بارت7
البارت 7
🎀🎀صرخات غير مسموعه🎀🎀
🎀🎀بقلمي ام غايب🎀🎀
شهد....يلله روحي......اذا تريدين
باوعت علي ......ماشي......اروح
رحت باتجاه الكنتور
باعي شهد
بس اذا تطلعين من هذا الباب بعد مالج رجعه اله......
ماشي..ماارجع
فكري بابوج زين ......
شلون افكر بي.....مو انت بالحالتين تطلكني بعد شهر ....يعني هسه أو بعد شهر نفس الشي
براحتج .....باجر من تخلص الزفه روحي
هسه اروح .......مااتحمل ابقه هنا للباجر
هسه اذا تطلعين بره هذا الباب رجلج اكصهه .....باجر من تخلص الزفه ولي وين متولين
ردت اطلع من الغرفه انزل
وين موليه
انزل جوه اكيد محتاجيني
ممنوع تعتبين هذا الباب
فارس مو وقتهه البيت مخبوص
تدرين اني شنو يعني انتي لازم تعاندين وتريدين تمشين كلامج ماكو نزله جوه وكومه بنات جوه ممحتاجيج
طلع من الغرفه ......تمددت عَل جربايه واني كلي ملل من الحياة .....مابيهه اي معنى لا اني الي اكدر أعيش ويه فارس واتقبله بكل وكت ولا فارس يكدر يسامحني ....اعرف روحي احبه بس شيرين واكفه بالنص بكل لحظه اريد أتقرب منه تصير عيونهه بعيني وصرخاتهه بأذني وهسه اتخايل فارس من دفنهه بيده
..باجر اروح والي يصير يصير ...كوه كومت روحي وبدلت لبست كيمونه وبجامه ....وطفيت الكلوب.........اندكت الباب رفل
هااا اسفه والله ماادري بيج نايمه بس خاله تصيحج
ماشي هسه راح انزل
لبست دشداشه ونزلت
ام قيصر/شهد صدك تحجين مبدله وتريدين
تنامين ......والبيت هنا مكلوب
عمه فارس ميقبل انزل
ضحكت ......والله ماادري شكولج عمه ....انتي جنة البيت هنا مفروض متواجدة بكل وقت وانتي كل شويه مختفيه ........نظفي ويه البنات
حقهه عمه بكلامهه مشاكلي اني وفارس أثرت علـ جوه
نظفت البيت وياهم كفينا.......وفرشنه فراش للخطار وصعدت .....الولد محد موجود منهم ......دخلت سبحت لان كلش عركت ولبست البرنص ودخلت للغرفه ....فزيت لكيت فارس ممدد نص جسمه عَل جربايه ورجلي بالكاع
شنو ساعه بالحمام .....وكام
محجيت شي .....رحت للكنتور اطلع ملابس ألي
هو كام أخذ ملابس وطلع
طلعت ملابس بسرعه ونزعت البرنص مااحس اله انفتح الباب فزيت
وجريت البرنص وغطيت روحي بي
غير تدك الباب
اكو واحد يبدل والباب مفتوح وبعدين هاي غرفتي
غمض عينك
اجه تقرب عليه
فتحت عيني بكل وسعهن ......اطلع فارس
فارس/لمحت شي
عززززه وخرررر انت شدتحجي
عندج وحمه بصدرج
غطيت نفسي قوي .......وخر فارس شكد متستحي
ماشي يا شهد ......
