بارت9
#صرخات_غير_مسموعه ج/2
#بقلم الكاتبه ام غايب
#البارت_التاسع
وصلنه للفرع لكينه ناس كومه ملتمين بباب بيتنه
لا يا الله هاي شكووو
كرار بيتنه شبي بس لا احترك
امشي ...امشي بسرعه
طلعي كبل بوجهج البيت عمو مو توكفين وياي
من بعيد قبل لا نوصل شفنه بيت ابو ثائر الي بصفنه مفتوح بابهم
كرار/الحمدلله وتشكر ماادري شعدهم بيت ابو ثائر كلبي راح والله عبالي بيتنا
اخذت نفس ....اوووف اني هم والله
كلي امشي مدامي وهو وكف يسألهم
خير خوما كوو شي
ابن ابو ثأر زهير طلع من السجن
بس انجابت سيرة السجن كلبي انوجع ....شلون يريدوني انساك ماادري والله وشلون ماافكر بيك هم ماادري شلون تصير
حجه وياهم كرار وترخصهم يوخرون من الباب شويه
دخلنه للبيت وهوسه واصوات بباب بيتنه
كرار/استغفر الله شوكت تخلص هاي الهوسه هسه
هو ابنهم مسجون
اي
بشنو
باوع عليه كتل اخته وانسجنكم شهر لان غسل عارهم
سكتت اني
شنو متريدين تعرفين السبب
ها
يعني مكتلج الفضول ليش كتلهه
ليش مع العلم اعرف من راح يحجي كل كلمه يتقصدهه الي
كرار/اخته متزوجه وتحجي ويه واحد بالموبايل رجلهه طلكهه واخذ جهالهه وشمرهه عليهم والناس كلهه درت
انفضحو بالمنطقه كام احوهه زهير ضربهه طلقه براسهه وبالشارع كدام الكل
سكت واني سكتت شحجي يعني .... ردت بس الموضوع يتغير
سألته لمى ترجع اليوم
باوع عليه ....لا
شوكت لعد
اخذ نفس ....وكال راح اطلع اتسوك واجيبلج ملابسج مريم لمتهن الي جانن بالكنتور
لا سلامتك .....عرفت ميريد يجاوب ....يحسسني اني كتله تزوجني
........................................
شهد/بعد مرجعنه من الزياره وتصالحنه تقريباً
كعدت ثاني يوم من النوم لعبانه نفسي ماادري من حللت وطلعت حامل صار عندي لعبان نفس قوي مع العلم قبل ااحلل طبيعيه
بدت حاله التقيوء عندي وروحي راحت
كمت حتى المي تلعب نفسي منه
واريد بس انام
صعد فارس تمدد بصفي
شلون صرتي
فارس لعبانه نفسي حيل هاي ليش هيج
غير حامل هاي نساوه يسموهه
مو شيرين صارت حامل مو هيج شو اني من عرفت حامل تخربط وضعي
دنك عليه راد يبوسني لعبت نفسي
ها ولج البارحه تبوسين بيه شو اليوم كلبتي عليه
فارس ريحتك مطيبه حيل والله
هاااا
والله عفيه حباب وخر من يمي
حسيته ضاج وكام مو وقته اللعبان نفس واحنه تونه تصالحنا وبعد اكو مشاكل شويه بيناتنا
كمت نزلت ورا .....خليت ببالي العبان نفس بحيث كمت من كلشي تلعب نفسي
مرت ٥شهور على حملي واني نفس الشي زائد السكر الي ممنتظم ساعه يرتفع وساعه يهبط وعيوني الي تغوش واخر شي كتبولي على ابر الانسولين من كثر ما سكري ممنتظم وكالت الدكتوره واصلا فارس يعرف هذا الشي انو مو زين على الطفل هاي الابر
عايشه بتوتر ووجع مو طبيعي وداخله حالة اكتئاب
نزلت جوه لان تعبت من النوم فوك
جان ماكو احد موجود بس ازل ومريم طالعين كلهم
ازل/عاش من شافج عيني
مريم/ها حبيبتي شلون صرتي خوما بعدج دايخه
لا الحمدلله
دارت عليه ازل جانت كاعده عل قنفه الثانيه
ازل /اكلج عيني شنو هالعياره هاي والله يا ربي هسه مو الناس كلهه تحبل كولي مااريد انظف وخصميهه السالفه ليش الف والدوران هذا
اكلج ازل اني روحي طافره ومالي خلكج
اووي عيني شهوده خانم مالهه خلك
ضجت حيل وكلت خل اصعد احسن من هاي الدوخه
بصعدتي من الدرج سمعتهه خابرت
غزالتي شو ماكو الحد الان تأخرتي خوما بطلتي تجين
اي عفيه اموتج والله
