#عشگ_بصراوي

٣_______٤

#بارت_الثالث

ترة العاگول من ضيمـة
صِبح عاگول لو مرتآح چا ورّد...

💞💞💞💞💞💞💞💞💞💞💞💞
دانة..

راد يحاجيني رفضت نهائي احجي ويا

اتمددت على فراشي وافكر ارد عليه لولا ضليت

اتكلب الى ان اخذت الجهاز وبلا وعي دخلت صفحته وجان قبل دقايق ناشر منشور ومخلي احرفي بي وقصده حته اعرف الي وناشر

(صباح الخير لبقعى انتي فيها صباح الخير لصوتك الدافيء)

نصدمت بعد اكثر حسيت كلبي تعلق بي من اول منذكر اسمه احساس اول مرا احس بي شي مثل الامان ..
وبنفس الوقت خايفه منه مرت كم يوم واني افكر بكلام رهام ...

بديت انشر منشورات تخصه واقصده بيهن وادخل صفحته وهو هم ينشر ويقصدني بيهن وصلت مرحله كمت مااكدر اذ ماادخل صفحته واتابعه

تعبت كلت خلاص راح اقفل حساب الفيس لان اخاف لا مشاعرني تاخذني لغير شي اخاف لا تتطور علاقتي بي وهو سراب وهم

قفلت الحساب واحس كلبي دمر تأذيت مر يومين ماعرف شي عنه تعلق بي ماكدر ثانيه مااشوف حسابه او ارقبه واستحي اسئل رهام عليه بعد مرفضته

جنت احس من ادخل حسابه اخذ جرعة اوكسجين حته اعيش بيها كمت اختنك اذ مااطمن علي

ولو بتعليق

اني جان عندي حسابين حساب انشر بي اقتباسات واشارك بي بعيد عن الاقارب

ولان مااحب احد يراقبني

وحساب ثاني هو شخصي بي اقاربي واهلي

وضايفه كل الاعرفهم عكس هذاك الحساب مجان بي احد

وجنت اعتبره كتاب واكتب بي الي احبه بعد مقفلت الحساب الاول الي يعرفه عهد فتحت الحساب الثاني

ورجعت ارقبه من عنده گلبي يوجعني لان رفضته وفكره بالي لو يريدني يطيني فرصه اعرفه ردت اتعرف علي مندون ماادخل بعلاقة حب .ط..

صدفه نزل منشور وجذبني علقت علي وجان عهد موجود ومرت دقايق ع تعليقي واجت الصدمه عهد رد ع تعليقي گأن عرفني اني وهذ حسابي الثاني ورغم جان كلشي ميدل عل انو اني الي يريدها حذفت تعليقي

بسرعه لان خاف لا يطلع التعليق واني ارجف ومصدومه شلون عرفني

اجاني اشعار رسائل مرشحه فتحت الرسائل والصدمه الثاني عهد الي رسل بعد كلت الاختي كالتلي احذفي الرساله بسرعه ولا سويلنه مشكله واحضري مااخذت كلامها رحت الصديقتي وجان كالت اطي فرصه ارد مكدرت اجاوز كلامهم واحذفها بدون مااحس وره ٥ ساعات طلعت محادثة احذفها مطاني گلبي رديت

عهد...

بعد مرفضت تحاجيني زاد اصراري عليها ...خذت رقمها طلعت شكو بي حساب ضليت اراقبة ...مرت ايام وحسابها اختفى ..شفت على رقم حساب ثاني شكيت بي الها ضليت اراقبة بلوقت لسدت حسابها ضليت منتظر لمحة منها ترد لي الامل اتجاهه الى ان جاني تعليق منها چن تگلي مانسيتگ على بالي انت دخلتلها اريد اعرف ليش هل خوف وتهرب واوضحلها كم شغلة عني اريح بالها تجاهي ...دزيتلها

_ دانه شلونج ...وبقيت ساعات على اعصابي الى ان ردت

_تمام

_اگدر احاجيج بموضوع

دانه
فتح الرساله ومرد
ضليت خايفه شلون جرأت ورديت علي شلون سويت هيج اذ عرفو اهلي شراح يسون ضليت بال مشوش ورجفت كلب وعالم غير عالمي

