#عشگ_بصراوي

٩_______١٠
#البارت_التاسع

منذ ان ادركتگ في قلبي
اصبحت دقاتهُ ملكأً لك

لست عابر سبيلٍ في حياتي
بل عابراً الى قلبي

ارحم اشتياقي اليگ

ارحم عذابي بگ

ارحم صرخات قلبي

المنادية بأسمگ

گن لي گما گنتُ لگ

لا تجعل حبي لعنة

لا تگبلني بقيودگ

اجعلني اسيرة حبگ

لا اسيرة احزاني

اريدگ هدية الحياة

تعوضني عن المي

خذني الى قلبگ
گرحلة ازلية نهايتها الموت
بين عينيگ

🍂🍂🍂🍂🍂

لو تدري اول ما ترسم شفاهگ اسمي
دگات گلبي تفز بگِل مگان بجسمي

🍂🍂🍂🍂🍂🍂🍂

عشرتگ تشبه الفانوس حصتي بيها دور جام
صح شابع جوي من نار لكن احضن بيها لا تطفى

مواصفات الابطال

رهام مواليد ١٩٩٨

بنت جمالها يعكس الجمال البصراوية

بيضه شعرها بني عيون سود گبار تجذب النضر

رشيقة متوسطة الطولcm ١٦٢

علي مواليد ١٩٩٣ حسب مواصفات البطله

حنطي على بياض عيون حاده حاجب
ثخين شارب ولحية مهمله

متوسط الطول ١٧٥cm

تمر الحياة بين حلم وامنية

ولا يحدث الا ماكتبة الله لنا

البصرة ٢٠١٦

رهام اااا

امشي راجعه من مدرستي خايفه گلبي يرجف افكار تاخذني وجيبني عهد ماكو عنده شغله بالكويت مسافر

...رفعت راسي للسما ياربي اريد اكمل دراستي واوصل لحلمي مااريد ازوج ياربي كون ابوي يشيل فكرة الزواج ورئيس عشيرة مايضغط علي يزوجني لعلي شاگينه اله واذا ماازوجه يطلعون ابوي من عشيرة ماعدنه بنات تزوج خارج  عشيرة بس ولدنه ازوجو اليردونهن
وعلي فاضحتي يريدني وكل تضغط علية

تعبانه من گلشي
محتاجه مكان وحدي افكر بي دخلت لبستانه مكان ارتاح بين خضرة وصوت لطيور

گعدت جوا شجرة اكطع بالثيل ودموعي تجري كارهه ردت لبيت لا يستلموني قيل وقال
وافقي بعلي وما وافقي وحيرة واكعه اعرف بي ميخليني اكمل دراستي يغار من هوا لو لاحني .. .

كمشت غصن واشلع اوراگه ورگه ورگه واكول
ازوج واشلع الورگه
لا ماازوج
ازوج
لا مازوج وصلت اوراق اخيرة

ازوج
لا ماازوج ومااحسيت الا نجر غصن من ايدي ...گلبي وكع بين رجليني
وكع الورگه الاخيرة و گالي
؛؛
غصبا تزوجن

رفعت عيوني شهكت وخليت ايدي على شفاهي
؛؛علي انت شجابگ هنا شعرفگ مكاني !!!

اقترب مني عاگد حاجبه وهمسلي

؛؛رهوم تكدرين تضمين نفسج من كل لوادم لكن علي مستحيل شلون مااعرف مكانج گلبي دلاني عليج

جمعت قوتي ورديته لا يظن خايفه من زي العسكري الابسة ونجماته لا اني بنية بمية ضابط

رفعت عيني بعينه

؛؛ ماااا ازوجك اگرهك اموت منك لتحاول تخطبني مااريدك ...

ضحك ضحكة مكر استفزني

؛؛مو لگبالج مو رجال عمود بنية تمشيني ..
لا ازوجج واكسر هذا خشمج اليابس

؛؛گتلك ماازوجك لو اخر واحد تبقى شوس لبقه من ماي وجهك حفظه وكافي تلحكني

جرني من ايدي عليه وعيوني جت بعيونه شعور خوف تملكني صاح بيه

؛؛رهاااااام شني الدشوفي بعيوني

؛؛هدني كلشي مااشوف اني عمية

؛؛انه العماني عشكج لج شوفي بعيوني لو مرا شكد حبيتج ..