لا يمعوده كيان يشلع كلبي اله بمكانه ينام
اهووووو يا ربي راح تجي هاي واني مالي خلك
توترت اعصابي حيل ولين عليه التوتر
صعدت فوك للغرفه كوه صايره شثكلي وبطني حيل جبيره وخلقتي انكلبت
شويه واجه فارس .....جنت كاعده عل جربايه واباوع تلفزيون
ها بطتي شلونج
لتصيح بطه
اكو احلى من البطه وبعدين فدووه الهيج بطه كون كل البط مثلهه
فارس راح تجي هاي الحيه
اكو بغرفتنه حيه
اقصد هاي غزل
منيه غزل
هزيت راسي اي خطيه متعرفهه منيه شلون لوتي
اي يا حبيبتي شسويلهه اني
متكعد جوه ابد واول متجي من المستشفى تصعد ومتنزل اله من تروح للعياده
باوع عليه .....اهوووو رجعت لخلبالاتهه المخبله
فاررررس هيه شكوووو تجي خاف انت متواعد وياهه
اكلج انتي الحمل هواي مأثر عليج خبلتيني والله ساعه تغارين هواي حتى من الهوى ساعه تضوجين مني شوكت تجيبين واخلص احس نفسي اني حامل مو انتي ثكيل عليه هذا الحمل
رحت كعدت على رجله
صاح اخخخخ يا الله راح افطس
ضربته على ضهرهه وردت اكوم. جرني
اتشاقه ويه حبيبتي ميصير
فارس
خشمه
فاررررس
ولج شكتلج اني
بس كلي من اجيب اضعف لو لا
راح ابجي والله راح اسجلج بمسجل لان هذا سؤالج موتني يوميه اجاوبج علي والله تضعفين
وبلله مرجعت ضعيفه
اسويلج عملية شفط
وبلله متت بعملية الشفط
عوفج من الشفط ادخلج جم
زين بلله من اتمرن يهبط السكر مالتي
شهددددد ساعة السوده لو يصير احول الطفل ببطني جان حولته ولا الي اني عايش بي
قصص وروايات عراقية كرار صلاح
دنك على بطني عسولتي اطلعي بسرعه ورحميني من امج موتتني والله
ماااسميهه عسل والله
عسل
ماااا على وزن غزل وتريدني اسمي لو انت تحبهه وتريد تسمي على وزنهه
شهد شو كومي من يمي ...كومي راح تموتيني
ما تعبت اريد اجيب والله
هسه راح يخلص السادس ويبقالج٣شهور بس
اكلك فارس
كولي شهد بس كومي هنا كعدي
ها لان سمينه
لا حبيبتي علمود اشوفج مشتاقل الوجهج الي حلوووو
ها ردت تكول الي يلعب النفس
احجي شهد
بلله ليان طلعت سمينه بسبب الابر
عسوله تطلع طبيعيه لان انتي انفختي وبعدين مو اخذنه سونار وكالت الدكتوره حجمهه طبيعي
ليان
عسل
ليان
كلت عسل وكام
ما والله ليان انت سميهه عسل واني اخليهم كلهم يصيحولهه ليان
كام نزع قميصه واخذ الخاولي وراح للحمام
رحت الموبايله كمت اكلب بي رخت عل مكالمات لكيت رقم غريب دكيت علي كلت خل بس اسمع الصوت شو حاجي ويا ربع ساعه
دكيت صوت ولد كبل سديته
رجع هذاك دك سويته صامت بقه يدك ب ٥مرات موتني ساعة السوده
من انوقف عن الاتصال مسحتهن بعدني كاعد امسح اخر مكالمه
دخل فارس شافني لازمه الموبايل
اريد اخابر امي
خابري احد لازمج
شوكت تجيبلي موبايل مو كلت راح اشتريلج تره اني حيل تعبت من هاي الحاله والله شنو صغيره اني
مو كتلج راح اجيبلج شكو هالحجي بعد
اي شوكت تجيب
وصيت صديقي
شمعنا من صديقك
هو ابو موبايلات وهو بيدي الموبايل رجع دك الرقم
اخذه وجاوبه
اني داك عليك
اي
والله مااتذكر
لا حبيبي
مدري شكله وسد الخط باوعلي شهد
ها حبيبي
انتي داكه عل رقم
اااااني لا طبعاً هو اني توني لزمت الموبايل
دعيديهه بعد ايدج اكسرهه
جيبلي موبايل
اااافتهمت ونام عل جربايه
شنو متجين يمي شويه
ليش
مشتاقلج
مااريد انام
لتنامين بس اني محتاجج يمي
مختنكه فارس والله
هذا هو براحتج شهد بس طفي الكلوب من يمج بال ٣ونص كعديني
كمت انقهرت هاملته حيل من صرت حامل لليوم واتهرب منه بس والله مو بيدي ....
