بارت9
🌺🌺صرخات غير مسموعه🌺🌺
🌺🌺بقلمي ام غايب 🌺🌺
#البارت 9
جنت كاعده مااحس اله سمعت صوت صراخ عمه شمرت الدفتر عَل جربايه وطلعت من الغرفه
يمه ابني ....يمه وليدي....نزلت واني كلبي يريد يوكف واشوفهه شابكتهه مريم وهم تبجي
قيصر/بس اسكتو خل نفتهم كلشي مكاعد اسمع
بقيت مصطكه واكفه عَل درج ودموعي نزلت....معرفت شلون اتصرف بهذا الموقف اكو صرخه محصوره متقبل تطلع حسّيت رجلي متحملني كعدت وكمت ابجي واسمع قيصر
قيصر/يمه رحمه الدينج بس خل افتهم ....مابي شي هذا محمد يحجي بس خل افهم منه
كوه سكتت عمه
الي فهمنا فارس مسوي حادث بسياره وحسب كلام قيصر هو زين
بقيت مصدومه وابجي وخايفه علي ....بس على نفس كعدتي عَل درج
اباوع عمه شصار بيهه ومريم اخر شي قيصر توتر من وراهم وطلع
بره
اني بس دموع وبكلبي.....يارب لتأخذه مثل مأخذت شيرين والله مااتحمل اموت ساعدني يا رب ....والله من يرجع مااضوجه والقرآن اسمع كلامه واعتذر منه ....يارب ساعدني
كمل اتصاله قيصر ورجع دخل للبيت
قيصر/يمه وروح ابويه مابي شي شوية كسور على رضوض كلشي مابي
احس رجعت الحياة الكلبي جنت مختنكه والي خانكني اكثر مااكدر اطلع ردت فعلي ومأذيتني
ولا كأنما شهد ام اللسان صوتي اختفه
ام قيصر/يايمه يا وليدي توه تخرج. حتى ملحك يتهنه كتلك لتنشر صوره عيون الناس مترحم.....يمه سوده عليه
يمه وديني اله
يمه وين اوديج من فدوه رحتلج....قابل هو وره البيت .....اكلج مابي شي والله العظيم وروح ابويه وهسه شويه واخابر محمد وأخلي ينطيج فارس تحجين وَيَا
مااتحمل ....ولَك هذا وليدي ....يمه ....يمه حبيبي هسه موجوع وكامت تدك على رجلهه
اوووف ييمه محسيت بيك ....علساس الام تحس اني محسيت بيك يا روحي
يمه الله يخليج كافي ....الي يسمعج هسه يكول مدري شصاير بي اكلج حادث بسيط ....بس فهميني هذا منو وصلج الخبر
وتريدني ماادري ....يمه ولَك انت متحس بيه
ازل/يا خاله يا حبيبتي مابي شي يكلج هدي شويه
اني بس عيوني تباوع عليهم ....ماادري اصدك كلام قيصر لو عمه الي تبجي بحركه وممرتاحه ويجوز كلبهه كلب والده ودتحس بـ فارس بي شي
كامت عمه راحت للحمام
باوعت قيصر اتصل على واحد ......ورأساً طلع .....لحكته اريد اعرف شكو وأزل ومريم ورايه
طلع بره بالشارع واحنه وكفنه وره الباب نسمعله
قيصر زين شلونهه هسه البنيه
استغفر الله
عراقيه لو اجنبيه
خوما تصير سالفه
باجر احجز واجي
متأكد انت ....يعني اذا هيه جانت تسوق ميدخل فارس بسين وجيم
الحمدلله
آذاني مدتستوعب الي كاعد تسمعه ....مريم...كبل شبكتني
ازل/يااا يعني بنيه وَيَا .....منو هاي البنيه
دموعي زادت قاطات وكلبي احسه يريد ينفجر .....مااعرف انقهر علي لو منه
دخل قيصر أنصدم بينه يم الباب
شتسوين هنا
شهد/قيصر منيه هاي الي جانت ويه فارس
قيصر/وين اكو هيج حجي
شهد/والله سمعتك
قيصر/ماكو هيج شي ابد
شهد/والله العظيم سمعت ....ماكو داعي تجاوب عرفت من نكرت معناهه الي سمعته وصار ببالي صحيح .....ازل ومريم هم سمعن مو بس اني لتحاول تطلعني مخبله
انتي مخبله ....شنو اجه ببالج ....همه مجرد أصدقاء ....بالخارج هيج علاقاتهم صح بنيه وَيَا بس مو حبيبته مجرد زميله وَيَا بالدراسة
شهد/هزيت راسي بـ اي وكتله صحيح ....وعفته وصعدت
شافتني عمه ابجي واصعد
ابني صارررر بي شي
عفتهه محجيت جنت مختنكه حيل ومريم ورايه
احس داخلي انهار ....حيل
طبكت الباب حيل .....شكددد حقير .....-شكد اكرهه ....واني اكول ليش هيج وياي وهيج يعاملني ثأري عنده حبيبه
منو كال شهد حبيبته
اسكتي .....اسكتي لتدافعيله .....ومن اكله منو ام الوردي الجذاب يفرهه ويكول علساس تشيرتي
يمعوده....