مشه يريد يطلع ......دار عليه .....تعالي قفلي الباب ....بعد لتبدلين والباب مقفول.....اقصد مفتوح .....والله دوختيني أخذ الخاولي لان جان ناسي ياخذه وطلع .....احس نفسي صخنت استحيت منه بدلت بسرعه ونمت بالجربايه
سويت روحي نايمه .....حسّيت علي من دخل ونام بصفي بس تشنجت لا اكدر أتحرك منا ولا منا لان مسويه روحي نايمه......فزيت الصبح درت وجهي لكيته داير وجهه عني ومنطيني ظهره علىً نفس نومته واني هم
كمت بدلت ونزلت .....عفته نايم
ام قيصر/همزين نزلتيً .....بسرعه شهد تريكي واخذيلج كشه للبيت ومريم تغسل مواعين استعجلن حبيبتي هم يالله
جنت مااشتهي اكل ......باوعت هاي خالته تخزر بيه المكروهه بودّي أذب عليهه بإنزين واحركهه على عملتهه وجذبهه البارحه
توني كملت ريوك شافني قيصر.....شهد بسرعه كعدي فارس
خرب حضي .....هسه اكعده عباله متقصده اتحارش بي
صعدت فوك لكيته كاعد وديمشط ومبدل
بكلبي/يا الله يا ربي طالع بطل مال حليب وعقج حاجبه فوكاهه
شو تباوعين صفح
رفع حاجبه.......الناس تكول صباح الخير من تشوف بشر كاعد
صباح الخير
بعد وكت
قيصر يصيحك
شيريد
مااعرف .......
نزل ونزلت ورا وصبح عَل كل
ام قيصر/يمه شجاك لابس كله ابيض هسه يتوصخن والابيض نحس
شهد/طالع جنه بطل حليب.......متحملت مااحجيهه
عمه ضحكت .....اووف من سوالفج ولا تجوزين ام البلاوي
دار عليه ورفع حاجبه ...عفته ورحت بلشت انظف هلكت....كفينه الغده عمه وماما جانو مسوي بسيط لان العشه جايبين طباخ ويسوو العصربعد ميجيبون العروسه .....طبعاً هاي أوامر جدو
صعدت فوك لحكتني ماما......
شبيج شهوده
ماما .....اليوم راح اعوف فارس
رأساً ماما تعصبت......شدتحجين انتي وشو تحجيهه كانما شي سهل
ماما ....فارس يذلني
لا يذلج ولا شي انتي تتحججين عَل ولد
ماما شتحجج يكلي ماعندج كرامه باقيه الهسه
الله اعلم شكلتيله وخليتي يتنرفز ....بنتي واعرفج اللسانج مينحمل
اشو انتو شحجي متصدكوني انتي وفارس
لان شايفيج ونعرفج
ماما ماابقه يم ف ارس بعد أصلاً هو ميريدني
ولج شهد ابوج ميكسر خاطرج فهميني.....ولج هو باقي عَل حافه .....تريدين تقضين علي
ماما هو تالي متالي فارس بعد شهر يطلكني
ولج قابل بكيفه منو يقبله وبعدين هو ميسويهه انتي عرضه اكو واحد يقبل ينحجي على عرضه وبسببه ولج هو الغريب اذا طلكً مرته بعد ٣شهور يحجون حجي مينحجي
ماما
اصبري بنيتي .....صبري .....بلكت الله يهدي عليج ويسامحجًعل عمله الي سويتيهه بي هذا لو غريب جان طلكج ثاني يوم احمدي ربج وشكري
لعد اليوم اجي وياكم عَل اقل
رجلج باجر مسافر وين عايفته
يا رجلي يا ماما ....من اجه لهسه بس مشاكل كرهني بالدنيا
هو ميريدني واني مااريده
انتي ليش متريدي فوك ما مبقيج هوه ولج تهدي علينه يا شهد
ماما تعبت من كثر ما احجي ومحد يفهمني
شهد كعدي راحه وبعدين صبري خل اكول ال ابوج هو قبل فتره كال ياخذهه ونطلع خارج العراق اصبري يمه حبيبتي ....الخاطري والخاطر ابوج والله تعبنه حيل
ماشي ماما
يلله حبيبتي كومي بدلي هم يالله واني هم اروح ابدل .....باستني ونزلت
سبحت ومكيجت وبدلت صرت جاهزه
توي كاعد انزل فتحت الباب صار بوجهي فارس جان شكله ضايج مااعرف ليش
باوع على لبسي ......تفحصه .....الحمره شدعوه هلكد......مسحيهه
ودخل ......بدون مااحجي خففتهه ......واني كاعد اخففهه اخذ الخاولي
شهد قميصي مكسر اكوي ....
