛﻦ ﺑﻲ ﺫﻛﺮﻯ ﺍﻟﻲ ﻫﻨﺎ ﺗﻌﺎﺭﻛﺖ ﻭﻳﻪ ﺭﺍﻧﻴﺎ ﻭﻫﻨﺎ ﻋﺮﻓﺖ ﻣﺎﺿﻲ ﻧﺼﺮ ﻭﺳﺒﺐ ﺍﻟﻲ ﻣﺨﻠﻲ ﻫﻴﺞ ﻭﺣﺒﻪ ﺍﻟﺒﺖ ﺧﺎﻟﺘﻪ
ﻭﻫﻨﺎ ﻋﺮﻓﺖ ﺍﻟﺴﺤﺮ ﻭﻫﻨﺎ ﻛﻌﺪﺕ ﻭﺳﻮﻟﻒ ﻭﻳﻪ ﻧﺼﺮ ﻭﻫﻨﺎ ﺻﺎﺭﺕ ﺍﻟﺠﻤﻌﻪ ﻣﺎﻟﺘﻨﺎ ﻛﻠﻬﺎ ﺷﺮﻳﻂ ﻭﻣﺮ ﻛﺪﺍﻣﻲ
ﻛﻌﺪﺕ ﺍﻛﻞ ﻭﺍﻧﻲ ﺍﻟﺪﻣﻌﻪ ﺑﻌﻴﻨﻲ ﺍﻟﺴﻜﻮﺕ ﺟﺎﻥ ﺳﻴﺪ ﺍﻟﻤﻮﻗﻒ ﻭﻻ ﻭﺍﺣﺪ ﻣﻨﺎ ﺣﺠﻪ ﻻ ﺍﻧﻲ ﻻ ﻧﺼﺮ ﻻ ﻋﻤﺘﻲ ﻭﻻ ﺣﺘﻰ ﻣﺜﻨﻰ ﺍﻟﻲ ﻳﺨﻠﺼﻬﺎ ﻛﻠﻬﺎ ﺳﻮﺍﻟﻒ ﺍﻟﻴﻮﻡ ﺳﺎﻛﺖ
ﻧﻀﻔﻨﺎ ﺍﻟﻤﻄﺒﺦ ﻭﻃﻠﻌﻨﺎ ﻣﺜﻨﻰ ﻳﺴﻮﻕ ﻭﻧﺼﺮ ﺑﺼﻔﻪ ﻭﺍﻧﻲ ﻭﻋﻤﺘﻲ ﻭﺭﻩ ﻛﻌﻌﺪﻧﺎ ﺻﺮﺕ ﻭﺭﻩ ﻧﺼﺮ ﻓﻴﺖ
ﻣﺸﻴﻨﺎ ﻭﺍﻧﻲ ﺍﺑﺎﻭﻉ ﻉ ﺍﻟﺴﻴﺎﺭﺍﺕ ﻭﺍﻟﻨﺎﺱ ﺍﻟﺴﺎﻋﻪ ﺟﺎﻧﺖ ﺗﻘﺮﻳﺐ ﺍﻝ 9 ﺍﻟﺼﺒﺢ ﻭﺍﻟﻜﻞ ﻃﺎﻟﻊ ﻟﺪﻭﺍﻣﻪ ﻟﻮ ﺍﻟﺸﻐﻠﻪ ﻟﻮ ﺍﻟﻤﺪﺭﺳﺘﻪ ﻟﻜﻞ ﻭﺍﺣﺪ ﻣﻦ ﻫﺬﻭﻝ ﻋﺪﻩ ﺣﺰﻥ ﺑﺪﺍﺧﻠﻪ ﻭﺍﻟﻢ
ﺣﻤﺪﺕ ﺭﺑﻲ ﻭﺷﻜﺮﺗﻪ ﻉ ﻣﻞ ﺷﻲ ﻣﺎﺭﻳﺪ ﺍﻓﻜﺮ ﺑﺎﺷﻴﺎﺀ ﻭﻳﻤﻜﻦ ﺗﻌﺘﺒﺮ ﻛﻔﺮ ﺑﺮﺏ ﺍﻟﻌﺎﻟﻤﻴﻦ ﺍﻟﻄﺮﻳﻖ ﻛﻠﻪ ﻣﺜﻨﻰ ﻳﺸﺎﻗﻰ ﻭﻳﺴﻮﻟﻒ ﻭﻳﻀﺤﻚ ﻭﺍﺣﻨﻪ ﺳﺎﻛﺘﻴﻦ ﻣﺮﺕ ﺳﺎﻋﻪ ﺗﻘﺮﻳﺒﺎ ﻭﻗﺮﺑﻨﺎ ﻧﻮﺻﻞ
ﺣﺠﺖ ﻋﻤﺘﻲ ﻭﻫﻲ ﺗﺒﺎﻭﻉ ﺍﻟﻤﺜﻨﻰ
- ﺍﻱ ﻭﻟﻚ ﺷﻮﻛﺖ ﺗﺮﺟﻊ ﻣﺮﺗﻚ ﺍﻧﺖ ﻣﻮ ﻭﺍﻟﻠﻪ ﻛﻠﺒﻲ ﻓﺤﻂ ﻉ ﺍﻟﺒﻨﻴﺎﺕ ﺍﺷﺘﺎﻗﻴﺘﻠﻬﻦ
- ﻳﻤﻤﻤﺔﺓ ﺻﺪﻙ ﺗﺤﺠﻴﻦ ﻛﻢ ﻣﺮﻩ ﻛﺘﻠﺞ ﺳﺪﻱ ﺍﻟﺴﺎﻟﻔﻪ ﻭﺭﺍﻧﻴﺎ ﻣﺎﺭﻳﺪ ﺍﺳﻤﻊ ﻃﺎﺭﻳﻬﺎ ﻛﺪﺍﻣﻲ ﺗﺮﺩﻳﻦ ﺍﺣﻔﺎﺫ ﺗﺪﻟﻠﻴﻦ ﻫﺴﻪ ﻧﺼﻮﻓﻪ ﺍﺟﻴﺒﻠﺞ ﺍﻟﻐﺎﻟﻲ ﺷﺴﻮﻱ ﺑﻠﻜﺨﻪ ﺑﻨﺎﺗﻲ ﻫﻬﻬﻬﻬﻬﻪ
- ﻟﻚ ﺍﻧﺠﺐ ﻫﺬﻧﻲ ﺍﻟﺮﻭﺡ ﻭﺍﻟﺮﻳﻪ ﻣﺎﻟﺘﻲ ﺩﻟﻠﺘﻬﻦ ﻣﺜﻞ ﻣﺎ ﺩﻟﻠﺘﻜﻢ ﺍﻧﻲ ﺭﺑﻴﺘﻬﻦ ﻭﺍﻟﻠﻪ ﻭﺍﺣﻴﻦ ﺑﻨﺎﺗﻲ ﻣﻮ ﺑﻨﺎﺗﻚ ﺑﺲ ﻧﺮﺟﻊ ﻣﻦ ﻛﺮﺑﻼﺀ ﺍﺗﺮﻭﺡ ﺍﺟﻴﺒﻬﺎ
- ﺍﻫﻮﻭﻭﻭﻭﻭﻭ ﻳﻤﻤﻤﻪ ﻟﻴﺶ ﺍﺗﺨﻠﻴﻨﻲ ﺍﺣﺠﻲ ﺣﺠﺎﻳﻪ ﻫﺴﻪ ﻭﺑﻌﺪﻳﻦ ﺍﺗﻮﺭﻁ ﻻﻥ ﺣﺠﻴﺘﻬﺎ ﺳﻜﺘﻲ ﺭﺣﻤﻪ ﺍﻻﺑﻮﻱ ﺳﻜﺘﻲ
- ﺳﻜﺘﺖ ﺳﻜﺘﺘﺖ
ﺍﻟﻜﻞ ﺳﻜﺖ ﻭﺷﻐﻞ ﺍﻟﺮﺍﺩﻳﻮ ﻣﺜﻨﻰ ﻭﻻ ﻛﺎﻧﻤﺎ ﻫﺴﻪ ﺟﺎﻥ ﻳﺘﻌﺎﺭﻙ ﻭﻣﺠﺎﺩﻝ ﻭﺷﻐﻞ ﺍﻏﺎﻧﻲ ﻭﺻﺎﺭ ﻳﺴﻤﻊ ﺍﻋﺮﻑ ﺑﻲ ﻳﺤﺐ ﺭﺍﻧﻴﺎ ﺑﺲ ﻣﺒﻴﻦ ﺍﻛﻮ ﺷﻲ ﺟﺒﻴﺮ ﺑﻴﻨﻬﻢ ﻟﻬﺬﺍ ﻓﻀﻞ ﻛﺮﺍﻣﺘﻪ ﻉ ﺣﺒﻪ
ﻭﺻﻠﻨﺎ ﺍﻟﻜﺮﺑﻼﺀ ﻭﻃﻠﻌﻨﺎ ﺭﺍﺳﺎ ﺍﻧﺰﻭﺭ ﺻﻔﻮ ﺍﻟﺴﻴﺎﺭﻩ ﺑﻜﺮﺍﺝ ﻗﺮﻳﺐ ﻣﻦ ﺍﻻﻣﺎﻡ ﻭﻧﺰﻟﻨﺎ ﻧﻤﺸﻲ
ﻋﺒﺮﻧﺎ ﺍﻟﺸﺎﺭﻉ ﺟﺎﻧﻦ ﺷﺎﺭﻋﻴﻦ ﻋﺎﻡ ﻭﺟﺴﺮ ﺩﺧﻠﻨﺎ ﺑﺸﺎﺭﻉ ﻃﻮﻳﻞ ﻭﻛﻤﻨﺎ ﻧﻤﺸﻲ ﻭﺍﻧﻲ ﺍﺑﺎﻭﻉ ﻉ ﺍﻟﻨﺎﺱ ﻭﻉ ﺍﻟﻤﺤﻼﺕ ﻟﺤﺪ ﻣﺎ ﺷﻔﺖ ﺍﻟﻘﺒﻪ
ﻣﻦ ﺷﻔﺘﻬﺎ ﺣﺴﻴﺖ ﺭﻭﺣﻲ ﻃﻠﻌﺖ ﻣﻦ ﻣﻜﺎﻧﻬﺎ ﺍﻭﻓﻴﺸﺸﺸﺶ ﺷﻜﺪ ﻣﻨﻈﺮﻫﺎ ﺣﻠﻮﻭ ﺩﺧﻠﻨﺎ ﻭﺍﻧﻲ ﺣﺎﻳﺮﻩ ﻭﻳﻦ ﺍﻭﺩﻱ ﻫﺬﺍ ﺍﻟﺴﺤﺮ ﺍﻟﻤﻠﻌﻮﻥ ﺍﻟﻲ ﺟﺒﺘﻪ ﻭﻳﺎﻱ
ﻳﺎﺭﺑﻲ ﺩﺧﻴﻠﻚ ﻭﻳﻦ ﺍﺭﻭﺡ ﺑﺎﻭﻋﺖ ﺍﻛﻮ ﻣﺜﻞ ﺍﻟﻤﺴﺠﺪ ﻣﺎﻋﺮﻑ ﺷﻨﻮ ﺩﺍﻳﺒﻨﻮﻥ ﺑﻲ ﻭﺍﻟﻄﺎﺑﻮﻙ ﻭﺍﻻﻧﻘﺎﺽ ﺗﺎﺭﺳﻪ ﺍﻟﺸﺎﺭﻉ ﺑﺎﻭﻋﺖ ﻉ ﻋﻤﺘﻲ ﻭﻛﺘﻠﻬﺎ ﻟﺤﻈﻪ ﻋﻤﻪ ﺑﺲ ﺧﻞ ﺍﺳﻮﻱ ﺣﺬﺍﺋﻲ ﻫﺰﺕ ﺭﺍﺳﻬﺎ ﻭﻛﺎﻟﺖ ﻛﻌﺪﻱ ﻉ ﻛﻴﻔﺞ ﺧﻞ ﺍﻛﻞ ﻟﻠﻮﻟﺪ ﻭﺍﺟﻴﺞ ﺭﺍﺣﺖ ﺗﻠﺤﻚ ﺍﻟﻮﻟﺪ ﺣﺘﻪ ﺗﻮﻛﻔﻬﻢ ﻻﻥ ﻋﺒﺎﻟﻚ
ﺷﺎﺩﻳﻦ ﻣﺤﺮﻙ ﻣﻮ ﺭﺟﻠﻴﻦ ﻛﻞ ﺧﻄﻮﻩ ﻳﺨﻄﻮﻫﺎ ﺷﻜﺒﺮ ﺍﻟﻮﺣﺪﻩ ﺗﻌﺎﺩﻝ 6 ﺧﻄﻮﺍﺕ ﺍﺧﻄﻴﻬﺎ ﺍﻧﻲ ﻭﻳﺠﻮﺯ ﺍﻛﺜﺮ ﻫﻬﻬﻬﻪ
ﻛﻌﺪﺕ ﺑﺼﻒ ﺍﻻﻧﻘﺎﺽ ﻭﺍﻧﻲ ﺍﺩﻳﻪ ﺗﺮﺟﻒ ﻭﻛﻞ ﺟﺴﻤﻲ ﻳﺮﺟﻒ ﻭﺟﻬﻬﻲ ﺍﺣﺴﻪ ﺻﻮﻓﺮ ﻭﻛﺎﻡ ﻳﻨﻄﻲ ﺍﻟﻮﺍﻡ ﻣﺪﻳﺖ ﺍﻳﺪﻱ ﻣﻦ ﺟﻮﺍ ﺍﻟﻌﺒﺎﻳﻪ ﻭﺷﻤﺮﺕ ﺍﻟﻌﻼﻛﻪ ﺍﻟﺴﻮﺩﺍ ﺍﻟﻲ ﺑﻴﻬﺎ ﺧﺮﺑﺖ ﻛﻞ ﺣﻴﺎﺗﻲ ﺟﻮﻩ ﺍﻻﻧﻘﺎﺽ ﻭﻛﻤﺖ ﺍﺟﺖ ﻋﻤﺘﻲ ﻋﻠﻴﻪ
- ﻫﺎ ﺳﻮﻳﺘﻴﻬﺎ
- ﺍﻱ ﻋﻤﻪ ﻣﺸﻴﻨﺎ ﻭﺍﻧﻲ ﺧﺎﻳﻔﻪ ﺩﺧﻠﻨﺎ ﺍﻻﻣﺎﻡ ﺍﻟﻌﺒﺎﺱ ﺳﻼﻡ ﺍﻟﻠﻪ ﻋﻠﻴﻪ ﺍﻭﻝ ﺷﻲ ﻭﻛﻠﻤﻦ ﺭﺍﺡ ﺑﺠﻬﻪ ﺍﻧﻲ ﻭﻋﻤﺘﻲ ﺳﻮﻩ ﻭﻧﺼﺮ ﻭﻣﺜﻨﻰ ﺳﻮﻩ
ﺩﺧﻠﺖ ﻭﺍﻧﻲ ﺍﺩﻣﻮﻋﻲ ﻧﺰﻟﺖ ﺑﺪﻭﻥ ﻣﺎﺍﺍ ﺍﺳﻤﺢ ﺍﻟﻬﺎ ﺣﺘﻪ ﻋﻔﺖ ﻋﻤﺘﻲ ﻭﻛﺘﻠﻬﺎ ﻧﻠﺘﻘﻲ،ﺑﺮﻩ ﻣﺎﻗﺒﻠﺖ ﻛﺎﻟﺖ ﺍﻧﺘﻲ ﺣﺎﻣﻞ ﻣﺎﻋﻮﻓﺞ ﺑﻬﺎﻱ ﺍﻟﻬﻮﺳﻪ
ﺣﺎﻭﻟﺖ ﻭﻳﺎﻫﺎ ﻻ ﺗﺨﺎﻓﻴﻦ ﻋﻤﻪ ﻣﺎﺑﻴﻪ ﺷﻲ ﻭﺍﻟﻠﻪ ﻫﺴﻪ ﺍﺧﻠﻲ ﻭﺣﺪﻩ ﻣﻦ ﻫﺬﻧﻲ ﺍﻟﻲ ﻳﺸﺘﻐﻞ ﺍﺯﻭﺭﻧﻲ ﻭﺍﺫﺍ ﻣﻜﺪﺭﺕ ﺍﻃﻠﻊ
ﺻﺪﻙ ﻣﻦ ﺳﻤﻌﺖ ﻫﻴﺞ ﻋﻤﺘﻲ ﻋﺎﻓﺘﻨﻲ ﻭﻃﺒﺖ ﺑﻨﺺ ﺍﻟﻨﺴﻮﺍﻥ ﻭﺍﻧﻲ ﻭﻛﻔﺖ ﻛﺪﺍﻡ ﺍﻟﺸﺒﺎﻙ ﺍﺩﻣﻮﻋﻲ ﺗﻨﺰﻝ