اسمع كلامه واحسه ضغط عليه شعور غريب بداخلي مااريد اصدكه همي دراستي ..ضب على ايدي وگلي رهااام اعشكج

جمعت قوتي وماتمالكت نفسي لا ارادي هديته مني وضربته راشدي مااعرف شون سويت هيج بس گلمه اعشكج كلش اكرها نزلت ايدي وانداريت ياربي شسويت رديت نظري عليه خال ايده على وجهه جرني من ايدي ...
وعيونه حمر گلت هل لحظه يكتني من صغار جان ابوي يشبعه گتل من يجر اگصايبي ويرجع يگتلني كمت اتشاهد  لسلاح بخصرة جسمي كله يرجف

؛؛رهااام وعيونج هاي لذابحتني ...ايدج اكسرها تنمد مرا لخ
..ما ذلني بشر كدج وصامد لهل لحظه
بس احلفلج بغواليج ..بعد هل ضربه حتى لو فكرت اعوفج مااهدج

؛؛علي صدكني مااقصد بس كلامك استفزني ..

هدني وراح ..ضليت اعض ايدي لو مكسورة وممادتها عليه لسه حرارة وجهه على ايدي اول مراا احس گلبي يدك بهل سرعه

رجعت اركض للبيت دكات گلبي سابقه خطواتي
الهث دخلت البيت
امي جرتني
؛؛ تعالي رهاام بسرعه دخلي بدلي

؛؛ليش يمه شكو شصاير

؛؛بدلي وتعالي للاستقبال علي وعمج وخالتج زهره جوا يحاجون ابوج رايديج يمه علي خوش وليد واتخرج ملازم شحلوه شبي راسج هل كثر يابس

؛؛ماما ماازوجه لو اموت ...

طلعت للحديقه هربت من امي

كاعده بالمرجوحه وافكر

فكرت انتحر واخلص منه
كلشي ولا ازوج هل معقد
شفت طابوكه مثلمه يم مرجوحه كمشتها ودخلت للاستقبال ضامتها وراي

؛؛هاي يمه رهام فدوا
لهل جمال تعالي يمه كعدي يمي
اني مااباوع بس على علي وشون يباعلي ومنتصر عليه وكل ضحكاتهم صرخات بگلبي عمي كلي

؛؛رهام منا وجاي انت چنتنه

درت الطابوكه من وراي وصحت

؛؛ماازوج علي لو اموت وضربت راسي ضربه قوية كدامهم محسيت الا دم نازل على عيني وصياحهم عليه اني من شوفت دم كلش اخاف منه
وكعت اغمى عليه بس اسمع صوت علي ومااكدر ارد راسي ثكيل

؛؛؛رهااااااااام مخبله اسويتي فتحي عينج رهاااااااام ..
رهاااام يمه شسويتي
رهااااام

عمي فتحوا طريق خل اخذها للمستشفى

شلتها بيت ذراعي فتحولي باب سيارة ودخلتها عمتي كعدت يمها وعمي بالصدر الكل وجوهم متتفسر دست بانزين معرفت شون اوصل للمستشفى اضرب الاسترين واعض ايدي اگول بگلبي

؛؛ياربي بس تكعد مااريدها بعد اتركها نهائي وارد لبغداد

وصلنه نزلتها اركض بيها للطواريء

وياي عمتي ومرت عمي حالتها تكسر گلب اني الاذيت بنتها الوحيده ...خليتها على سديه وشتلغتو يمسحون جرح طلعونه من غرفة

دقايق على نار واكفين
طلعت دكتور ..

؛؛الحمدلله
ضربة مو عميقة على جبينها ماكو شي خطير
لكن احتاجيننه نخيطها ثلاث خياطات وناخذها مفراز لا يصير نزيف داخلي من قوت ضربه ...