ماشي .....
خوب انتي ماكوً بقاموس حياتج تسألين شلبس شحضر
فارس الله يخليك خلي العرس يمر طبيعي
ليش يابه اني شمسوي لان كتلج هيج .....انغثيتي ....ليش كلامي غلط
فارس جان يريد يتعارك ويايه بأي طريقه كويتله القميص ونزلت وراهه نزل كبل طلع
طلعت الزفه صعدت بالكيه يم البنات ......اجه عليه فارس جنت كاعده يم الشباك
نزلي انتي ومريم
ليش
هناك بذيج الكيه امي وامجً وعمه هنا منو تعرفي
كلهم اعرفهم .....يم البنات نتونس
كال استغفر الله وراح فارس صاير معقد مو مثل قبل ولا عبالك جاي من الخارج كلش متشدد
مشت الزفه ضحك وركص لعبن لعب بنات خوال وخالات فارس
واني بس حدي اصفك اعرف فارس يراقبني
وصلنه للعروس واخذهه قيصر وصعدوهه بالسياره وكلنه طلعنه جان فارس واكف ومتجتف وحواجبه عاقدهن من طلعت يباوع عليه شكيت صدري طالع لو اكو خلل من وره نظراته باوعت كلشي مابيه صرت قريبه علي تقدم عليه
شكوووو شبيجن مسعورات علركص
اني شعليه
شفتج هزيتي جتف
اني....لا والله
دمشي صعدي بالكيه الثانيه انتي ومريم
متكفي
دحسي روحج ......دتعالي ورايه .....معافني اله فصلني عنهن متت قهر جنت متونسه هناك يمهن
رجعنه للبيت.........تعشو وكفو العشه وجدو مقبل يروحون للفندق العرسان وقيصر حاجز وكبت العيطه
جنه بالمطبخ
الجد/انتو ليش متسمعون كلامي كلت لا يعني لا
قيصر/حجي اني رجال مو صغير حتى انت تحدد بمكاني وبعدين سويت العرس مثل مردت انت ....الهنا وبعد اني
كلت العندي
فارس/جدو عيب منا اهل العروس
لا اهل العروس ولا بطيخ انت رحت فندق ....شمعنه بت الكليه أنوب امهات الكليات هنه يقررن
جدو قافل وإذا مسوو الي يريده مستعد يخلي الناس تتفرج ويتعارك ويه قيصر
كوه بابا قنع قيصر يغير رأيه وكله هديتي باجر تروحون للشمال على حسابي حتى مصاريفكم الي هناك
طبعاً قيصر صار اعصاب حيل ضاج ......اما اني فحايره شلون بيه واني البارحه كتله اليوم اروح الاهلي وكلشي ينتهي وماما مقبلت اروحلهم علمود بابا .....
لملمته البيت بعد ما الناس طشت .....الي باتو صرفهم فارس البيت اهلي بقت بس وحده من بنات خالاتهم اسمهه نور بالثالث متوسط
ساعدتنه هيه بس من دخل فارس حسيتهه تتماوع يمه هواي
وهو هم يتشاقه وياهه اجذب اذا اكول مضجت ....ضجت وضجت حيل
تقرب عليه من جنت اغسل مواعين
شوكت تكملين
ليش
حتى اوصلج البيت اهلج
شنو مستعجل تريدني اروح حتى تأخذ راحتك
اخذ راحتي....شنو
باوعت علي بحقد
شلون اخذ راحتي فهمينه
هيج ....فارس....هسه خلصت مواعين بس المغسلة واصعد ابدل وانزل
عافني وصعد......مااكدر اهين نفسي اكثر......مستعجل يريدني اروح .....جنت كاعده وساكته قبل ليجي ......ساعة السوده الرجع بيهه من اجه لحد هاللحظه بس يتعارك ويايه كملت المغسله تمددت جوه عَل قنفه......