ﺍﺭﻳﺪ ﻧﺼﺮ ﻣﻨﻚ ﻳﺎﺑﻮ ﻓﺎﺿﻞ ﺍﻋﺮﻓﻚ ﻛﺮﻳﻢ ﻭﻣﺎﺗﺮﺩ ﺍﺣﺪ ﺍﻋﺮﻓﻚ ﺷﻜﺪ ﻛﺮﻳﻤﻤﻢ ﻭﻣﺎﺗﺮﺩ ﺍﻻﻳﺪ ﺍﻟﻲ ﺗﻨﻤﺪ ﺍﻟﻚ ﻭﺍﻧﻲ ﺟﺎﺑﻪ ﻫﺴﻪ ﻭﺍﻟﺤﻔﻨﻚ ﺑﺴﺘﺮ ﺯﻳﻨﺐ ﻻ ﺗﺮﺩﻧﻲ ﻓﺎﺭﻏﻪ ﻳﺎﺑﻮﻓﺎﺿﻞ
ﺩﺯﻭﻧﻲ ﺍﻟﻚ ﻭﺍﺟﻴﺘﻚ ﻭﻛﻠﻲ ﺍﻣﻞ ﺑﻴﻚ ﺍﺭﻳﺪ ﻧﺼﺮ ﻣﻨﻚ ﺍﺭﻳﺪﻙ ﺗﺮﺟﻌﻪ ﻣﺜﻞ ﻣﺎﺟﺎﻥ ﻭﺍﺣﺴﻦ ﺍﺭﻳﺪ ﺗﺨﻠﺼﻪ ﻣﻦ ﻫﺬﺍ ﺍﻟﺴﺤﺮ ﻫﺬﺍ ﺍﻟﺴﻢ ﺍﻟﻲ ﺧﺮﺏ ﺣﻴﺎﺗﻲ ﺣﺠﻴﺖ ﻛﻠﺸﻲ ﺑﺪﺍﺧﻠﻲ ﻭﺍﻧﻲ ﺍﺷﻬﻚ ﻣﻦ ﺍﻟﺒﺠﻲ ﻟﺤﺪ ﻣﺎﺭﺗﺎﺣﻴﺖ
ﺣﺎﻭﻟﺖ ﺍﻃﺐ ﺍﺯﻭﺭ ﻭﺍﻛﺶ ﺍﻟﺸﺒﺎﻙ ﺑﺲ ﻣﻜﺪﺭﺕ ﻭﺧﻔﺖ ﻻ ﺗﺠﻴﻨﻲ ﺩﻓﺮﻩ ﻃﻠﻌﺖ ﻭﺍﻧﻲ ﺍﺛﺮ ﺍﻟﺪﻣﻮﻉ ﻣﺒﻴﻨﻪ ﻉ ﺷﻜﻠﻲ
ﻃﻠﻌﺖ ﺍﺑﺎﻭﻉ ﺍﺩﻭﺭ ﻋﻠﻴﻬﻢ ﻣﺎﻛﻮ ﻭﻻ ﺍﺣﺪ ﻣﻨﻬﻢ ﻭﻳﻦ ﺭﺍﺣﻮ ﻫﺬﻭﻟﻲ
ﻻ ﻋﻤﺘﻲ ﻭﻻ ﻭﺍﺣﺪ ﻣﻦ ﺍﻟﻮﻟﺪ ﻟﻤﺤﺖ ﻧﺼﺮ ﻭﺍﻛﻒ ﻳﻢ ﺣﺎﻭﻳﺔ ﺍﻟﺰﺑﻞ ﻣﻄﻴﻨﻲ ﺿﻬﺮﻩ ﺍﻋﺮﻓﻪ ﻫﺬﺍ ﻧﺼﺮ ﺭﺣﺖ ﻋﻠﻴﻪ ﺍﺭﻛﺾ ﺟﺎﻥ ﻛﺎﻣﺶ ﺑﻄﻨﻪ ﻭﻇﻮﻣﺔﻥ ﻣﻦ ﻋﺪﻫﺎ
ﻭﻳﺬﺏ ﻣﻦ ﺭﺍﺳﻪ ﻭﻳﺘﻘﻴﻪ ﺑﺲ ﻣﻮ ﻫﺬﺍ ﺍﻟﺼﺪﻣﻨﻲ ﺻﺪﻣﻨﻲ ﺍﻟﺸﻲ ﺍﻟﻲ ﺷﻔﺘﻪ ﺍﻟﺘﻘﻴﻲ ﻣﺎﻟﺘﻪ ﻋﺒﺎﺭﻩ ﻋﻦ ﺷﻲ ﺍﺳﻮﺩﺩﺩ ﻭﻣﺎﻋﺮﻑ ﺷﻨﻮﻭﻭ ﻣﻨﻈﺮﻫﻦ ﻳﺨﻮﻭﻭﻭﻑ ﺑﺸﻜﻞ ﻣﻮ ﻃﺒﻴﻌﻴﻴﻲ
ﻭﻣﻘﺮﻑ ﺣﻴﻴﻴﻞ ﺻﺮﺕ ﺍﺿﺮﺏ ﻉ ﺿﻬﺮﻩ ﻭﻫﻮ ﻣﺴﺘﻤﺮ ﺟﺮﻳﺖ ﻭﺧﻠﻴﺘﻪ ﺑﻠﻔﻲ ﺑﺴﺪ ﺍﻟﻜﺸﻮﺍﻧﻴﺎﺕ ﻭﺧﺎﻑ ﺍﺣﺪ ﻳﺸﻮﻓﻪ ﻭﺍﻧﻔﻀﺢ ﺑﻴﻦ ﺍﻟﻨﺎﺱ ﺍﻟﺨﻮﻑ ﺍﻟﻲ ﺣﺴﻴﺘﻪ ﺑﻬﺬﺍ ﺍﻟﻮﻛﺖ ﻣﻮ ﻃﺒﻴﻌﻴﻲ ﺍﺑﺪ
ﺑﺠﻴﺖ ﻟﺤﺪ ﻣﺎ ﻛﻠﺖ ﺑﺴﺲ ﻭﺍﻧﻲ ﻭﺍﻛﻔﻪ ﻓﻮﻙ ﺭﺍﺳﻪ ﻭﻫﻮ ﻣﺴﺘﻤﺮ ﻳﺘﻘﻴﻪ ﻭﺍﻧﻲ ﺍﺯﻳﺪ ﺑﻠﺒﺠﻲ ﺍﻟﻨﺎﺱ ﺗﺮﻭﺡ ﻭﺗﺠﻲ ﺗﺒﺎﻭﻋﻠﻨﺎ ﺍﺧﺮ ﺷﻲ ﺗﻘﺮﺏ ﺭﺟﺎﻝ ﺟﺒﻴﺮ ﻋﻤﺮﻩ ﻳﻄﻠﻊ ﻧﻬﺎﻳﺔ ﺍﻻﺭﺑﻌﻴﻦ
- ﺑﻨﻴﺘﻲ ﻣﺤﺘﺎﺟﻪ ﺷﻲ ﺗﺮﺩﻳﻦ ﺷﻲ
ﺑﺎﻭﻋﺖ ﻉ ﻧﺼﺮ ﻭﺭﺟﻌﺖ ﺑﺎﻭﻋﺖ ﻉ ﺍﻟﻘﺒﻪ ﺩﺧﻴﻠﻚ ﻳﺎﺑﻮ ﻓﺎﺿﻞ ﺩﺧﻴﻠﻚ ﺳﺎﻋﺪﻧﻲ
ﻫﻤﺴﺖ ﻭﺍﻧﻲ ﻭﺍﺑﺠﻲ ﻋﻤﻮ ﻣﻲ ﻓﺪﻭﻩ ﻣﻲ
- ﻫﺴﻪ ﺍﺟﻴﺒﻠﺞ ﺑﻨﻴﺘﻲ ﻛﻮﻟﻲ ﻳﺎﻟﻠﻪ ﻭﻉ ﻛﻴﻔﺞ ﺭﺟﻠﺞ ﻫﻮ
- ﻫﺰﻳﺖ ﺭﺍﺳﻲ ﺍﻱ ﻭﻫﻮ ﻳﺒﺠﻲ ﺭﺍﺡ ﺟﺎﺏ ﺑﻄﻠﻴﻦ ﻣﻲ ﻭﺍﺟﻪ ﺍﻟﺠﻬﻪ ﺍﻟﻲ ﺩﺧﻠﻨﺎ ﺑﻴﻬﺎ ﺍﺍﻟﻰ ﺍﻻﻣﺎﻡ ﺟﺎﻧﺖ ﻣﻦ ﺟﻬﺔ ﺍﻟﺴﻮﻙ ﻣﻮ ﻣﻦ ﺑﻴﻦ ﺍﻟﺤﺮﻣﻴﻦ ﻻﻥ ﺟﺎﻥ ﺍﻗﺮﺏ ﺍﻟﻨﺎ ﻫﺬﺍ ﺍﻟﺒﺎﺏ
ﻣﻦ ﺷﻔﺖ ﻧﺼﺮ ﻭﻛﻒ ﻭﻣﺒﻴﻦ ﺭﻭﺣﻪ ﻃﻠﻌﺖ ﻭﻫﻮ ﻳﺴﺘﻔﺮﻍ ﺟﺮﻳﺘﻪ ﻛﻌﺪﺗﻪ ﻭﺍﺧﺬﺕ ﺍﻟﺒﻄﻠﻴﻦ ﻣﺎﻝ ﺍﻟﻤﻲ ﻭﻏﺴﻠﺘﻠﻪ ﻭﺟﻬﻪ ﻭﻣﺴﺤﺘﻪ ﺍﻟﻪ ﻭﺭﻛﺒﺘﻪ ﻭﺭﺍﺳﻪ ﻭﻓﺘﺤﺖ ﺍﻟﺜﺎﻧﻲ ﺍﻃﻴﺘﻬﻴﺎ
ﺟﺎﻥ ﺣﺎﻁ ﺍﺩﻳﻪ ﻉ ﻋﻴﻮﻧﻪ ﻭﺣﺎﻧﻲ ﺿﻬﺮﻩ ﻭﻣﺒﻴﻦ ﻋﻠﻴﻪ ﻛﻞ ﻗﻮﺗﻪ ﺭﺍﺣﺖ ﺳﻮﺩﻩ ﻋﻠﻴﻪ ﺑﻴﻪ ﻭﻻ ﺑﻴﻚ ﺍﺧﺬ ﺍﻟﺒﻄﻞ ﻣﻨﻲ ﻭﺷﺮﺑﻪ ﻛﻠﻪ ﻓﺪ ﺷﺮﺑﻪ ﻭﺣﺪﻩ
ﻭﺭﺟﻊ ﻏﺴﻞ ﻭﺟﻬﻪ ﺑﻠﻲ ﺑﻘﻪ ﻣﻦ ﻋﺪﻩ ﺷﻮﻱ
ﻭﺷﻤﺮ ﺍﻟﺒﻄﻞ ﻭﺷﺎﻝ ﺭﺍﺳﻪ ﻭﺭﺟﻊ ﻧﺰﻟﻪ ﻋﺎﺻﺮ ﻋﻴﺮﻧﻪ ﺣﻴﻞ ﻭﻛﺎﻧﻤﺎ ﺩﺍﻳﺤﺎﻭﻝ ﻳﺬﻛﺮ ﺷﻲ ﺍﻭ ﻳﺤﺲ ﻉ ﺭﻭﺣﻪ ﻫﻤﺴﺖ ﻧﺼﺮ ﻭﻳﺎﻱ ﺍﻧﺖ
ﺑﺎﻭﻋﻠﻲ ﻭﻧﻈﺮﺍﺗﻪ ﻏﺮﻳﺒﻪ ﻣﺎﻋﺮﻑ ﺷﻦ ﺑﻴﻬﻦ ﺑﺲ ﺑﻴﻬﻦ ﻫﻮﺍﻱ ﺣﺠﻲ ﻭﻛﻼﻡ ﻫﻤﺲ ﻭﻫﻮ ﻳﺒﺎﻭﻋﻠﻲ
- ﺍﻧﺘﻲ
ﺳﻜﺖ ﻭﻋﺼﺮ ﺭﺍﺳﻪ ﻭﻳﻔﺘﺢ ﺑﻌﻴﻮﻧﻪ ﻭﻳﺴﺪﻫﻦ ﻭﺑﺎﻭﻋﻠﻲ ﺷﺼﺎﺭ ﻟﻴﺶ ﻫﻴﺞ ﺣﺎﻟﺘﻲ
ﻣﺎﻋﺮﻓﺖ ﺷﺠﺎﻭﺑﻪ ﺑﺲ ﻛﺘﻠﻪ ﻣﺎﻋﺮﻑ ﺍﻧﺖ ﺻﺎﻟﻚ ﻓﺘﺮﺍ ﺗﺸﻜﻲ ﻣﻦ ﺑﻄﻨﻚ ﻭﺭﺍﺳﻚ ﻭﻫﺴﻪ ﺍﺗﻘﻴﺖ ﻳﻤﻜﻦ ﺗﺴﻤﻢ ﺍﻭ ﺷﻲ ﺑﺎﻭﻋﻠﻲ ﺭﺍﻓﻊ ﺭﺍﺳﻪ ﻭﻛﺎﻝ ﺗﺴﻤﻢ ﻭﻫﺰ ﺭﺍﺳﻪ ﻣﺜﻞ ﺍﻟﻲ ﺷﺎﻙ
ﻣﺎﻋﺮﻑ ﺍﺫﺍ ﻫﺬﺍ ﻧﺼﺮ ﻧﺼﺮ ﻟﻮ ﻧﺼﺮ ﺍﻟﻲ ﻣﺤﺎﻭﻃﻪ ﺍﻟﺴﺤﺮ ﻭﻛﻒ ﻭﺷﻔﺖ ﻛﻤﺶ ﺑﻌﺎﻣﻮﺩ ﺭﻛﻀﺖ ﺳﻨﺪﺗﻪ ﺑﺎﻭﻋﻠﻲ ﺑﺨﺰﺭﻩ ﻣﺘﺖ ﻣﻦ ﺷﻔﺘﻬﺎ ﺑﺲ ﺭﺍﺳﺎ ﺩﻧﻜﺖ
ﻛﻤﺸﺖ ﺍﻳﺪﻩ ﻭﺍﺧﺬﺗﻪ ﻟﻠﻴﻢ ﺍﻟﺒﺎﺏ ﺍﻟﻤﻜﺎﻥ ﺍﻟﻲ ﻣﺘﻔﻘﻴﻦ ﻧﻠﺘﻘﻲ ﺑﻲ ﺷﻔﺖ ﻋﻤﺘﻲ ﺍﺗﺤﻮﺱ ﻭﺗﻔﺘﺮ ﻣﻦ ﺷﺎﻓﺘﻨﺎ ﺍﺟﺖ ﻋﻠﻴﻨﺎ ﺑﺴﺮﻋﻪ
- ﻭﻳﻦ ﺟﻨﺘﻮ ﺑﺎﻟﻲ ﻛﻠﻪ ﻳﻤﻜﻢ ﺭﺍﺣﺖ ﺭﻭﺣﻲ ﻭﺍﻟﻠﻪ ﻋﺒﺎﻟﻲ ﻫﺎﻱ ﺿﺎﻋﺖ ﻟﻮ ﺳﺤﻜﻨﻬﺎ ﺍﻟﻨﺴﻮﺍﻥ ﻭﺷﻮﺷﺼﺎﺭ ﺑﻴﻬﺎﺍﺍﺍ ﻛﻠﺒﻲ ﻭﻛﻒ
ﺣﻀﻨﺘﻬﺎ ﻭﺍﻧﻲ ﺍﻫﺪﻳﻬﺎ ﻣﺎﻛﻮ ﺷﻲ ﻋﻤﻪ ﺷﺒﻴﺞ ﻣﺎﺑﻴﻪ ﺷﻲ ﺑﺲ ﻃﻠﻌﺖ ﻭﻟﻜﻴﺖ ﻧﺼﺮ ﺑﻌﺪﻧﻲ ﻣﻤﻜﻤﻠﻪ ﻛﻼﻣﻲ ﺧﺰﺭﻧﻲ ﻭﻫﺰ ﺭﺍﺳﻪ ﻻ ﻋﺮﻓﺘﻪ ﻣﻴﺮﻳﺪ ﻳﺠﺤﺠﻲ ﺷﻲ ﻭﻛﺎﻝ
- ﻣﺎﻛﻮ ﺷﻲ ﻳﻤﻪ ﻃﻠﻌﺖ ﺍﺷﺘﺮﻱ ﺑﻄﻞ ﻣﻲ ﻭﻫﺎﻱ ﺟﻠﺒﺖ ﺍﻟﻪ ﺗﺠﻲ ﻭﻳﺎﻱ