طلعوها گدامي امدده اتمنيت انه بدالها ولا شوفها هل وضع دخلوها مفراس ..

ردت ادخل ماخلوني ..طلع دكتور بعد المفراس

كال ماكو شي يخوف

عمتي وعمي ركضوا على رهاام

"رهااام يمه فتحي عينج

يمه شعندي غيرج

بوية رهااام هاي موش سواية تطلع منج

اخذناها للردهه نسائية ..

كعدت يمها اتوسل بيها تگعد عمتي جرت اديها

علي عوفني وي بنيتي لا تلجم.گلبي عليها

گالتلي ما تريدك بس گله مني اوف يمه لو ميته ولا شايفتج هل وضع يمه گعدي مانزوجج

رهااام

رجعلي وعي واسمع صوت امي وادوخ فتحت عيني شوي شوي شفت روحي بالمستشفى وامي يمي درت نظري ودموعي نزلت

ضليت اهمس مااريد اعيش اريد اموت واخلص

؛؛لا يمه لا تحجين هيج يمه لا تحركين فادي

اقترب مني ابوي

بوية تردين دددراستج لاخر نفس بيه ماا ابطلج و زواج مااطيج لو على كص رگبة

اندار على علي وگاله

          رهااام مااطيها الا تكمل درستها
وهذا وعد وحتى لو متت محد يجبرها على زواج هاي قطعه من گلبي

            ؛؛اسمع كلام ابوي وعيني تجري دموع
          اني كسرته واذيته نزلت راسه گدام عمي

      رجعتيلي قوتي شوي طلعوني من مستشفى امي                    
كامشتني ودمعها بعينها

طلعنه واشوف علي واكف يم سيارة مدنچ راسه 

رفع عينه شافني اندار وصعد

            صعدت ورا وعيونه بلجامه الامامية
بيها كوم حجي نزلت عيني مرفعتها الى ان وصلنه للبيت مغارب ..نزلت ابوي وامي طلب منهم يحتجيني اخر مرا وابوي كله اذا ماترضى تحاجيك فنك تضغط عليها

        وافقت احجي ويا امي لازمتني لا ادوخ راسي      ملفوف وكف اگبالي مدنچ راسه

؛؛رهاام راد لبغداد بعد متشوفيني وهاي اخر مرا احجي وياج اطيج گلمه رجال ما اصدلج ولا اوكف بطريقچ
ودار وجهه وراح

گلبي دگاته سريعه مااعرف هل شعور
                         خنكه مكتومه
دخلت للبيت امي گالتلي

؛دخلي لغرفتج واجيبلج  اگِلي ارتاحي

اتچه وامشي افكر بالسويته

طلعت گتبي اقرا رغم دايخه لكن مكدرت اكمل نمت على كتاب

كعدت صبح بدلت جيت اطلع ماما مخلتني لكن اصريت اني من صغيرة اعاند وكلشي اريده اسوي مااخاف من شي مادام ابوي خالني بخيمته وامي محاوطتني بجناحها واخوي رفعت راسي مافديوم احد اذاني الا ولكا سچين بظهرا

لبست حجابي خاله باندج على كد جرح لكن خايفه لا يحجون صديقاتي ويضلون يسئلون

امشي ولمحت سيارةعلي اجت صوبي صاحني

؛؛رهام خل اوصلج
صعدي..
؛؛لا علي مااصعد وصلت
نزل وفتح باب سيارةوزمخ بي

دخلي گتلج اوصلج لا توكعين بالشارع وتعال شيلني لباحه گسرتي ظهري

؛؛محد طلب منك شيلني اني ردت اموت انت شعليك بيه طلعت مو گد گلمتك ورجعت حاجيتني

اقترب گالي

؛؛لا يبت عم لا تظنين خلفت وياج بس راد لبغداد وصرتي بطريقي ه‍ذ گلبي صاحج لهل درب

صديته وتنافخت

؛؛لا گلب ولا شي اني ماعندي گلب احب اصر عليه ودخلت يوصلني ...