عمه جانت تعبانه كبل نامت ومريم وهاي المايعه كملت وصعدن بالغرفه وقيصر وخطيبته أزل معروف وضعهم....جانو فرحانين اثنينهم شكد حلو عرسهم
مااحس اله فارس فوك راسي مبدل لابس شورت وفانيلا رياضيه
شدتسوين هنا......شو هنا نايمه ليش مصعدتي
رجلي خدرت ومكدرت اصعد
وهسه خدرانه بعدهي
اي .....بعدهي
فارس/اني جعت حيل .....عافني وراح للمطبخ جاب فاكهه بماعون
خلا علـ طبله
هاا شلون صارت رجلج
مو زينه
كعد كبالي وكام يفرجهه الي واني فطست ضحك
خبال شبيج
تدغدغني
مو خدرانه علساس يا جذابه شلون تحسين بيهه
متت ضحك ....صارت عندي هستريا ضحك اخر شي سد حلكي بيده
ولج خبله فضحتينه .....شبيج
بقيت فطسانه ضحك بدون سبب وهو يضحك عليه مااحس اله بجيت فجأه الدرجة اني حسّيت بنفسي مخبله ساعه اضحك وساعه ابجي
فارس/شهد شبيج توج تضحكين مخبله
امشي خل نصعد فوك بالغرفه هسه عبالهم كاتلج
صعدت واني دموعي يجون مدري شبيه توني جنت ميته ضحك اخذت ملابس وردت اطلع
وين رايحه
اسبح
لتبجين بالحمام
ليش
مو زين
طلعت من الغرفه مكدرت اسكت من البجي جنت مخنوكه طلعتهه بالضحك والبجي
مااحس اله دك الباب فارس
شهد شنو قصتج تأخرتي
هسه ....كملت
طلعت لكيته متمدد عَل جربايه وبيده الموبايل ويوزع ابتسامات عطرت نفسي ومشطت سريع وطفيت الكلوب ولا كأنما دخلت يمه
نمت ودرت وجهي عنه وره نص ساعه تقريباً اني جنت ابجي بس عَل صامت مااحس اله حضني من وره
وخله شفته بخدي باسني
مو علساس تروحين الاهلج.......شو اشوفج نمتي
سكتت مجاوبته
اشو ما اصدك انتي غافيه هسه ......بده يتلمس بجسمي مااحس اله فوكايه
وخر فارس
مااحس اله باسني من شفتي حيل حتى مااحجي كمت ادفعه بيدي
مااحس اله بعصبيه كام
شبببببيج .......انتي ليش هيج
شنو ليش هيج .....تريد تتقربلي علمود
صار وجهه قريب عليه ....ليش تقصدين افرغ شهواتي بيج مووووو
سكتت
احجي هذا الي تفكرين بي
اي
اني كلت ال اي وهو صار نارررر من الاعصاب مااحس اله شكو عَل ميز الي بصفي فلشه
راح تكعد الناس
انتي تعبتيني......لج انتي شنو .....شنو فهميني .....كلشي اسوي تطلعين بي انه
متقربتلج علمودج لان مردت اجبرج ردتج تسلميني روحج برضاتج موًغصب عنج مهان عليه اخذج جبر ....شكك برجولتي جدي وهم مجبرتج تاليتهه شككتي بررررررجولتي انتي
وهسه حاولت اتقربلج وارجع الأمور طبيعيه قبل لا ارررررروح مع العلم اني متأذي منج بعدني .......وهم سويتيني شهواني بس اريد حاجتي منج
انتي شنوووووو .....فهميني شنو
انت.....
بعدني كاعد احجي عاط بيه
اششششش.....لتلغين مااريد اكرهج بعد اكثر
شوف تكول اكرهج وتريد تتقربلي
فتح عينه الصمي ......لتحجين ابد .....رجع المكانه وغطه روحه.... ونام
فارس ادري بيك تحب وحده
سكت مجاوب
وما انسه التشيرت الوردي...
هم سكت
بعصبيه....وتكول اراعي مشاعرج واني كل ماادخل للغرفه الكاك تتبسم والموبايل بيدك لو هاي نور المايعه. ولا عبالك بعدهي ثالث مدري ثاني وانت ممصدك.