ﺍﺑﺘﺴﻤﺖ ﻋﻤﺘﻲ ﻭﻛﺎﻟﺖ ﺍﻟﺤﻤﺪﺍﻟﻠﻪ ﻳﻼ ﻟﻌﺪ ﺩﺧﻞ ﻧﺮﻭﺡ ﺍﻧﺰﻭﺭ ﺍﻻﻣﺎﻡ ﺍﻟﺤﺴﻴﻦ ﻭﻧﻄﻠﻊ ﻧﺘﻐﺪﺍ ﻃﻠﻌﻨﺎ ﺷﻔﻨﺎ ﻣﺜﻨﻲ ﻳﻨﺘﻈﺮﻧﺎ ﺑﺠﻬﻪ ﺍﻟﺜﺎﻧﻲ
ﻭﻫﻢ ﻧﻔﺲ ﺍﻟﺸﻲ ﺍﺗﻔﺮﻗﻨﺎ ﻭﻃﺒﻴﺖ ﺍﻧﻲ ﻭﻋﻤﺘﻲ ﺑﺲ ﻫﻠﻤﺮﻩ ﻛﺪﺭﺕ ﺍﺯﻭﺭ ﻭﺍﻛﻤﺶ ﺍﻟﺸﺒﺎﻙ ﺧﺎﻳﻔﻪ ﺑﺲ ﺍﺣﺲ ﺑﺮﺍﺣﻪ ﻣﻮ ﻃﺒﻴﻌﻴﻪ ﻣﻦ ﻓﺮﻏﺖ ﻛﻞ ﻫﻤﻲ ﻳﻤﻬﻢ ﺑﺠﻴﺖ ﻭﺣﺠﻴﺖ ﺍﻟﻲ ﺑﺪﺍﺧﻠﻲ ﻭﻃﻠﻌﺖ ﺍﻧﻲ ﻭﻋﻤﺘﻲ
ﺷﻔﺖ ﻧﺼﺮ ﻭﺍﻛﻒ ﻭﻫﻢ ﻳﻌﺼﺮ ﺑﻌﻴﻮﻧﻪ ﻋﺒﺎﻟﻚ ﺟﺎﻥ ﻧﺎﻳﻢ ﻭﻫﺴﺘﻮﻩ ﻛﻌﺪ ﻣﻦ ﺍﻟﻨﻮﻡ ﺷﻜﻠﻪ ﻣﺎ ﺗﺮﺍﺣﻴﺘﻠﻪ ﺑﺲ ﻃﻤﻨﻲ ﻛﻼﻡ ﻛﻮﺛﺮ ﻣﻦ ﻛﺎﻟﺖ ﺍﺫﺍ ﻳﺘﻘﻴﺊ ﻣﻌﻨﺎ ﺧﻠﺺ ﻣﻦ ﺍﻟﺴﺤﺮ
ﻃﻠﻌﻨﺎ ﻣﻦ ﻭﻣﺸﻴﻨﺎ ﺑﺴﻮﻙ ﺟﻨﺖ ﺍﻣﺸﻲ ﻭﺍﺑﺎﻭﻋﻠﻪ ﻳﻤﺸﻲ ﻛﺪﺍﻣﻨﺎ ﻭﻣﺜﻨﻰ ﻛﻠﺴﺎﻉ ﻳﻀﺤﻚ ﻋﻠﻴﻪ ﻉ ﺷﻲ ﻭﻛﻔﺖ ﻋﻤﺘﻲ ﺍﺷﺘﺮﺕ ﻣﻼﺑﺲ ﺍﻻﺑﻦ ﺑﺘﻬﺎ ﻻﻥ ﺭﺍﺡ ﻳﺠﻦ ﻣﻦ ﺍﺟﻴﺐ ﻭﻫﻲ ﺩﺍﺋﻤﺎ ﺗﺸﺘﺮﻳﻠﻬﻢ
ﺑﻘﻴﺖ ﻭﺍﻛﻒ ﻭﺣﺴﻴﺖ ﺍﺣﺪ ﻭﺭﺍﻱ ﺩﺭﺕ ﻭﺟﻬﻲ ﻟﻜﻴﺘﻪ ﻫﻮ ﺑﺎﻭﻋﻠﻲ ﺑﻌﻴﻮﻧﻪ ﺣﺠﻲ ﻣﺎﻋﺮﻓﺘﻪ ﺑﺲ ﺟﺎﻥ ﻫﺎﺩﺉ ﺑﺲ ﻣﺒﻴﻦ ﺍﻟﺘﻌﺐ ﻉ ﻣﻼﻣﺤﻪ ﻫﻤﺲ
- ﺍﻱ ﺷﻲ ﺗﺮﺩﻱ ﺍﺷﺘﺮﻱ ﻻ ﺍﺿﻠﻴﻦ ﺳﺎﻛﺘﻪ ﺣﺠﺎﻫﺎ ﻭﻣﺸﻪ ﻉ ﺍﺑﻮ ﺍﻟﻜﺮﺯﺍﺕ ﺍﻟﻲ ﻛﺪﺍﻣﻨﺎ ﺍﺷﺘﺮﺍ ﻛﺮﺯﺍﺕ ﻭﺣﻠﻮﻳﺎﺕ ﻭﺍﺷﻴﺎﺀ ﻫﻮﺍﻱ ﻣﻨﺒﻬﺖ ﻋﻠﻴﻬﻦ ﺷﻨﻮ ﻣﺜﻨﻰ ﺟﺎﻥ ﻳﻜﻠﺐ ﺑﻠﻤﺤﺎﺑﺲ ﺍﻟﺮﺟﺎﻟﻴﻪ
ﺍﺧﺮ ﺷﻲ ﺍﺟﻪ ﺳﺌﻠﻨﻴﺎﻧﺼﺎﻑ ﻫﺬﺍ ﺍﻟﺸﺎﻝ ﺣﻠﻮ
ﺑﺎﻭﻋﺖ ﻉ ﺍﻟﺸﺎﻝ ﺟﺎﻥ ﻛﻠﺶ ﺣﻠﻮﻭ ﻭﺣﺘﻪ ﻟﻮﻧﻪ ﺣﻠﻮ ﻭﻭﻳﻪ ﻛﺐ ﻣﻨﺴﻘﻪ ﺑﺎﻭﻋﺘﻠﻪ ﻭﻏﻤﺰﺗﻠﻪ ﺑﺸﻘﻪ ﻫﺎﺍﺍ ﻫﺬﺍ ﺍﻟﻤﻨﻨﻦ
- ﺍﻧﺠﺒﻲ ﻟﺠﺠﺞ ﺍﺭﻳﺪﻩ ﺍﻻﺧﺘﻲ ﻻﻥ ﺗﻄﻠﺒﻲ 20 ﺍﻟﻒ ﻛﻠﺖ ﺍﺷﺘﺮﻳﻠﻬﺎ ﺣﺠﺎﺏ ﺏ 10 ﺍﺣﺴﻦ ﻭﺍﺻﺮﻑ ﻫﻬﻬﻬﻬﻬﻬﻪ
- ﺧﺮﺏ ﺑﻴﻮﻣﻚ ﺿﺤﻜﺖ ﻋﻠﻴﻪ ﻭﺩﺭﺕ ﻭﺟﻬﻲ ﺻﺎﺣﺘﻠﻲ ﻋﻤﺘﻲ ﻭﺩﺧﻠﺖ ﻭﻳﺎﻫﺎ ﻟﻠﻤﺤﻞ ﻭﻛﺎﻣﺖ ﺍﻃﻠﻊ ﻣﻼﺑﺴﺤﺪﻳﺚ ﺍﻟﻮﻻﺩﻩ ﻭﺍﺷﻮﻓﻨﻲ ﺍﻧﺲ ﻣﺸﺘﺮﻳﻪ ﻣﺮﻩ ﻃﻠﻌﻨﺎ ﺍﻧﻲ ﻭﻋﻤﺘﻲ ﻭﺍﺷﺘﺮﻳﺖ ﻛﻠﺸﻲ ﻭﻣﺮﻩ ﺟﺎﺑﺘﻠﻲ ﻛﻮﺛﺮ ﺟﻨﻄﻪ ﺷﻜﺒﺮﻫﺎ ﺧﻄﻴﻪ
ﻛﺎﻟﺖ ﻻﻥ ﺍﺩﺭﻱ ﺑﻴﺞ ﻣﺘﻜﺪﺭﻳﻦ ﺍﻃﻠﻌﻴﻦ ﻭﻣﻦ ﺷﻔﺘﻬﻦ ﻣﺘﺤﻤﻠﺖ ﻭﺟﺒﺘﻠﺠﻴﺎﻫﻦ ﺍﺷﻜﺮﺕ ﻣﻨﻬﺎ ﻭﺍﺧﺬﺗﻬﻦ ﺟﻨﺖ ﺍﺳﻌﺪ ﻭﺣﺪﻩ ﺑﻠﻌﺎﻟﻢ ﺑﺮﻏﻢ ﻣﻦ ﻛﻞ ﺷﻲ ﻭﻟﻮﻻ ﺍﻧﺎﻧﻴﺔ ﺭﺍﻧﻴﺎ ﺟﺎﻥ ﺍﻧﻲ ﺍﺳﻌﺪ ﻭﺣﺪﻩ ﺑﻠﻌﺎﻟﻢ
ﻛﺎﺓﺕ ﻋﻜﺘﻲ ﺍﻃﻠﻊ ﻭﺗﺎﺧﺬ ﺭﺋﻲ ﺑﺲ ﻫﻠﻤﺮﻩ ﺍﺧﺬﺗﻬﻦ ﺷﻮﻳﻪ ﻛﺒﺎﺭ ﻣﻮ ﻣﺎﻝ ﺣﺪﻳﺚ ﺍﻟﻮﻻﺩﻩ ﻛﺎﻟﺖ ﻻﻥ ﺍﻟﻮﻟﺪ ﺑﺴﺮﻋﻪ ﻳﺘﻐﻴﺮ ﻧﻤﻮ ﻭﻳﻜﺒﺮ ﻣﺎﻛﻮ ﺷﻬﺮﻳﻦ ﺗﻠﻜﻲ ﺷﻜﺒﺮﻩ
ﺿﺤﻜﺘﻨﻲ ﻣﻦ ﻛﺎﻟﺖ ﻫﻴﺞ ﻭﻛﺎﻣﺖ ﺗﺎﺧﺬ ﻭﺍﺷﻮﻓﻬﻦ ﺍﻟﻨﺼﺮ ﺍﻟﻲ ﻭﺍﻛﻒ ﺑﻠﺒﺎﺏ ﺳﺎﻋﻪ ﻳﺨﺰﺭ ﺑﺎﻣﻪ ﻻﻥ ﻓﺸﻠﻪ ﻛﺪﺍﻡ ﺍﻟﻨﺎﺱ ﻭﺳﺎﻋﻪ ﻳﻀﺤﻚ ﻭﻳﻄﻴﻬﺎ ﺭﺃﻳﻪ
ﺍﺑﺘﺴﻤﺖ ﻓﺮﺣﺎﻧﻪ ﻉ ﺍﻻﺟﻮﺍﺀ ﻫﺎﻱ ﺑﺲ ﺑﻤﺠﺮﺩ ﻣﺎ ﺍﺫﻛﺮﺕ ﺑﺲ ﺍﻗﻞ ﺍﻟﺴﺎﻋﻪ ﻭﻳﻨﻜﺸﻒ ﺍﻟﻤﺴﺘﻮﺭ ﻭﻛﻠﺸﻲ ﻳﺒﻴﻦ ﺣﺴﻴﺖ ﺑﻤﻐﺼﻪ ﺑﺒﻄﻨﻲ ﺍﻟﻤﺘﻨﻲ ﺣﻴﻞ
ﻛﻮﻩ ﻃﻠﻌﻨﺎ ﻭﻋﻤﺘﻲ ﻣﺎﺧﻠﺖ ﺷﻲ ﺍﻻﻃﻔﺎﻝ ﻣﺎﺍﺷﺘﺮﺗﻪ ﺣﺘﻪ ﻣﻼﻋﻴﺐ ﺍﺷﺘﺮﺕ ﻭﻣﺜﻨﻰ ﻳﻀﺤﻚ ﻋﻠﻴﻬﺎ ﻭﻳﻜﻠﻬﺎ ﻫﺎﺍﺍ ﻣﻮ ﺍﻛﻠﺞ ﻫﺬﺍ ﺍﻟﻌﺰﻳﺰ ﺍﺑﻦ ﺍﻟﻌﺰﻳﺰ ﻣﺎﺍﺻﺪﻛﻴﻦ ﺍﺗﻨﻜﻮﻟﻴﻦ ﻻﺍﺍﺍ ﻳﺎﺑﻪ ﺣﺎﻓﻈﺞ ﺣﺎﺍﻓﻈﺞ
ﻭﺻﻠﻨﺎ ﻟﺴﻴﺎﺭﺗﻨﺎ ﺍﺑﺎﻭﻉ ﻟﻜﻞ ﻭﺍﺣﺪ ﻣﻨﺎ ﺷﺎﻳﻞ ﺍﻗﻞ ﺷﻲ ﻓﺪ ﻋﻼﻛﺘﻴﻦ ﺿﺤﻜﺖ ﻉ ﻣﻨﻈﺮﻧﺎ ﻫﺴﻪ ﺍﻟﻲ ﻳﺸﻮﻓﻨﺎ ﺷﻴﻜﻮﻝ ﺑﻼ
ﺩﺧﻠﺖ ﻟﻠﺴﻴﺎﺭﻩ ﻭﻣﺸﻴﻨﺎ ﻭﺍﻧﻲ ﺧﺎﻳﻔﻪ ﺑﺲ ﻭﻛﻠﺖ ﺍﻣﺮﻱ ﺍﻟﻰ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﺑﻄﺮﻳﻖ ﻛﺎﻟﺖ ﻋﻤﺘﻲ ﺍﻟﻤﺜﻨﻰ ﻳﻤﻪ ﺍﺳﺌﻞ ﻉ ﻣﻜﺎﻥ ﻫﺬﺍ ﺍﻟﻲ ﻛﺘﻠﻚ ﻋﻠﻴﻪ
ﺩﺍﺭ ﻭﺟﻬﻪ ﻧﺼﺮ ﻭﻛﺎﻝ ﻭﻳﻦ ﻳﻤﻪ ﺍﻧﻲ ﻣﺎﺻﺪﻛﺖ ﺍﺭﺟﻊ ﺣﺘﻪ ﺍﻧﺎﻡ ﻭﺍﻧﺘﻲ ﻣﺪﺭﻱ ﻭﻳﻦ ﺗﺮﺩﻳﻦ ﺗﺮﺣﻴﻦ
- ﻳﻤﻪ ﻫﺬﺍ ﺷﻴﺦ ﻛﻠﺶ ﺯﻳﻦ ﻭﺍﺭﻳﺪ ﺍﺧﺬﻙ ﺍﻟﻪ ﻻﻥ ﻭﺿﻌﻚ ﻣﺎﻋﺎﺟﺒﻨﻲ ﺻﺎﻟﻚ ﻓﺘﺮﺍ
- ﻳﻤﻪ ﺻﺪﻙ ﺗﺤﺠﻲ ﻣﺎﺑﻴﻪ ﺷﻲ ﻭﻋﻴﻮﻧﺞ ﺍﻟﺤﻠﻮﻩ ﺗﻌﺐ ﻣﻦ ﺍﻟﺸﻐﻞ ﻻ ﺍﺩﻳﺮﻱ ﺑﺎﻝ ﺳﺖ ﺍﻟﺤﺒﺎﻳﺐ ﻫﻴﻪ ﺍﺭﺟﻊ ﺍﻧﺎﻡ ﺷﻮﻳﻪ ﺍﻛﻌﺪ ﺍﺣﺴﻦ
- ﺑﺲ ﻳﻢ
- ﻳﻮﻭﻭﻡ ﺍﺭﻭﺡ ﻓﺪﻭﻩ ﺍﻟﻌﻴﻮﻧﺞ ﻣﺎﺑﻴﻪ ﺷﻲ ﺷﻴﺨﻴﺶ ﺳﻴﺪﻳﺶ ﻭﺍﻟﻠﻪ ﻣﻴﺖ ﻧﻌﺲ ﺍﺭﺟﻊ ﻟﻠﺒﻴﺖ ﻣﺜﻨﻰ ﺍﺭﺟﻊ