لتحجين مريم ....لتبرريله ابدددداً ...اخوج الخاين هذا ....والله اله اروح وأولي وماارجعله ....ولو هو يريد هذا الشي
رحت للكنتور جان مبقي ملابس قليله اله طلعتهن
مريم/شدتسوين
شهد/تعباااااانه اني اريد ارتاح ....مخنوكه حيل كمت ادور على مكص فتحت المجر جلب الردن باليده كمت اصرخ ....اي وخررررر انت
مريم/شهد بلا خبال
مالج دخل بيه ....ولزمت ملابسه كصكصتهن .....أصلا صوجي اني ...كمت أحبه ....أصلا هو دفان ....ومجرم ....حتى هذا المجرم حباب اكثر منه والله
مريم/انتي مكلتيلي هو الي راد يخطبج خلو لو لا
باوعت عليهه.....مريم ولي من كدامي ....لج اني محروك كلبي والله وانتي تكليلي حلو لو لا الله ياخذه ان شاء الله
كصكصت ملابسه وانتجيت عَل كنتور ابجي
باوعت مريم لزمت الدفتر مال شيرين كمت عليهه وحريته منهه قبل لتفتحه
مريم/ووجع شبيج كمزتيني
شهد/هذا دفتري
واني شكتلج بس هيج لزمته وجع ....خبال ....والله مو صاحيه
اخذت الدفتر ورجعت كعدت وانتجيت ....هيه هاي الي كلتي عليهه حجت ويه عمه
مريم/ولج جنت اتشاقه وياج والله ....من كلبي طلعتهه
اي صحيح ...من كلبج ....أصلا فارس ميهمني بعد ....بس يجي ابويه لو امي اولي
بلا خبال شهد....خل انزل اروح اشوف وضع فارس شنو
بس طلعت وطبكت الباب بجيت بصوت ....حيل احترم كلبي ....نار بي محد يكدر يطفيهه وصلت مرحله....ابجي وارفس برجلي
احس الهوى خانكني ....جنت اعرف اني احبه بس مو الهلدرجه احس نفسي ضعت وانتهيت.....
مفكرت بالحادث كل تفكيري بهاي الي وَيَا ....صرت متأكده هو متقربلي علمودهه مو لان اني مااريد الخاين
سمعت أصوات هواي جوه ...بيت عمو سعد والولد كلهم وبابا وماما وجدو
صعدتلي ماما وعمه خوله
اجتي شبكتني ماما
لتخافين حبيبتي مابي شي
اوووف ....اني سمعت ابوج يحجي ويه محمد وطلع بدون ميحجي شي واني تخبلت كبل خابرت على مرت عمج ....يلله الحمدلله مابي شي حجينه وَيَا قبل شويه
بس دموعي تصب ....مالي خلك اسمع اي شي منهم....وهنه كعدت يسولفون ....على هذا وذاك وهذا هيج حجه وهيج كال خليت راسي على رجل ماما وكامت تلعب بشعري
وراهه صعدن ازل ومريم يطمئنن عليه
اباوع عليهم وابجي ....احس شي بيه ضايع محتاره شسوي.
