بار10
#صرخات_غير_مسموعه
#بقلم ام غايب
#ج/2 البارت التاسع
مكلت شي مجان قصدي ابداً
بس اني ....باوع عليه وسكت وجر حسره اني تعبت من هذا الوضع ومن عقلي ومن كلشي ديصير
اعرف هسه بعقلج عبالج لان لمى مموجوده اريد افرغ شهواتي بيج بس مو هيج والله
ساعات احس روحي افكر بيج لا ارادياً
وساعات امنع نفسي منج
واكثر الوقت اكول اني احب لمى
واعرف بروحي احبهه اكثر من روحي
بس انتي هم كاعد احس بروحي
سكت
احس بروحي احبج الج هم ....معقوله الكلب يحب اثنين بنفس الوقت
بكلبي ....هو اني اريد جواب الهذا السؤال انوب انت تسألنيا مثلك بالضبط ديصير بيه
قصص وروايات عراقية كرار صلاح
ليش ساكته كليلي جاوبيني وكليلي شنو الخلل
تعبان من اشوفج كبالي وانتي حلالي ومااكدر اتقربلج
اعرف .....اعرف كاعد اخون لمى ولمى متستاهل بس شسوي
وساعات اكول انتي زوجتي مثل ماهيه زوجتي
شيرين متلاحضين اني بذيج الفتره حتى بالنهار مااجي
لان من اجي اختنك مااكدر والله اريد قربج وبنفس الوقت اخاف اخسر حبي الاول لمى
احبهه واحبج شلووون بيه فهميني تعبان اني
اني احبج لو شنو ماادري
عقلي متشوش انطيني حل
كتلك الحل الوحيد اليوم
اني مو انسان امتلاكي واناني والله ....بس هيه صارت هيج ...مااكدر انتي هم بدونج ولا بدون جنات تعودت عليكم جزء من حياتي صرتو
كرار روح نام وخليني انام وابعد هالافكار من عقلك .....لمى متستاهل .....لمى انت املهه بالحياة وحبهه وسندهه .....وكفت وياك باصعب حياتك صدكني راح تتندم بعدين
وانتي متحسين شي من الي اني احسه ولو شويه
مثلك بالضبط ......بكلبي
لا ابداً انت بالنسبه الي ابن عمي الي حماني صح اليوم كلامك أذاني بس تبقه انت الشخص الي احتضني والي سوالي وطن الي والبنتي ....عليك الله كرار سد هاي المواضيع وخلينه نبقه على اتفاقنه وروح الباجر رجع ام بيتك وجهالك .....ولتتحجج عليهه هيه حقهه
مااحجي علمود ابين الك طيبه الله يشهد بس هيه حقهه ماكو اي مره بالعالم كله تتقبل وحده تشاركهه حياتهه والاصعب تشاركهه كلب رجلهه
اخذ حسره قويه وووخر من يمي كعد عل قنفه واني دخلت الغرفتي حبست روحي بيهه بقيت فتره طويله بالغرفه مكابله الحيطان وجنات بقت يمه ردت ادخلهه يمي مقبل
بعدين احتاجيت اروح للحمام ....طلعت لكيته مطفي الكلوب ومتمدد عل قنفه يباوع فلم اجنبي وجنات نايمه على ايده
رحت للحمام وطلعت ....اخذت جنات توني كاعد ادخل للغرفه
كرار/متجين تباوعين وياي فلم ضجت وحدي
مااحب الافلام الاجنبيه ونعسانه
براحتج
هسه اجيبلك فراشك
لا ماكو داعي مرتاح عل قنفه
ماشي تصبح على خير
اجمعين
دخلت للغرفه على كيف قفلت الباب حتى ميسمع ....لان ماارتاح كلامه خوفني
اجذب اذا اكول مااحس بشي تجاهه كرار شخصيه حلوه
ودبلماسي ويه الكل ....وماعنده اذيه على احد حقهه لمى كلشي تسوي علموده
والاصعب انو اني مثل كرار افكر ب عمر اكول حرام عليه اخون كرار اني على ذمته
ومن افكر ب كرار اتذكر عمر وتضحيته الي
وصلت مرحله مااعرف اني شنو اريد
.............................