ﺻﺪﻙ ﺭﺟﻌﻨﺎ ﻟﻠﺒﻴﺖ ﻭﺍﻧﻲ ﺍﻟﻔﺮﺣﻪ ﻣﺎﺳﺎﻋﻴﺘﻨﻲ ﻻﻥ ﺍﻟﻤﻮﺿﻮﻉ ﺍﻧﺴﺪ ﻭﻋﻤﺘﻲ ﺿﺤﻜﺖ ﻣﻦ ﺷﺎﻓﺖ ﻧﺼﺮ ﻫﻴﺞ ﻭﻛﺎﻟﺖ ﺍﺑﻨﻲ ﺭﺟﻌﻠﻲ ﺍﻋﺮﻓﻪ ﻣﻦ ﻧﻈﺮﺍﺗﻪ ﻫﺎﻱ ﺩﺧﻴﻠﻚ ﻳﺎﺍﺑﻮ ﻓﺎﺿﻞ ﻣﺎﺭﺩﻳﺘﻨﻲ
ﺍﺑﺘﺴﻤﺖ ﻋﻠﻴﻬﺎ ﺍﻧﺸﺎﺀﺍﻟﻠﻪ ﻳﺎﻋﻤﻪ ﺍﺑﻮ ﻓﺎﺿﻞ ﺍﻃﺎﺝ ﻣﺮﺍﺩﺝ ﺭﺟﻌﻤﺎ ﻭﺍﻟﻄﺮﻳﻖ ﻛﻠﻪ ﻣﺜﻨﻰ ﻣﺸﻐﻞ ﺍﻏﺎﻧﻲ ﻭﻳﻐﻨﻲ ﻭﻳﻀﺤﻚ ﻭﺳﺎﻋﻪ ﻳﺠﺎﺩﻝ ﻭﻳﺎﻱ ﻋﺒﺎﻟﻚ ﺑﺘﻪ ﺍﻧﻲ ﻭﺍﻧﻲ ﺍﺿﺤﻚ ﻉ ﺳﻮﺍﻟﻔﻪ
ﺍﺧﺮ ﺷﻲ ﺣﺴﻴﺖ ﻉ ﻛﺮﺻﻪ ﺑﺮﺟﻠﻲ ﻃﻔﺮﺕ ﻣﺨﺮﻭﻋﻪ ﻭﻋﻤﺘﻲ ﺻﺎﺣﺖ ﺍﺳﻢ ﺍﻟﻠﻪ ﻳﻤﻪ ﺷﺒﻴﺞ
- ﺋﺌﺊ ﻣﺎﺑﻴﻪ ﻋﻤﻪ ﻫﻴﺞ ﺑﻘﻴﺖ ﺻﺎﻓﻨﻪ ﺷﻨﻮ ﻫﺎﻱ ﻳﺎﻟﻠﻪ ﺭﺟﻌﺖ ﺣﻄﻴﺖ ﺭﺍﺳﻲ ﻉ ﺍﻟﺠﺎﻣﻪ ﻭﺻﺎﺭ ﺳﻜﻮﺕ ﺷﻮﻳﻪ ﻭﺭﺟﻊ ﻣﺜﻨﻰ ﻳﻀﺤﻚ ﻛﺎﻝ
- ﻟﺞ ﺍﻧﺼﺎﻑ ﺷﺎﻳﻔﻪ ﺍﻟﺸﺎﺭﻉ ﻣﺎﻟﺘﻜﻢ ﺍﻟﻲ ﻛﺒﺎﻝ ﺑﻴﺘﻜﻢ ﺑﻮﺍﺳﻂ ﺍﻛﻮ ﻃﺴﻪ ﻳﺎﺑﻮﻳﻪ ﺟﻨﺖ ﻛﻞ ﻣﺎﺍﻓﻮﺕ ﺍﻋﺜﺮ ﻭﻻﺯﻡ ﻟﻮ ﺍﻟﻠﻪ ﻳﺴﻠﻂ ﻋﻠﻴﻪ ﻭﺍﺣﺪ ﻳﺸﻮﻓﻨﻲ
- ﺍﻳﻴﻲ ﻟﻚ ﻫﺎﻱ ﻳﺎﻣﺎ ﻭﻳﺎﻣﺎ ﺟﻨﺖ ﺍﻭﻛﻊ ﺑﻴﻬﺎ ﻭﺍﺭﺟﻊ ﻟﻠﺒﻴﺖ ﻣﻄﻴﻨﻪ ﻫﻬﻬﻪ ﻣﺮﻩ ﺟﻨﺖ ﺭﺍﻳﺤﻪ ﻟﻠﻤﺪﺭﺳﻪ ﻭﺟﻨﺖ ﺻﻒ ﺛﺎﻟﺚ ﻣﺘﻮﺳﻂ ﻭﻫﻢ ﻋﺜﺮﺕ ﺑﻴﻬﺎ ﺟﺎﻧﻮ ﺍﻛﻮ ﻭﻟﺪ ﻛﺎﻋﺪﻳﻦ
ﺭﻛﻀﻮ ﻋﻠﻴﻪ ﺍﻟﻠﻠﻪ ﺍﻟﻠﻪ ﺧﻴﺘﻲ ﺻﺎﻟﺞ ﺷﻲ ﻭﺍﻧﻲ ﻣﻦ ﺍﻟﻔﺸﻠﻪ ﺑﺲ ﺍﺑﺠﻲ ﻭﻣﻦ ﺍﺷﻮﻑ ﻣﻨﻀﺮﻱ ﺍﺿﺤﻚ ﺻﺮﺕ ﺍﺑﺠﻲ ﻭﺍﺿﺤﻚ ﻭﺍﻟﻄﻴﻦ ﺗﺎﺭﺳﻨﻲ ﻭ ﺍﻟﻮﻟﺪ ﺧﺎﻓﻮ ﻋﺎﻓﻮﻧﻲ ﻭﻃﻠﻌﻮ ﻣﻦ ﺍﻟﺸﺎﺭﻉ ﻛﻠﻪ ﻫﻬﻬﻬﻬﻬﻬﻬﻪ ﻭﺍﺣﺪ ﻳﺼﻴﺢ ﻣﺨﺒﻠﻪ ﻭﺭﻃﺘﻮﻧﺎ ﺑﻴﻬﺎ
ﻭﻣﻦ ﻳﻮﻣﻬﺎ ﺻﺮﺕ ﻣﺎﻓﻮﺕ ﺑﺸﺎﺭﻉ
- ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﺎﺍﻱ ﺣﺮﺍﻣﺎﺕ ﻣﺎﺟﻨﺖ ﻛﺪﺍﻣﺞ ﻭﺍﺷﺒﻊ ﺿﺤﻚ
- ﺍﻱ ﻣﻮ ﺍﻧﻲ ﻣﻀﺤﻜﻪ ﺍﻟﻚ ﺩﻳﻼ ﻳﻼ ﻫﺴﻪ ﺗﻠﻜﻲ ﺑﻨﺎﺗﻚ ﺷﺒﻌﻦ ﻃﻴﺎﻧﻪ ﺑﻴﻬﺎ
- ﻏﻴﺮ ﺍﺷﻚ ﺣﻠﻜﻬﺎ ﺍﻟﺮﺍﻧﻴﺎ ﺍﺫﺍ ﻋﺮﻓﺖ ﻃﺎﻟﻌﺎﺕ ﺑﻨﺎﺗﻲ
ﺣﺴﻴﺖ ﺑﻜﺮﺻﻪ ﻣﺮﺓ ﺍﻟﺜﺎﻧﻴﻪ ﺑﺲ ﺍﻗﻮﻯ ﻃﻔﺮﺕ ﺑﺎﻭﻋﺖ ﺍﻳﺪ ﻧﺼﺮ ﻣﺎﺩﻫﺎ ﻣﻦ ﺑﺼﻒ ﺍﻟﺒﺎﺏ ﻭﺍﻟﻜﺸﻦ ﺍﻛﻮ ﻓﺘﺢ ﻣﺪﺭﻱ ﺷﻠﻮﻥ ﻃﺒﺖ ﺍﻳﺪﻩ ﺑﻴﻬﺎ ﻭﻫﻲ ﺷﻜﺒﺮﻫﺎ ﺍﻳﺪﻩ ﺍﺗﻌﺎﺩﻝ ﺍﻳﺪﻱ ﻣﺮﺗﻴﻦ
ﺑﺎﻭﻋﺖ ﻋﻠﻴﻪ ﻭﺭﺟﺘﺖ ﻛﻤﻠﺖ ﻛﻼﻣﻲ ﻭﻛﻠﺴﺎﻉ ﺍﺻﺤﻠﻲ ﻛﺮﺻﻪ ﻣﺪﺭﻱ ﺷﺒﻴﻴﻲ ﻳﺎﺍﺍ ﻫﺬﺍ ﺍﺗﺨﺒﻞ ﺍﻟﻮﻟﺪ ﻋﻮﺩ ﺭﺩﺕ ﺍﺻﻴﺤﻲ ﺍﺗﺨﺒﻞ ﺑﺰﺍﻳﺪ ﺍﺧﺮ ﺷﻲ ﻋﺎﻁ
- ﻛﺎﺍﺍﻓﻲ ﻣﺎﻣﻠﻴﺘﻮﻭﻭﻭ ﻣﻮ ﺭﺍﺳﻲ ﺍﺣﺴﻪ ﻃﺒﻞ ﺻﺎﺭ ﻣﻦ ﻭﺭﺍﻛﻢ ﻭﻟﺪ ﺍﻟﺼﺎﻛﻴﻦ
ﻣﻦ ﻣﺎﻝ ﻫﻴﺞ ﺍﺑﺴﻴﻤﺖ ﻭﻣﺜﻨﻰ ﺿﺤﻚ ﺑﺼﻮﺕ ﻋﺎﻟﻲ ﻭﻛﺎﻝ ﻻﺍ ﻣﺎﺻﺪﻙ ﻫﺬﺍ ﺍﻧﺖ ﻟﻮ ﻧﺴﻴﺎﻙ ﺑﻜﺮﺑﻼﺀ ﻭﺭﺟﻌﻨﺎﺍﺍ ﻭﻟﻚ ﺍﻧﺖ ﺻﺎﻟﻚ ﺷﻬﻮﺭ ﻣﺸﺒﻌﻨﻲ ﺳﺐ ﻭﻏﻠﻂ ﺷﻌﻠﺖ ﺍﺟﺪﺍﺩﻱ ﻭﻫﻢ ﺑﻜﺒﻮﺭﻫﻢ
ﺻﺎﺭ ﺳﻜﺘﻮﺕ ﻭﺍﻟﻜﻞ ﻧﺎﻡ ﻋﻤﺘﻲ ﻭﻧﺼﺮ ﻭﺍﻧﻲ ﺣﺎﻃﻪ ﺭﺍﺳﻲ ﻉ ﺍﻟﺠﺎﻣﻪ ﻭﺻﺎﻓﻨﻪ ﺣﺴﻴﺖ ﺍﻟﺴﻴﺎﺭﻩ ﻭﻛﻔﺖ ﺑﺎﻭﻋﺖ ﻣﺜﻨﻰ ﻃﻠﻊ ﺗﻠﻔﻮﻧﻪ ﻭﺻﻮﺭ ﻓﻴﺪﻳﻮ ﺍﻟﻨﺼﺮ
- ﻳﺎﺍﺍﺍ ﺷﺪﺍﺳﻮﻱ
- ﻫﻬﻬﻬﻬﻪ ﺍﻫﺪﺩ ﺭﺟﻠﺞ ﺑﻬﺬﺍ ﺍﻟﻔﻴﺪﻭ ﺭﺍﺣﺖ ﺍﻟﻬﻴﺒﻪ ﻣﻨﻚ ﻳﺤﺒﻴﺒﻲ ﺍﻧﺖ ﻳﺎﺧﻮﻱ ﻫﻬﻬﻬﻬﻬﻬﻬﺎﻱ
- ﺷﻨﻮ ﻣﻦ ﻓﻴﺪﻳﻮ ﻋﻠﻴﻚ ﺍﻟﻠﻪ ﺧﻞ ﺍﺷﻮﻑ
- ﻟﺞ ﺍﻧﺘﻲ ﺍﺳﻤﻌﻲ ﺍﻻﻏﺎﻧﻲ ﺍﻟﻲ ﺩﺍﻳﻄﻠﻌﻬﺎ ﻭﻫﻮ ﻧﺎﻳﻢ
- ﻭﻳﻦ ﻭﺍﻟﻠﻪ ﻣﺎﺍﺳﻤﻊ ﺷﻲ ﻧﺎﺻﻲ ﺍﺻﻼ ﻭﻫﻮ ﻣﺎﻳﺸﺨﺮ ﺑﺲ ﺍﺫﺍ ﺗﻌﺒﺎﻥ ﻭﺧﻄﻴﻪ ﺍﻟﺒﺎﺭﺣﻪ ﻣﻨﺎﻳﻢ ﺍﻃﻴﻨﻲ ﺧﻞ ﺍﺷﻮﻑ
- ﺷﻤﺮ ﺍﻟﺘﻠﻔﻮﻥ ﺍﻟﻲ ﻭﻛﺎﻝ ﺷﻮﻓﻲ ﺭﺟﻠﺞ ﺷﻠﻮﻥ ﻳﺸﺨﺮ ﻭﺍﻟﻠﻪ ﺍﻟﻪ ﺍﻗﻄﻪ ﻗﻄﻪ ﻣﻦ ﻫﺎﻱ ﺍﻟﺰﻳﻨﻪ
ﺿﺤﻜﺖ ﻭﺣﺬﻓﺖ ﺍﻟﻔﻴﺪﻳﻮ ﻭﺭﺟﻌﺘﻠﻪ ﺍﻟﺘﻠﻔﻮﻥ ﻭﻫﻤﺴﺖ ﻋﺎﺩﻱ ﻗﻄﻪ ﺑﺲ ﻣﺎﻋﺪﻙ ﺩﻟﻴﻞ ﻉ ﺍﻥ ﻧﺜﺮ ﻳﺸﺨﺮ ﻭﺑﻌﺪﻳﻦ ﻛﺘﻠﻚ ﻫﻮ ﻻﻥ ﺗﻌﺒﺎﻥ ﺍﺻﻼ ﻳﻤﻮﺕ ﻣﻦ ﺍﻟﺸﺨﻴﺮ
- ﺍﻱ ﻭﻟﺞ ﻟﻬﺬﺍ ﺻﻮﺭﺗﻪ ﻻﻥ ﺍﻋﺮﻓﻪ ﻣﺎﻳﺸﺨﺮ ﺑﺲ ﺍﻟﻴﻮﻡ ﻓﺮﺻﺘﻲ
ﻭﻫﻮ ﻣﻄﻤﻦ ﺣﻂ ﺍﻟﺘﻠﻔﻮﻥ ﺑﺠﻴﺒﻪ ﻣﻴﺪﺭﻱ ﻣﺴﺤﺘﻪ ﻫﻬﻬﻬﻬﻬﻬﻬﻪ ﺭﺟﻌﻨﺎ ﻟﻠﺒﻴﺖ ﻭﺍﻧﻲ ﻣﻴﺘﻪ ﺗﻌﺐ ﻭﻫﻠﻜﺎﻧﻪ
ﻭﻛﻠﻤﻦ ﻟﻐﺮﻓﺘﻪ ﻧﻤﻨﺎ ﺟﻨﺖ ﺍﺷﻮﻑ ﻫﺪﻭﺀ ﻧﺼﺮ ﻭﻣﺴﺘﻐﺮﺑﻪ ﻣﻦ ﻫﺪﻭﺋﻪ ﻫﺬﺍ ﺷﻨﻮ ﻳﻌﻨﻲ ﻛﻠﺖ ﺍﻛﻌﺪ ﻣﻦ ﺍﻟﻨﻮﻡ ﻭﺍﺳﺌﻞ ﻛﻮﺛﺮ ﻛﻌﺪﺕ ﺑﻠﻴﻞ ﺍﻟﻜﻞ ﻛﺎﻋﺪ ﻭﻫﻮ ﻛﺎﻋﺪ ﺑﻨﺼﻬﻢ ﻳﺴﻮﻟﻒ ﻭﻳﻀﺤﻚ
ﺍﻭﻝ ﻣﻄﺒﻴﺖ ﺍﺳﺘﻠﻤﻨﻲ ﻣﺜﻨﻰ
- ﻳﺎﺍﺍﺧﺎﻳﻨﻪ ﻳﺎﻧﺬﻟﻪ ﺍﻧﻲ ﺍﻋﻠﻤﺠﺠﺞ ﺍﺗﺤﺬﻓﻴﻦ ﺍﻟﻔﻴﺪﻳﻮ ﻣﻮﻭﻭ ﻣﻮ ﺍﻧﻲ ﻏﺒﻲ ﺍﻃﻴﺘﺠﻴﺎﺍﺍ ﻃﻠﻌﺘﻲ ﻭﻓﻴﻪ ﺍﻟﺰﻭﺟﺞ ﺣﺘﻪ ﺑﻬﺎﻱ،