وصلني للمدرسة وگالي

اني رايح بس لا تظنين انتصرتي
مااطلع ملازم علي اذا ما دخلت گلبج بسجني

☘☘☘☘☘☘☘☘

#عشگ_بصراوي

#البارت١٠

-تحبني؟
مو كل وكت
مرات احسك عدو بس اختل بسده
-تكرهني؟
ايي، بالعقل بس انه مثل
الطفل من شاف هجرك صدك
كلبة وكف ضده.

علي ...

؛؛لا تظنين انتصرتي علي..
مااطلع ملازم علي اذا مدخلتج بسجني

رهام ...

؛؛دمعتي صارت طرف عيني
حسيت ماكو مهرب منه تنافخت ونزلت من سيارة سديت الباب حيلل طبكته

؛؛على گيفج وي باب
السيارة توها جديده

؛؛صديته ودرت وجهي انافخ 
ئف خايف على باب سيارته تنكسر
بس مخايف يكسرني ...

تلگني بنات مدرسة وگل تسئل
على جرح راسي واطلع الف حجه وعذر دخلت لصفي ..ومدرسة سئلتني خجلت گلش

رديتها بأرتبااااك

سست وكعت من درج

؛؛سلامتج ماما انتبهي لا راحت عيونج

؛؛دنكت ونزلت راسي اخفي جرح
من بنات لان الانظار صوبي

خلصنه درس بقيت اقراا حتى بالفرصة لان سادس علمي واريد معدل طبية كل حلمي اصير طبيبه ادرس ليل نهار مااعرف شنو راحه قاطع شرودي

صوت صديقتي

؛؛رهومه ليش وحدج كاعده
كافي اضغطين على نفسج ارتاحي

؛؛لا اسيل لازم اطلع معدل والا اهلي يزوجوني وميخلوني اكمل كلية

؛؛اوف حبيبتي الله يساعدج
سمعت من بنات ابن عمج رايدج
وضاغط على اهلج شسويتي عموده

؛؛اسيل راح اموت قهر ماكو شي يبعده عني ولا يقتنع بالحجي الصبح وصلني وكلامه كله تهديد

؛؛يا صدك يعني هذا الحلو نزلتي من سيارته
هوا ابن عمج

؛؛ئف ياحلو
لا ذكريني كارهته رسمي

؛؛بصراحه من نزلتي جنه اني وبنات دنفوت للمدرسة وشفناكم ضل يباوعلج الى ان دخلتي للمدرسة وكل صفنن علي

قاطعنه صوت امل صديقتنه

؛؛؛رهوم انتي غبيه لو تتغابين اني لو منج تردين الصدك اعوف گلشي واوافق عليه بس عيونه تاخذج العالم ثاني

؛؛دنكت راسي وگلي احباط مااعرف شون يكدر يسحر كل الا اني مايوم التفتت لجماله ولا شي بس اشوفه قضبان تخنكني

خلصت مدرسة رجعت للبيت

شفت ماما تطبخ بدلت ونزلت
كلت اساعدها ..التفتت علي

؛؛رهام يمه لا تشتغلين شي بعدج تعبانه ودراسة روحي نامي

؛؛لا يمه خلي اساعدج

اصرت علي مااشتغل ..اكلت وتمددت بغرفتي
مااكدر اغفى من اغمض بس اذكر علي و
صوت علي وتهديداته  بأذني

اتگلب اريد يروح من بالي مااكدر
احس مسيطر على عقلي وتفكيري

تذكرت كلام صديقاتي ياربي
ليش بس اني مدااكدر احبه
وخايفه منه

منمت طلعت گتبي ضليت ادرس
الى ان صار الليل وبقيت ادرس خايفه من بكلوريا
راسي يوجعني
الدنيا ضايگه بيه

بقيت ايام على هل وضع مر سبوع مشايفه علي ولا ادري شي عنه اني مااسئل ومكمت ماشوفه سواها صدك وراح مااعرف رغم كلشي صار احس فراغ
تعوديت اتعارك ويا ومناكرنه
اشتاقيت لعرايگنه حياتي خلال هل اسبوع
بين
دراسة مكثفه وبيت بعدها كعدنه عطله قبل بكلوريا

حبست نفسي دراسة  جتني امي جايبتلي اكلي

؛؛ يمه راح من بالي ماكتلج ..