عمر/واخيراً يا شيرين خانم كدرت اجيب هذا الدفتر
راح احجيلج قبل كلشي تعرفين هاي المره واني بالسجن هم خسرت علمودج ....خسرت فلوس علمود الفتر والقلم
اعلمج بقوانين السجن ممنوع احد يجيبلك شي لازم تشتري بفلوس
اذا تراكسود ب١٠٠٠٠بره هنا ب٥٠٠٠٠ومرات اكثر تخيلي
قصص وروايات عراقية كرار صلاح
كلشي بهالدنيا تقفيص تعلمي هذا القانون الاول بالدنيا
قفص واغدر ترتاح
بس ركزيلي عل غدر ترتاحين اكثر
تعرفين شنو سبب وجودي هنا بالسجن لو لا
اكيد متعرفين لان انتي انانيه ومتحبين غير نفسج
تذكري هذا اليوم الاول بتاريخ
هسه انتي بحضن زوجج واني هنا بين اربع حيطان محبوس مااشوف اي شي من العالم الخارجي
اصدقائي السجناء
واعدائي انتي ......انتي اكبر عدو الي انتي سبب دماري
بس تدرين شنو المشكله . ....انو فهمت هذا الشي متأخر
اكرهج شيرين
تعرفين مااجذب عليج نار .....بركان .....بكلبي ميطفي الثلج .......
تعرفين عيني مكاعد تغفه واني اشوف صوره بعيني انتي بحضنه
تدرين ليش اني بالسجن
دفترج ....دفترج هو هلاكي احلامنا وحياتنا الي رسمناهه واخذوهه منعدنه هيه سبب وجودي هنا
لذلك كاعد اكتبلج هذا الدفتر حتى يصير سبب هلاكج ولو مااتوقع تتأثرين
اكرهج شيرين ......
سديت الدفتر بعد مكتبت جزء من حركة كلبي بس رجعت فتحته احس اكو بعد كلام بداخلي
تدرين اني احبج هواي .......جنت
.......................................................................
شهد/صعدت ونمت يم فارس مثل كل مره .....طلعت من الغرفه بليل جان نايم فارس طلعت للحمام لان عندي تبول بكثره مو طبيعيه الليل كله ساكنه الحمام
غرفة قيصر وازل يم الحمام والليل هدوء كلشي ممسموع بي قيصر مسافر ايفاد لذلك اجت الخاتونه عود يم اختهه عشتو الي يسمعهه يكول وحدهه بيت واجتي تسد الوحشه عليهه
سمعت غزل تكول اليوم اجه والله ......بعني شتتوقع اني ابقه هناك وفارس موجود
بكلبي ايباخخ شكد جذابه
كوه واكفه جنت محصوره بس ميهلي اوخر من الباب اريد اسمع
ازل شبيج
اخوج سواهه قصه شنو انتي هناك وفارس موجود
جان كتيله بعده
بكلبي/اوف شكد صلفه مجذبه على اخوهه
شايفه اليوم متسمتين انتي الثانيه بس خليتيني اجي هذا الاستاذ مدري بشنو من سحر راكعته جنهه فيلوويباوع على حلكهه
ولج هنه عدهن حظ مو عد بشر ذيج لعبت لعب مبقت واحد منامت ويا واخذت رجال من مرته وعزلت وشحلاتهه هسه كاعده ببيت ومتستته وحدهه
هاي لو احنه من امدانه ماكو حظ
مااحس اله فززتني مريم
شتسوين ولج
لج هاي الساقطه تحجي علينه هسه من ادخل واسحلهه سحل احد يكلي ليش
دعوفيهه شهد وكعدي راحه
لج مااكدر احس اكو شي بداخلي يكول روحي ملشيهه من شعرهه بس هنه ادبسزيات يفرنهه عليه
قصص وروايات عراقية كرار صلاح
شبيهه رجلج شو بس تحركيهن
ولج محصوره الله ياخذهن راح يخلني ابول على روحي
دخللت للحمام وطلعت مريم واكفتلي
شو بعدج واكفه
ماامن اله تدخلين للغرفه
يمعوده شلي بيهن بلكت باجر تنكلع واذا منكلعت اني بيدي اكلعهه
رجعت نمت وحزت بكلبي اني سمعتهه هيج تحجي ومكفشتهه وشرشحتهه
عفيه اهل مدري شلونهم ومقاهرني غير ازل الي تسوي روحهه بس هيه وبس
كعدت ثاني يوم لكيت فارس رايح ....ممكعدني حبيبي لان يدري بيه كوه انام من الوجع
خابرته حجيت ويا ونزلت جانت الخاتون مبدله وكاعد تروح تحمدت من الله وشكرته امي خابرتني كالت اليوم جدج مسوي ثواب الابوج
ادري ماما اليوم سبت هذا يا ثواب
شمدريني بجدج بعد كال ثواب والثواب بكل الايام يوصل اهم شي تقروله الفاتحه
خابرتي عمه
اي خابرتهه وكلتلهه
فجأه اجاني وجع مو طبيعي ببطني بحيث كمت ابجي
افتر بالغرفه وابجي احس نفسي تعبت حيل طاقتي خلصت تعبت
................................