ﻣﺘﺖ ﺿﺤﻚ ﻭﻛﻠﻬﺎ ﺿﺤﻚ ﺟﺎﻧﺖ ﺍﺟﻮﺍﺀ ﻣﻠﻴﺎﻧﻪ ﺳﻌﺎﺩﻩ ﻭﺟﻤﻌﻪ ﻋﺎﺋﻠﻴﻪ ﺣﻠﻮﻭﻩ ﻧﺼﺮ ﺟﺎﻥ ﻧﺎﻳﻢ ﺑﺤﻈﻦ ﺍﻣﻪ ﻳﺴﻮﻟﻒ ﻣﻨﺪﻣﺞ ﻓﺠﺌﻪ ﻛﺎﻝ
- ﻣﺜﻨﻰ ﺧﺎﺑﺮ ﺳﻨﺪ ﺧﻞ ﻳﺠﻲ ﻭﻋﻠﻲ ﻣﺸﺘﺎﻗﻠﻪ ﻫﻠﺒﺬﺍﺕ ﻫﺬﺍ ﺗﻠﻔﻮﻧﻲ ﺑﻠﻐﺮﻓﻪ
ﺍﻻﻧﻀﺎﺭ ﻛﻠﻬﺎ ﺍﺗﺤﻮﻟﺖ ﻉ ﻧﺼﺮ ﻭﻣﻦ ﺿﻤﻨﻬﻢ ﺍﻧﻲ ﺑﺎﻭﻋﺖ ﺑﺼﺪﻣﻪ ﻭﺍﺗﺎﻛﺪﺕ ﻣﻔﻌﻮﻝ ﺍﻟﺴﺤﺮ ﺭﺍﺡ ﻭﻫﺬﺍ ﻧﺼﺮ ﺍﻟﺪﻳﻦ ﻛﺪﺍﻣﻲ ﻣﺎﺑﻲ ﺷﻲ
ﻋﻤﺘﻲ ﻛﺎﻟﺖ ﻭﻫﻲ ﺗﺒﺎﻭﻋﻠﻪ
- ﻳﻤﻪ ﻣﺘﺎﻛﺪ ﻭﺍﻟﻠﻪ ﻣﺎﻟﻨﺎ ﺧﻠﻚ ﺍﻟﻤﺸﺎﻛﻞ ﻋﻮﻓﻪ ﻟﺨﺎﻃﺮ ﺍﻟﻠﻪ ﺍﺫﺍ ﺗﺮﻳﺪ ﺗﺘﻌﺎﺭﻙ
- ﻳﻤﻪ ﺷﺘﻌﺎﺭﻙ ﺷﺒﻴﺞ ﺍﺭﻳﺪ ﺍﺷﻮﻓﻪ ﻣﺸﺘﺎﻗﻠﻪ ﻭﺍﺭﻳﺪ ﺍﺷﻮﻑ ﺣﻮﺭﻱ ﻣﺸﺘﺎﻗﻠﻬﺎ ﺍﻟﺤﻴﻮﺍﻧﻪ ﻫﻮﺍﻱ
ﻣﺜﻨﻰ ﺑﺎﻭﻋﻠﻲ ﻭﺑﺎﻭﻉ ﻉ ﻧﺼﺮ ﻭﻛﺎﻝ ﻧﺼﺮ ﻣﺘﺎﻛﺪ ﻣﻦ ﻗﺮﺍﺭﻙ
- ﻳﻤﻌﻮﺩﻳﻦ ﺷﺒﻴﻚ ﺩﺍﺷﻜﻜﻮﻥ ﺑﻴﻪ ﻋﺒﺎﻟﻚ ﻣﺴﻮﻱ ﺷﻮ ﺷﻨﻮ ﺍﺧﻮﻱ ﻭﺍﺭﻳﺪ ﺍﺷﻮﻓﻪ ﺷﻨﻮ ﻣﻤﻨﻮﻉ
ﻋﻤﺘﻲ ﺿﺤﻜﺖ ﻭﻫﻲ ﺍﺗﺮﺩﺩ ﺍﻟﺤﻤﺪﺍﻟﻠﻪ ﻳﺎﺭﺏ ﺍﻟﺤﻤﺪﺍﻟﻠﻪ
- ﺍﻟﻠﻪ ﻳﻬﺪﻳﻜﻢ ﻳﻤﻪ ﻭﺗﺮﺟﻌﻮﻥ ﻣﺜﻞ ﻗﺒﻞ ﻭﺍﺧﻼ ﻭﻗﻠﺐ ﻉ ﻗﻠﺐ
ﻣﻦ ﻛﺎﻟﺖ ﻫﻴﺞ ﻋﻤﺘﻲ ﻧﺼﺮ ﺻﻔﻦ ﻉ ﺍﻣﻪ ﻭﻛﻌﺪ ﻋﺪﻝ ﻣﺜﻞ ﺍﻟﻲ ﻳﺮﺟﻊ ﺫﺍﻛﺮﺗﻪ ﺍﻭ ﻳﻔﻜﺮ ﺑﺎﻭﻋﻠﻲ ﻋﺎﻛﺪ ﺣﺎﺟﺒﻪ ﻭﺍﻧﻲ ﺭﺩﻳﺘﻠﻪ ﺍﻟﻨﻈﺮﻩ ﺑﺨﻮﻑ ﻭﺑﻨﻔﺲ ﺍﻟﻮﻛﺖ ﺍﻣﺎﻥ ﻭﺣﻨﺎﻥ
ﺩﻧﻚ ﻭﻫﻮ ﺻﺎﻓﻦ ﻉ ﺍﺍﻟﻨﻘﺶ ﻣﺎﻝ ﺍﻟﺰﻭﻟﻴﻪ ﻭﻣﺜﻨﻰ ﺑﺮﻩ ﻳﺨﺎﺑﺮ ﺳﻨﺪ ﻭﺍﻧﻲ ﺧﺎﻳﻔﻪ
ﻣﺮﺕ ﺭﺑﻊ ﺳﺎﻋﻪ ﻭﻃﺐ ﻣﺜﻨﻰ ﻭﻧﺼﺮ ﺑﻌﺪﻩ ﺻﺎﻓﻦ ﻉ ﺍﻟﺰﻭﻟﻴﻪ ﻣﺜﻞ ﺍﻟﻲ ﻳﻔﻜﺮ ﺑﺸﻲ ﻭﻳﻠﻌﺐ ﺑﻠﺤﻴﺘﻪ ﻭﺷﻮﺍﺭﺑﻪ ﻭﺍﻋﺮﻑ ﻫﺎﻱ ﺣﺮﻛﺘﻪ ﻛﻠﺶ ﺯﻳﻦبيج قصص عراقيه حقيقيه من واقعنا.روعه الطائي
ﺷﻨﻮ ﻣﻌﻨﺎﻫﺎ ﻛﻌﺪ ﻣﺜﻨﻰ ﻭﻫﻮ ﻳﺒﺎﻭﻉ ﻋﻠﻴﻨﺎ ﻭﻛﺎﻝ ﻣﻘﺒﻞ ﻳﺠﻲ ﻳﻜﻮﻝ ﺣﻠﻔﺖ ﻣﺎﺍﻃﺐ ﻟﻬﺬﺍ ﺍﻟﺒﻴﺖ ﺑﻌﺪ
ﻛﺎﻡ ﻧﺼﺮ ﻭﻫﻮ ﻳﻬﺰ ﺑﺮﺍﺳﻪ ﻭﻃﻠﻊ ﻣﻦ ﺍﻟﺼﺎﻟﻪ ﻭﻋﻤﺘﻲ ﺧﺎﺑﺖ ﺿﺤﻜﺘﻬﺎ ﻭﺍﻧﻲ ﻣﺼﺪﻭﻣﻪ ﻃﻠﻌﺖ ﻣﻦ ﺍﻟﺼﺎﻟﻪ ﻭﻟﺤﻜﺖ ﻧﺼﺮ ﻟﻜﻴﺘﻪ ﺑﻐﺮﻓﻪ ﻛﺎﻋﺪﻩ ﻭﺻﺎﻓﻦ ﻳﻌﺼﺮ ﺑﺮﺍﺳﻪ
ﻫﻤﺴﺖ ﻳﻮﺟﻌﻚ
ﻫﺰ ﺭﺍﺳﻪ ﺑـــ ﻻﺍﺍ ﻭﻛﺎﻡ ﺟﺮ ﺗﻠﻔﻮﻧﻪ ﻭﻫﻤﺲ ﺍﻧﻲ ﻃﺎﻟﻊ ﻭﻳﻪ ﻳﺎﻣﻦ ﻭﻳﺠﻮﺯ ﺍﺗﺎﺧﺮ
ﺣﺠﻪ ﻛﻠﻤﺎﺗﻪ ﻭﻃﻠﻊ ﻭﺍﻧﻲ ﺻﺎﻓﻨﻪ ﺣﻘﻪ ﻭﺍﻟﻠﻪ ﺣﻘﻪ ﺍﻧﺴﺎﻥ ﺻﺎﻟﻪ ﺍﻛﺜﺮ ﻣﻦ 9 ﺍﺷﻬﺮ ﻫﻮ ﻣﺴﺤﻮﺭ ﻭﻣﻮ ﺳﺤﺮ ﻭﺍﺣﺪ ﻻ ﺳﺤﺮﻳﻦ ﻭﻭﺍﺣﺪ ﺍﻗﻮﻯ ﻣﻦ ﺍﻟﺜﺎﻧﻲ
ﻭﻓﺠﺌﻪ ﻳﺤﺲ ﻉ ﺭﻭﺣﻪ ﻭﻳﺸﻮﻑ ﺍﻟﺒﻴﺖ ﻛﻠﻪ ﻣﻜﻠﻮﺏ ﻭﻳﻌﺮﻑ ﺍﺧﻮﻩ ﺯﻋﻼﻥ ﻣﻨﻪ ﺍﻟﻠﻪ ﻳﺎﺧﺬﺝ ﺭﺍﻧﻴﺎﺍﺍﺍﺍ ﻭﺍﺧﻠﺺ ﺍﻟﻠﻪ ﻳﺎﺧﺬﺟﺠﺠﺠﺠﺠﺞ
ﺟﻮﺭﻱ : ﺩﺭﺕ ﻭﺟﻬﻴﻲ ﻭﺍﻧﻲ ﺍﺭﺟﻒ ﻭﻛﻠﺒﻲ ﺍﺣﺴﻪ ﺣﻴﻄﻠﻊ ﻣﻦ ﻣﻜﺎﻧﻪ ﻣﻦ ﻛﺪ ﺳﺮﻋﺘﻪ ﺍﺗﻘﺪﻡ ﺣﺴﻦ ﻭﻫﻮ ﻳﺒﺎﻭﻋﻠﻲ ﺑﺘﺴﻔﻬﺎﻡ ﺑﺎﻭﻋﺖ ﻉ ﻫﺬﺍ ﺍﻟﻲ ﻭﺍﻛﻒ ﻛﺪﺍﻣﻲ ﺑﻜﺮﻩ ﻭﺧﻮﻑ
ﻭﻫﻮ ﺭﺩﻟﻲ ﺍﻟﻨﻀﺮﻩ ﺑﺒﺎﺑﺘﺴﺎﻣﻪ ﻭﻻ ﻛﺎﻧﻤﺎ ﺍﻛﻮ ﺷﻲ ﺍﻭﻝ ﻣﺎ ﻭﺻﻞ ﺣﺴﻦ ﺍﻟﻨﺎ ﻫﻤﺲ ﻫﺬﺍ ﺍﻟﺤﻘﻴﺮ ﻭﻫﻮ ﻣﺒﺘﺴﻢ
- ﺍﺟﻴﺖ ﺑﻮﻛﺘﻚ ﺍﺧﺘﻚ ﺭﺍﺩﺕ ﺗﻨﺪﻋﻢ ﺍﻟﻪ ﺷﻮﻳﻪ ﻳﺎﺧﻮﻱ ﻭﻳﻨﻚ ﻣﺎﺗﻜﻠﻲ ﺷﻜﺪ ﺩﻛﻴﺖ ﻋﻠﻴﻚ ﻭﺍﻧﺖ ﻣﺎﺗﺮﺩ
- ﻫﺎ ﻣﺎﺩﺭﻱ ﺟﻨﺖ ﺑﻠﻤﺤﺎﺿﺮﻩ ﻭﺣﺎﻃﻪ ﺻﺎﻣﺖ ﺑﺎﻭﻋﻠﻲ ﻭﻛﺎﻝ ﺷﻤﻄﻠﻌﺞ ﺍﻧﺘﻲ ﻭﻭﻳﻦ ﺑﺎﻟﺞ ﻣﻦ ﺭﺩﺗﻲ ﺗﻨﺪﻋﻤﻴﻦ
- ﺋﺊ ﻃﻠﻌﺖ ﻟﺒﻴﺖ ﻳﺎﺳﻤﻴﻦ ﺍﺩﺭﺱ ﻭﻣﻦ ﻋﺒﺮﺕ ﻣﺎﺟﺎﻥ ﺍﻛﻮ ﺳﻴﺎﺭﻩ ﻓﺠﺌﻪ ﻃﻠﻌﺖ ﻛﺪﺍﻣﻲ
- ﻭﻳﻦ ﺟﺎﻥ ﺑﺎﻟﺞ ﻏﺒﻴﻪ ﺍﻧﺘﻲ ﺗﺒﻘﻴﻦ ﻏﺒﻴﻪ ﻭﻟﺞ ﻛﻢ ﻣﺮﻩ ﻛﺎﻳﻠﺞ ﻣﺎﻃﻠﻌﻴﻦ ﺍﺫﺍ ﻣﻮ ﺍﻧﻲ ﻭﻳﺎﺝ ﻣﻮ ﺍﺩﺭﻱ ﺑﻴﺞ ﺛﻮﻟﻪ ﻭﻏﺒﻴﻪ
- ﺍﻭﻭ ﺣﺴﻦ ﺳﺒﻴﻚ ﺍﺳﺘﻠﻤﺘﻨﻲ ﺭﻭﺡ ﺷﻮﻑ ﺍﻟﺒﻴﺖ ﻳﻨﻜﻌﺪ ﺑﻲ ﻭﻋﻤﺘﻚ ﺟﺎﻳﻪ ﻭﺟﺎﻳﺒﻪ ﺧﻄﺎﺑﻪ ﺍﻟﻲ ﻭﻋﺎﻳﻔﻪ ﺑﻨﺎﺗﻬﺎ ﻭﻭﻟﺪﻫﺎ ﻭﺟﺎﻱ ﻻﺣﻜﺘﻨﻲ ﺍﻟﻲ ﻟﻌﺒﺖ ﺭﻭﺣﻲ ﻭﺍﻟﻠﻪ
ﺣﺠﻴﺖ ﻭﺍﻧﻲ ﻧﺎﺳﻴﻪ ﻫﺬﺍ ﻭﺍﻛﻒ ﻭﺭﺍﻱ ﻭﻳﺴﻤﻊ ﻛﻞ ﺣﺠﻴﻨﺎ ﺣﺴﻦ ﺣﺲ ﻭﻋﺾ ﺷﻔﺘﻪ ﺍﻟﻲ ﻭﻛﺎﻝ ﺍﻣﺸﻲ ﻭﻟﺞ ﻧﺮﺟﻊ ﻟﻠﺒﻴﺖ ﻭﻧﺤﺠﻲ ﺍﺩﺑﺴﺰﺯ ﻃﻮﻻﻥ ﺍﻟﺴﺎﻧﺞ
ﻋﺰﺍﺍﺍﺍ ﻫﺎﻱ ﺍﻧﻲ ﺷﺤﺠﻴﺖ ﻛﺪﺍﻡ ﻫﺬﺍ ﺍﻟﺤﻘﻴﺮ ﺩﻳﻼ ﻫﺴﻪ ﻭﺍﺫﺍ ﺳﻤﻊ ﻋﺸﺘﻮﻭ ﻣﺸﻴﺖ ﻭﻫﺬﺍ ﻧﻀﺮﺍﺗﻪ ﺍﻟﻲ ﺑﻐﻀﺐ ﻣﺪﺭﻱ ﺷﺒﻲ ﻭﺍﻧﻲ ﺭﺩﻳﺘﻠﻪ ﺍﻟﻨﻈﺮﻩ ﺑﺴﺘﻬﺰﺍﺀ ﻭﺿﺤﻜﺖ ﺿﺤﻜﻪ ﺍﺳﺘﻬﺰﺍﺋﻴﻪ ﻭﻫﺰﻳﺖ ﺍﻳﺪﻱ ﻭﻣﺸﻴﺖ ﻭﺣﺴﻦ ﻳﻤﺸﻲ ﻛﺪﺍﻣﻲ ﺑﻌﺪ ﻣﺎﺳﻠﻢ ﻋﻠﻴﻪ