صاحت عمه على مريم من جوه .....وراحت الهه ركض ....جايبه الموبايل
مريم/شهد فارس يريد يحجي وياج
باوعت عليهه....جنت شويه ساكته احس دموعي رأساً نزلن ....كمت أخذته وطلعت الغرفة مريم ....لان كلهم بغرفتي
خليته بأذني بس محجيت
وره شويه حجه ....الوووو شهد تسمعيني
شتريد فارس
ماكو الحمدلله على سلامتك
الله كشفك فارس
لتصيرين مطيه
شتريد مني هسه فارس....الحمدلله على سلامتك ابن عمي
ابن عمج .....وبس
اي أصلا انت بعد اسبوع تجي وهو علساس نتطلك
منو كال هذا الحجي
انت كلته ....عَل عموم جنت مااعرف السبب بس هسه عرفته
بلله شنو السبب ....باعي انيكلي قيصر انتي فهمتي السالفه غلط
لا ...جنت فاهمتهه غلط ....بس هسه كلشي وضح
شهد
شتريد فارس ...روح الله يخليك
انجبي ولج سنو روح انتي تتبلين عليه ....ولج هاي مجرد زميله
اي ....اي ....صدكت ....فارس عفيه سد الخط ...أصلا اني هسه رايحه ويه اهلي
انتي مخبله
سكتت
شهد عقلي والله موجوع هسه وكاعد اخابر بيج لتعبيني بالزايد من اجي نتفاهم وإذا معجبج الحجي روحي
شهد....من يوم الرحت وانت حتى مخابره متخابرني....تحجي ويه الكل واني الوحيدة الي متسأل عليهه عبالي علمود الي صار تالي يطلع علمود هوا تعصبت حبيبتك ام الوردي ...وفوكاهه تكلي تشيرتج
ولج خبله صوتج
شهد ...اذا طلعتي من البيت قبل لا اجي اكسر رجلج من ارجع
سكتت....بكلبي ....اريد اشوفك شلون اكسرهه والله اله اروح وروح شيرين
شو سكتي .....شهد كتلج بعد اني ....تعبان هسه حيل وموجوع باجر اخابرج
مكتلي حبيبتك شلون صارت
انجبي بلا لغوه زايده .....حبيبتي شنو
اي ....اي
سديت الخط منه واني ابجي بكل كلمه حجيتهه وَيَا ...صدك انوجعت ....الخيانه صعبه
طلعت رحت للغرفه لكيتهم نازلين ....لبست جبتي واخذتلي كم قطعة ملابس ونزلت لكيتهم كاعدين بس عمه ام سعد رايحه
رحاب/ها يمه وين
الكل صافن عليه وخاصه عمه ام قيصر
ام قيصر/وين رايحه شهوده
رايحه ويه اهلي
شهوده يحلف قيصر يكول مجرد زميله اله بالدراسة
امي وعمه خوله هم جانت كاعده انصدمت ميدرون بالسالفه
رحاب/شهوده شنو القصه فهميني
شهد/ماما مابيه حيل احجي
ام قيصر/اني اكلج خيه ....كل ما بالأمر جانت زميلة فارس وَيَا ...بالسياره وسوو حادث
ابتسمت ابتسامة واحد ممقتنع
شهوده يجوز صدك
ماما اريد اروح وياكم عفيه ...
رحاب/خل تجي ويانه يومين ترتاح وترجع
ام قيصر/براحتهه اهم شي راحت شهوده ....بس كوّن تكبر عقلهه ومتهجم بيتهه هو شبقاله ست ايّام ويجي
خوله/لتضوجين عمه خل يجي اني املص اذاناته
طلعت ويه ماما .....جانو بابا وجدو واكفين بالباب بابا جان واكف ومرجع أبديناته الي وره وبيده السباحه ولابس دشداشه بيضه من شافني ابتسملي
ها بابا حبيبتي شلونج
زينه بابا
قيصر/وين رايحه شهد
رحاب/ترتاح يمنه كم يوم ....شويه تعبانه نفسيتهه
مدلي ايده جدو....حتى ابوسهه يحب هاي الفقره واني مالي مزاج رحت بسته واحترمت نفسي
الأب...ستار/يلله احنه نروح بعد ....