شيرين/فزيت بالليل على صوت الباب مال غرفه يندك
كمت بسرعه ومن وره الباب شتريد كرار
اريد فراش تكسرت عل قنفه
ماشي هسه اجيبلك
جنت لابسه دشداشه قصيره لبست عباية الصلاة مالتي وفتحت الباب
شنو كاعده بعدج
لا جنت نايمه
عبالي تصلين جنتي ....ليش قافله الباب
هيج يعني
ماعندج ثقه بيه
لا مو هيج
دخل للغرفه وذب فراشه بالكاع وراح نام عل جربايه
شبيك كرار
حتى اثبتلج اني حتى اذا انام بصفج مااجبرج على شي
شكراً كرار مااريد اثبات الله يخليك روح ارجع المكانك نام راح تطير نومتي
تعالي انتي نامي وفضيهه اني هم لتطير نومتي
كرار لتسوي هيج
تعالي والله مااتقربلج ولا اطخج مااعرف اليوم ارتاحيت على هاي الجربايه
اني راح انام هناك
تعالي نامي كتلج
كرار انت شتريد بلله صدك تحجي
تعالي نامي شيرين ودار وجهه للجهه الثانيه عود يكلي حتى ماادور وجهي عليج
شلت الفراش واني رحت فرشته بالهول ونمت ....لان مالي خلك ومااعرف بالضبط شيريد كرار احسه حاير
ميعرف شيريد بالضبط
نمت بالفراش وغطيت روحي مااحس اله واكف على راسي
صدك تحجين انتي
اي لعد جذب شبيك كرار عفيه انت شارب شي اليوم
كعد بصفي .....بس كليلي الله من فوك يقبل انتي زوجتي وحلالي واني مااكدر اطخج
وتكول اني مو علمود شهواتي
اني مو مجرد شهوه لج بابا فهمي اريدج زوجتي دائماً
من كتلج تريدين تتقربيلي هاي اني هيج اني اريدج هيه كوه
قصص وروايات عراقية كرار صلاح
ولتجذبين وتكولين مااريدك والله تريديني مثل مااني اريدج
كرار فدوه رحتلك خل ننام اختار لو هنا لو بالغرفه وخلصني
انتي متفهمين بابا اكلج سين تكولين جيم
ولمى شبيك كرار
لازم هيه هم تتعود ....اني مااعوفهه واحبهه ومااقصر وياهه وانتي هم الله اكبر هسه صارلج اكثر من ٦شهور حلالي واني بعيد مووو كافي حسي بيه
كمت ....كرار عفيه كافي والله كمت اخاف منك
من شنوتخافين يعني هسه اذا اريد اتقربلج شنوووو حرام لو بايك بوكه غير انتي مرتي
لا مو مرتك انت كلت بذاك اليوم واتفقنه
مجنت احبج هسه احبج
ولمى
احبج كتلج
ولمى يمعود وجهالك
احبهم واحبج خاي يلله اني كلبي هيج يسكنن بي اثنين واثنينجن اريدجن ومااقصر وياجن اثنينجن والله محللي اتزوج اربعه اعرف للطروف بس الظروف حكمتني اتزوج
وبعدين بالعشره حبيتج
وبعدين كرار هسه شنو المطلوب مني
اني مااجبرج ابد واتقربلج اله انتي بقناعتج بس الي اطلبه منج ننام اني وياج بالغرفه مثل المتزوجين مكانه سوه الحد متتعودين عليه
مااكدر
شنو هو الي متكدريله
عليك الله كرار
كام وجرني وكومني ودخلني للغرفه
واني جنت لابسه دشداشتي القصيره لان من دخل للغرفه لبست عباتي مال صلاة ومن دخلت للفراش نزعتهه
رحت كبل للكنتور طلعت دشداشه طويله
شتسوين
ابدل
لا ابقي هيج شيرين
مااريد
ابقي هيج وجر الدشداشه مني وجرني عل جربايه
مااحس اله نزل فراش من فوك الكنتور
فرحت كلت راح ينام بالكاع