دار.......انتي شدتلغين
هااا معجبك الحجي .....اتبله عليك مو اني
منو هاي ام الوردي
مالج دخل
الي دخل ونص .....من تحجي بغرفة نومنه ويه حبيبتك اتدخل
هااا.....يعني اذا احجي خارج الغرفه عادي
لا طبعاً ........فارس انت تحبهه
هيه منيه
ام الوردي الي دتحجي وياهه
بابا انتي مخبله ......نامي
سكتت وهو سكت ضليت اباوع علي ويباوع عليه بس عَل صامت الى ان غفيت فزيت ثاني يوم على صوت هلاهل ......اباوع ماكوًفارس
بدلت ونزلت .....جانو اهل أزل جايين جايبين الريوك ....عيوني تسأل على فارس .....طلعت بالطرمه ماكو
رجعت حضرت الريوك وياهم
عمه فارس وين
ياااا عمه غير سافر
سافر
ام قيصر/من الخمسه طلع
حسّيت بهاي اللحظه ردت ابجي .....حتى مكلي راح اسافر ......الهاي الدرجه ممعتبرني
ام قيصر/انتو البارحه تعاركتو هم.....سمعت بليل أصواتكم شجاكم عمه
سكتت بس الدمعه بطرف عيني.....
بكلبي.....ليش هو احنه شوكت متعاركنه
دخلت سلمت على اهل ازل وباركت ال ازل وقيصر
ام ازل/يا عيني مبين عليج ضايجه كالتلي ازل سافر زوجج اليوم
شهد/اي خاله سافر
يلله مبقاله شي الله يرجعه بالسلامة يارب
تسلمين خاله .......وطلعت اي واحد يحجي وياي احس البجيه تريد توكع متحملت اخذت موبايل عمه وصعدت
بجيت متحملت ......كعدت احسب من ال خمسه نكول بالسته طار وهسه ب١١ونص اكيد وصل
اتصلت بي عَل ماسنجر
مجاوب
رجعت اتصلت
جاوب/ست الكل
اني شهد
شهد ..
اي شهد.....فارس انت شلون تخليني بهيج موقف
اي موقف
حتى مكلفت روحك وكتلي راح تسافر ......ليش هيج الهاي الدرجه تكرهني ومتقدرني .....نزلت اسأل عليك اكول ال عمه وين فارس تكلي سافر من الخمسه ليش هيج فهمني
تعبان اني هسه .....توني وصلت بعدين نحجي
صدمني اكثر برده....براحتك فارس سديته وكمت ابجي كالعاده كلبي أحسه كام يوجعني اختنكت .....رحت ال مريم جانت نايمه
مريم....مريم....ندهتهه
فزت .....شهد دتبجين
طلعت ردتهه تجي ورايه خاف تكعد بت خالتهه اجتي ورايه
شبيج يمعوده خوفتيني
مختنكه مريم.....حيل مختنكه
كعدت عَل جربايه كعدت بصفي وكامت تمسح بظهري
شبيج حبيبتي
تعبت من فارس حيل...
ليش شسوالج
جنت مااتأذه هسه اتأذه وكلبي يوجعني ....احس روحي مختنكه حيل
شبكتني وكمت ابجي بحضنهه
مريم/شبيج حبيبتي
ماادري مريم .....مختنكه .......لج حتى من احجي ويا بالموبايل بسرعه يسد الخط ....بج تخيلي ماادري بي سافر
مريم/اوووف يعني حياتي ويه محمد مثلكم ......راح ابجي
باعي ازل البارحه شكد فرحانه
دعوفج من فارس والحب اني عن نفسي كرهت الزلم من وره باسم وعمر بس القهر من وراهم خل نستانس ونفرفش
باوعت عليهه....هاي شبيهه اني وين احجي وهيه شتحجي
مريم كوب طلعي بره مو صوجج صوجي اني الي احجي وافضفضلج
واني كاعد اطلعج من الي انتي بي يا اختي عيشي حياتج طز بفارس وطز بالدنيا كلهه
يعني شسوي هسه من اطيز الكل .....أدك واركص لو شسوي شو حتى مدرسه ماكو بلله كليلي شسوي هيه حياتنا بس تنظيف صايره ....كومي مريم ولي مني
نزلت جوه نظفت ماعولت عمه تسوي الغده ويكملون واصعد وقررت قبل ليجي من السفر اعوف البيت مشكلتهم اهلي.....ماابقه وَيَا ....