مر اليوم الثاني دز عهد

صباح الخير

فتحت الرساله ومرديت لن حتقرت نفسي شلون ضعفت ورديت علي واهلي ميدرون
وجان تاريخ٢٠١٨/٤/٢٠ تاريخ كرهت نفسي بي رسل ' دانه شلونج
_ تمام انت شلونك
_' بخير دانه عندي موضوع وياج عادي احجي
اني بخوف ورجفت كلب تشجعت ارد

_اي تفضل احجي

_دانه رهام كالتلج بلي طلبته منج
اني' اي وكلتلها ردي واكيد وصلك وثاني شي انت واثق من مشاعرك
' اي وصلني بس دانه جيت اكلج اني اسف اخاف بالج شي يمكن اسرعت وكلت لرهام تكلج ماعرف شلون اكلج بس اني ماعندي اي مشاعر حب اتجاهج يمكن جان اعجاب بس حب محبيت وكلامج صح انت من حقج ترفضن بس وي هذا گله عجبتني شخصيج

بهاذ كلامه حتقرت نفسي ومشاعر وكرهته بكد محبيته بهاي الايام ورديت علي بسرعه وكلتله من كلتلك واثق من مشاعرك لان اعرف هذي مشاعر عابره وماكو حب بدون منشوف الشخص هذ مجرد اعجاب بشخصيه وانت تضل اخ عزيزي وخلاص انسى الي صار وسديت المحادثه

عهد...

اتمر الايام واني الحك حسابها وادزلها ومترد جاني عصره بگلبي لا مضايقها ومثقل عليها راجعت نفسي من حقها ترفض مااجبرها على شي القرار قرارها احتمال اني غلطان معدها مشاعر اتجاهي ومن جهه مامتعلم اذب روحي على احد ونزلت نفسي الها جنت مستعد اگتل حب لبگلبي ولا اجلرها علي ردت منها گلمة تلين لكن بكل مرا ترفض اطيت فرصه النا اثنينه تراجع نفسها

دانه
مر الاسبوع غلقت بي كلشي بقيت بلكوا اكل اذكر كل كلمة كالها و ليش زرع هل مشاعر بگلبي وعافني فتحت جهازي وقررت امحي من حياتي .. رجع دزلي وكال اني صح كتلج مواثق من مشاعري بس بهذ الاسبوع مكدرت اشيلج من بالي واني هل مرا اكولها اجلچ واثق من هل گلمة دانه حبيتچ اني تفاجائت من كلمه احبج وكلتله راح اعبر هاي الكلمه وكانو مشفتها مقهورة منه ...
كالي
.. ماشي سوي ليريحج بس كوني واثقه طلعت من گلبي هل گلمة ...

سديت المحادثه وضليت بقلق وتفكير وخوف يومين ممحاجيته رجع رسل وتركت رسالته ومرديت ثاني يوم رسل وكالي بشنو تردين اثبتلج حبي واني جنت خايفه بجيت ورجفت وكتله گل لبگلبي احس نفسي ضايعه امشي بطريق مااعرف مصيري وجاي اسوي بدون مااستشير احد خايفه منك خايفه لا انخذل خايفه لا مشاعري تاخذني الطريق غلط

عهد..

دانه متفهمج وراح اطيج اثبات على كلامي

دانه..