قيصر/خل اوصلكم
الجد/لا هنا خطوتين عليمن هالسياره
ستار/لا ماكو داعي هنه خطوتين صدك
رجعنه مشي .....وبابا لازمني بيده حسّيت نفسي طفله
اليوم شهوده راح تنور البيت
شو احسج ضايجه ....حبيبتي مابي شي ....لتخافين .....الله ستر وتلطف بينه
سكتت شحجي وشكول واني بالشارع اذا كلت مااريد فارس جدو يسويلي فضيحه هسه
بس وصلت صعدت فوك الغرفتي ....بعدهي نفس ماهيه كبل تمددت على بطني واني بالجبه وكمت ابجي
ماكو نص ساعه وصعدت عمه خوله .....كالت فارس يريدج
مااريد احجي
خوله/ بصوت ناصي ولج هاج عصبي.....
مااحجي والله
خوله/فارس ....عوفهه خل ترتاح هسه
ولج يمعزايه احجي ويا
شهد/مااريد
عمه تحجي وتحجي وياي ....اخر شي ...عاطت
أكلكم تره اني ماخذه حبابه مال مطايه وكوه واكفه وانتو مدري شلونكم
مااحس اله فتحت سبيكر وخلته عَل ميز وطلعت .....فارس فتحت سبيكر وراح انزل وانتي من تكملين جيبيلي الموبايل ولتفتشين بي لان اموتج خلاص وطلعت
فارس/شهدددد....شهدددد ....انتي مخبله شنو متقبلين تحجين ويايه
لان انت انسان خاين
بااااااع هاي ....لج بابا شنو خاين.......هدء من صوته شهد راح اعتبرج اجيتي اجازه الاهلج ......باجر الصبح ترجعين
ماارجع والله .....وبجيت
لتعبيني.....حبيبتي
لتكول حبيبتي .....والله انت اكبر جذاب بالعالم
ولج شنو جذاب شو انتي متعرفين تحجين .....باعي شهد انتي لازم تتعبيني جسمي مفلش وموجوع وانتي تعانديني
فارس....انت كلت من اجي اطلكج ....شنو اليفرق هسه
تجيبين سوالف من كلبج
هااااا ....من كلبي ....يعني انت مكلت
مو كلشي ينكال معناهه يصير .....يعني بحالة عصبيه ....لج بابا اني اذا مااريدج بنفس اليوم اطلكج
يللله حبيبتي روحي نامي هسه وبأجر الصبح قيصر اخلي يجيج
مارجع
ماشي شهدددد براحتج ....بس والله اذا رجعت وملكيتج بالبيت ....اطلكج شهد .....فهمتي شهد .....اطلكج
طلكني
براحتج .....تدللين ....وسده بوجهي
يسده بوجهي ميبطل هاي السالفه والله يا ربي.....أنوب هوو فوك مخايني وركعت موبايل عمه خوله انفطرت الشاشه
دنكت بصدمه.....عزززه بعينج يا شهد .....شسويتي هسه شيخلصج من خوله يا ربي
اباوع عَل شاشه مفطره.....كله من ورررراك فاررس
وكمت ابجي
خليته عَل ميز وسويت روحي نايمه ....بعدين صدك غفيت
فزيت على كفخه
ولج هاااي شمسويه بموبايلي ....الله لا ينطيج
هاي فارس
كفختني على راسي ....(اي فارس اجه مناكً وفلش موبايلي....جذذذابه هسه جذبيلج جذبه مقنعه
قصدي فارس عصبني وركعته
كفختني على راسي
خوله/واني شنووووو ذنبي....عصبهه ....عصبهه وتكفخ براسي
ااااااي ....هو موبايل ....بدال متكولين فدووه الج تكفخيني
فدووه الج ....ليش يمه فدوه الج ....اني اعلمج
اني انطيج فلوسه
الصمي ....مااسمع حسج اني غبيه شعليه بيج وبـ فارس ...اخذت الموبايل وطلعت
شهد/والله ياربي ....فددوه الي والله ...يلله ورجعت غطيت راسي
حسّيت نفسي جعت ....نزلت جوه ممبقيه واحد مكايلتله عمه خوله
شفت بابا ديطلع
بابا وين واح تروح
عندي خفر حبيبتي
الجد/هسه يطلع متزوج عليج يا رحاب
هاي دروب الزلم مال خفر ....بيهه انه
شهد/لا عيني بابا ميحخون ماما....مو بابا
طبعاً امج الكل بالكل
اول مطلع بابا ......استلمني جدو
الجد/شهيده....شلون تكسرين موبايل عمتج
انكسر بعد حدو كتلهه اني انطيج فلوسه
خوله/انجبي.....تنطيني فلوسه ....شحجي عليج
الجد/وانتي شنو قصتج انتي وفريس