مااحس اله شال جنات ونومهه بالكاع وغطاهه
ليش كرار
اريح الهه والنه
كرار
دفعني من جتفي وكعدني عل جربايه اششش لتحجين
والله سوالفك مدري شلونهه
طفه الكلوب واجه نام عل جربايه بقيت كاعده
متنامين
مااعرف كرار ....والله مااعرف
نامي يلله كافي سوالفج هاي
توني كاعد انام مااحس اله خله ايده جوه راسي ردت اكوم تقرب عليه ونومني على ايده
مااسويلج شي والله بس هيج
كرار بصوت يرجف وخايف
لتخافين والله
تشنجت اعصابي حيل ......تقرب يمي حيل ابد مااعرف ولا مجربه هذا الاحساس نهائياً حسيت بحرارة جسمه ايدي وكل جسمي يرجفن لا ارادياً مو بردانه لا من الموقف بقيت اني نايمه على ظهري وايده جوه راسي والثانيه محاوطه جسمي
سكتت اني وهو سكت غمضت عيني حبيت هذا الشعور حيل حرارة جسمه تنطيني دفوو مو طبيعي مااعرف حبيت هالشعور لان ممجربته
حاولت اتحرك شويه حاوطني اكثر بدون ميحجي
قصص وروايات عراقية كرار صلاح
بقيت متشنجعه اعصابي مااكدر اتحرك
فزيت الصبح على المنبه نايمين على نفس نومتنه
باوعت علي نايم .....معقوله اني هم احبك كرار
زين وعمر ياربي.....تعبت ماكو هيج شي ابداً مااعرف شديصر بداخل عقلي وكلبي
كعدته كرار ....كرار
فتح عين وحده والثانيه ميكدر يفتحهه من النعس ....
كتله دوامك
كال شويه
هسه يغيبوك
مابيه حيل والله شويه وكعديني
كل عشر دقايق اكعده وهو ماكو اخر شي أيست
سحبت روحي منه كال وين
كتله للحمام
رحت طلعت من يمه حسيت عقلي وجعني من كثر التفكير كملت نومتي بالهول
وراهه فزيت على جنات يم راسي وتضرب بيه بالممه ....تريد ممه كمت سويتلهه ممه دخلت للغرفه لكيته يخابر على دوامه
شكد كعدتك وانت ماكو
شمدريني والله البارحه نومتي العصر خربت عليه
مغيبيك
اي والله ....يلله عادي شسوي
رفع حاجبه شوكت رحتي نمتي هناك
من البارحه خليتك تنام ورحت لتعيدهه بعد كرار
....هسه تريكينه لو شنو
ويكته وطلع .....ماادري وين راح للعصر ...واجه ضايج حيل حتى مراد غده
شنو متغدي انت
لا
لعد ليش متريد
مااشتهي
حسيت وره هذا الشي لمى احتمال راحلهه ومقبلت ترجع دخلت للغرفه وجنات تباوع كارتون بالهول من شلتهه مقبلت وهو بقه بالهول يكلب بموبايله
شويه ودخل للغرفه جنت نايمه عل جربايه اجه بصفي
كرار
لتحجين الله يخليج واصله الخشمي وكاره الدنيا
حجه هالكلمتين ونام عدل على ظهره وبقه يباوع عل سكف
لمى مو
تعبت شيرين
تريد اني اروحلهه
دار عليه وابتسم ....انتي مخبله
هو انتي قضيتنا
كتلك اني الطلاك
دار عليه .....اني البارحه المن شرحت
ماكو هيج حجي واحد يحب اثنين
لا اكو اني مو كدامج
كرار بعدني ممكمله هاي الكلمه مااحس اله باسني من شفتي .....فتحت عيني قوي ردت اوخر منه جرني
حيل اني بجيت مو لان مراغبته لان بلعكس حسيت نفسي ابادله نفس الشي اندمجت ويا وبسته
قصص وروايات عراقية كرار صلاح
مااحس اله جنات فوك راسنه وتضرب بالجربايه بممتهه وتصيح ممه ....