ﺍﺣﺲ ﺍﻧﺘﺼﺮﺕ ﻣﻦ ﺭﺩﻳﺘﻠﻬﺎ ﻫﻴﺞ ﻧﻈﺮﻩ ﻭﺣﺴﻴﺖ ﺑﺮﺍﺣﻪ ﻣﻦ ﺧﻠﺼﻨﻲ ﻣﻦ ﺗﺤﻘﻴﻖ ﺣﺴﻦ ﻭﻳﺎﻱ ﻛﻠﺖ ﺧﻠﺺ ﺍﻟﻴﻮﻡ ﺍﺑﺎﺕ ﺑﻮﺍﺩﻱ ﺍﻟﺴﻼﻡ ﻻ ﻣﺤﺎﻝ ﺑﻬﺬﺍ ﺍﻟﺸﻲ
ﺭﺟﻌﺖ ﻟﻠﺒﻴﺖ ﻭﻋﻤﺘﻲ ﻣﺎﻛﻮ ﺍﻭﻝ ﻣﺎﻃﺒﻴﺖ ﺍﻣﻲ ﺍﺗﻠﻜﺘﻨﻲ ﻭﻋﺼﺒﻴﻪ
- ﻭﻟﺞ ﻋﻤﺘﺞ ﻟﻌﺒﺖ ﻃﻮﺑﻪ ﺑﻴﻪ ﻛﺪﺍﻡ ﺍﻟﻨﺎﺱ ﻣﻦ ﻛﺘﻠﻬﻢ ﺍﻟﺒﻨﻴﻪ ﻣﺎﺗﻘﺒﻞ ﺗﺰﻭﺝ ﺣﺎﺭﺕ ﺷﻜﺎﻟﺖ ﻭﺷﺤﺠﺖ ﻋﺒﺎﻟﻚ ﺍﻧﻲ ﺟﻨﺘﻬﺎ ﻭﻛﺎﻋﺪ ﺍﺗﻔﺸﻞ ﺑﻴﻪ
- ﻳﻤﻪ ﻭﺍﻧﻲ ﺷﻌﻠﻴﻬﻬﻪ ﻭﺍﻟﻠﻪ ﺧﻮﺵ ﻫﻲ ﺣﻤﺎﺗﺞ ﺍﻧﻲ ﺷﻜﻮﻭ ﻭﺫﺑﻴﺘﻴﻬﺎ ﺑﺮﺍﺳﻴﻴﻲ
ﺣﺴﻦ : ﻳﻤﻪ ﻫﺪﻱ ﺭﻭﺣﺞ ﻫﺴﻪ ﻳﺠﻲ ﺍﺑﻮﻱ ﻭﺣﺎﺟﻲ ﻫﻮ ﻳﺤﻠﻬﺎ ﺍﻟﺞ
- ﻭﻟﻚ ﻫﺎﻱ ﺍﻟﻐﺒﻴﻪ ﺍﺧﺘﻚ ﻣﺎﻋﺮﻓﺖ ﺗﺼﺮﻑ ﻫﺴﻪ ﺩﺗﻄﺒﻲ ﻭﻛﻌﺪﻱ ﻭﺑﻌﺪﻳﻦ ﺍﻧﺮﺩﻟﻬﻢ ﺍﻟﺮﻓﺾ ﺑﺲ ﻫﻲ ﻋﺎﻧﺪﺕ ﻭﺍﻟﻪ ﺗﻔﺸﻠﻨﺎ ﺧﻠﺖ ﻋﻤﺘﻬﺎ ﺍﻟﻪ ﺍﻟﺤﻖ
- ﻫﺬﺍﻫﻮ ﻳﻤﻪ ﺍﻧﻲ ﺍﺣﺎﺟﻲ ﻋﻤﺘﻲ ﺯﻭﺩﺗﻬﺎﺍﺍ ﻳﻌﻨﻲ ﺍﺫﺍ ﻛﺎﺗﻠﻪ ﺭﻭﺣﻬﺎ ﻉ ﻋﺮﻳﺲ ﻣﺎﺯﻭﺝ ﺑﻨﺎﺗﻬﺎ ﻣﺎﺯﻭﺝ ﻭﻟﺪﻫﺎ ﺟﺎﻱ ﻉ ﻫﺎﻱ ﺍﻟﻐﺒﻴﻪ ﺷﻜﻮ
- ﺑﺎﻭﻋﺘﻠﻪ ﻭﻭﻛﻔﺖ ﻉ ﺍﻟﻜﺮﺳﻲ ﻭﺻﺤﺖ ﺣﺴﻨﻨﻨﻦ ﺍﻧﻲ ﻣﻮ ﻏﺒﻴﻴﻴﻪ ﻭﺍﻟﻠﻪ ﺍﺫﺍ ﻋﺪﺗﻬﺎ ﺍﻟﻪ ﺍﻫﻠﺲ ﻫﺬﻧﻲ ﺷﻌﺮﺍﻳﺎﺗﻚ ﻭﺍﺧﻠﻴﻚ ﺻﻔﺮﺭﺭﺭﺭ
ﺣﺘﻪ ﺑﺸﺎﺭﻉ ﻓﺸﻠﺘﻨﻲ ﻛﺪﺍﻡ ﻫﺬﺍ ﺻﺪﻳﻘﻚ ﺍﻟﺤﻘﻴﺮﺭﺭﺭ ﻣﻦ ﻛﺘﻠﻲ ﻏﺒﻴﻪ ﻭﺛﻮﻟﻪ
- ﺍﻱ ﺟﺎ ﺟﺬﺏ ﻏﺒﻴﻪ ﻭﺛﻮﻟﻪ ﻭﺣﻤﺎﺭﻩ ﻭﻣﻄﻴﻪ ﻭﺻﺨﻠﻪ ﻭﻗﺮﺩﻩ ﻭﺑﻌﺪ ﺷﻨﻮ ﺗﺮﺩﻳﻦ
- ﺣﺴﻨﻨﻨﻦ ﺍﻧﻲ ﺍﻋﻠﻤﻚ ﻭﺍﻟﻠﻪ ﺑﺴﻴﻄﻪ ﻧﺰﻟﺖ ﻣﻦ ﺍﻟﻜﺮﺳﻲ ﻭﺭﻛﻀﺖ ﺗﺮﺳﺖ ﺍﻟﺪﻭﻟﻜﻪ ﻣﻲ ﻭﺭﻛﻀﺖ ﻭﺯﺍﻩ ﺍﻧﻲ ﺑﻨﺴﺒﻪ ﺍﻟﻲ ﻫﺬﺍ ﺳﻼﺣﻲ ﺑﻜﻠﺸﻲ ﺍﺳﺘﻌﻤﻞ ﺍﻟﻤﻲ
ﻭﻫﺴﻪ ﺍﻟﺪﻧﻴﺎ ﺑﺎﺭﺩﻩ ﻓﺤﻴﻞ ﺑﻴﻚ ﻳﺎﺣﺴﻦ ﺭﻛﻀﺖ ﻭﺭﺍﻩ ﻭﻫﻮ ﻳﺮﻛﺾ ﻛﺪﺍﻣﻲ ﻃﻠﻊ ﻟﻠﻄﺮﻣﻪ ﻭﺍﻧﻲ ﻭﺭﺍﻩ ﺷﻔﺘﻪ ﺍﻧﺤﺼﺮ ﺑﻴﻨﻲ ﻭﺑﻴﻦ ﺑﺎﺏ ﺍﻟﺸﺎﺭﻉ ﻭﻫﻮ ﻣﺴﻮﻱ ﻭﺿﻌﻴﺔ ﺍﻟﺸﺮﻭﺩ ﻭﺍﻧﻲ ﻣﺤﻈﺮﻩ ﺍﻟﺪﻭﻟﻜﻪ ﺣﺘﻪ ﺍﺷﻤﺮ ﺍﻟﻤﻲ ﻭ ﺍﻭﻝ ﻣﺎﺷﻤﺮﺕ ﺍﻟﻤﻲ ﺍﻧﻔﺘﺢ ﺍﻟﺒﺎﺏ ﻣﺎﻝ ﺍﻟﺸﺎﺭﻉ ﻭﻃﺐ ﺑﺎﺑﺎ ﻭﺣﺴﻦ ﺍﺑﻄﺢ ﺑﻠﻜﺎﻉ
ﺑﺎﻭﻋﺖ ﺍﻟﻤﻲ ﻃﺎﺡ ﻛﻠﻪ ﻉ ﺑﺎﺑﺎ ﻋﺰﺍﺍﺍﺍﺍ ﻫﻮ ﺧﺰﺭﻧﻲ ﻭﺑﺎﻭﻋﻠﻲ ﺑﻐﻀﺐ ﻭﺣﺴﻦ ﻛﺎﻋﺪ ﺑﻠﻜﺎﻉ ﻣﻴﺖ ﺿﺤﻚ ﻭﺍﻧﻲ ﺍﻟﺒﺠﻴﻪ ﻛﺎﻣﺸﺘﻨﻲ ﻳﻌﻨﻲ ﺍﻟﻴﻮﻡ ﺍﻟﻠﻪ ﻣﺘﺤﻠﻒ ﺑﻴﻪ ﺍﻟﻪ ﺍﺗﻔﺸﻠﻠﻠﻠﻠﻞ ﻛﺪﺍﻡ ﺍﻟﻜﻞ
ﻭ
ﺣﻈﻲ ﻳﻄﻴﺢ ﺭﻛﻀﺖ ﻟﺠﻮﻩ ﻭﺑﺎﺑﺎ ﻳﻐﻠﻂ ﻭﻳﺴﺐ ﺑﻴﻪ ﺍﻟﺪﻧﻴﺎ ﺑﺎﺭﺩﻩ ﻭﺍﻟﻤﻐﺮﺑﻴﻪ ﺍﺻﻴﺮ ﺛﻠﺞ ﻭﺍﻟﻤﻲ ﺟﺎﻥ ﺑﺎﺭﺩ ﻭﺍﻟﺪﻭﻟﻜﻪ ﺟﺒﻴﺮﻩ ﺧﺮﺏ ﺧﺮﺏ ﺑﺤﻈﻲ
ﺭﻛﻀﺖ ﺧﺘﻠﺖ ﺑﻐﺮﻓﺘﻲ ﻭﻣﻨﺎ ﺳﺎﻟﻔﺔ ﻋﻤﺘﻲ ﻻ ﺍﺳﺘﻠﻢ ﺍﻟﻴﻮﻡ ﻳﻮﻣﺞ ﺟﻮﺭﻱ ﺣﺒﻴﺒﺘﻲ ﺍﺷﺒﻌﻲ ﻏﻠﻂ ﻭﻛﺘﻞ ﻫﻢ
ﺷﻮﻳﻪ ﻭﺳﻤﻌﺖ ﺑﺎﺑﺎ ﺻﺎﺡ ﺟﻮﺭﺭﺭﺭﺭﺭﻱ
ﺍﻭﻳﻠﻴﻲ ﺍﻟﻔﺎﺗﺤﻪ ﻉ ﺭﻭﺣﻲ ﻭﺍﻟﻠﻪ ﺟﻨﺖ ﺧﻮﺵ ﺑﻨﻴﻪ ﻭﺣﺒﺎﺑﻪ ﻭﺍﺻﻮﻡ ﻭﺍﺻﻠﻲ ﻃﻠﻌﺖ ﻭﺍﻧﻲ ﺍﻣﺸﻲ ﺧﻄﻮﻩ ﻭﺍﺭﺟﻊ ﻋﺸﺮ ﺧﻄﻮﺍﺕ ﻭﺻﻠﺖ ﻳﻢ ﺑﺎﺏ ﺍﻟﺼﺎﻟﻪ
ﻭﻫﻮ ﻛﺎﻋﺪ ﻉ ﺍﻟﻘﻨﻔﻪ ﻋﺎﻁ ﺗﻌﺎﻱ ﻛﺪﺍﻣﻲ ﻛﻌﺪﻱ
ﻛﻌﺪﺕ ﻛﺪﺍﻣﻪ ﻭﺍﻧﻲ ﺍﻋﺼﺮ ﺑﺪﻳﻪ ﺑﺎﻭﻋﻠﻲ ﻭﻛﺎﻝ
- ﺷﻤﺴﻮﻭﻭﻱ ﺍﻟﻴﻮﻡ
ﺑﺎﻭﻋﺖ ﻭﺟﻬﻪ ﺑﺎﺑﺎ ﻣﺎﺑﻲ ﺍﻱ ﻣﺠﺎﻝ ﻟﻠﺸﻘﻪ ﺍﻭ ﺍﻟﻀﺤﻚ ﻭﻣﻠﻴﺎﻥ ﺟﺪﻳﻪ ﻫﻤﺴﻪ ﺑﺎﺑﺎ ﻣﻮﻗﺼﺪﻱ ﺍﺷﻤﺮ ﺍﻟﻤﻲ ﻋﻠﻴﻚ ﻭﺍﻟﻠﻪ
- ﻣﻮ ﻉ ﺍﻟﻤﻲ ﺍﺣﺠﻴﻴﻴﻲ ﺍﺣﺠﻲ ﻉ ﻏﻴﺮ ﺷﻲ
- ﺑﺎﺑﺎ ﺗﺪﺭﻱ ﺍﻧﺖ ﻗﺮﺍﺭﻱ ﺑﻬﺬﺍ ﺍﻟﻤﻮﺿﻮﻉ ﻭﻋﻤﺘﻲ ﻋﺎﻓﺖ ﺍﻟﻜﻞ ﻭﺟﺎﻳﻪ ﻣﺠﻠﺒﻪ ﺑﻴﻪ ﺷﻨﻮ ﻣﺎﻛﻮ ﻏﻴﺮﻱ ﻟﻮ ﺷﻨﻮ ﺑﻀﺒﻂ ﺗﺮﺍ ﻣﺎﻳﺼﻴﺮ ﻭﺍﻟﻠﻪ ﺍﺫﺑﺢ ﺭﻭﺣﻲ ﻭﺍﺗﺨﻠﺼﻮﻥ ﻣﻨﻲ ﻟﻮ ﺍﺫﺑﺢ ﺍﺧﺘﻚ ﻭﺍﺧﻠﺺ ﻣﻨﻬﺎ ﻻﺯﻡ ﻓﺪ ﻳﻮﻡ ﺍﺳﻮﻱ ﻫﻴﺞ
ﻣﻦ ﺣﺠﻴﺖ ﻫﻴﺞ ﺿﺤﻚ ﺑﺎﺑﺎ ﻭﺣﺴﻦ ﻣﺎﺕ ﻣﻦ ﺍﻟﻀﺤﻚ
- ﻫﻬﻬﻬﻬﻬﻪ ﻭﻻ ﻫﺬﺍ ﻫﻮ ﺍﻟﻤﻮﺿﻮﻉ ﺍﻟﻲ ﺣﺠﻴﺖ ﻋﻠﻴﻪ ﻫﻬﻬﻬﻬﻬﻪ
ﻣﻦ ﻛﺎﻝ ﻫﻴﺞ ﺍﺗﻔﺸﻠﺖ ﻭﻛﻌﺪﺕ ﻭﻫﻮ ﻳﻀﺤﻚ ﻭﺣﺴﻴﻦ ﻣﻴﺖ ﺿﺤﻚ
- ﺗﻌﺎﻱ ﻫﻨﺎ ﻳﻤﻲ ﺗﻌﺎﻱ ﺷﻠﻮﻥ ﻫﻴﺞ ﺗﻤﺸﻴﻦ ﺑﺸﺎﺭﻉ ﻟﻮ ﻣﺪﻋﻮﻣﻪ ﻫﺎ ﺷﺠﺎﻥ ﺻﺎﻳﺮ ﺑﻴﻪ ﺗﺪﺭﻱ ﺍﻧﺘﻲ ﺭﻭﺣﻲ ﻟﻮ ﺭﺍﻳﺤﻪ ﻣﻦ ﻋﺪﻱ ﻻ ﺳﺎﻣﺢ ﺍﻟﻠﻪ ﺷﻠﻮﻥ ﺍﻋﻴﺶ ﺑﻌﺪ ﻣﺎﻃﻠﻌﻴﻦ ﺑﺪﻭﻥ ﻣﺎﺍﺣﺪ ﻭﻳﺎﺝ
- ﺿﺤﻜﺖ ﻭﻛﻠﺘﻠﻪ ﺷﻨﻮ ﺑﺎﺑﺎ ﻫﺬﺍ ﻫﻮ ﺍﻟﻤﻮﺿﻮﻉ ﺍﻟﻲ ﺻﺤﺘﻠﻲ ﻋﻠﻴﻪ