شهد/بكلبي ....بيج كتله عمه خوله شكو كلتيله هسه راح يموع آذاني بقراراته أنوب بابا راح خرب حظي
جدو تعبانه اني هسه
مااحس اله شمر عليه الكوشة
الجد/من تحجين ويه جدج تعلمي تحجين بأدب
اني مقللت ادب
لا قللتي.....طايحة الحظ
جدو لتغلط عليه
اجتني اني حانت مدري وين من طلع بابا .....شهد ....بصوت ناصي شهد صعدي فوك مالي خلكج لتسويلج سالفه ويه جدج
يمه الله يخليج عوفيني شنو شكلت .....اني
مااحس اله اجه يريد يضربني وامي وعمه وخرني
ردت احجي امي خلت ايدهه بحلكي
صعدت للغرفه
تره مليت اني .....هو ليش هيج يسوي ... موتني والله بكلشي يدخل روحه
رحاب/انجبي لج لتحجين هيج على جدج
يا جد يمعوده ....امداني عود جنت جوعانه لا أكلت ولا شي بس جدو حرك أعصابي
رجعت انام بس بعد تفكير وتعب العقلي
خلص اسبوع كامل متصل فارس بعد .....واليوم يجي محمد المفروض
اما بابا من دره كلي ارتاحي هسه بين ميجي فارس
جنت بالحمام سمعت صوت محمد ... كملت بسرعه ونزلت اركض جانو كلهم كاعدين حتى حسن وكرار ولد عمو سعد
كام شبكني وشبكته حيل
اميرتي كبرانه هووواي
اي لعد شعبالك
كعدت بصفه وهو حاضني
شخبارج ولج
شهد/اخووويه صاير وسيم
اني وسيم ولج
حسن/يعني هسه باجر يجي فارس ليش مأجه اليوم وانتي متروحين مو رجلج راح يجي
مااروح بعد
باوع عليه محمد....انجبي ولج
حسن/وليش متروحين
شهد/مالك علاقه
الجد/شهدد ام اللسان راح اكصه الج كومي ولي منا
محمد/على كيفك وياهه حجي....هاي شهوده
الجد/من عاب شهوده ....كومي ولي من كبالي يلله
شهد/شوف جدك ....مضطهدني ومحد يحجي وَيَا
ضحك محمد.....ام اللسان زين اخوج جوعان بيهه مجال تسويله لكمه من ايدج
تدلل
حسن/شنو هاي اللواكه
عفته يحجي وحده
محمد/لعد ابويه وين
رحاب/يم ابو اكرم صديقه بنته بالمستشفى مسويه حادث وراح يأدي الواجب
سويتله اكل وراهه ارتاح وكلهه طشت لبيوتهم وبابا هم رجع جنه كاعدين ومحمد يسولفلنه عن حياته هناك ومواقف وَيَا صارت
الجد/مادامك اجيت بعد هم يالله نعقدلكم انت ومريم
محمد/شتعقدلنه....حجي شنو بعدك على هاي السالفه صدك تحجي
الجد/اي احجي صدك لعد شنو اتشاقه ....كلت العندي فارس نفذ وبقيت انت
حجي اني مااتزوج وحده مااريدهه
وليش متريد ....مريم ....شناقصهه
بت عمي وعلى عيني وراسي بس مااريد اتزوجهه أو بالاحرى مااريد اتزوج بهذا الوقت
مو بكيفك
لعد بكيف منو
بكيفي اني....اني الي اقرر هنا وبعدين شمعنه انتو ولد ستار توكفون بوجهي حتى شهد بنيه وتعاند ومالهه رداد
حجي مو مسألة توكف بوجهك بس الزواج مو اجباري وبعدين فارس تختلف سالفته من كتله هو أصلا جان رايد يتزوج شهد ....لو جان ميريد محد يكدر يجبره
مثل الصراع مدري شبيه ابتسمت من كال هيج محمد
الجد/اني كلت العندي
جان بابا بالحمام طلع...وهم تدخل
محمد ابني....مريم شناقصهه شو حلوه واخلاق وين تلكه مثلهه
يابه مكلت شي عنهه بس مااريد اتزوجهه ....اني اعتبرهه اخت ألي
الجد/لا هيه مو اختك بكيفك تعتبرهه
كام محمد.....بعصبيه ....اروح انام احسن الي
ستار/تعال اكعد ....خل نتفاهم
يابه هذا الموضوع لتعبون روحكم بي ابداً
ابني عوفك من هذا الموضوع ....اقصد موضوع اختك شهد
من كال هيج انخمط كلبي .....اهووو هسه راح يحجون هواي
كعد محمد واستلموني
ستار/شهد حبيبتي .....هذا اخوج كبالج .....سألته عن الموضوع وكال الي جانت ويه فارس زميلته بس ماعنده علاقه بيهه
الجد/شو انت منطيهه اكبر من حجمهه وكاعد تبرر الهه ..