وخر كرار مني بسرعه واني ارتبكت وكمت بسرعه صح جنات متفهم بس اني احس خجلت هم من تصرفي
وبكلبي اكول هو زوجي هم وارجع واتذكر لمى
بقيت بالهول وخليت جنات بحضني لان لحكتني من طلعت وهي تبجي عل ممه
صاح شيررين
غلست اني
مااحس اله فوك راسي .....شنوو نمتي هيه ممه
كرار باخر لحضه همزين اجتي جنات الله يخليك روح هناك لتجي هاي لان كمت تبقه هنا كمت
كمت شنو بابا انتي زوجتي راح تخبليني بعقلج
كعد بصفي وقرب وجهه عليه وبعدين انتي هم تبادليني نفس المشاعر ليش تجذبين
درت وجهي منه لا
والبوسه البستيهه الي
كرار اني احب لمى والله وانقهر عليهه حيل
كلتلهه ال لمى اليوم
اخترعت ودرت علي شكلتلهه
كلتلهه اريد اكمل زواجي منج
صدوك تحجي كرار
اي والله مااريد اجذب عليهه مااتحمل اخليهه بدور الغبيه
وتخبلهه
انطيني ايه بالقران تكول اني حرام اتزوج على لمى
وحبك الهه
متزحزح ولا شعرايه واحبهه اكثر من قبل واحس روحي ضايع بدونهه
وشكالت لمى
طلكني
وانت
لو تموت مااطلكهه هسه هيه راح تتأقلم
وكام راح للحمام وراهه طلع مسألته وين رايح
اتصلت على عمه خوله مع العلم هو مانعني اتصل على احد بس تعبت حيل اريد احد يسمعني هيه متعرف رقمي. دكيت ٣مرات مجاوبت بالرابعه جاوبت بس بقت ساكته
عمه اني شيرين
شيرين شبيج خوما بيج شي
لا عمه مابيه شي بس محتاجتجً
عليج الله شبيج كلبي راح يوكف
والله مابيه شي بس محتاجه احجي وياج تعالي حبابه
يلله هسه شويه واجي هو اني اريد اروح للصيدليه اني وامج
لا عمه بس انتي حبابه
شبيج ولج قلقتيني
اريد اسولفلج عن اشياء
اشياء شننه الاشياء ولج
عمه من تجين اسولفلج
يلله عود احاول
اي حبابه بس حاولي قبل ليجي كرار
هو وين
ماادري طالع
ساعه واجتي عمه بدخلتهه رجع كرار ندبت الحظ رحت للمطبخلحكتني عمه
وين رحتي بعد وكت هاي عود اني وصيتج
غير رحت ويه امج للصيدليه اول شي وكوه خلصت منهه شعندج انتي
ماعندي شي والله يعني شي عادي ردت اخذ رأيج بي
شنوه
تعالي اشاورج خاف يسمع كرار بس حلفي متحجين الاحد
كفختني براسي يايوم حاجيه شي تكليلي بي احجي وخلصيني وقربتلي اذنهه
عمه اذا كرار تربلي حرام لو حلال
دكت على صدرهه ليش هو انتو ممتزوجين بصوت ناصي
لو تطلكتو وتقربلج
رجعت شاورتهه عمه شبيج طبعاً متزوجين
غبيه انتي لعد شلون تكولين حلال لو حرام. امشي امشي بالغرفه فهميني لو تدزين رجلج على شي وتفهميني لان اني هسه كمت افكر وعقلي راح يروح القارة اوربا
وين ادزه
اوكفي خل اروح هناك وشوفيلج شي تدزي دزي على كباب يلله خل اخسركم كباب شوي اليوم
راحت كعدت عمه يمه واني لحكتهه بعدين رحت للغرفه وكتله جيب كباب عمه هنا
ماشي تدللين .....اخذ جنات وراح
خوله/تعالي فهميني تعالي يا بنات اخويه بس المصايب من وراجن يوميه بشي جديد
عمه اني مشاعري مدري شبيهه ساعات احس بروحي احب كرار وهذا الشي متعبني
طبعاً تحبي غير زوجج ولج لو هو ممتقربلج قبل شويه شكلتي
اي ممتقربلي وهسه يريد
يااا يعني هاي الفتره كلهه هو مماخذج
هزيت راسي لا
وليش