- ﺍﻱ ﻫﻮ ﻻﻥ ﻛﻠﻬﻦ ﻣﻮ ﻣﻬﻤﺎﺕ ﺑﻜﺪ ﺣﻴﺎﺗﺞ ﻣﻬﻤﻪ ﻋﺪﻱ ﺩﻳﺮﻱ ﺑﺎﻟﺞ ﻉ ﺭﻭﺣﺞ ﺑﻨﻴﺘﻲ ﻣﺎﻋﺪﻱ ﻏﻴﺮﺝ
- ﻓﺪﻭﻩ ﺑﺎﺑﺎﺗﻲ ﺍﻟﻠﻪ ﻳﺨﻠﻴﻚ ﺍﻟﻲ ﻭﻣﻴﺤﺮﻣﻨﻲ ﻣﻨﻚ
ﺑﺴﺘﻪ ﺑﺨﺪﻩ ﻭﻛﻤﺖ ﻭﻣﻦ ﻳﻮﻣﻬﺎ ﻛﻤﺖ ﻣﺎﺍﻃﻠﻊ ﺍﺫﺍ ﻣﻮ ﺣﺴﻦ ﻟﻮ ﺍﻣﻲ ﻭﻳﺎﻱ ﻭﻫﻢ ﻳﻮﺻﻠﻮﻧﻲ ﻭﻋﻤﺘﻲ ﺑﺎﺑﺎ ﺣﺠﻪ ﻭﻳﺎﻫﺎ ﻭﺧﻠﺼﺖ ﻣﻦ ﻋﺪﻫﺎ ﺑﺲ ﺑﻘﻪ ﻫﺬﺍ ﺍﻟﺒﻐﺪﺍﺩﻱ
ﻛﻞ ﻓﺘﺮﺍ ﺍﺷﻮﻓﻪ ﻛﺪﺍﻣﻲ ﻛﻤﺖ ﻳﻌﻨﻲ ﻛﻞ ﺍﺳﺒﻮﻋﻴﻦ ﺍﺷﻮﻓﻪ ﻣﺮﻩ ﻣﺮﺗﺎﺣﻪ ﻣﻦ ﻋﺪﻩ
ﺑﺪﻩ ﺍﻟﺪﻭﺍﻡ ﻭﻛﻤﺖ ﺍﺩﺍﻭﻡ ﺍﻧﻲ ﻭﺻﺪﻳﻘﺘﻲ ﻳﺎﺳﻤﻴﻦ ﺑﻨﻔﺲ ﺍﻟﻤﺪﺭﺳﻪ ﻭﻛﻤﻨﺎ ﻧﺮﺟﻊ ﻭﻧﺮﻭﺡ ﺳﻮﻩ
ﻓﺪ ﻳﻮﻡ ﻃﻠﻌﺖ ﻣﻦ ﺍﻟﻤﺪﺭﺳﻪ ﻭﻳﺎﺳﻤﻴﻦ ﺗﺤﺠﻲ ﺑﺎﻭﻋﺖ ﻟﻤﺤﺖ ﺳﻴﺎﺭﻩ ﻭﻫﻠﺴﻴﺎﺭﻩ ﺍﻋﺮﻓﻬﺎ ﻛﻠﺶ ﺯﻳﻦ ﻻﻥ ﺫﺍﻛﻠﻴﻮﻡ ﺍﺷﺘﺮﺍﻫﺎ ﻋﻤﺎﺭ ﺍﻱ ﻫﺪﻩ ﺳﻴﺎﺭﺓ ﻋﻤﺎﺭ ﺫﺍﻛﻠﻴﻮﻡ ﺍﺷﺘﺮﺍﻫﺎ ﻣﻦ ﺻﺎﺣﺒﻬﻢ ﻫﻮ ﻭﺣﺴﻦ ﻭﻋﺮﻓﺖ ﻫﺸﻲ ﻣﻦ ﺣﺴﻦ
ﻣﺎﻋﺮﻑ ﺍﻳﺶ ﻛﻤﺖ ﺍﺩﻭﺭ ﻋﻠﻴﻪ ﺑﻜﻞ ﻣﻜﺎﻥ ﻭﻟﻤﺤﺘﻪ ﻭﺍﻛﻒ ﻻﺑﺲ ﺑﻨﻄﺮﻭﻥ ﺛﻠﺠﻲ ﻭﻗﻤﻴﺺ ﺍﺳﻮﺩ ﻭﻗﻤﺼﻠﻪ ﺳﻮﺩﺍ ﻣﻦ ﺷﻔﺘﻪ ﺣﺴﻴﺖ ﻛﻠﺒﻲ ﻳﺪﻙ ﺳﺮﻳﻊ ﺍﺑﺘﺴﻤﺖ ﻭﺍﻧﻲ ﻓﺮﺣﺎﻧﻪ ﺷﻴﺴﻮﻱ ﻛﺒﺎﻝ ﻣﺪﺭﺳﺘﻲ ﻣﻌﻘﻮﻟﻪ ﺍﺟﻪ ﺍﻟﻲ
ﻻﺍﺍﺍ ﺷﻨﻮ ﺍﻟﻲ ﺷﺒﻴﺞ ﺟﻮﺭﻱ ﺍﻧﺘﺒﻬﺖ ﺍﻛﻮ ﺑﻨﻴﻪ ﻭﻛﻔﺖ ﻛﺪﺍﻣﻪ ﻣﺒﻮﺷﻪ ﻓﺘﺤﻠﻬﺎ ﺍﻟﺒﺎﺏ ﻭﻫﻲ ﺭﻛﺒﺖ ﻭﺭﻩ ﺍﻧﺘﺒﻬﺖ ﺑﺴﻴﺎﺭﻩ ﺭﺍﻧﻴﺎ ﻭﺧﺎﻟﺘﻲ ﺍﻡ ﻋﻤﺎﺭ ﻫﻢ ﻣﻦ ﺷﻔﺘﻬﺎ ﻣﺒﻮﺷﻪ ﻋﺮﻓﺘﻬﺎ ﺧﻄﻴﺒﺘﻪ
ﺍﺣﺲ ﺗﺪﻣﻮﻋﻲ ﻛﺎﻣﺖ ﺗﻨﺰﻝ ﻉ ﺧﺪﻭﺩﻱ ﻣﺴﺤﺘﻬﻦ ﺭﺍﺳﺎ ﻭﻛﻤﻠﺖ ﻃﺮﻳﻘﻲ ﻭﺍﻟﺪﻣﻮﻉ ﺗﻠﻤﻊ ﺑﻌﻴﻮﻧﻲ ﺩﺭﺕ ﻭﺟﻬﻴﻲ ﺷﻔﺖ ﺷﺎﺏ ﻭﺍﻛﻒ ﻳﺒﺎﻭﻋﻠﻲ ﻭﻳﻀﺤﻚ ﻭﻳﻐﻤﺰﻟﻲ ﻭﻳﺎﺷﺮ ﻉ ﺧﺪﻭﺩﻩ ﺑﻤﻌﻨﻰ ﺷﺒﻴﺞ ﺗﺒﺠﻴﻦ
ﺷﻜﺪ ﻛﺮﻫﺘﻪ ﻣﻮ ﻫﻮ ﺍﻧﻲ ﻣﺎﻗﺼﺘﻚ ﺩﺧﻞ ﺍﺧﻠﺺ ﻣﻦ ﻫﺬﺍ ﺍﻟﺒﻐﺪﺍﺩ ﻭﺑﻌﺪﻳﻦ ﺍﻃﻠﻌﻠﻲ ﻋﺎﺑﺘﻠﻜﻢ ﻛﻠﻜﻤﻢ ﻣﺎﻋﺪﺍ ﺑﺎﺑﺎ ﻭﺣﺴﻦ ﻭﻋﻤﺎﺭ
ﺟﻮﺭﻱ : ﻣﺮﺕ ﻳﻮﻣﻴﻦ ﻧﺼﺮ ﻳﻄﻠﻊ ﻣﻦ ﺍﻟﺼﺒﺢ ﻭﻣﺎﻳﺠﻲ ﻏﻴﺮ ﺑﻠﻴﻞ ﻛﻠﺶ ﻭﻳﻨﺎﻡ ﺭﺍﺳﺎ ﻭﺛﺎﻧﻲ ﺑﻮﻡ ﻧﻔﺲ ﺍﻟﺸﻲ ﻭﻣﺮﺍﺕ ﻳﺠﻲ ﻭﻳﺒﻘﻪ ﺑﺮﻩ ﻭﻳﻪ ﺍﻫﻠﻪ ﺳﻮﺍﻟﻒ ﻭﺿﺤﻚ ﺍﺣﺴﻪ ﺩﺍﻳﺸﺮﺩ ﻣﻨﻲ ﻭﺩﺍﻳﺒﺘﻌﺪ ﻣﻨﻲ
ﺍﻱ ﻣﻜﺎﻥ ﺍﻧﻲ ﺑﻲ ﻣﻮ ﻳﻄﻠﻊ ﻣﻨﻪ ﻣﺎﻋﺮﻑ ﺷﻜﻴﺖ ﺍﻟﺴﺤﺮ ﺭﺟﻌﻠﻪ ﺑﺲ ﻣﻦ ﺳﻮﻟﻒ ﺍﻟﻜﻮﺛﺮ ﻛﺎﻟﺖ ﻫﺬﺍ ﻧﺼﺮ ﺍﻟﻲ ﺍﻋﺮﻓﻪ ﺗﻠﻜﻲ ﻳﺤﺲ ﺑﺘﺎﻧﻴﺐ ﺍﻟﻀﻤﻴﺮ ﻟﻮ ﻣﺴﺘﻐﺮﺏ ﻭﺑﻌﺪﻩ ﺑﺼﺪﻣﻪ ﻣﻮ ﺳﻬﻠﻪ ﻋﻠﻴﻪ
ﻭﺧﺎﺻﻪ ﻫﻮ ﻣﻴﻌﺮﻑ ﺑﻨﻔﺴﻪ ﻣﺴﺤﻮﺭ ﻋﺬﺭﻱ ﻭﺍﻻﻳﺎﻡ ﺍﻟﺠﺎﻳﻪ ﻣﻦ ﻳﺘﻌﻮﺩ ﻋﻠﻴﺞ ﻳﺠﻴﺞ ﻫﻮ ﺻﺪﻙ ﻛﻤﺖ ﺍﺳﻮﻱ ﻫﺬﺍ ﺍﻟﺸﻲ ﻭﻣﺜﻨﻰ ﺭﺍﺡ ﺟﺎﺏ ﻏﺰﻝ ﻭﺭﺯﺍﻥ ﺑﺎﻣﺮ ﻣﻦ ﻋﻤﺘﻲ ﻛﻠﺘﻠﻪ ﻟﻮ ﺗﺮﺟﻊ ﻣﺮﺗﻚ ﻟﻮ ﺍﺟﻴﺒﻠﻲ ﺣﻔﻴﺬﺍﺗﻲ ﺍﻧﻲ ﻣﺎﻛﺪﺭ ﺑﺪﻭﻧﻬﻦ
ﺻﺪﻙ ﺭﺍﺡ ﺟﺎﺑﻬﻦ ﻭﺍﺟﻪ ﻣﺮﺕ ﺍﻻﻳﺎﻡ ﻧﺮﻛﺾ ﺭﻛﺾ ﻭﻧﺜﺮ ﻳﺒﺘﻌﺪ ﻋﻨﻲ ﻋﺮﻓﺘﻪ ﻛﻞ ﻣﻴﺮﻳﺪ ﻳﺼﺎﻟﺢ ﺳﻨﺪ ﻭﺳﻨﺪ ﻣﺎﻳﺸﻴﻞ ﺍﻟﺘﻠﻔﻮﻥ ﻋﻠﻴﻪ ﻟﻮ ﻳﺨﻠﻲ ﺑﻨﺎﺗﻪ ﻳﺮﺩﻥ ﻭﻳﻜﻠﻠﻪ ﻣﺎﻣﻮﺟﻮﺩ ﺩﻭ ﻧﺎﻳﻢ
ﻭﻧﺼﺮ ﺍﺷﻮﻑ ﺑﻌﻴﻮﻧﻪ ﺣﺰﻥ ﻭﻗﻬﺮ ﻃﻠﻊ ﺻﺎﻟﻨﺎ ﺍﺳﺒﻮﻉ ﻣﻦ ﺭﺟﻌﻨﺎ ﻣﻦ ﻛﺮﺑﻼﺀ ﻭﻧﺼﺮ ﻃﻠﻊ ﺑﺸﻐﻞ ﻛﺎﻝ ﺍﺳﺒﻮﻋﻴﻦ ﻭﺍﺭﺟﻊ
ﻭﻣﺮﺕ ﺗﺴﺒﻮﻋﻴﻦ ﺑﻠﻤﺢ ﺍﻟﺒﺼﺮ ﺗﺮﻛﺾ ﺭﻛﺾ ﺭﺍﻧﻴﺎ ﻣﺎﻋﺮﻓﺖ ﻋﻨﻬﺎ ﺷﻲ ﻻﻥ ﻣﺎﺣﺎﺟﻴﻬﺎ ﻭﺑﻨﺎﺗﻬﺎ ﻫﻨﺎ ﻋﻤﺘﻲ ﻫﻲ ﺍﻟﻲ ﻣﺪﺍﺭﻳﺘﻬﻦ ﺧﻄﻴﻪ ﻋﻤﺘﻲ ﺗﺮﻛﺾ ﻣﻨﺎ ﻭﻣﻨﺎ ﻉ ﺍﻟﺒﻴﺖ ﻭﻉ ﺍﻟﺒﻨﺎﺕ ﻭﻣﻦ ﺍﺳﺎﻋﺪﻫﺎ ﻣﺎﺗﻘﺒﻞ ﻭﺗﺒﻘﻪ ﺗﺮﺯﻝ ﺑﻴﻪ ﻭﺍﺻﻴﺢ ﻫﻦ ﺑﺲ ﻫﻠﻜﻢ ﻳﻮﻡ ﺳﺘﺮﻱ ﻋﻠﻴﻨﺎ ﻉ ﻣﺎ ﻧﺎﺧﺬﺝ ﻟﻠﺪﻛﺘﻮﺭﺗﺞ
ﺧﻠﺼﺖ ﺍﻻﺳﺒﻮﻋﻴﻦ ﻭﻧﺼﺮ ﻣﺎﻛﻮ ﺟﻨﺖ ﻣﺸﺘﺎﻗﺘﻠﻪ ﻫﻮﺍﻱ ﺩﻛﻴﺖ ﻋﻠﻴﻪ ﻭﺍﻧﻲ ﺧﺎﻳﻔﻪ ﻻ ﻳﻔﺸﻠﻨﻲ
ﺭﺩ ﻭﻣﺒﻴﻦ ﻣﻦ ﺻﻮﺗﻪ ﺟﺎﻥ ﻧﺎﻳﻢ
- ﺍﺳﻔﻬﻪ ﺣﻨﺖ ﻧﺎﻳﻢ
- ﻻ ﻋﺎﺩﻱ ﺍﺻﻼ ﻫﻤﺰﻳﻦ ﺩﻛﻴﺘﻲ ﻛﻌﺪﻳﻨﻲ ﺑﻠﻮﻗﺖ ﺍﻟﻤﻨﺎﺳﺐ ﺟﺎﻥ ﺭﺍﺡ ﻛﻞ ﺍﻟﺘﻌﺐ ﻣﺎﻝ ﺍﻻﺳﺒﻮﻋﻴﻦ ﻭﺍﻃﻴﺮ ﺍﻟﺘﺮﻗﻴﻪ ﻣﻦ ﻋﺪﻱ
- ﻻ ﺍﻧﺸﺎﺀﺍﻟﻠﻪ ﺗﺤﺼﻠﻬﺎ ﺑﺲ ﺍﺫﺍ ﺗﺮﻗﻴﺖ ﺷﻨﻮ ﺍﺻﻴﺮ
- ﻫﻬﻬﻪ ﺍﺻﻴﺮ ﻧﻘﻴﺐ ﺍﺷﺸﺶ ﻭﻟﺞ ﺍﻟﺤﻴﺎﻃﻴﻦ ﺍﻟﻬﺎ ﺍﺫﺍﻥ ﻭﺍﻧﺘﻲ ﻳﻢ ﺍﻟﺸﺒﺎﻙ ﻣﺎﻝ ﺍﻟﻄﺮﻣﻪ ﻻ ﺗﺴﻤﻊ ﺍﻟﺠﺎﻭﻳﻦ
- ﻳﺎﺍﺍﺍﺍ ﻉ ﻛﻴﻔﻚ ﻣﻮ ﻟﻬﺪﺭﺟﻪ ﻫﺎﻱ ﻫﻬﻬﻬﻬﻬﻪ
- ﻫﻬﻬﻬﻪ ﺍﺷﺎﻗﻪ ﺷﻠﻮﻧﺞ
- ﻳﻤﻪ ﻳﻤﻪ ﻳﻤﻪ ﺍﺣﺲ ﻛﻠﺒﻲ ﺭﺍﺡ ﻳﻄﻠﻊ ﻣﻦ ﻣﻜﺎﻧﻪ ﻣﻦ ﻛﻠﻤﺎﺗﻪ ﺍﻟﺤﻤﺪﺍﻟﻠﻪ ﻭﺍﻧﺖ