لحظات واتصل ضليت ارجف مااكدر ارد ولا ارفض دزلي والدته تحاجيني ولمن حاجيتها جنت بحاله صعبه وتوتر وخوف وكلشي بيه يرجف حته صوتي ولمن حاجيتها رجعتلي الثقه بيه كلش فرحانه بيه
وبعد يومين من كلامي ويه والدته واجهت امي وكلتلها انو صديقتي حجتلي عليه وكالتلي يريد يخطبني وهمه يردون يحجون وياج والدته للولد ولمن كلتلها رفضت وكالت مستحيل شخص من النت ومنعرفه مستحيل اخطي هيج خطو واحجي وياهم وسدي الموضوع وممنوع ينفتح نهاريت وبجيت كدامها وجان الاصعب من ردت اكله رفضها واجيت وكلتله امي رفضت وكالي من حقها ترفض ومقدر موقفها بس اني كلي اامل و ارجعي حاولي وياها واني وياج ومستحيل اتركج ومستعد اجيب شيخ العشيره واجي عليهم وكلتله اكيد متعوفني كالي لحد المووت وياج وعدتج وعد مستحيل اخلف بي انتي الي واني الج وحبيتج بدون مااعرف كلشي عنج ولا حته اشووفج ادهورت احوالي وبين عليه التعب والبجي وجنت كل ما اواجه امي يزيد رفضها ويزيد خوفي وتعبي وكلتلها اذ اجه ومن الباب طلب ايدي كالت لو الف واحد يجيب ويا مستحيل نوافق شنو نكول للناس تعرفتي علي من النت وجانت هذ الكلام يدمرني وستمر العذاب سبوع وبعد بجي وسهر وعذاب وضغط ع امي من عندي حته بس تفتهم من والدته وتحاجيها كالتلي كليلها خلي يتصلون واشوفهم شنو يردون فرحت بس بنفسه اللحظه خايفه من امي ...طلبت من رهام تتصل بأمي لان مجانت تعرف اني احجي ويا وكتلها هذي اخته وراح تنطينه امه نحجي وياها تصلت امه بالليل وحاجت ماما...وكالتلها عهد يريد بتكم وحبها بدون ميشوفها ولا يحاجيها واحنه مستعدين لاي شي تردو واذ تردون باجر نجيكم تعارف عائلي ماما ارتاحت الكلام والدته وكالتلها اكول الابوها والله كريم رغم صعب علينه شغلت الانترنيت وسدت الجهاز وكالتلي خير ان شالله اكل البابا وبعدين نشوف شيصر بنفس اليوم وره ساعه طلب عهد بنفسه يحاجي ماما وقبلت ماما تحاجي بعد معانات وحاجته وجان كلام عهد واصراره عليه وحبه هو الي طمن كلب ماما وخلاها ترتاح اكثر وطلب منها بنفس اليوم تكول الابويه وسدته منه وراحت كالت الابويه واجت كالت يكول بابا خلي يدزون عنوانهم نسال عليهم الصبح دز هنا طرت من الفرحه ممصدكه بابا وافق بدون ميعارض ع شي وعهد هم مصدك ودز عنوانهم وصار الصبح واخذ عنوانهم بابا ولمن رجع العصر من الشغل اجت الصدمه وجان رده مستحيل اني انطي للبصره وبدون منعرف ومستحيل ينفتح هذ الموضوع بعد هنا نصدمت وبجيت ودمرت شنو الي غير كلام بابا ليش هيج اجه يحجي.....

💞💞💞💞💞💞💞💞💞💞💞💞💞💞💞

#عشگ_بصراوي

#بارت_الرابع

أنضري جيدا👀 أترين الجميع؟
_ أنا أراك أنت فقط😢
أقصد أني لا أريد الا أن اراك أنت❤️

💞💞💞💞💞💞💞💞💞💞💞

رهام...

اليوم اول يومي الي بالكلية..
طلعت ملابسي لجداد وكمت اختار ياهو البس كلها حلوات واريد اكشخ اول يوم گدام قسمي مااريد يكولون جاية من جنوب ماعدها ذوق بلعكس راح اعكس جمال محافظتي واخلاقها
واگفة مقابيل لمراية بعد ملبسة ملابسي مريحة قميص طويل وبنطلون شي اكدر اتحرك وامشي جامعة بغداد يحتاجلها مشي وحركة عدلت شالي واسوي لفة وتخرب عندي ورجع الفة الى ان ضجت مردت مديل لفيته عادي
وطلعت للاكيت عمتي مجهزة الريوگ اگلت بسرعة مستعجلة على خطي اليوم اول يوم دوام ماعرف شراح اواجه من ظروف لكن گلي ثقة بأن اكدر احقق حلمي اريد اصير احسن بيولجية بالدنيا ...

طلعت للخط ..بألتفاته بسيطه كأن لمحت سيارة علي ابن عمي ياربي معقوله هوا يراقبني گلش يخاف من شغلة جامعات وخاصة بغداد ميرتاح لشبابها خواته مخلاهن يكملن من غيره مايرضى يباعلنه احد برمشه ..صعدت بسرعه وكعدت يم جامه انفاسي تسبق خطواتي اترقبت منها اشوفه موجود لولا فاتت سيارته عدل شعره اندار ولبس نظارته حسبته ماانتبهتله بس مايعرف صگرته من بعيد مااتيها لو دنيا گدامنه مو بعد شارع ...امبين جاي من واجب لابس عسكري ...ياربي شگد حلو حلو علي...قطع شرودي نغت بنت بصفي ...