شيرين/علمود لمى ....وسولفتلهه كلشي تعبت لازم احد يفهمني مااريد اغلط وماعندي غير عمه اقرب الي والوحيده الي تفهمني
سكتت والله يا عمه ماادري شكلج المشكله هسه لو لمى مو خوش ادميه اكول طبهه مرض وتتعود بس لمى بنيه طيبه ومتستاهل والمشكله صح الله محلل اربعه بس يعني شي يكسر كلب المره
بس هو هم حقه وانتي هم حقج ولمى حقهه
يعني
يعني رجال يشوف مره كدامه تلولح بجسمهه وهيه حلاله صعبه علي خاصه الزلم تصير نفوسهم ضعيف
شويه والله يا شويه هواي
اني اختصرلج شيرين انتي لازم تقتنعين بالامر الواقع وتخلي يتقربلج ولمى يجيهه يوم تتعود الله يعينهه بس شتسوون يعني خاصه انتي تره ماعندج سند غير كرار اكلج اني تره جدج الحد الان مطايقج يعني بس كرار يعوفج والله ميتردد كبل يرميج طلقه براسج
مااعرف مستفاديت شي من حجيت ال عمه بقيت بنفس الحيره تعبت حيل رجع كرار وجهزت عشه بقت شويه ووصلهه كرار وهم جنات جلبت بي واخذهه
قصص وروايات عراقية كرار صلاح
اجه واني جنت بالحمام اسبح ....تأخرت بالحمام لان افكر هواي دك باب الحمام
شوكت تكملين هاي جنات نامت
هسه كملت
لبست دشداشه طويله وحتى ردن وطلعت
بالعافيه بس شدعوه هيج مجودره روحج
جنات جانت مدمره روحهه ككو نظفتهه بكلنس مبلل وشلتهه لكيته فارش فراش الهه بالكاع
كرار
اششش خليهه وسكتي
بس خليتهه مااحس اله هو ورايه
كرار
اششش دنك عليه ووخر شعري من ركبتي وبده يبوس بيه
كرار
اششش كتلج
جرني عل جربايه .....حرارة جسمه جانت قويه مااعرف اندمجت ويا ......
احبج لمى وهو مغمض عينه رأساً فتح عينه بقيت اباوع علي مع العلم جنت مندمجه ويا بس هو هم حس على نفسه من كال لمى
وخرررر كرار
شيرين
وخرررر مرتك هناك عايفهه وجاي عليه شكووووو
وخر
مااعرف لان متعود على اسمهه
اي متعود على اسمهه انت تحبهه حيل ودتكول هيج وتصيح شكووو جايني ....اني احب لمى....وصح هيه زوجتك الاولى واولى بكلشي .....بس اني هم بشررر
تقبل هسه وانت تنام ويايه اكلك حسن
شيرين
روح المرتك كرار روح المن دتفلش حياتك بس لا دتحاول تتقربلي لان كتلك اني هم الي حقوق يمك
اني مقصدت ذني الحقوق
بقه ساكت
الله يخليك روح كرار .....روح
بجيت بحركه .....استاهل كل الي يصير بيه هسه اني مجبرته يتزوجني شعليه اني هو هجم حياته
طلع وراح نام بالهول .....بقيت ابجي
ليش بجيت مااعرف ليش كمت احس بشي تجاهه هم مااعرف حيل حيل انقهرت من كال لمى وهو ويايه على الفراش
تمددت عل جربايه اجه نام ورايه وشبكني من وره فزيت ووخرت منه كمت
من اروح هناك هم غلطت بأسم لمى وكلتلهه شيرين وهنا عكس نفس الحاله اثنينجن راح تخبلني والله
اريد ارجع النفسي القديمه
كاره روحي هسه ...لان احس نفسي مااعرف شريد
تدرين الزواج من اثنين دوخه
وليش متريح روحك وتطلكني
لان احبج وكتلج اليوم شنو كل شويه اعيد الموجز
اطلع من الغره كرار وروح نام هناك بالهول
هاااا جرني وصار فوكايه
وخر كرار
والله مااوخر يا بلوتي انتي بلوه اجتي على راسي ودخلت كلبي وانجبي واسكتي لتحجين
وخررر كام يبوس بيه بخدي
موتني وكام يعتذر مني قشمرني ....وحسيت نفسي تقبلته وهواي
................