- ﺍﻟﺤﻤﺪﺍﻟﻠﻪ ﺑﺮﻫﻮﻣﻲ ﺷﻠﻮﻧﻪ
- ﻫﻬﻬﻪ ﺯﻳﻦ ﺍﻻﺳﺒﻮﻉ ﺍﻟﺠﺎﻱ ﺍﺩﺧﻞ ﺑﺸﻬﺮﻱ ﻭ ﺍﺭﻭﺡ ﺍﻟﺪﻛﺘﻮﺭﻩ ﻭﺍﺷﻮﻑ ﺷﺘﻜﻮﻟﻲ
- ﺧﻴﺮ ﺍﻧﺸﺎﺀﺍﻟﻠﻪ ﻳﻼ ﻣﺮﺧﺼﺘﺞ ﻻﺯﻡ ﺍﻛﻮﻡ
- ﻫﺎ ﺍﻱ ﺍﻱ ﺍﺧﺬ ﺭﺍﺣﺘﻚ
ﺳﺪﻳﺘﻪ ﻭﺍﻧﻲ ﻣﻤﺼﺪﻛﻪ ﺭﻭﺣﻲ ﺣﺎﺟﺒﺘﻪ ﻳﺒﻮﻭ ﺣﺘﻪ ﻣﺎﺳﺌﻠﺘﻪ ﺷﻮﻛﺖ ﻳﺮﺟﻊ ﻳﻼ ﻋﺎﺩﻱ ﺑﻌﺪﻳﻦ ﺍﺧﺎﺑﺮﻩبيج قصص عراقيه حقيقيه من واقعنا.روعه الطائي
ﻣﺮ ﺍﺳﺒﻮﻉ ﻟﺦ ﻭﺩﺧﻠﺖ ﺑﺸﻬﺮﻱ ﻭﺑﺎﺟﺮ ﻻﺯﻡ ﺍﺭﻭﺡ ﻟﺪﻛﺘﻮﺭﺗﻲ ﻧﺼﺮ ﺑﻴﻦ ﻳﻮﻡ ﻭﻳﻮﻡ ﺍﺣﺎﺟﻲ ﺭﺳﺎﺋﻞ ﺑﻤﺠﺮﺩ ﺍﺳﺌﻞ ﺗﻨﻪ ﻭﻫﺬﻫﻮ ﻫﻮ ﻫﻢ ﻣﻦ ﺑﻤﺠﺮﺩ ﻣﺎ ﻭﺍﺣﺪ ﻳﺴﺌﻞ ﺍﻟﺜﺎﻧﻲ ﺷﻠﻮﻧﻚ ﺯﻳﻦ ﻳﺨﺘﻔﻲ
ﺛﺎﻧﻲ ﻳﻮﻡ ﺭﺣﺖ ﻟﻠﺪﻛﺘﻮﺭﻩ ﻣﺎﻟﺘﻲ ﻭﻛﺎﻟﺖ ﺑﻌﺪ ﻳﻮﻣﻴﻦ ﺗﻌﺎﻱ ﺍﺳﻮﻳﻠﺞ ﻭﻻﺩﻩ ﻭﺍﻧﻲ ﻣﻴﺘﻪ ﺧﻮﻑ
ﻭﻋﻤﺘﻲ ﺍﺗﻬﺪﻱ ﺑﻴﻪ ﺍﺟﺖ ﺍﺧﺖ ﻧﺼﺮ ﺍﻟﺼﻐﻴﺮﻩ ﺍﻡ ﺗﻘﻰ ﺑﺘﻬﺎ ﺗﺨﺒﻞ ﻭﻫﻲ ﻭﻏﺰﻝ ﻣﻌﺎﻭﻙ ﻉ ﺍﻟﻠﻌﺎﺑﺎﺕ ﺑﻴﻮﻡ ﻋﻤﻠﻴﺘﻲ ﻋﻤﺘﻲ ﻋﺎﻓﺖ ﺍﻟﺒﻨﺎﺕ
ﻳﻢ ﺑﺘﻬﺎ ﻭﺭﺣﻨﺎ ﻟﻠﻤﺴﺘﺸﻔﻰ ﺍﺗﻤﻨﻴﺖ ﻧﺼﺮ ﻭﻳﺎﻱ ﻻﻥ ﻻ ﺍﻣﻲ ﻭﻻ ﺍﺧﺘﻲ ﻭﻳﺎﻱ ﺍﺫﻛﺮﺕ ﻣﻦ ﺧﺎﺑﺮﺕ ﺍﻣﻲ ﻭﻛﺘﻠﻬﺎ
ﻛﺎﻟﺖ ﻣﻨﻮ ﻳﺠﻴﺒﻨﻲ ﻣﺎﻛﺪﺭ ﻋﻤﺘﺞ ﻳﻤﺞ ﻭﻣﻦ ﺍﺟﻴﺒﻴﻦ ﺍﺟﻴﺞ
ﺣﻴﻞ ﻗﻬﺮﺗﻨﻲ ﻭﺳﺒﻌﺖ ﺑﺠﻲ ﺑﻴﻮﻣﻬﺎ ﺩﺧﻠﺖ ﻟﻠﻌﻤﻠﻴﺎﺕ ﻭﺍﻧﻲ ﺑﺲ ﺍﺑﺠﻲ ﻭﺍﻟﺪﻛﺘﻮﺭﻩ ﻭﻋﻤﺘﻲ ﻭﻣﺜﻨﻰ ﻳﻀﺤﻮﻥ ﻋﻠﻴﻪ ﺣﻘﻬﻢ ﻣﺎﺣﺎﺳﻴﻦ ﺍﻟﻲ ﺩﺍﺣﺴﻪ
ﻣﻮ ﻻﺯﻡ ﺍﻻﻡ ﺑﻬﻴﺞ ﻭﻛﺖ ﺗﻮﻛﻒ ﻭﻳﻪ ﺑﺘﻬﺎ ﻣﻮ ﻻﺯﻡ ﺍﻻﺧﺖ ﻛﺎﻣﺸﻪ ﺍﻳﺪﻱ ﻭﺗﻬﻮﻥ ﻋﻠﻴﻪ ﻭﺗﻜﻠﻲ ﺷﻲ ﺑﺴﻴﻂ ﻫﺆﻩ ﺑﺲ ﺍﺗﻜﻌﺪﻳﻦ ﻭﺍﺷﻮﻓﻲ ﺗﻨﺴﻴﻦ ﻛﻠﺸﻲ
ﻣﻮ ﻻﺭﻡ ﺯﻭﺟﻲ ﻛﺎﻣﺶ ﺍﻳﺪﻱ ﻭﻳﻜﻠﻲ ﻻ ﺗﺨﺎﻓﻴﻦ ﺍﻧﻲ ﻳﻤﺞ ﺻﻴﺮﻱ ﻗﻮﻳﻪ ﻭ ﻃﻠﻌﻴﻠﻲ ﺑﺴﻼﻣﻪ
ﺍﺷﻮ ﺍﻧﻲ ﻭﻻ ﻭﺍﺣﺪ ﻣﻨﻬﻢ ﻭﻳﺎﻱ ﻋﻤﺎﺭ ﺧﺎﺑﺮﻧﻲ ﻭﻛﺎﻝ ﻭﺍﻟﻠﻪ ﺍﻧﻲ ﺑﺸﺮﻛﻪ ﻭﻃﻠﺒﺖ ﺍﺟﺎﺯﻩ ﻣﻄﻮﻧﻲ ﺑﺎﺟﺮ ﺍﻟﺼﺒﺢ ﻳﻤﺞ ﻻﻥ ﺟﻤﻌﻪ ﻭﻋﻄﻠﻪ ﻋﺬﺭﺗﻪ ﻻﻥ ﺧﻄﻴﻪ ﻣﻴﻜﺪﺭ ﻳﺘﺮﻙ ﺷﻐﻠﻪ ﻭﺍﺫﺍ ﻏﺎﺏ ﻳﻨﻔﺼﻞ
ﺩﺧﻠﺖ ﻭﺍﻧﻲ ﺍﻟﺪﻣﻌﻪ ﺑﻌﻴﻨﻲ ﻭﺿﻠﺖ ﺍﻡ ﺍﻟﺘﺨﺪﻳﺮ ﺗﺴﺌﻠﻨﻲ ﺍﺳﺌﻠﻬﺎ ﻭﺑﻌﺪﻫﺎ ﻓﻘﺪﺕ ﻭﻣﺎﻋﺮﻓﺖ ﺷﺼﺎﺭ ﺣﺴﻴﺖ ﻉ ﺍﺻﻮﺕ ﻳﻤﻲ ﻭﺿﺤﻚ ﻭﺍﻧﻲ ﺍﺣﺲ ﺭﺍﺳﻲ ﻃﺒﻞ ﻭﺑﻄﻨﻲ ﺍﺗﻜﻄﻌﻨﻲ ﺍﺗﻜﻄﻊ ﻓﺘﺤﺖ ﻋﻴﻮﻧﻲ ﻛﻮﻩ ﻭﺍﺭﺟﻊ ﺍﺳﺪﻫﻦ ﻫﺬﺍ ﺻﻮﺗﻪ ﺻﻮﺕ ﻧﺼﺮ ﻭﺍﻟﻠﻪ ﺍﺣﺴﻪ ﺍﺧﺘﺮﻕ ﺍﺫﺍﻧﻲ ﻭﻫﻮ ﻳﻜﻮﻝ ﺑﺴﻢ ﺍﻟﻠﻪ ﻛﺎﻧﻤﺎ ﺩﺍﺷﻴﻞ ﺷﻲ
ﻓﺘﺤﺖ ﻋﻴﻮﻧﻲ ﻭﺍﻧﻲ ﺍﺭﻳﺪ ﺍﻟﺮﺅﻳﻪ ﺗﻮﺿﺢ ﻋﺪﻱ ﺷﻔﺘﻪ ﺑﺼﻔﻲ ﺷﺎﻳﻞ ﻃﻔﻞ ﺣﺘﻪ ﻣﺎﻧﺘﺒﻬﺖ ﻉ ﺍﻟﻄﻔﻞ ﻛﺪ ﻣﺎﻧﺘﺒﻬﺖ ﻉ ﺍﻟﻔﺮﺣﻪ ﺍﻟﻲ ﻣﺮﺳﻮﻣﻪ ﻉ ﻭﺟﻬﻪ ﻧﺼﺮ
ﻋﻤﺘﻲ ﺛﺎﺣﺖ ﻭﻟﻚ ﻳﻤﻪ ﻛﺒﺮ ﺑﺎﺫﻧﻪ ﻭﻳﻤﻲ ﻣﻮ ﻛﻄﻊ ﻧﻔﺴﻲ ﻭﺍﻧﻲ ﺍﺣﺎﺟﻴﻚ
- ﺍﻱ ﻳﻤﻪ ﺍﻱ
ﺩﻧﻚ ﻭﻫﻮ ﻳﻜﺒﺮ ﺑﺎﺫﻧﻪ ﻭﻳﺴﻤﻲ ﺑﺎﺳﻤﻪ ﻭﺻﻮﺗﻪ ﻭﻫﻮ ﻳﻜﻮﻝ ﺍﺳﻤﻴﺘﻚ ﺍﺑﺮﺍﻫﻴﻢ ﻳﺮﻥ ﺑﺎﺫﻧﻲ ﺭﻥ ﺣﺴﻴﺖ ﺑﺎﻟﻢ ﺑﺒﻄﻨﻲ ﺻﺤﺖ ﺍﺍﺍﺍﺥ
ﺍﺟﺖ ﻋﻤﺘﻲ ﺗﺮﻛﺾ ﻋﻠﻴﻪ ﻭﻫﻮ ﺑﺎﻭﻋﻠﻲ ﻣﺒﺘﺴﻢ ﺍﺟﻪ ﺗﻘﺮﺏ ﻭﻛﺎﻝ ﺷﺮﻑ ﻭﻟﻲ ﺍﻟﻌﻬﺪ ﻫﻬﻬﻪ
ﺿﺤﻜﺖ ﻭﻫﻤﺴﺖ ﻧﺰﻟﻪ ﺍﺭﻳﺪ ﺍﺷﻮﻓﻪ ﻋﺪﻟﺖ ﻋﻤﺘﻲ ﻛﻌﺪﺗﻲ ﻭﺍﻧﻲ ﺍﺻﻴﺢ ﺍﺥ ﻋﻤﻪ ﺑﻄﻨﻲ ﻛﻌﺪ ﺑﻄﺮﻑ ﺍﻟﺴﺮﻳﺮ ﻭﺍﺑﺮﺍﻫﻴﻢ ﺑﺤﻀﻨﻪ ﻗﺮﺑﻪ ﺍﻟﻲ
ﻳﺎﻟﻠﻪ ﺷﻜﺪ ﻳﺸﺒﻪ ﻧﺼﺮ ﺩﻧﻜﺖ ﻭﺍﻧﻲ ﺍﺷﺘﻢ ﺭﻳﺤﺘﻪ ﺍﻓﻴﺸﺸﺶ ﻳﺎﺭﻭﺣﻲ ﺑﺴﺘﻪ ﺑﻜﺼﺘﻪ ﻭﻧﺰﻟﺖ ﺩﻣﻮﻋﻲ ﺑﻘﻴﺖ ﺷﻔﺎﻳﻔﻲ ﻉ ﻛﺼﺖ ﺍﺑﺮﺍﻫﻴﻢ ﺍﺑﻨﻲ ﺷﻜﺪ ﺣﻠﻮﻩ ﻫﻠﻜﻠﻤﻪ ﻫﺎﻱ ﻭﻣﺎﺣﺲ ﻏﻴﺮ ﺍﻟﺒﺎﺏ ﺍﻧﻔﺘﺢ ﻭﺻﻮﺗﻬﺎ ﺭﻥ ﺑﺎﺫﻧﻲ ﺭﻥ ﻭﻫﻲ ﺍﺗﻜﻮﻝ ﺍﻟﺤﻤﺪﺍﻟﻠﻪ ﻉ ﺳﻼﻣﺘﺞ ﺑﻌﺪ ﺍﺧﺘﺞ ﺭﻓﻌﺖ ﺭﺍﺳﻲ ﻭﺍﻧﻲ ﺍﺷﻮﻓﻬﺎ ﺭﺍﻳﻨﺎﺍﺍﺍ ………… ﻳﺘﺒﻊ
،،،،،،، ﻭﻟﻠﺤﻜﺎﻳﻪ ﺑﻘﻴﻪ ،،،،،،،،
ﻗﺮﺍﺋﻪ ﻣﻤﺘﻌﻪ ﺍﺣﺒﺘﻲ
ﻃﺒﻌﺎ ﺍﻟﺒﺎﺭﺕ ﻣﺘﺪﺭﻭﻥ ﺷﻠﻮﻥ ﻛﺘﺒﺘﻪ ﺍﻟﻴﻮﻡ ﺻﺮﺕ ﺍﻡ ﺑﻴﺖ ﺍﻳﺪ ﺍﻏﺴﻞ ﺍﻣﺎﻋﻴﻦ ﻭﺍﻳﺪ ﺍﻛﺘﺒﻠﻜﻢ ﺍﻳﺪ ﺍﻗﺮﻱ ﺍﺧﻮﺗﻲ ﻭﺍﻳﺪ ﺍﻛﺘﺐ ﻭﺍﻳﺪ ﺍﻧﻀﻒ ﻭﺍﻳﺪ ﺍﻛﺘﺐ ﻛﻮﻩ ﺧﻠﺼﺘﻪ ﻭﻃﺒﻌﺎ ﺍﺭﺟﻊ ﺍﻛﻮﻝ ﻏﻠﺴﻮﻭ ﻉ ﺍﻟﺴﺤﻚ ﻻﻥ ﻣﺎﺻﺤﺘﺘﻪ ﻭﺍﻟﻠﻪ ﻣﻴﺘﻪ ﺗﻌﺐ ﻻﻥ ﻣﺎﻣﺎ ﻣﺮﻳﻀﻪ ﻭﺍﻧﻲ ﺻﺮﺕ ﺍﻡ ﺑﻴﺖ ﺑﻤﻜﺎﻧﻬﺎ 😭😭
ﺗﺼﻮﻳﺘﺎﺗﻜﻢ ﻭﺗﻮﻗﻌﺎﺗﻜﻢ ﻭﺗﻌﻠﻴﻘﺎﺍﺍﺍﺍﺗﻜﻢ
# ﻧﻮﺭ ﺍﻟﺸﻤﺮﻱ
# ﻧﻮﺷﻪ