رحت تمددت يمه
فتح تك عين ورفع حاجبه
شكو اجيتي
مشتاقتلك
مد ايده جوه راسي وجرني واني كوه اتحرك خوب من انام راسي يغطس وبطني بس تبين
كام يتلمس ببطني. توترت اعصابي من يطخني تتوتر اعصابي لا ارادياً مع العلم اني احبه حيل بس مااعرف ليش هيج يصير وياي
وخرت ايده
شبيج حبيبتي
بتوتر ...مابيه بس لتلزمني اضوج
باسني بخدي وغمض عينه بقيت اباوع علي كمت امشي ايدي على تقاسيم وجهه
وفع حاجبه كافي ولج خل انام عوفيني
بسته بعينه شبكني قوي
غفيت ويا
..................................................
مشتاقلك والله
اني اكثر
ليش هيج ضعفان
من الراحه
انت مريض
شويه كليتي توجعني
عذبوك هواي
بس بالبدايه .....عوفك مني شخباركم
اثير امي شلونهه
بكر اخويه شخباره
امك زينه
عليك الله اثير كلبي مطكك عليهه ومن كثر ماافكر بيهه يوميه احلم بيهه احجي الصدك
زينه
عمر/الزينه مالتك ممرتاحلهه
كتلك زينه والله شبيك
بكر يلوب هناك عليك هو اجه للعراق واني كوه خليته يرجع .....ربك ما احد من العشاير درت جان كتلو والله
عمر/اخذت حسره
اثير/مسألتني عليهه
لان ادري بيك مراح تجاوب
لا راح اجاوبك هالمره
باوعت علي عرفت جوابه بي انه لان مااتجرأ اني اسأله على وضع شيرين
الي مشكور بالسجن علمودهه والي راح تلكل اعدام بسببهه تزوجت سيد عمر
شيررررين تزوجت انت شدتحجي
تزوجت ابن عمهه
جبروهه اكيد
لك انت شنووووو فهمني شنووووو مخبل تبررلهه لا ممجبوره تتمشه ويا بالمنطقه وشحلاتهه
ماشي
امداك امداك امداك الف مره
انتهت الزياره يلله روح
مااوصيج ابجي دم هالمره
وانت ليش تراقبهه
مااراقبهه الهه اراقب بيتوتهم كلهم
شناوي علي
اعلمهم الغدر شلونه
انت تخبلت والله
والله العظيم اذا مفضحتهم بشرفهم مره ثانيه بالمنطقه
اني مو اسمي اثير
اثير انت تخبلت
دير بالك تسويهه اثير .....دير بالك انت مالك دخل بصفتك شنوووو تسويهه
بصفتي...... غدرو اخويه الي توا راد يعيش طبيعي اخذوو غدر لك انت بعد متطلع منا غير بس للكبر تعرف بهذا الشي لو متعرف حتى جرائم بكر الساقط ثبتوهه عليك
اعرف
خلص وقت الزياره .......ورجعوني للسجن
رحت للحمام ...... ضربت بيدي بالحايط واني خانك صووتي ودموعي الي رادن ينزل مو عليهه لا على عمري واهلي وحريتي الضاعت علمود وحده متستاهل
مصارلي هواي من دخلت السجن وهيه تزوجت وعاشت حياتهه
......................................................