عمر/ .....اليوم رادني ضابط تحقيق
لان نسبولي جريمة قتل حسن وصادق
يعني انفتح التحقيق من جديد
طبعاً من اخذني الجندي ....طول الممر يكفخ بيه حسيت برجولتي الي انهانت ....للأسف علمودج
شبيك
انجب لك وكفخني على راسي واني ايدي مربوطه بزنجيل
بس هو جبان هو خلك جندي بس يستقوي على واحد مزنجله ايده
دخلوني غرفته بيهه سرير صغير وبصفهه بالضبط ميز صغير جان يدخن جكاره
من شافني كام تقرب عليه اي عمر
شخبارك
باوعت علي كتله بخير
هز راسه وهو يباوع عليه بتصنيف
شبيهه ايدك
باوعت عليهه مابيهه شي مااحس اله طبع جكارته عليه
حبست صرختي بكلبي بس اني بشر هم اتأذه
بس المشكله باول مره جنت اتحملهن بدون وجع كلب
بس هسه لا لان من اتخايل انتي بحضنه واني انضرب بسببج انقهر
.....................................
شهد/بقالي يومين وادخل بشهر السابع بس وضعي ميتحمل اأجل روحت الدكتوره قررت اروح لان عندي وجع ببطني
اخذني فارس لان امي صادفت مريضه حيل وفارس كال اني اخذج اذبج يم الدكتوره واروحللعياده لان قريبه عيادته عل دكتوره
واصلا الدكتوره هاي حجزهه كلش طويل
وصلت هناك بقيت كاعده انتظر حسيت كلبي ملخني طلعت اشتري عصير جانت الدنيا ظهر بعدهي والدكتوره مجايه اجيت حتى احجز من وكت عشتو بس لكيت كومه طلعت من العياده بصفهه المحل اشتريت عصير وطلعت كاعد افتح العصير مااحس اله سياره شحطت قوي ووكفت طلعو منهه ملثمين وبيدهم سلاح
اني كبل من الخوف وكع العصير كبل جروني ردت اعيط سدو حلكي واكو ناس بالشارع ولا عبالك وولا احد تحرك لان مسلحين
كبل مشو السياره سريع كمت اصرخ واحد ساد حلكي
بطني زاد وجعهه وسكري مدري شصار بي كمت مااشوف وارجف
واكثر شي عجبني الناس الي ولا عبالك ولا تحركو من جروني
اني انتهيت احساس مااعرف اوصفه انتظرت الموت وكمت اتشاهد اثنين كدام ملثمين والسياره مضلله وتمشي بنص شوارع بغداد وين الدوله مااعرف
رجعت شخطت السياره ووكفت غطو راسي ونزلوني واني مااكدر امشي رجلي خيوط صارت من الخوف مااكدر اثبتهن واحد لازيني من الجهتين
وايدي مربطه
كعدوني وشالو الوصله ....كلهم ملثمين اني اصلا عيوني مغوشه غمضتهه واني ارجف
سمعت الباب انفتح فتحت عيني واني ابجي باوعت ال ٣طلعو بقه واحد ملثم
اذا متريدين تموتين نفذي الي اكلج علي وبس
فتحي عينج وباوعي عليه
راح انزعج الجبه مااسويلج شي بس كولي
كلي كلام بشع احجي مينلفظ نهائياً
فتحي عينج
مااكدر عيوني تغوش
راد يمد ايده على جبتي عطت بعلوو صوتي
قصص وروايات عراقية كرار صلاح
لاااااا عليك الله اذبحني ومااسوي هيج والله الله لا يوفقك ان شاء الله شمسويتلك اني
مو انتي اخوج
مو بس هو يغدر ويلعب بالعرض
الصوت احس نفسي سامعته .......يتبع
Bạn đang đọc truyện trên: Truyen247.Pro