ستار/يابه الله يخليك خل اسولف منشي عليك حسين
بابا ....انتو ليش تضحكون عليه ...هو فارس أصلا ميريدني والله وأدري يحب وحده ...اني مااريده
الجد/مووو بكيفج ....بكد النعال وتحجي ....وشنو يعني اذا عنده وحده قانيه يحبهه انتي شنووو
مااقبل اني
وانتي منو حتى متقبلين ....هو رجال والله محلله بعد كم يوم يريد يتزوج شنو تطلكين لو توكفين بوجهه
اتطلك والله
محمد/حجي عَل كيفك وياهه شنو سالفتك
ستار/هذا هو جدك لازم ....
الحد/لازم شنوووو ....انت ظل هيج ظل ....جنت توكف بوجهي علمود ذيج الساقطه
بابا بعصبيه....ياااابه ذا الموضوع لتفتحه ابد
محمد/حجي شيرين انظلمت واحنه نعرف بهذا الشي كلنه مااقبل هيجً تحجي عليهه
الجد/لا.....منظلمت شيرين ....شيرين جابتلنه العار ....من دزت صورهه الواحد ومن خانتنه
ستار/جابتلك العار ....مو غسلت عارك .....شتريد بعد ....شيرين وجوه التراب ....كالت بنتي بيدي من وراك .....وبعدين ....وبعدين شتريد ....حتى من دريت هيه بريئه ....نزل كلبك الهه .....تعبت اني منك يابه ....تعبت ....الي تحجي عليهه بنتي هاي ...كتلتهه بيدي من وراك قبل لا حتى تظهر براءتهه وكل هذا وبعدك تحجي
الجد/شيرين لحد يكول عليهه مظلومه .....هاي عار .....فهمتووو لو لا
ووكع جدو من طوله
ركضو علي ودو للمستشفى ....واني صعدت للغرفه ....فرحانه ومقهور بنفس الوقت ....فرحانه لان بابا حجه واخيراً بشي يخص شيرين وعرف هيه بريئه ومقهور لان هيه راحت ميفيد الحجي
سمعت اصواتهم اجه جدو مبين .....بهاللحظه ضجت جنت متمنيه الموت اله
انسان ظالم
نزلت سويتلي جاي ولفة جبن وصعدت طلعت دفتر شيرين رغم ما راسي يوجعني بس مليت من التفكير
فتحت الدفتر ....مممم خل نرجع لأبو شامه الفاهي
......................مذكرات شيرين
وأحلى شي احبه ب عمر عنده شامه فوك شفته من يزين شواربه ولحيته تبرز بس هم تبين من شواربه اذا واحد انتبه علي
اخر شي رحت ال ماما
ماما الله يخليج
رحاب/الله لا يخليني ....شيرين تعبتيني ....ذاك ابوج روحي كوليله اني احبه وخلي يبطلج وتفضينه
والله تعبت ماما .....والقرآن احبه .....حاولت بس مااكدر .....والله ماما عمر خوش ولد الله يخليج
شيرين كتلج العندي .....كااافي ....والله العظيم راح تخليني بس واحد يتقدملج اقبل بي
ماما كااافي انتي الله يخليج .....كولي اني هم مقابله بي لتكولين جدو وبابا
ولي من يمي شيرين
محاولاتي ويه ماما تفشل....ماكو نفس الجواب بكل مره ....بعدت على عمر بس عمر معافني بقه يلح ويتعارك ويايه وبيوم جنت كاعده اقره بامتحاني كعد بصفي
شيرين انتي تحبيني لو لا
عمر احبك بس ماكو فائده اهلي نفس كلامهم متغير شي