رجعت حياتي مثل قبل ليجي اكمل شغلي اقره بمذكرات شيرين .....
تذكرت وين وكفت اخر شي انسحنت روحي .....ورجعلي الخوف من الي راح اقرأ
........................مذكرات شيرين
شدتحجين .....سمر انتي تخبلتي
والله كل الولد ديحجون هيج
وانتي تصدكين
اني اشوفج وَيَا اربعه وعشرين ساعه الله اعلم
ويجوز عمر طشهه
عمر
اي لعد كل الولد هيج رجاءاً شيرين لتحجين يمي مااريد سمعتي تخرب
هيج يعني ......سمر ولج اني شيرين
بيومهه حسّيت نفسي انهاريت رحت ادور على عمر ودموعي تصب
عمر/شيرين شبيج تبجين
انت شنو كايل عليه اروح وياك البيتك
عمر/اني .....انتي تخبلتي
اي انته .....شكد حقير وسافل ....الله لا ينطيك ان شاء الله
عمر/لج بابا شبيج فهميني .....منو حاجي هيج
الكليه كلهه تحجي ممعقرله مسمعت ....لك حتى صديقاتي ميصدكن بيه
عفته ومشيت لحكني
شيرين اوكفي......مو احجي وياج
وخر عني .....الله لا ينطيك ان شاء الله
جرني من ايدي وين موليه .....خل افتهم
وخر عني......اني تدمرت من وراك ...حقير ....سمعتي خربت وانت بكل برود تتصرف
لج والله مكاعد اعرف شتحجين
كلشي مااحجي ....استاهل والله استاهل ....عفته وطلعت من الكليه كل جسمي يرجف .....شسويت بنفسي الله لا ينطيني ان شاء الله
رجعت للبيت واني محتاره شسوي .....ليش هيج سوه بيه واني حتى مشايفه بيته ....ليش طلع عليه هاي الاشاعه الحقير
رحاب/شيرين ....شعجب شو من وكت اليوم
شيرين/ماعدنه محاظرات ورجعنه
شبي وجهج اصفر
مابيه نعسانه راح اصعد انام ....همزين جانت شهد مموجوده لان جان لحت بالاسئله ولطشت واني مالي خلكهه وجنت محتاجه ابجي لو هيه موجوده مستحيل اكدر ابجي يمهه
بقيت ابجي وأفكر وخايفه بلله اهلي سمعو شسوي اني ......ماادري شلون غفيت فزيت على صوت شهد تطكطك بالغرفه عطت بيهه
شبيج متكولين بشر نايم
شمسويه اني هو بس كاعد ابدل ....شنو ابطل ماابدل
تقربت عليه ودنكت ........شبيهه عيونج جنتي تبجين
مابيه شي بس راسي
علينه سيدي .....اكلج شيرين وكعدت على بطني ......صرخت اني
وخرري دبيه
اني دبيه يا مسلوته ....يا معصعصه يا ابو بريص مستهتر
كوه كومتهه من بطني
الوسيم بجاج
انتي شمدريج وسيم شخبصتيني
شمدريني السنه حلوين تحسيهم ينكرطون ودائماً طاكين
باوعت عليهه.....شهد بطلي تفاهه انتي كبرتي
أيا تافهه انتي لعد....هسه مكلتيلي شبيج يلله بسرعه جوعانه احجي اريد اروح اكل
ولي شهد من كبالي والله مالي خلكج
الوسيم كطع روحه بس يتصل
باوعت عَل موبايل جنت مسويته صامت حاولت أبينلهه اني طبيعيه ماكو مشكله
شيرين/شهد بس اوكفي بالباب عليج الله
ليش
شيرين/خاف يجي احد نبهيني اريد احجي ويه عمر ....فدوووه ...فدووه
..............................