خابرت خالتج زهرة گالت اليوم حنة مصطفى بس شباب راح عهد ولبسوا عربي يردون يدبجون جوبي  باجر عرس عزمتنه للزفة
نروح شوفي ملابسج شناقص دنطلع نشتريلج

؛؛لا يوم مناقصني شي ..بس مااكدر عندي دراسه

؛؛يمه صار سنه تدرسين يوم واحد شيأثر

؛؛ماشي صبح ادرلكم خبر اروح لولا

؛؛كلش فرحتله بعد معانات طويله وافق عمي جلال يزوجه لبنية الحبها وصارت مشاكل وي اهلها وهدو عليه طلابه وصارت بالطلاقات ناس تهدد ناس عمود لا يطوها بس اصر عليها وتزوجها .....

اريد اروح لعرسة بس خايفه لا يشوفني علي ويرجع يلزگ بيه ظليت لليل كله افكر اروح لو مااروح
عاد صبح كلت لا هاهية مصطفى مثل اخوية ودائما جان مدللني يجيبلي كلشي اريده من دون مااحجي

غسلت وتريكت كلتلها لامي

؛؛يمه هاهية راح ابدل واجي نروح نساعدهم نساعدهم بالطبخ

؛؛لا يمه هناك نكعد ماسوين شي عمج جايب طباخ وذبايح خير من الله

؛؛كلش فرحت كمت احضر ملابسي وكلبت كنتور اشكال عندي مااعرف شلبس اخر شي لفت انتباهي فستان طويل لان مختلط
لونه بصلي شيفون وجوا بطانه

وخليت مكياج  مو صارخ رسمت عيني
وحمرا بصلي

طلعت من غرفة  عهد كبالي صار ضل صافن وصاح

؛؛يمه هاي رهوم هيج تطلع

؛؛يمه عرس شتريدها تلبس خلها براحتها

؛؛ بس هذا مو لبسنه ماتطلع هل شكل

؛؛اوف من مناكركم ..يمه رهام تردين العالم ترجع تتكاتل عليج لهل ليوم خالتج زهرة وجها ثكيل وبالكوا تتحاجه مقهورة من سويتي ذاك ليوم

؛؛دمعتي طرف عيني اذكرت لسويته انقهرت

؛؛ماشي يمع مااطلع

ابوي واكف يمنه  گال

؛؛ حميده  مالج شغل برهام
انه بوها امشنه بوية

ابوي كلش اريحي كلشي يخليني البس بس عهد يوكفلي على كلشي ويحاسب وعلي ماخذ طبعه حتى كللهم يلبسني عبا بعد زواج ونقطة مكياج ميقبل
مشيت انه وامي

ابوي وعهد يمشون اگبالنه

لابسين  غتره ودشداشة بيضه

زينة لشيوخ هيج عاداتنه بأعراسنه

اخذنه عهد لبيت عمي

سادين شارع وكلها كراسي وناس معكله

كاطعين الامن الشارع عمود العرس من شفتهم انقبض گلبي علي اكيد موجود

مشيت مدنجه ورا عباية امي مااريد واحد يشوفني

دخلنه للصاله خالتي استقبلت امي من شافتني دارت وجها بعدها زعلانه مني ويمكن كرهتني على صار
ضيفت امي وانه مامعبرتني

عيوني دمعت حاولت اضم دموعي مكدرت
طلعت للحديقة الورا بيت امسح دموعي التفتت

وانصدمت بالشفته فتحت عيوني وساع من كلامهم
واكف علي واسماء بت خاله

ويسولفون مرتاحيت الا اعرف شيكللها
معقوله كذب عليه هوا محبني يي محبني حمدت ربي موثقت بي وافقت علي ..
خذني فضول شيحجون
اقتربت بسدهم
واكف يمها ويحجي