_اهلا وسهلا بيناتنه انت شنو اسمج ياكلية تدرسين

_دنكت بأرتباك ...ررهااام ...ادرس تحليلات تعرفت على بنات خطي وسولفنه طريق كله ورحبن بيه وفرحت بيهن

دانه ...

ومر اليوم الثاني من حجه وي اهلي بجي وعذاب مااصدك بابا قفل ميتحاجه اجاني مسج من عهد

كلي لاتبجي لاتصدكين اعوف حتلو مقبلو هسه بعدين يقبلون ورجعت كلت الامي توسلت تقنع بابا امي حاجت بابا ونفس الرد وكال من سابع المستحيلات انطي للبصره ولو مو يجيب شيوخ لو يجيب العراق كله وسدو الموضوع ماريده اسمعه بعد وضلت المعانات والبجي والدمار كرهت گلشي حواليه اول مرا اجرب هل شعور شخص يحبني من گلبه وخلاني احبه ...بقيت ملازمة غرفتي مااكدر اباوع بوجه احد گلها احسها مزدوده بوجهي ...محد يرضى يسمعني مبايلي سحبو مني من شافو محاجيته بابا منعني عنه نهائي ومكلي ليش فقط يگول مااكدر بنتي اذبها لبعيد بناتي يزوجن ويبقن قريبات علينا مانكطعت وادمنه داازوجها من الانترنيت

رهاام...

جامعة احلى شي صار بحياتي امشي بفيها كأن ماشية بالجنة ضليت ادور على قسمي جامعة كلش جبيرة ومليانه اقسام كلش دخت ..سئلت بنت وياي بخط دلتني ..وصلتني للقسم ...هناك طلاب واكفين وكلها صايرة تجمعات اني تأخرت سبوع يله بديت دوام كنت احضر اوراقي وتأخرت بالوثيقة الى ان جابوها من بصرة ...

امشي وحدي مااعندي احد دخلت گعدت بالقاعه بيها اسمي تمنيت دانة وياي ونگضي سوالف وضحك افتقدتها كلش من حجه عهد وي اهلها انقطعت اخبارها اتصل عليها مترد خوفي زاد عليها لا صاير شي وياها ...گطع شرودي صوت شاب

_بس تسمحيلي اخذ كتابي

_ ..التفتت بأارتباك استحيت خاله ايدي على كتابه ومحتله مكان ضنيت اكعد بگيفي كمت بسرعه ...اسفه خوية ماادري مكانك

_لا عادي مصار شي ابقي كاعده اني اغير مكاني واي شي تحتاجي تلكيني كاعد هناك على يمين ..شلتنه كلها لا تبقين وحدج احنه هنا ٣٠ واحد بالشعبة كلنه زملاء واحد يساعد الاخر ...

_...تسلم اخوية بالبداية جنت احاجيهم بصيغة الخوه وما خلي عيني بعين احد منهم كلهم مثل خوتي اعتبرتهم وبس علي بعيوني محد يصير مكانه ...اني من نوع بسرعه اختلط وي بنات واتفاعل وياهن اجتماعية كلش وموطبعي ابقى خايفة وكاعده تربينه من صغار على خشونة حياة ..كمت وتعرفت على بنات دخلنه دكتور الكل كعد وصار صوت ماكو بده يحجي بالانكليزي واني هنا ضليت صافنه طلاب متفاعلين ويا ومدنجين يسجلون ملاحظاته واني كلشي مامفتهمه ...نغيت بنية رافقتني ..

_هاله شديكول ..دنجت اشرت على دفتر ..همستلي كتبي هنا ملاحظات الدكتور تستفادين بيها من نروح للمختبر كله هنا دراسة انكليزي

_ياالله كله انكليزي صدك تحجين

...كاطعنه دكتور ...

_انت ...وانت ...برااا اصواتكم اتشوش لبقية

_كمت وحاصره دمعة شنحجي قابل هي تفهمني كم شغلة ..دكتور بس رادت توضحلي كم شغله مداافهمها ..

_خارج الغرفة كملوا كلامكم ...

_نغتني ومشينه طلعنه وفشله كل طلاب يباعون علينه اول يوم انطردت حزت بگلبي ..ضليت حاقده على دكتور وتهديني هاله

_رهاام هسا ياخذها علينه بأن نشوش على طلاب مو كتلج اكتبي ...