شهد/تذكرت بيومهه هذا اليوم الي قررت احب فارس بي .....ضحكت على عقلي
..............................مذكرات شيرين
شهد/ولا كاعدين راحه تلعبين بالنار انتي ....بابا موجود جوه
شيرين/عليج الله بس هالمره
شهد/شيرين بابا ميستاهل
اعرف والله بس همه جبروني ....كم مره راد يتقدملي بطبعي حبابه خل أجاوبه
ماعولت تطلع ....فتحت الخط
شكووو شتريد مني مو كافي الي سويته شتريد مني بعد
شيرين.....لج شلون تتوقعين هيج اسوي بيج ....لج انتي عرضي والله
ههه مااصدكك بعد ....عوفني ارتاح حتى الكليه راح اعوفهه
انتي تخبلتي
مااكدر أداوم بعد وانت شوهت سمعتي
هم كالت شوهت سمعتهه لج سمعتج سمعتي والله ....شيرين لج انتي روحي شلون تتوقعين هيج اسوي
لعد منو يسوي غيرك
مو اني والله وروح ابويه مو اني .....اني راح الكا الي طلع عليج هاي السمعه والله ما ارحمه
عوفني عمر....وسديت الخط بوجهه
بقيت ثاني يوم مداومت ولا ثالث يوم ..... بقيت بالبيت وأهلي يلحون ليش متداومين ومن هالسوالف
اخر شي قررت ارجع هذا مستقبلي بس راح ابعد عن عمر وطز بيهم الي يحجون عليه
رحت كعدت وحدي ....لان كل صديقاتي بعدن عني .....مااحس اله واحد كبالي
بيش تطلعين
رفعت راسي .....بصدمه....ولد اعرفه بالشعبه الثانيه جان سلام بيناتنه
انت شدتحجي
اهوووووو ....هسه تصير شريفه براسي
ووجع ....انت شدتحجي
باعي لج ذني بعد ميمشن علينه الولد كلهه تحجي .....هااااا لو صدك عمر عنده فلوس العفو نسيت
بس تره اني هم انطيج فلوس وونسه بنفس الوقت
جان عمر واكف ورا من يحجي .......مااحس اله هجم علي وتضاربو
مااعرف شنو الحجي الي طالع عليه بس ظاهر أقوى من الي سمعته الدرجة خلا الشباب هيج تتجرأ وتحجي وياي
استدعوهم بالاداره وحاسبوهم على الي صار واكو أستاذه كالتلي ابقه مااطلع
بقيت اني....جنت متأكده راح تحجي وياي وسامعه بلي ديطلع عليه
الاساتذه/كعدي شيرين
دكتوره..اني مرايحه ابد وَيَا والله مو مثل ميحجون مجرد حبيته ويحبني مااعرف هو ليش هيج سوه
كعدي بنتي ....