شيرين ........مرت ٥شهور على تحويلنه بالبيت
كرار رجع لمى وجياته قليله هنا وبس بالنهار نص ساعه بس ويروح لو يجي يجيب مسواك بس قبل اسبوع كام يبات يوم هنا ويوم هناك
لا حجه عمو سعد علي وكله تبات يوم هناك ويوم هنا لان جدو ملاحظ وجود كرار يوميه هناك
قصص وروايات عراقية كرار صلاح
طبعاً لمى مشايفتهه ولا شايفتني حتى من اروح البيت عمو مرات تبقه فوك ....مع العلم هيه تدري اني وكرار مابيناتنه شي. بس هم اكول حقهه
وكرار جابلي موبايل نوكيا صغير من ذني القديمات بس عل اتصال ومعبي بي خمس دولارات ويكلي مينقصن سنت واحد وكل شهر يعبي خمسه ويزيد الرصيد واني مااستخدمه مخلي بس ارمشله بي خاف يصير شي
اليوم مفروض يجي ..... سويتله عشه بس ماكو صارت ب١١وهو ماكو كلت اكيد ميجي كمت نومت جنات وتمددت بالغرفه كلت بلكت اغفه
توني غفيت ....سمعت صوت الباب انطبك
باوعت عل ساعه ب١١ونص
كمت طلعتله .....
اجيت
اي
عبالي متجي
لا اجيت جان مبين ضايج حيل
فرشيلي فراشي
ماشي
رحت نزلتله فراش وفرشته اله
محتاج شي
لا تسلمين
دخلت للغرفه شويه وحسبت نفسي محتاجه اروح للحمام فتحت الباب على كيف
اسمعه
كااافي مللتيني والله تعبت لمى اكلج ماعندي شي وانتي متصدكين شسوي فهميني حتى تصدكين
يحجي بانفعال بس صوت ناصي حتى مااسمعه
لمى انتي حتى قبل لا اجي ابات هنا كل خمس دقايق تخابريني وينك رحتلهه
اطلع ويه جماعتي تكليلي جنت يمهه
كلشي اسوي تتهميني اني تعبت والله العظيم تعبت هسه لو الي تحجي صحيح اسكت عمي البنيه بس سلام عليكم بيني وبينهه وبس
هسه شتريدين
هاي صار ثاني مره لمى الاولى سكتتلج هسه كووه تريديني اطلع من الطريق
روحي لمى عساني بالموت وارتاح يا رب
وسد الخط
بقيت كاعده واني محصوره بس استحي اطلع
خاف يكول جانت تتسمع عليه
اسمعهه بقت تدك ويرفض بيهه
شويه وطلعت جان داير وجهه بس ظهره اباوعله رحت للحمام وطلعت بسرعه رجعت
.................................
كعدت فارس وطلع العصريه شرفت الخاتونه واني انهاريت داخلياً والله لا ارادياً
صعدت وكلت ماانام خاف يجي فارس بقيت انتظر ب١١بليل يالله اجه واصلا من اجه كال اليوم عندي خفر راح اروح للمستشفى اني كيفت
كلت احسن خل يبعد عن هاي الحيه انوب اني هاملته يروح يحن الهه وهيه تتماوع يمه جابلي موبايل خلالي سيمكارت
فارس/تره رابطه على جهازي
يعني شنو مفهمت
يعني شتسوين يطلعلي
شتقصد فارس
مااقصد شي
لا تقصد
شبيج رحمه الدينج
بعدك تشك بيه مووووو
لو اشك بيج اجيبلج موبايل
صحيح
يووووو شهد اني زهكت وكام .....مدري شأخذ من الكنتور وطلع
يلله رايح اني
كمت ....راح تروح بدون حتى متبوسني
تعالي
روح فارس
تقرب عليه ....شكد خبله انتي شوكت تعقلين وباسني بخدي
واني ضايجه رجع باسني بالخد الثاني ابتسمت وشبكته
فارس
خل اروح قبل لا اسمع شي يغثني
شبيك ردت اكلك احبك
بعد ما راح خليت الموبايل عل شحن وكمت اكلب بي فرحانه بي ....شلعو كلبي هالعشيره بسالفة الموبايل ....تابعت مسلسل تركيه اسمهه الحب المستحيل تخبل اندمجت بيهه
دك عليه فارس
ها حبيبتي شلونج
واخيراً صار عندي موبايل وتخابرني واخابرك
ما اوصيك فارس من ضوج هم فلش موبايلي اكولك
اني الاكولج متكطعين انتي اخذي نفس
ضحكت شمدريني
فديت الشمدريني الي بحلكج
شدتسوي
والله توني كعدت كلت خل اخابرج
اشوف حبيبتي شدتسوي
مممم اني مخابرتك لان كلت اكيد ملتهي
شدتسوين
مو انت كلت كلشي يطلعلك شوف انت
ولج
هااا مو انت كلت هيج
بقينه نسولف شويه وراح ورجعت اباوع عل مسلسل
شويه الموبايل نساني اوجاعي لان رجلي شويه مورمه وتوجعني
حملي لعبان نفس كلت بس اجيب بخير وسلامه بعد مااريد توبه
..................