_اوف هاله لا تاكلين گلبي كتيلي گتبي بس مكتيلي لا تحجين وهاي سكتت

_بعد ايش انطردنه وهسا مهند شافني من انطردت ...

_شنو منو هذا ...

_اوف رهام سكتي عوفيني بقهر ..هذا كلش كيوت و احلى واحد هنا..اشطر واحد وازگن واحد صار كم يوم كل يوم بسيارة يجي

_ويعني هي هاي مواصفات يي وشنو ماعدنه جمال ولا سيارات فد مشكله يعني

_بعدج متعرفين اطباع الطلاب هنا بس حبيت اعرف هوا شراد منج حجه وياج شفته

_اوف متدرين جنت كاعده على ستوله وخاله ايدي على كتابة ...كتاب للطاقة الايجابية ههه وين عايش هذا

_رهام هوا مثقف كلش وطبيعي يقرا هيج كتب

_اني مدخلت بعقلي ولا كلمة بس وضحتلي شغله لازم اصير كيوت لان كلها مدري شون تحجي ..رحنه للنادي كعدنه ننتظر تخلص محاظرة واحد يفهمنه شيريد هل دكتور المعقد ..اجاني هذا ولد كيوت مدري مهند....اباوع عليها اكلته للولد بعيونها وتميعها ..هوا مادار بال اجه حاجاني انصدمت راد يعرف اسمي
_بس يبنيه انت شسمج ...دفترج هذه..

_ضربت كصتي ياربي شكد غبيه اني نسيت دفتري مال مذكرات جبته احتياط كلت خاف مندرس اطلعه اكتب ...اوف ياربي كون مقرا كل قصة حبي بي واحنه صغار اني وعلي....جريته بسرعه وتشكرته

_مشكور خوية تعبتك جبت الدفتر

_لا عادي بس ماكو حاجه تگليلي اخويه احنه هنا مثل مكتلج زملاء ماشي ..

_نغتني هاله ...

_كعدي وخلي يكعد ويانه ..

_همستلها ...اش وين يكعد غير يذبحني اخوي غمزتلي

_لج ليش هوا زميلنه غير ناخذ منه المحاظرة

_عفت عليها الطاوله وكمت انت اخذوا راحتكم اني رايحه ...

_رهام وين رايحه ابقي

_مشيت مادرت بال تصيحني مستحيل اكعد وي شاب.... علي الا كل شوي ناغزني گلبي لا يجي ويسبيني اذا شافه يگلمني مشيت خطوات واسمع صوت وراي ...

_رهام انتظري سوينه گروب لشعبة A اندخلج بي

_فتحت عيوني وساع ياالله ادخل شباب وبنات ويبقون سالمين من عهد وعلي ماياكلوهم

_لا اسفه ماادخل لاي گروب انداريت وصارت صدمة گدامي ...علي ...لا عزا انت شجابگ شهكت بلعت ريگي خوف ويقترب عاگد حاجبة عيونه حمر زامخني ...صار گلش قريب مني همسلي يغزرني

_من اول يوم واكفه وي واحد شگتلج بارحه

_جمعت قوتي ورفعت عيني بعينه ...شنو شمسويه قابل الولد اجه يريد يطيني محاظرة لفاتتني وين مشكله ..لاحظت مهند انسحب من شافني وي علي ارتاحيت بس اعرف لو اوضح منا لباجر علي ميفيد ويا

_امشي گبالي للبيت

_ليش وخطي وين ..

_بعد اني اوصلج واوديج

_بس اني گبرت مو صغيرة عيب مراقب عليه توديني وجيبني ....صح احبه بس مااكدر اشوف احد يفرض كلامه عليه احس روحي مختنكه ..كمل اوامرة ومشى گبالي ..اتمنى اغيره وهوا يغيرني دائما صح اعانده بس مااكدر ابقى على رايي يعرف شون يكسر كلامي فتح باب سيارة داخل ليجوا عنده باج يدخل لاي مكان ...فتح باب سيارة قوي صعدت وينافخ ويباعلي سديتها وانداريت رجاءء علي لا سويلي مشاكل

_خل نشوف منو يسوي مشاكل

_شغل سيارة وينافخ گلبي يدك بسرعه اول مرا نكون وحدنه بالسيارة واعرفه من نوع ميظهر مشاعرة خافيها بتكبره بس اعرف يحبني ويخاف عليه اكثر من نفسي ..بس مدري شيصير بينه من نلتقي عبالك واحد يريد يقتل الخ ...وصلنه وماحاجي ولا گلمه بس يباعلي ويندار...جيت انزل.. اجه وراي دخل وشايل جنطه ملابس...وكفت تصنمت گبال لباب ..صاح بيه ..