؛؛اسماء انتي مثل اختي معتبرج
من صغر ليهسا مااكدر احبج

؛؛علي انت الى متى عايش بوهم صدكني رهام متحبك ولا تفكر بيك اني الوحيده حبيتك مااكدر اشوفك وياها اموت

؛؛رهاام ...اعتذر اوف ياربي دائما اسهى بأسمها

؛؛لا علي مو انت لدوخك مثل هيج وحده حتى ممعبرتك لا علي شوف اكبالك زين اني اسماء مو رهام بس شكلك مكادر تشوف غيرها بالدنيا وخايفه عليك لا حب يضيع حياتك

؛؛اسماء كولي لخالي يشيل فكرة اخطبج ورهااام مااشيلها من بالي هي وحده بهل دنيا اخذت گلبي وللموت

؛؛اسمع كلامهم وگلبي يدك بسرعه معقوله يحبني لهل حد ..واخاف لا اكسر لبنية لتحبه اكتشفت بعد لسويته وكل عرفت برفضي اله اني ماستاهل يحبني لان گلبي حجر ميتحرك تفكيري مستقبلي مااريد اضيعه واكضي حياتي بين اربع حيطان و جهال

اندار وصار بوجهي ..انخطفت انفاسي فتحت عيني ..شهكت  ..
عللي..
سحبت نفسي ارجع ليورا ويتقدم خطوا اتجاهي
ياربي عرف جنت اسمع عليهم

رفع حاجبه وزمخني ..

؛؛ممكن اعرف شدسوين وراي تتسمعين علينه؟

بلعت ريكي وجاوبته اتهرب بنظراتي ..

لا لا ابد جيت صدفه وشفتكم واكفين مو قصدي ابد لا تفهمني غلط ..اقترب همسلي نشف دم بجسمي

بضحكة مكر 

؛؛لا فهمتج عدل

ودار وجهه وراح

سمعت وراي صوت اسماء

؛؛رهام انت متحسين ولا راح تحسين بي وهوا ميت عليج واني دااموت كل يوم من اشوفه يتعذب بحبج ..وصدكي يجي يوم ويحبني مااتنازل عنه

؛؛وشايفتني ميته عليه اخذي الج كله مااريده شبعي بي مناقصتكم اني

عفتها انافخ وطلعت للمطبخ فارغ كل تطبخ برا جداري طبخ كبار
اتهرب من نظرات خالتي  الدنيا دتختبر صبري انداريت درت وجهي لكيته متحنط گبالي چفلني يشرب چاي ويباعلي
ياخذ شفه وينافخ ..

درت نظري اسمعه وراي

تعالي اذوگج الچاي لدااشربه

صديته وصرت اعصاب
مااشرب منك شي

؛؛شربي شوي واخليج ترحين لو هسا گدام عالم اگلهم هاي الي

علي گفي خبال واشرب شوية وتهدني اروح ..
خلا بحلكي شرب شوي وتفلته للكاع غصيت زقنبوت عبالك حرك گلبي مر وثكيل
انداريت علي انت شون جنت شربه يلعب نفس بس انت ماعندك احساس

خله على كاونتر وباعلي

؛؛لا رهوم جنت اشربه احلى من عسل لان عيونج هي حلاتي مااحتاج اخلي شكر

؛؛اجتني ضحكة بس حافظت على گبريائي مااوكع بمصيدته

؛؛ كافي شربت وسممت شتريد توصل بعد

يباعلي نظرات واحد مخدر دايخ مسطور

؛؛اريد اوصل لكلبج

صحت بي

؛؛حلم متوصله

قرب مني

همسلي لا تعلين حسج
وكل تسمعج تلميهم علي

؛؛اذا تعرف هيج يصير وخر

ضل يباوع نزل من عيوني لشافهي
وعگد حاجبة
؛؛هاي شخاله ؟؟,

؛؛رفعت حاجبي

؛؛،شخاله؟؟

طلع جفيه من جيبه وگلي مسحيها

؛؛شمسح؟؟,

؛؛لا ثولين نفسج مااعتب عليج ولا عمي رجال جبير  بس هذا عهد شغلي ويا شون طلعج بهل منظر ولبسج مخازي وتعرفين كِٓلها زلم كم واحد صگرج وانتي داخله