اني تعبت شيرين .....احجي صدك مو مجرد كلام ....شوفي حل انتي الهاي السالفه
شنو الحل ....ماعندي ....عوفني عمر وعيش حياتك
ماشي شيرين مراح احجي شي لان تعبت ....تعبت واني اركض وراج ....تعبت اني احاول وانتي ولا عبالك ....وانتي بسهوله تخليتي عني
عمر
لتحجين بعد
كبل كام وعافني ......هنا اني تأذيت حسيته هو هم تخلى عني
مشت اسبوع وبالفعل محاول يتقرب مني ابد ولا عبالك يشوفني كباله
تعبت نفسيتي بشكل وأحس داخلي منهار
ورحت ال ماما .....ارتاحي هسه ....هو هم عافني وبعد ميريدني
اي احسن شي هذا ....سيرو واقعيين واقبلو بالواقع
اي .....نقبل بالواقع المنافق الطائفي قصدج
وأي شيرين من وجهي
صعدت بس ابجي تعبت حيل .....احبه حيل والله مكاعد اكدر اتأقلم انو هو مو ألي
بيوم جت توني داخله للكليه ....لكيت عمر واكف يم بنيه وضحك وسوالف ....احس شبت نار بكلبي رأساً بجيت متحملت
طليت اباوع علي من بعيد واترقبه وهوً ولا يمه
اخر شي دخلت البنيه محاضره وهو جان يريد يطلع راح باتجاه الباب ولا عبالك مر من يمي حتى مباوعلي
متحملت رحت ورا
عمر ....عمر
دار عليه ....ها شيرين رايده شي
مو علساس تحبني الي ....لعد هاي شنو
ليش دتحاسبيني ،...هاااا موانتي ردتي هيج
مجبوره ...كلي عندي حل
واني هم ماعندي حل .....-شسوي ....وبعدين انتي كلتيلي روح وشوف حياتك ...شكو لاحكتني
والله ماادري شكلك ....عمر ....
لتكولين شي .....لان اعرفج كلش زين ....أخذي راحتج شيرين ....وراح طلع
حسّيت بالضياع ....هو دخل كلبي مااكدر صرت مو اني المتحكمه بالعقل مااكدرابعد عنه ومااكدر اشوفه كبالي يتعرف على غيري
رجعت للبيت ....بغرفتي رحت بس ابجي ....اني دزتلي الموبايل بيد شهد
فرحت حيل بيومهه
شهد/شيرين مو ترجعيله احسن الج تعوفي ميقبلون اهلج خلاص تركي الموضوع
عفيه شهد عوفيني مالي خلكج
براحتج ........بس اني علمودج
مااحس اله دخلت مريم
............................................
فزيت ثاني يوم الدفتر بيدي ماادري شلون نمت ....بدون ماادري اتذكر جنت مفتحه تك عين من النعس واقره
كمت نزلت تريكت ويه محمد جان توه كاعد هم وشقه وسوالف
دكً موبايله
ها سكط
هههههه
يعني مااخلص منك
ديلله هسه اجي
هااا خوش لعد
شنو منو ماادري كمت الوب اريد اعرف منو بس استحي أسأل محمد معقوله فارس هو اليوم يجي علساس
كمت غسلت مواعين ونظفت البيت صعدت فوك اخر شي تمددت شغلت التلفزيون لان مااريد اكعد جوه بعثني جدو
جنت كاعد اباوع فلم حبيبي دائماً احب الأفلام القديمه
مااحس اله انفتح الباب فارس
كندا من مكاني كمت ....فارس
جنت مطفيه الكلوب ......شغله وتقرب عليه بدون ميحجي ولا كلمه
...........يتبع
Bạn đang đọc truyện trên: Truyen247.Pro