_شو واگفه متفوتين ...

_هاي لجنطه المن ...

_غراضي بيها باقي هنا انت وعمتي رادلكم رجال يحرسكم بالي يضل يمكم و شغلي نقلوني هنا

_ياربي هاي شديصير معقوله راح نبقى بسكف واحد ...بس عهد شون ...رفعت راسي ...وعهد شگتله مو ميقبل نبقى سوا

_لو بيته ماابقى وياج بس هذا بيت عمتي وجاي يمها مرا جبيرة بدل مااصيح لجيران اجيبلها شتحتاج مااكدر اشوف خالد طاب طالع جايب دوا اني اجيبلها...

_شافتنه عمتي نحجي بالحوش صاحتنه ندخل
سكتنه وفتنه واحد يباوع للخ خايفه من عهد لا يرجعني للبصرة اذا عرف باقي يمنه ...

_فتت لغرفتي واسمع تبريراته لعمتي وافقت يبقى بس كم يوم سمعت ترخص وطلع عندا شغله كلت اخذ راحتي بالبس من موجود اتقيد محتشم نلبس كدام ولد عمنه بس اذا وحدي وي عمتي لا عادي تراكات بدلت وطلعت شفت عمتي تنظف خذت منها غراض تنظيف وبديت انظف المطبخ وعيني على نقالي اريده يدگ من دانه ماكو بالي كلها يمها مسحت وخلصت تنظيف اكتبلها بالجهاز وراسي يوجعني القلق ماكل تفكيري اتصلت بعهد ميعرف شي وخوف مسيطر علي ...ضليت بين حيرة وين صارت طلعت محاظراتي التهي يخف قلق صار ليل تعبت من دراسة مليت طلعت من غرفتي اتفرج تلفزيون انطفت كهرباء امشي واسمع بس صوت عمتي من غرفتها مقابيلي اني سباعية مااخاف گلت اكعد بالاستقبال الى ان تجي كهرباء مدنجه عيني بالجهاز افتح الضوه ومااشوف انضربت بشخص گلبي وگع بين رچليه

_

دانه

... اجه بابا كال راح يجي ابن صديقي خطابه عليه كلولها خلي تحضر نفسها بدون نقاش هنا اني تخبلت وحسيت النفس ضاك عليه صرخت وبجيت وتعذبت وكتلهم مستحيل ماما بجت عليه اختي بجت عليه لأن حسيت حياتي انتهت اذ جبروني ع هذ الشخص طلب بابا يحاجيني وحدي حته يقنعني ع الولد الي جاي ومقبلت احاجي ابويه بس بعدين قبلت كمت مسحت دموعي ونزلت احجي ويا كاعد كبالي ويحجي واني مثل جماد كاعد مااعرف شنو يحجي ماتخيل نفسي وشخص غير عهد كالي بابا اني اعرف مصلحتج والي متقدملج شخص نعرفه ويشتغل يمي من هو صغير وبي كل مميزات الحلو وراح يكعدج بيت وحدج وقريبه علينه وشنو تردين موافقين بابا شيلي من راسج هذ الوهم الي مشايفته ولا شايفج ولا نعرف هو شنو وابن منو هاذ سراب حلم مستحيل يتحقق هاذ شخص اجوز يضحك عليج يجوز يأذيج والبصره بعيده اذ صدك وصارت راح تبعدين عنه بعد ٥٥٠ كيلو مراح نشوفج بعد منعرف شيصير بيج هناك وانتي وحدج غريبه محافظه تختلف ناس تختلف كلشي يختلف هناك وانتي وحدج بابا عوفي وافقي بلي اجاج وحضري نفسج يومين تلاثه جاين اهل الولد يشوفوج واني نطيت كلمه

يتبع

ارائكم مع توقعاتكم ماذا تحمل لهم الايام من مفاجئات

💞💞💞💞💞💞💞💞💞💞💞