عيوني حمر واريد انفجر بوجهه مخنوكه مااكدر احجي همست

؛؛انت مالك دخل بيه طلعت بشور ابوي

مااسمع الا ضحكت  عمه حورية

ههههههه عايفين العرس وكاعده طيور حب هنا

بعدت عنه مسافه وگلبي وكع من خوف لا تفهم غلط

؛؛,لالا عمه عطشت جيت اشرب مي
وصدفة شفت علي هنا

؛؛مو هيج علي.. احجي هيج صار

غمزلي ومسح شفايفه يلمحلي على حمرة امسحها  ..

؛؛,يي بالضبط صدفه لاكيتها هنا

؛؛يمه هاي شطالعين صلوات  على نبي

علوش صاير رجال ومعگل و دشداشة

شحلوك يمه گون فد ناس تحس بيگ

تعودت علي بالعسكري ماشايفته بدشداشة
اعرف تلمحلي بس كل مرا يحاول گلبي يميل صوبه يصرف شي يخليني اكرهه بالزايد

عمه انه رايحه يم امي ..وحمرة مامسحتها

؛؛يي رهوم مو يمچ الحجي..شردي

طلعت لكيت گٓل النسوان التمت يصعدون كوسترات الزفة جيت صوب امي وگفت بصفها الهوسة الزفه صارت گريبه علينه طلعت واشوف مصطفى وصحبانه يرگصون وفرحته ماواسعه دنيا

التفتت وبعده علي صاگرني ويأشر  دنچت ومادرت بال

عهد صاح بمصطفى يله يخوي زفتك بيدي

سيارتك انه سايقها

عهد ومصطفى اصدقاء گلش اكثر من ولد عم طلعاتهم وطباتهم كلها سوا وحالفين واحد يزف لاخ

صعد ويا بالصدر بسيارة العرس عهد يسوق ومصطفى بصفه وخالتي ورا

ابوي وعمومتي گلهم بسيارة وي ابن عمي عامر

وباقي كوسترات جيت اصعد بالكوستر زمخني علي وكال انتي وامج بسيارتي 

ضليت خايفه وگلبي يرجف ياربي مااريد علي ياخذنه شيخلصني من لسانه ..

صاحتني امي وضلو يدفعوني اصعد ويا ومااريد

صعد اكبالي وصاحني

طالع وضلي وحدج

استسلمت وصعدت وياهم گلب لمراية بچهرتي

وضل يباعلي ويسوق شغل وانزف احلى هلهوله للغالي الحلو طوله ...وشعلها اعلى شي وضلو يضربون هورنات  وصلنه ..نزل شايل مسدس ولابس حزام طلقات
يفر بالسلاح بي گدامي  فتحلي باب

امشي وخايفه ويمشي وراي انداريت

مااكدر افرح الا والاكي زامخني ومصره ماامسح شي بوجهي اذا يحبني يتحملني ...

ومااسمع الا شتغلت الطلاقات ورمي من خوف رجعت علي كمشت ايده قوي گلبي يدك بسرعه خوف

علي ...اترجاك لا ترمي خايفه تجي بواحد

؛؛اگول بگلبي گون زفتچ  الي اذا ماحرگ الحي بالطلق واسمع العراق گله صرتي الي  واهدي نار گلبي

شاعلها عشگچ بدون مكياج وماكله گلبي وهاي لعيون لوساع مگحلات يغزالي تمنيت ادخلچ بگفص وافقل عليچ الباب

يتبع ......هذا عرس لشهيد متهنى بي وملحگ يشوف طفله اترحموله  💔

ارائكم مع توقعاتكم ماتحمل لهم الايام من مفاجئات

#حيدور

تصويت ومتابعه الحسابي ☺