شيرين/وقتت الموبايل بالسته كلت عيب اكعد اسويله ريوك
رحت كعدته شويه كرار ثكيل بنومته
كرار ....كرار ....الساعه بالسته
ممممم هسه شويه
رحت ورجعت وهم دنكت علي ....كرار راح تتأخر
قصص وروايات عراقية كرار صلاح
وهو مغمض عينه فتح البطانيه وجرني
احبج لمى
عنيت ايدي منه ....كرار شبيك اني شيرين
فتح عينه وعاف ايدي ... هااا باوع عليه وكام اسف شيرين والله مو قصدي يعني اني ثكيل شويه نومي ومو دائماً بس من اتعب نسيت اني هنا عبالي بييتنه
لا عادي مصار شي
هنا اني حسيت احساس غريب مو طبيعي الاول مره احسه احس نفسي ضجت من عباله اني لمى شنو قصته بكلبي يعني شنو ميدري والله ياربي
كمت سويتله ريوك وخليته كباله
شيرين اني خجلان منج
على شنو كرار مصار شي بس. اني ضجت ليش مااعرف حتى بردي مبينه ضجت
تريك وكام جنت كاعده عل قنفه
كرار اريد اروح اليوم بيت عمو
ماشي من ارجع من الدوام اخذج قبل لا اروح وبليل اجي ارجعج
ماشي
يلله مع السلامه
مع السلامه وقفلت الباب عندي نسخه وهو عنده نسخه
بقيت منمت رتبت البيت و تريكت وكعدت اباوع تلفزيون
بال١٠ تقريباً اندكت الباب
استغربت ....بس كلت يجوز امي ....طلعت صحت منووو
اني فتحي
منو انتي
اني لمى
فتحت الباب مستغربه جيتهه
هلو لمى تفضلي
دخلت لمى بس شكلهه حيل حزين وضايجه
تفضلي .....تفضلي .....شعجب اجيتي
شيرين انتي شتريدين من رجلي فهميني
باوعت عليهه شبيج لمى انتي مو تعرفين
شعرف ...اني كلشي مااعرف كل الي اعرفه حياتي تفلشت من انتي دخلتي بيهه
شيرين ماكو شي بيناتنه انتي ليش متصدكين ب كرار
يعني كرار حاجيلج موووو
لا محاجيلي
زين وين فراشه مو علساس ينام بالهول
شلته من كعد راح
هاااا صحيح بس اكلج بشغله حسبي الله ونعم الوكيل عليج الله لا يهنيج بحياتج انتي شعبالج من هجمتي بيتي تسويلج بيت الله لا يوفقج وطلعت
وين لمى اوكفي مو بس الج الحجي
شتحجين
باعي كرار يحبج تخيلي اليوم من كاعد اكعده جرني وراد يشبكني ويصيح لمى ....شوفي يعني شكد يحبج هوووو
باوعت عليه .....وجهه كام ميتفسر من القهر
والحقد بنفس الوقت
ليش تباوعيلي هيج لمى
يشبكج مووووو يشبكج ....الله ياخذكم اثنينكم
وطلعت
غميت روحي امدااااني عود ردت اكحلهه عميتهه خرررب جان كل قصدي اكلهه هو يحبج
تقريباً ساعتين ٣واني جنت كاعده قلقه بس لا راح تصير مشكله انفتح الباب
كرار وعيونه بكصته من العصبيه
انتي شكايله ال لمى
كرار والله العظيم بروح ابويه مو قصدي
مو قصدج اعتذرر ت منج والله العظيم جنت ماادري بروحي من نايم لان تعبان
وشنو تكليلهه انتي بطلي تشكين اني شوكت مسولفلج هاااااا
كرار اني مجان قصدي هيج اقصد ابينلهه احنه مابيناتنه شي
لا من تكليلهه كرار يسولفلي قصدج تسوين مشاكل بيني وبينهه يلله ارتاحي صارت مشكله وراحت لمى بس لو تموتين مااتقربلج اني احب لمى لمى زوجتي مو انتي الي تخربين حياتي وياهه اصلا اني ......يتبع
Bạn đang đọc truyện trên: Truyen247.Pro