كعدت وكمت ابجي ....والله اني مو هيج
باعي حبيبتي .....مااتوقع عمر هو الي سوه هيج لان اني اعرفه واعرف أهله مستحيل هيج يسوي
عمر كلج تحجين وياي
لا والله .........اني كاعد احجي وياج اعتبريني كأم أو كصديقة
انصحج نصيحه .....انقلي نفسج الغير كليه لان مو بس الطلاب حتى الاساتذه اخذو عليج نظره مو حلوه
ليش ....اني مسويت شي والله ....شكول الاهلي
مااعرف اني الي عليه نصحتج وبس
حسّيت الاستاذه تعرف منو طلع عليه هالكلام حاولت وياهه تكلي مقبلت
طلعت لكيت عمر ينتظرني بالباب مال اداره
شيرين
عمر اني تدمرت من وراك ....اني شسويت حتى يصير هيج ....جنت مرتاحه بدونك الله لا ينطيك
لج بابا مو اني .....راح تخبليني
وخر من يمي ارتاح راح اعوف الدراسه وكلشي من وراك ....متلك اني مؤمن ذني البنات
عوفي الدراسه واني هم اعوفهه
وخر عمر
انجبي ....هسه غير لو مسوي شي اني اكول حقج ....مو اني والله وبعدين اني بيوم من الايام طلبت منج تجين وياي حتى طلب مطلبت لان انتي غير عن كل البنات الي عرفتهن ....لان انتي اريدج زوجه الي مو وحده العب وياهه
وخر عمر من طريقي
شيرين ننقل روحنه غير كليه اني عندي عرف يسويهه النه بسرعه
وخر من وجهي عمر ....انقل روحك اني عن نفسي مااريد حتى دراسه هذا الله عاقبني لان خنت ثقة اهلي وامسح صوري رجاءاً
شيرين تعبت منج اني .....انتي ماعندج ثقه بيه ولا حتصير ....براحتج
عافني وراح ....مكدرت ارجع من وكت اهلي يشكون هم ممداومه وهم ارجع من وكت بقيت كاعده مدخلت ولا محاظره مالي خلك وعليكم قررت اترك الكليه
اجه كعد بصفي عمر
شيرين ....اني احبج والله العظيم وحبي الج مو مجرد حجي ....والكلام الي سمعتي مأذيني اكثر منج ....لتتوقعين سهله عليه اسمع عن حبيبتي هيج يحجون والي مأذيني اكثر انتي تشكين اني مطلع عليج هيج كلام
عمر عوفني....وكوم عفيه .....اني خسرت سمعتي ودراستي بسببك
....ليش اني كم مره ردت اخطبج من اهلج شيرين ومستعد اليوم هم اروح قنعي اهلج شيرينوخلينه نلصم اليحجون عليج قنعي اهلج واني جاهز شيرين
المشكله اني مكاعد اعرفك
ليش شيرين ....اني انسان واضح .....ولج اني اخاف عليج من الهوا
مقبل عمر اترك الكليه وحجيت ويه امي على عمر يتقدملي ونفس الحجي متغير شي عمر مرفوض من جدي وابويه
الحاح عمر يخطبني يخليني مااشكً بي هو الي سوا هيج ....ودوم اشوفه يخاف عليه ......مااكدر احمله هيج تهمه وخاصه بعد ما أيس من ابويه علن بالكليه اني خطيبته رسمي حتى يسكتهم
بيوم رجعت من الكليه ....سلمت امي مردت عليه السلام .....سألتهه ماما شبيج
شبيه.....ليش هيج شيرين
.....................................
شهد/مااحس اله دخلت مريم
ها لج عبالي نايمه ....امي تصيحج تكول خطار تعالي نزلي يسألون عليج
باوعت الساعه ب٤ونص .....ولا حسيت بالوقت
نزلت .....يم الخطار حجي وضحك وعمه خوله هم جانت جايه وكالت اريد اروح للسوك
عمه خل اجي وياج محتاجه اشياء
تعالي ...لكيف اني
كلت ال عمه ام قيصر خوما محتاجتني كالت روحي مريم موجوده
لبست جبه لان للسوك مو مال ابدل وطلعت اشتريت الأغراض الي محتاجتهن جنت وكفه يم حاجه الف وعمه خوله هم تفقد يمهه مااحس اله واحد ورايه
حاولي تضيعين عمتج .... عندي مسدس أفرغه براسج وبرأس عمتج اذا منفذتي ألي اكلج علي ودير بالج تحجين هسه
اني ارتبكت ....شنو شديصير ....خفت اعيط وخاف صدك يفرغ المسدس براسي
عمتج ملتهيه امشي كدامي يحجي بصوت ناصي اني كمت اباوع على عمه
امشي كاعد اكلج راح اطلع المسدس وافرغه براسج ..... درت وجهي علي .....رغم مااني خايفه احس كلبي راح يوكف .......اول مره اشوفه
امشي كدامي اكلج....لتخافين مااسويلج شي بس احجي وياج .......يتبع
شتتوقعون منو هذا .............؟
وفارس....حقه لو زودهه ويه شهد .....؟
Bạn đang đọc truyện trên: Truyen247.Pro